07/09/2026
🇪🇺 Дисеминација на искуствата од Erasmus+ мобилноста во Барселона
Во рамки на акредитираниот Erasmus+ проект за краткорочна мобилност на ученици и кадар, нашето училиште изминатата пролет реализираше мобилност во Барселона, Шпанија.
Во првите училишни денови, учесниците од мобилноста одржаа дисеминација со учениците од помладите паралелки, со цел да им го доближат своето искуство и да ги мотивираат да се пријавуваат на следните повици за мобилности што ќе ги објавува нашето училиште.
👨🏻💻Учениците раскажаа за својата практична работа во Барселона, активностите и дружењето во слободното време, но и за предизвикот и искуството да се живее и функционира во една голема европска метропола.
👩🏻🏫 И наставниците кои учествуваа во набљудување на работно место ги споделија своите искуства со колегите. Тие зборуваа за начинот на организација на наставата во училиштето што го посетиле во Барселона, за работата со учениците и практиките што ги забележале, правејќи паралела со начинот на функционирање и организација на наставата во нашето училиште.
👉🏻Ваквите дисеминации се можност стекнатото знаење и искуство да продолжат да се пренесуваат и по завршувањето на мобилноста – од учесник на учесник, од колега на колега и од генерација на генерација.
