Shkolla fillore komunale "Përparimi" - Tetovë

Të nderuar banorë të Reçicës,
Jemi të lumtur të ju informojmë se me mbështetjen e Komunës së Tetovës, në krye me kryetarin z.Bilall Kasami, në shkollën fillore komunale "Përparimi"-Reçicë e Madhe, Tetovë, po punohet në ndërtimin e një parkingu mjaft të nevojshëm, i cili ishte kërkesë e kahmotshme e jona.
Jemi shumë falemenderues që pas shumë vitesh, po realizohet ky projekt.
Mësimdhënësit dhe stafi i shkollës tanimë do të kenë një hapsirë të re dhe të sigurtë për parkimin e automjeteve të tyre.
Uroj që të gjithë bashkë ta gëzojmë dhe të kujdesemi për këtë hapsirë.
Me respekt,
U.D. Drejtor
Hatip Shabani

Sot më 31.10.2024, në ora 11.00 në hapësirat e SHFK "Përparimi" Reçicë e Madhe-Tetovë, me ftesë të drejtorit të shkollës, z. Hatip Shabani, u bë konvokimi i parë i Parlamentit të nxënësve me kryetarët e bashkësive të paraleleve.
Ky parlament do të merr pjesë në mënyrë aktive në promovimin e të drejtave dhe interesave të nxënësve, do të merr pjesë në aktivitetet për sigurimin dhe mbështetjen e moshatarëve me nevoja ndryshe në realizimin e mësimit dhe aktiviteteve jashtëmësimore, në propozimin e aktiviteteve për programet për ekskursionet me karakter edukativo-arsimore, për përmirësimin e standardit të nxënësve, organizon dhe merr pjesë në aktivitete humanitare, aktivitete ekologjike dhe punën e dobishme shoqërore etj.
Me shumicë votash nga numri i përgjithshëm i përfaqësuesve të kryetarëve të bashkësive të paraleleve nëpërmjet votimit të fshehtë u përzgjodh nxënësja e klasës IX-2 Eda Ibishi.
Kryetares i urojmë suksese dhe bashkëpunim në këtë detyrë.

Të nderuar prindër dhe nxënës të shkollës fillore komunale "Përparimi", Reçicë e Madhe, Tetovë.
Ju informojmë se për të shënuar fillimin e vitit të ri shkollor 2024/2025 dhe për të shënuar hyrjen e nxënësve në klasën e parë, do të organizohet një pritje nga ana e shkollës.
Data: 2 Shtator, e Hënë; Ora: 12:30
Nxënësit e regjistruar në klasë të parë duhet të vijnë të shoqëruar nga prindërit!

P.S. Ju lutem kjo informatë te shpërndahet edhe te bashkëfshatarët tonë!

Me respekt,
UD. Hatip Shabani

Sot në terrenet sportive të FFM-së u organizuan garat finale në futboll, për shkolla fillore në kuadër të projektit të FFM-së dhe të FSSHM-së, "futbolli nëpër shkolla"
Shkolla fillore komunale "Përparimi" - Tetovë morri vendin e I-rë dhe të IV-tërt në RMV!
🥇🏆🏆🎖️

Sot në kuadër të projektit të FFM-së dhe FSSHM-së "Futbolli nëpër shkolla" u organizuan garat në nivel komunal për gjeneratat 7-8 vjeç dhe 9-10 vjeç. Shkolla fillore "Përparimi" zuri vendin e parë me të dy gjeneratat! 🥇🏆🥇

Në manifestimin poetik " Takimi poetik i shkrimtarëve për femijë dhe të rinj" organizuar nga revista " Ylberi Plus", nxënësja Aroma Imeri kl.VIII-1 e mori çmjmin e tretë me poezinë "Beso", ndërsa Eliza Jonuzi VIII-1 u shpërblye me mirënjohje nga ana e komisionit vlerësues.

SUKSESE POETEVE TË REJA!

Sot në kuadër të projektit të FFM-së dhe FSSHMN-së "Futbolli nëpër shkolla për vajza" u organizuan garat për klasat e IV-ta dhe V-ta në nivel komunal. Shkolla jonë shfk "Përparimi" mori vendin e parë 🥇.

Në garat shtetërore “National Spelling Bee” nga SHFK “Përparimi” nxënësit Kron Memeti klasa e IX, Uran Memeti klasa e IX dhe Bardh Sulimani klasa e VI, na nderuan me vendin e dytë dhe të gjashtë! Suksese nxënësve Kron Memeti, Uran Memeti dhe Bardh Sulimani si dhe arsimtareve Merita Idrizi dhe Kadire M. Sherifi për kontributin e dhënë!

Në manifestimin poetik të organizuar nga Shoqata e Shkrimtarëve " Pro litera", nxënësja Eliza Jonuzi VIII-1 fitoi vendin e parë me poezinë "Jetë e gjatë". Ndërsa nxënësja Aroma Imeri VIII-1 u shpërblye me mirënjohje.
Suksese të mëtutjeshme për nxënëset- poete dhe mentoren e tyre ars. Emine Muaremi!

Urime te gjithe fituesve te garave regjionale Spelling bee 🐝
Klasa VI:
Sulimani
Klasa IX:
Memeti
Memeti

It's me!Accept me as I am! Jam unë!Më prano ashtu siç jam!

Kjo ishte motoja e sotshme për ditën 🌎 të Autizmit, 2 Prillin.
Komuna e Tetovës së bashku me të gjithë shkollat fillore komunale e shënuan sot këtë ditë duke dashur tê japin një mesazh vetëdijësimi për të pranuar të gjithë ashtu siç janë.

Komuna e Tetovës bashkërisht me Qendrën për Edukim dhe Mësim Inovativ- STEMLab, sot realizuan ceremoni për shpërndarjen e çertifikatave për garat e STEM Olympiadës në fushën e kodimit. Në këtë ceremoni, u shpërndanë çmime për 74 pjesëmarrës fitues në mesin e 22.000 garuesve nga mbarë bota. Ky sukses i arritur ishte rezultat i bashkëpunimit të Komunës dhe STEMLab-it, qendra e cila u angazhua për trajnimin e nxënësve. Ata arritën të fitojnë 5 medalje të arit, 5 certifikata digjitale të arit, 10 certifikata digjitale argjendi dhe 29 certifikata digjitale bronzi.Në mesin e nxënësve të shpërblyer me çertifikata ishin edhe 7 nxënësit e shkollës sonë: Muhamet Bilalli, Erda Fejzullau, Amet Shaqiri, Bardh Sulejmani, Drilon Fetai, Fisnik Bilalli dhe Ela Qamili.

Urojmë të gjithë nxënësit për përkushtimin dhe interesin që treguan për këtë sfidë të rëndësishme intelektuale me dëshirën që të arrijmë suksese dhe rezultate po aq të mira edhe në të ardhmen!

🎓✏️ Për nder të festës së 7 Marsit, ditës së mêsuesit dhe patronatit të shkollës sonë u organizua kuiz nga lënda e PROGRAMIMIT nën udhëheqjen e ars: Leonora Shaqiri
Në kuiz morën pjesë nxënësit e klasëve të teta (VIII1,2,3).Pas përfundimit të kuizit u bë edhe prezantimi i lojrave të krijuara nga nxenësit në kuadër të lëndës së programimit. Drejtoria e shkollës ju ndau lëvdata nxënësve që morrën pjesë në kuiz si dhe atyre që fituan vendin e parë, të dytë dhe të tretë. Nxënësve ju dëshirojmë shëndet dhe suksese në të ardhmen!
Kuiz diturie u organizua edhe në klasën IV-2 nën udhëheqjen e mësueses klasore: Xhemazije Saiti . Nxënêsit ishin bukur të pregaditur në të gjithë lëndët mësimore.Drejtoria e shkollës u ndau Lëvdata të gjithë nxënësve të kësaj klase dhe u uroi suksese në të ardhmen!