Kleine Jolyt Speelskool

🎉 REGISTRASIES VIR 2027 OPEN OP 1 SEPTEMBER! 🎉

Dit is amper tyd! 💛💙💗

By Kleine Jolyt Speelskool glo ons dat die eerste jare van ’n kind se lewe gevul moet wees met liefde, speel, ontdekking en leer. 🌈🧸

Ons registrasies vir 2027 open op 1 September 2026! 🥳

As jy opsoek is na ’n veilige, liefdevolle en stimulerende skooltjie waar jou kleinding kan groei, leer en sommer net kind kan wees, is Kleine Jolyt die skooltjie vir jou. ❤️

📅 Registrasies open: 1 September 2026
🎒 Vir die 2027-skooljaar

Ons klasse is beperk en plekke is gewild, so maak seker jy kry jou registrasie betyds in! 🌟

📲 Kontak ons gerus vir meer inligting of om ’n inskrywingsvorm aan te vra.

📞 082 852 8214
📧 [email protected]

Kleine Jolyt Speelskool
Toegewyd aan kinderhartjies 💕

🌈 ONS SOEK ’N JUNIOR ADMINISTRATIEWE/PERSOONLIKE ASSISTENT! 🌈

📍PRETORIA KILNERPARK

Is jy ’n energieke, georganiseerde en betroubare persoon wat daarvan hou om dinge gedoen te kry? 🤩

Kleine Jolyt Speelskool is opsoek na iemand wat ’n belangrike ondersteunende rol in ons skool kan speel – van daaglikse administrasie en organisering tot praktiese take en ondersteuning van die skoolhoof. ❤️

✨ Ons soek iemand wat:
• Netjies & goed versorg is
• Professioneel, vriendelik & warm is
• Baie goeie kommunikasievaardighede het
• Rekenaar- en tegnologies vaardig is
• Kreatief en baie georganiseerd is
• Vinnig van begrip is en graag inisiatief neem
• Betroubaar & stiptelik is
• Diskreet en vertrouenswaardig is
• Lief is vir kinders
• Bereid is om te leer en te groei
• Nie bang is om hande vuil te maak en praktiese take te doen nie
• ’n Geldige rybewys en eie motor het

📌 Die pos is DADELIK BESKIKBAAR

Indien jy d**k jy sal goed by ons span pas, stuur asseblief jou CV na:

📧 [email protected]

📱 Natasha Nolte: 082 852 8214

🌸 Word deel van ons span en help ons om elke dag ’n verskil in ons kinders se lewens te maak! ❤️

💟Kleine Jolyt Speelskool
Toegewyd aan kinderhartjies

✋👅TEMA: SINTUIE! 👀👂👃

Ons ontdek die wêreld deur ons vyf wonderlike sintuie! 🌟

👀 Ons SIEN – Wat kan ons met ons ogies ontdek?
👂 Ons HOOR – Watter interessante geluide kan ons hoor?
👃 Ons RUIK – Hoe verskil verskillende reuke?
👅 Ons PROE – Soet, suur, sout… wat is ons gunsteling? 😋
🖐️ Ons VOEL – Sag, hard, glad, grof, koud en warm!

Leer is soveel lekkerder wanneer jy dit kan SIEN, HOOR, RUIK, PROE en VOEL!

🎉Gelukkige Verjaarsdag, Tannie Loraine!🎂

Vandag vier ons ’n baie spesiale mens by Kleine Jolyt Speelskool.

Vir ons kinders is sy eenvoudig “Ouma” – die een wat elke dag met liefde sorg dat klein magies vol bly en wat altyd gereed is met ’n warm glimlag, goeie raad en ’n hart vol omgee.

Tannie Loraine, dankie vir die liefde, geduld en warmte wat jy elke dag na ons skool bring. Jy maak ’n verskil in elke maatjie en personeellid se lewe, en ons is ongelooflik dankbaar om jou deel van ons Kleine Jolyt-familie te hê.

Mag die Here jou vandag en in die nuwe lewensjaar ryklik seën met goeie gesondheid, vreugde, liefde en baie mooi oomblikke.

Gelukkige Verjaarsdag, Ouma! Ons hoop jy word vandag sommer behoorlik bederf. 💐❤️

❄️H A L L O K W A R T A A L 3❄️

Ons is so opgewonde om al ons maatjies weer by Kleine Jolyt Speelskool terug te verwelkom🤗

’n Splinternuwe kwartaal lê voor met hope pret, leer en onvergeetlike herinneringe. Ons het ’n lekker propvol kalender met opwindende aktiwiteite wat ons nie kan wag om saam met ons maatjies te beleef nie.

✨ Hierdie kwartaal sien ons onder andere uit na:
🎒 ’n Opwindende instappie
👵👴 Ons baie spesiale Ouma en Oupa-week
🎨 Kreatiewe kunsaktiwiteite
📚 Speelgebaseerde leer

Welkom terug aan al ons gesinne – ons is gereed vir nog ’n wonderlike kwartaal! 🌈

Ons sien uit na ’n kwartaal vol groei, nuwe vriendskappe en kosbare oomblikke saam.

Kleine Jolyt Speelskool – Toegewyd aan kinderhartjies💞

🌟Juffrou Gesoek🌟

Kleine Jolyt Speelskool is op soek na ’n liefdevolle, energieke en toegewyde 2 Jaar-klas Juffrou om dadelik by ons span aan te sluit.

Werk jy met jou hart, het jy ’n passie vir vroeëkinderontwikkeling en geniet jy dit om elke dag ’n verskil in klein kindertjies se lewens te maak? Dan wil ons graag van jou hoor!

📧 Stuur jou CV na: [email protected]
📞 Navrae: Natasha Nolte – 082 852 8214

✨ Deel gerus hierdie plasing – dalk help jy iemand om hul droomwerk te vind!

🎉Gelukkige Verjaarsdag, Tannie Jacky🎉

Vandag vier ons ‘n besonderse mens met ’n hart van goud. 💛

Tannie Jacky, dankie vir jou saggeaarde geaardheid, jou vriendelikheid en jou lojaliteit. Jy raak elke dag die lewens van ons klein maatjies met liefde, geduld en omgee aan. Jou sagte manier en rustige teenwoordigheid maak ons Babaklas ’n veilige en liefdevolle plekkie.

Jou geloof straal deur alles wat jy doen, en dit is ’n inspirasie vir almal om jou.

Mag die Here jou vandag en in die nuwe lewensjaar ryklik seën met goeie gesondheid, vreugde, liefde en baie kosbare oomblikke. Ons waardeer jou ongelooflik baie en is dankbaar dat jy deel is van die Kleine Jolyt-familie.

Geniet elke oomblik van jou spesiale dag! 🥳🎈

💙 Gelukkige Vadersdag aan al ons wonderlike pappas! 💙

Vandag vier ons die manne wat sterk hande, sagte harte en groot liefde vir hul kinders het.

Dankie vir elke drukkie, elke grappie, elke storie voor slaaptyd en elke oomblik wat julle tyd maak om herinneringe saam met julle kinders te bou. Julle liefde, leiding en ondersteuning speel ’n belangrike rol in hul groei en ontwikkeling.

Mag julle vandag bederf word en geniet word soos julle verdien.

Van almal by Kleine Jolyt Speelskool wens ons elke pappa, oupa en vaderfiguur ’n baie spesiale en geseënde Vadersdag toe.

💛❤️💚💙Vadersdag-bederfies💙💚❤️💛

Elke blokkie herinner aan eenvoudige, maar onvergeetlike tye saam: ’n fietsrit, storietyd, roomys eet, bal speel en soveel meer. Want dit is nie die groot dinge wat kinders die meeste onthou nie, maar die tyd, liefde en aandag wat hulle van pappa ontvang.

Dankie aan al ons wonderlike pappas wat elke dag bou aan hul kinders se selfvertroue, geluk en mooiste herinneringe.