Gjimnazi "Kiril Pejçinoviq" -Tetovë

Prezantimi i SHMK Gjimnazi Kiril Pejçinoviq për semimaturantët në Ditën e Hapur të komunës

Në Fakultetin Pedagogjik të Universitetit të Tetovës u mbajt trajnim për sigurinë digjitale

Në kuadër të projektit “Siguria dhe Etika Digjitale” të Fakultetit Pedagogjik të Universitetit të Tetovës, i mbështetur nga Qendra Maqedonase për Edukim Qytetar (QMEQ) – Shkup, u realizua një trajnim me nxënësit e SHMK Gjimnazi “Kiril Pejçinoviq” – Tetovë, me temë “Siguria digjitale”.
Aktiviteti u hap me fjalë përshëndetëse nga dekani i Fakultetit Pedagogjik, Prof. Dr. Lulzim Mehmedi, drejtori i SHMK Gjimnazi “Kiril Pejçinoviq” – Tetovë, Prof. Jeton Kamberi, si dhe drejtori i Qendrës Maqedonase për Edukim Qytetar (QMEQ) – Shkup, z. Besnik Ramadani. Në fjalët e tyre u theksua rëndësia e trajtimit të temave që lidhen me përdorimin e sigurt, të përgjegjshëm dhe të vetëdijshëm të teknologjisë dhe internetit nga të rinjtë.
Pas pjesës hyrëse, trajnimin e zhvilloi Prof. Dr. Florim Idrizi, profesor dhe dekan në Fakultetin e Shkencave Matematike-Natyrore, i cili me nxënësit e gjimnazit trajtoi çështje të rëndësishme që lidhen me sigurinë digjitale, mbrojtjen në hapësirën online, vetëdijesimin për rreziqet e internetit dhe format e sjelljes së sigurt në mjedisin digjital.
Trajnimi u mbajt në ambientet e Fakultetit Pedagogjik të Universitetit të Tetovës, në formë ndërvepruese, duke përfshirë diskutime, punëtori dhe punë në grupe, me pjesëmarrje aktive të nxënësve gjatë gjithë aktivitetit. Përmes këtij angazhimi, nxënësit patën mundësi të zgjerojnë njohuritë e tyre mbi rëndësinë e sigurisë digjitale në jetën e përditshme.
Ky aktivitet përbën një nga hapat e parë në realizimin e projektit “Siguria dhe Etika Digjitale”, i cili synon promovimin e kulturës së përdorimit të sigurt, etik dhe të përgjegjshëm të teknologjisë te nxënësit dhe studentët.

Djemtë tanë triumfuan!
Ekipi i gjimnazit tonë fitoi vendin e parë në gara rajonale volejbolli për meshkuj, duke mundur ekipin nga Manastiri!
Urime për përkushtimin dhe punën e palodhshme – ky është vetëm fillimi!
Ju urojmë shumë sukses në garën shtetërore! 💪🏆

Krosi vjeshtor 24.10.2025, me nxënësit e Gjimnazit "Kiril Pejçinoviq" Tetovë

DEMANT PUBLIK

Në lidhje me informacionet e pavërteta që po qarkullojnë në rrjete sociale rreth projektit të kartave të identifikimit të nxënësve, Gjimnazi “Kiril Pejçinoviq” – Tetovë njofton opinionin publik se këto pretendime janë tërësisht të pasakta dhe nuk përputhen me realitetin.

Projekti për kartat e identifikimit është iniciativë zyrtare e Unionit të Nxënësve, e miratuar nga drejtoria e shkollës dhe e mbështetur nga Këshilli i Prindërve.
Kjo nismë ka marrë mbështetjen e mbi 90% të nxënësve të gjimnazit, të cilët janë vetë nënshkrues të saj, duke dëshmuar pjesëmarrje të gjerë dhe transparencë të plotë në çdo hap.

Qëllimi i projektit është rritja e sigurisë dhe identifikimi i nxënësve në ambientet e shkollës, për të mbrojtur komunitetin shkollor nga faktorë të jashtëm dhe për të lehtësuar menaxhimin institucional.
Kartat janë mjet zyrtar i shkollës, pa karakter fitimprurës dhe pa përfshirje politike. Të gjitha procedurat janë zhvilluar zyrtarisht përmes strukturave të shkollës, në përputhje me rregullat dhe mbikëqyrjen e drejtuesve kompetentë.

Drejtoria vlerëson përkushtimin e Unionit të Nxënësve dhe bashkëpunimin konstruktiv me nxënësit, prindërit dhe mësimdhënësit.
Në veçanti, kryetari i Unionit, Ardian Ramadani, ka treguar përgjegjësi dhe seriozitet institucional në përfaqësimin e interesave të nxënësve dhe në zbatimin korrekt të procedurave të këtij projekti.

Gjimnazi “Kiril Pejçinoviq” dënon çdo formë dezinformimi apo përhapje të pavërtetave që dëmtojnë reputacionin e shkollës dhe komunitetit të saj.
Kërkojmë nga faqet përkatëse të heqin menjëherë postimet e pavërteta dhe të ndalojnë përhapjen e përmbajtjeve që cenojnë dinjitetin e nxënësve dhe përfaqësuesve të tyre.

Shkolla mbetet e përkushtuar ndaj transparencës, sigurisë dhe mirëqenies së nxënësve, duke mbështetur çdo iniciativë që forcon përgjegjësinë dhe bashkëpunimin brenda komunitetit arsimor.

Gjimnazi “Kiril Pejçinoviq” – Tetovë

ShMK Gjimnazi "Kiril Pejçinoviq" Tetovë

Njoftim zyrtar për fillimin e vitit të ri shkollor 2025-2026

Të nderuar prindër, nxënës dhe profesor

Ju njoftojmë se të hënën, më 01.09.2025 fillon viti i ri shkollor.

Janë bërê të gjitha përgaditjet e duhura për fillim të mbar të proçesit edukativo-arsimor për këtë vit shkollor.

Mësimi do të zhvillohet në dy ndërrime sipas orarit në vijim:

* Vitet e I-ra dhe vitet e III-ta do të zhvillojnë mësimin në ndërrimin e pasdites.
(Ora 13:30-19:05).

* Vitet e II-ta dhe vitet e IV-ta do të zhvillojnë mësimin në ndërrimin e paradites. (Ora 7:30 -13:05).

*** Lista e ndarjes së nxënësve të vitit të I-rë nëpër klasa është e vendosur në ambientet e shkollës.

Ju urojmë mirëseardhje, vit të mbarë dhe të suksesshëm!