What are the opening hours?

Monday 18:00 - 22:00 Tuesday 18:00 - 22:00 Wednesday 18:00 - 22:00 Thursday 18:00 - 22:00 Friday 18:00 - 22:00 Saturday 18:00 - 22:00

https://www.youtube.com/channel/UCmlv-db2bdkpVROUkdQJ8Tw

Mqeqeshi Wezinsizwa, 183 Langalibalele Street, Pietermaritzburg (2026)

26/09/2026

UKUKHULA KWENSIZWA:

Kunesigaba sempilo lapho umfana abona khona ukuthi "ey, umuntu useyakhula ngempela, akaseyona ingane." Lento yenzeka uma eseneminyaka ethi ayibe la ku 14-15 years, imzimba yabantu ayifani, abanye kuyashesha kunabanye.
Yila uqala khona ukubona ukuthi umzimba wakho uyashintsha. Izwi liyaqala ukuba nebhesi, kuqala kuvele intshetshana eyodwa eeende, uboya emakhwapheni, nakwisitho sangasese, umzimba nje uqala ukwakheka ngenye indlela entsha. Lesi sigaba sempilo akumele ube namahloni ngaso, sonke sadlula lapho, ngoba kuyingxeye yemvelo yokukhula komuntu.
Uma konke lokho kwenzeka, kunokunye futhi okumqoka okuqalayo...

Njengoba umzimba ushintsha ngalendlela, umzimba uqala ukukhiqiza lokho osiyazi abakubiza nge testosterone, ibaningi manje kunasekuqaleni. Okusho ukuthi amasende ayaqala manje akhiqiza isidoda. Yilapho-ke ekuqala khona indaba enkulu. Ekuseni uvuka limile ngaphandle kokuthi kukhona into obuyicabanga kade ulele. Naseskoleni kuyaqala kuba inkinga manje, ngoba uthole ukuthi uzihlalele phansi awucabangi ntombazane, ivele ivuke imakwabo ime ngezinyawo. Angiphathi uma kuzongena i period kanti vele nawe uhlala ngaphambili, bese uthisha eyakukhomba ethi "sula ibhodi", nguwe-ke lo uyolisula ufake isandla ephaketheni, thina-ke abanye sisuke sazi ukuthi yini ekuhlasele futhi sikuqonda kahle, yingakho sithula sikubula nje, lenye i gender ayazi nokuthi lidumephi njengoba usula ufake isandla 😂 Lokho kumele kungakuthusi, futhi akusho ukuthi unomqondo ongcolile, kukhombisa impilo.
Yingakho usuzoqala manje uthi uyavuka ekuseni, hhayibo! I-under yakho imanzi nte! Okusho ukuthi ushawe izibulo, congratulations. Usuyakwazi ukukhanda ingane, kodwa hhayi manje phela, kusamele uqede isikole kuqala.

Usuzoqala manje uzithole usuvukelwa ngendlela ongayijwayele, bese uyaqala ushaye indlwabu. Yebo, lento ayifikanga nawe, ngamanye amazwi you didn't invent it. Yinto endala eyayenziwa ngisho emandulo. Uma uyinsizwa yasemakhaya, uboke ubuze ikhehla olaziyo elingenankinga nokuxoxa, ulibuze ngenhlonipho liyokuchazela ukuthi kwabona yinto ababeyenza besalusa izinkomo. Ubobuza, bayokuchazela, ngisho ngoba nami ngake ngazibuza ukuthi bona babenzenjani, langichazela ikhehla lakithi, angihlekanga kanje. Lapho ngabona khona ukuthi ezinye izinto aziqali ngathi, kaaade zaqala, singakazalwa nokuzalwa. Kodwa-ke watch out, ungazitholi nawe ungasalawuleki, ngoba ungaze utholakale ekuseni uthule, ibhulukwe lisemaqakaleni. Akekho umuntu wesilisa ofisa ukuhamba kanjalo emhlabeni

Ngelinye ilanga eHigh School, kukhona uthisha wesilisa owake wasichazela izinto ezenzakalayo esigabeni esikusona sempilo, sathula negenge yami sixakekile sizibuza ukuthi "wazi ngani njengoba emdala kangaka?" Kanti cha, uyasikhombisa ukuthi nawe wadlula kusona lesi sigaba, akazange avele abe mdala. Safunda futhi lapho, yingakho ngimkhonzile umuntu omdala okwaziyo ukuzehlisa abe kulesi sigaba sempilo engikuso noma wena okuso, ngoba uyakwazi ukukululeka kahle.
Uyaqala manje namantombazane uwabona ngenye indlela njengoba ukhula nje. Uqala ukubona oyithandayo, ucabange ngayo kakhulu uze umoyizele ubala ngenxa ye movie esekhanda lakho. Ugcina futhi uyibingelela njalo noma uyodlula njalo ngakubo ukuze izoyibona, kodwa ingebhe isuke isami ngenhla. Usuke usayigwala leli lokuqina, uma nje kungathiwa iyakubiza ithi "yah ngihlezi ngikubona ukuthi kukhona ofuna ukukusho, kusho manje." Weee ungavele umchamo wehle ngemlenze fast, mhlawumbe uquleke khona lapho noma ubanjwe amalimu angakaze akubambe before.
Kodwa kukho konke, nakhu insizwa esakuleli zinga ekumele ikwazi kahle kamhlophe:
Ukufisa ukuzibandakanya ocansini, akusho ukuthi kufanele uye ocansini. Umqondo kanye nomzimba wakho awukakakulungeli lokhu, yize uzizwa sengathi usukulungele. Cha! Yingakho insizwa kumele ifunde ukuzilawula. Uboqaphela, imvamisa labo abajaha ukuzibandakanya, akuphethi kahle. Basheshe bakhulelwe, bathole izifo zocansi njalo njalo. Yingakho kumele ungazikhohlwa izimfundiso zabazali bakho. Linda, especially uma usase High School, usuke usamncane. Linda, umzimba wakho ukhule ngokwanele. Qinisa esikoleni kuqala, uphase umatric wakho kahle. Emva kwalokho, usazobona ukuthi mahle kanjani amantombazane la ngaphandle.

Zithande nakekela umzimba wakho, geza, ugcobe unuke kahle, washa izingubo ube clean, zijwayeze nokujima. Uzobona, emqondweni wakho uzobona sengathi wonke amantombazane ayakufuna, kanti cha! Kuhle kakhulu ukuzithanda zinsizwa. Uthwala kanzima uma ugeje lesi stage sempilo. Indaba yokuba unukane umdala, ayikho intombazane efuna unukane. Hlonipha nje nabantu ikakhulukazi ongabazi. Ungathuki inhlamba, qaphela nezinto ozikhulumayo nozibhalayo, ungadeleli abantu ngoba nakhu ucabanga ukuthi vele ngikude ngeke bengithole, zihlonophe ukuze nomhlaba uzokuhlonipha. Uma ubona enye insizwa ihamba nentombazane wena ihleli negenge yakho, ungabi isishimane esizama ukudicilela phansi isithunzi salenyo nsizwa ngokuthi ubingelel intombazane bese uthi "waze wahamba wedwa." Ubushimane lobo, obubi kakhulu ngoba uma usho njalo, usuzidalele isitha ngenxa nje yokuthi ufuna igenge yakho ihleke. Leyonsizwa ngeke ikhohlwe, IsiZulu sithi "umenzi uyakhohlwa, kodwa umenziwa akakhohlwa.

Hlonipha, zithande! Yizinto lezi ezinye kini abangeke bekufundise zona, bathemba ukuthi uyothola uMqeqeshi Wezinsizwa akuvule amehlo!

25/09/2026

MKHIPHE UKUZE UBONE UMEPHI NAYE:

Uma uzimisele ngempela ngaye, kumele umkhiphe. Leli yithuba elihle elizokucacisela ukuthi naye uyakufuna noma cha akakuboni njenge potential boyfriend. Now, uma umazi uMqeqeshi Wezinsizwa, uyazi ukuthi into ahlezi eyigcizelela ukuthi ungalibele ukhuluma efonini into engayi ndawo, futhi ungalinge umshele efonini, ubushimane lobo. Hlela naye usuku, nibonane face to face. Lokho kukhombisa ukuthi awulona igwala, intombazane uyiqonda ngqo. Kodwa-ke nakhu engifuna ukukuveza ukuze nawe uyosheshe ubone ukuthi lomuntu ugcwele ngawe noma uzimoshela isikhathi.

Into ebalulekile ukuthi at least i interest yentombanzane ayibe ku 50%, uma ingaphansi kwalokho, uzothwala kanzima ukuzama ukumvezela ukuthi ungumuntu onjani noma omfanele, okungagcina sekukwenza uphume emgqeni, ulahlekelwe ubuwena ngenxa nje yokuzama ukumchaza. Mangithi 50% interest, ngisho ukuthi akathi mayekubuka abone a potential boyfriend, sekungaba-ke ukuthi uyazimoshela wena.

Ake sithi usuhlelile usuku, wamkhipha-ke lapho e restaurant oyikhethe wena futhi. Khumbula, kumele ube ne budget, like imali ozimisele ukuyisebenzisa kulomhlangano wenu wokuqala ukuze ungeke uzithole usumosha imali eningi unganakile, futhi uma senihlangana, khombisa ukuba i leader ngokuthi umhole niye kuleyo restaurant oyifuna wena, ungabuzi yena ukuthi "manje ufuna siyephi?". Lokho kukuveza njengomuntu ongakwazi ukuba i leader. Uzophendula naye athi "yazi angazi, wena ufuna siyephi?". Ngamanye amazwi, iyakutshela intombazane ukuthi "come on dude, uwena ongisuse ekhaya, manje awazi nokuthi into yakho imi kanjani? Buphi ubudoda bakho?". Yingakho kumele ube yinkombandlela, sengingasho-ke ukuthi yiba i control freak! Cha bo.

Kumele uzihlele izinto zakho, uma senidlile naxoxa nazana kangcono, sekumele uzibeke emathubeni okuthi nazane ngokujulile. Yingakho kuzomele uma seniqedile ukudla, senizixoxela, umtshele ukuthi "ngicabanga ukuthi sithole indawo la sizokwazi uku relax kahle, engekho emehlweni abantu. Sengikhathele ukuhlala la, ubona kanjani? Singahamba?". Ngamanye amazwi uyamtshela ukuthi asambe ziyokhala mazikhala 😊 Khumbula wethu, uma intombazane igcwele ngesosha, iyakwenzela izinto zibe lula. Kulenkulumo yakho, uzwa kahle ukuthi uqonde ukuthini, phela akasiyona ingane 👌 Yingakho kumele uzihlele izinto zakho, wazi futhi ukuthi uma nisuka lapho, nizoya kuphi la nizoba ndawonye khona ngaphandle kokubonwa uquqaba, phela njengoba nihlangene nizokwazana kangcono. Kuyenzeka zikhale kwi first date, kodwa akumele uphushe uze uvele njengomuntu vele ofuna lento kumnyama kubomvu, akube kuyena ukuthi naye uyayizwa noma cha. Abanye, hhayi ngoba bengafuni, kodwa basuke benqena ihlazo lokuthi 'hawu, kwi first date pho!'

Uma engagcwele ngesosha, zizovela futhi izimpawu, njengokuthi anqabe uma uzama ukuthi nisuke phambi kwabantu, athi "ku right khona la e restaurant, asihlale la!". Kokunye, kungenzeka mhlawumbe akakakuthembi, unokusaba ukuthi uma niya kwindawo e private, ungase umlimaze, njengoba izinto zimapeketwane ezweni. Noma nje akachazekanga sdalwa njengoba nihlangene, akusilo futhi icala lelo. Vele phela akusiwo wonke umuntu ozochazela kuwena, kuzolunga kwabanye, kanti kubhede kwabanye. Impilo injalo phela.

Ake sithi sekushaya isikhathi sokuthi nihlukane manje, umuntu abuyele la avela khona. Nakhu-ke okubalulekile engifuna ukwenze: mtshele ukuthi "uhambe kahle nkosazane, ngikuthokozele kakhulu ukuba nawe, ngicela ungazise uma usufikile ekhaya." Lamazwi abalulekile, ngoba uyaveza ukuthi ukuthokozelile ukuba naye, futhi ukukhathalele ukuphepha kwakhe, yingakho uthi akwazise uma esefikile ekhaya. Nakhu-ke okubalulekile, ake sithi nalu usuku luyaphela kodwa akakwazisi ukuthi uhambe kahle, futhi uyabona ukuthi u active ku WhatsApp, insizwa esayizinyane uzoyizwa sekuyiyo futhi embhalelayo noma emfonelayo imbuza ukuthi uhambe kahle yini. Njengoba engakwazisi ukuthi uhambe kahle, hhayi ngoba ekhohliwe, cha ukhumbula kahle, kodwa ukhethe khona ukungakwazisi ngoba uyazi ukuthi uzofona vele noma umbhalele ku WhatsApp njengoba zenza izinsizwa eziningi. Kanti cha, uqambe eshilo, wena awufani noquqaba: uhlukile.

Phela kubalulekile ukuthola ukuthi umhlangano wenu uhambe kahle yini, ingabe naye ukuthokozele ukuba nawe? Ukujabula kwakho ukuba naye, akusho ukuthi naye uzizwe kanjalo. Insizwa engakabi mkantshubomvu engakavuthwa, uzoyibona seyimfonela noma imbhalele ku WhatsApp ibuza ukuthi uhambe kahle? Iyahluleka ukulinda bebuyele kuyona, ingakho phela isenda ama message phezu kwama message angakaphendulwa. Kusasa futhi, uzoyibona seyifona ekuseni ibuza ukuthi ilale kahle yini intokazi, ntambama iyabhala ku WhatsApp ibuza usuku ukuthi belunjani? Nakusasa, yiso leso. Nanso-ke into eyenzakalayo, intombazane izovele ikhathale ngoba usuwenzisa okwe boyfriend, kanti cha awukakafiki lapho. Usu blow up ifoni yayo usuku nosuku. Izogcina isiphendula late ama message akho, kuhambe isikhathi, igcine isikutshela ukuthi " ay bhuti lento yethu ngeke ize ilunge..." Yini? Ngoba awumnike thuba lokuphefumula, awazi ukuthi uthando lukhula lapho kune space khona. Ugcine usuphatheka kabi! Yingakho phela nalama celebrity aposta amanye ama celebrity amantombazane awashelayo agcina engawatholanga, ngoba acabanga ukuthi "ohh, njengoba nginenqwaba yama followers, uma ngimposta uzobona ukuthi ngimthanda ngokweqiniso." Useyoyiposta njalo-ke intombazane. Ivele ibone intombazane ukuthi nasi isicefe bo! Ubobagada, uzozibonela nawe. Futhi mabeqhubeka nokuyi posta ekubeni bengathandani, bagcina bevela njengama stalker! Ama sign okuba istalker, ubishimane lobo obuphindiwe. Yicala elibomvu ukuba istalker. Uma uke uwabuke lama documentaries aku Netflix, uyazi ukuthi uyingozi kanjani umuntu oyi stalker.

Nakhu-ke engifuna ukwenze, noma ngabe ukwazisile ukuthi uhambe kahle: ngifuna ungambhaleli futhi ungamfoneli for the next two days. Why? Ufuna ukubona ukuthi uzokwenzani kulo two days ozobe uthule kuwona, ingabe uzokhombisa ama sign okuthi uyakukhumbula, akusendel noma u "Hi"? Noma uzothula nje naye? Kodwa ekumele ukugade, ekuthuleni kwakho yingoba ufuna ukubona yena ukuthi uzokwenzani. Angithi kade niye kwi date, so nawe kumele wazi phela ukuthi kuyathembisa noma uthela amanzi emhlane wedada. Ekuthuleni kwakho, kumele ungabonakali ku WhatsApp, futhi shintsha no last seen wakho ubonakale ukuze uma efuna ukuthola ukuthi kwenzakalani, wathula kangaka, abone ukuthi kade ugcinile ukungena ku WhatsApp, angaboni sengathi uyamziba. Ungaposti lutho, nyamalala. Phela uyakwazi ukusebenzisa u WhatsApp ngaphandle kokuthi ube online. The only way azokwazi ukukuthola, ukuthi akufonele noma akusendele i message. Ibalulekile lento, phela wakha umndeni wakho la, kumele uthole ukuthi ngempela kwenzakalani noma udealer no stone cold Steve Austin.

Ake sithi uyaphela ngempela u two days kodwa lutho ukukubhalela noma ukukufonela. Lokho kukuvezela ngokusobala ukuthi lomuntu akanendaba nawe, futhi noma ngabe kukhona into eyenzakalile kuwena, akanamsebenzi, uyobona ngawe usubuya, noma futhi ungabuyanga akunankinga. Yilapho-ke ekuzobe sekumele wenze izinto ngokuvula amehlo, ngoba usuyazi umephi naye uStone Cold, futhi ukuze ubone kahle, buyela ku WhatsApp kodwa wandise izinsuku zokuthula, uma liphela isonto, kucacile. Mina ngiye ngithi hlukana nokufuna umuntu ongakufuni! Ngoba ngeke intombazane ene interest kuwena ivele ithule kanjalo, ekubeni kade niye kwi date emva kwalokho wanyamalala. Ngoba enentshisekelo kuwena izozibuza ukuthi "hau, lomuntu wathula kangaka, kwenzakalani? Ingabe angimchazanga kwi date? Nakhu ku WhatsApp kade egcinile ukungena, ingabe kukhona into embi eyenzakalile kuyena? Ingabe uright la ekhona? Ake ngimbingelele ngizwe." Lena-ke inendaba nawe, futhi usemathubeni amahle okuthi uwine.

Uzobona esekusendela u "Hi" noma akufonele. Uma enza lokhu, congratulations 👏 uwudlale kahle umdlalo wakho. Uma ekusendela u "Hi" ungaxhamazeli bese ujaha ukuphendula same time. Linda kudlule isikhathi bese uyaphendula. Uma ekufonela, lubambe ucingo. Uzosho ukuthi uyaku checker, bese eyakuthethisa indirectly, akubuze ukuthi yini wathula kangaka, awufoni ngisho ukufona, uthule nje. Kumele uhleke wedwa ngoba njengoba ekhombisa intukuthelo, kuyacaca ukuthi kwi space lesi omnike sona, kwakheke uthando kuyena. Izindaba ezinhle lezo. Kodwa uzobe usuxolisa, bese uyamtshela ukuthi ubudlala ukuba matasa. Kumele abone ukuthi awucabangi yena ubusuku nemini, zikhona ezinye izinto ezimqoka ozenzayo, impilo yakho ayi revolve around yena. Kodwa kumele umenze aqonde ukuthi ukuze ayithole yonke le attention ayifunayo, kumele akuqome. Ungasho directly , kodwa akuvele enkulumweni. Ngoba uma usho directly, uzozidalela inkinga. Khumbula, angithi vele awukakabi indoda yakhe, so akakwazi ukuthi akuthethise noma akudinelwe, akakuqome kuqala, then uzoyithola yonke leyo attention. Lapha-ke sihlukanisa insizwa emkantshubomvu nensizwa eyizinyane elihudayo!

Uma ufunde waze wafika la, kuyacaca uwuthandile lombhalo. Angithembe ukuvule amehlo, ngoba iyeza miningi efana nale, ezokusiza. Ngiyathokoza uma ngibona ezinye izinsizwa zisho ukuthi Mqeqeshi wangivula amehle kulemnyaka edlule, nawe ngizoku open ama eyes, khululeka. Sohlezi sicushisana. Ungakhohlwa ukushera lepost, sikhulise Ikhaya Lenjabulo ✊

Follow Mqeqeshi Wezinsizwa ku YouTube unothe kakhulu

24/09/2026

Uma insizwa ikhule ithanda ama romantic movies kakhulu, lokho kuba nomthelela ekumele usheshe ulungiseke.

Le ngihlezi ngiyiveza, ngoba ngifuna uyazi ukuze ungeke wenze lamaphutha. Kukhona into eyenziwa izinsizwa eziningi uma zisencane futhi zingakabi nalwazi ngezothando.

Zihlangana nentombazane enhle, zizizwe zichazeka kakhulu, bese zicabanga ukuthi into elandelayo okufanele ziyenze ukuthi zitshele le ntombazane indlela eziyithanda ngayo. Phela sicabanga ukuthi uma simvezela futhi simtshela indlela esimthanda ngayo, uzovuma khona lapho bese kuba sekuveziwe.

Sekuba:

"Nkosazane uyazi ngithe mangikubona, ngezwa inhliziyo yami ishaya ngamandla, blah blah blah ..."

"Angikaze ngizizwe kanje ngomunye umuntu."

"Kuyacaca nguwe ubambo lwami."

"Ekugcineni, sesize sahlangana."

"Ngiyakuthanda kakhulu."

Wonke lamazwi aphuma kungakapheli nomzuzwana beqale ukubonana, sekuyaphuthunywa ngelikhulu ijubane, futhi uyabona ukuthi impendulo kumele iphume khona manje ethi "nami ngiyakuthanda." Abazani ngisho izibongo 😅

Kodwa-ke singeke sakhala kakhulu ngoba sonke sikhule siboniswa kanjalo, so sabona ukuthi ohh, iyona ndlela le. Sidlale kakhulu wona lama romantic movies, ubone umfana ethatha isiginci eyocula esangweni kubo kantombazane, lapho kukhona nobaba wayo. Nazo izingoma zothando nezinkondlo ziyidlalile eyazo indima, uzwe umculi edela konke engomeni, ubone ukuthi ngaphandle kwayo ngeke aphile qobo. Nosonkondlo behaye uze uzibone nawe use Disneyland, kanti la ligaya ngomunye umhlathi.

Ngakho-ke uma insizwa isikhulile, iyazama ukuphila le movie empilweni yangempela. Ziqale ziyinethe, ithi iyazama, ay ibhimbe i choir. Ixakeke, izibuze, "ngoba nginamagama amandi nje, kanti yini inkinga"? 🤔 "Ingoba? Angjnamali? Ngimubi?" Izibuze imibuzo eminingi ngenxa yokudideka. Yebo phela, noma sikhule nabo obaba eduze, nabo omalume, kodwa ngeke besicushise besibeke esithombeni ngokwenzeka ngempela, not lokhu kwama romantic movies.

Yingakho kumele sivulane amehlo, ukuze ungagcini usuzinyeza uzibukele phansi, engathi kukhona into ewrong ngawe, kanti cha! Uyinsizwa yakwabo impela ephelele futhi engashodi ngalutho! Ukufunda nje, uzithuthukise nawe, uziqhenye ngobuwena. Umhlaba wonke, nguwe kuphela umuntu onjengawe. Akekho omunye. Noma umuntu angazama ukuzenza wena, ngeke kodwa abe nguwena. Happy Heritage Month!

22/09/2026

KWENZEKA UMLANDO ISISHIMANE SIHLULA AMASOKA AMABILI:

Kwakuwusuku lokuzalwa lomunye wabafana ababefunda naye uSiyabonga nabangani bakhe ababili. Kwakungeyona leya birthday encane yokuhlala ekhaya nabantu abambalwa nje, bese kwenziwa okungatheni - kwakugcwele abafundi, umculo usholo phezulu, abantu bexoxa, behleka, nalabo abazikhonzele utshwala benxila impela.
Kwakukhona nabafana abathathu ababengabangani.

Ababili babo babedume kakhulu emantombazaneni, futhi baziwa ukuthi abashayi eceleni. Ngamunye wayenezintombi ezingaphezu kwezimbili, futhi uma bengena endaweni, babejwayele ukuhamba bezethemba ngoba vele konke kwakubahambela ngendlela abafuna ngayo. Bese kuba khona owesithathu, uSiyabonga, wayehlukile.
Igenge yayimkhonzile, kodwa uma sekufika ezindabeni zamantombazane, ay kwakufike kube inkinga. Base bembiza ngaso isishimane ngoba wayengazihluphi kakhulu ngokuzama, futhi ehlulela ukuncenga, isineke emantombazaneni engenaso. Yena wayengashayi noma yini ephambi kwakhe, ezithanda.
Ngalobo busuku be party yodumo kwangena isingqazu sentokazi. Muhle ngendlela yokuthi bonke bajika naye uma ingena.
Omunye walaba bafana wancika kumngani wakhe wathi:
“Leya ntombazane ngiyayithatha mina.”
Yaphendula lenye insephe yathi:
“Wena? Awu, bheka ngoba ngiyibone kuqala, kshuthi-ke owinile uwinile”
Kwabe sekuba umncintiswano kanjalo. USiyabonga yena akabalwanga vele ngoba siyaziwa isimo sakhe.
Bobabili baqala ukuzama ukusondela kuyo.
Omunye wayihlasela ngamahlaya.
Omunye elibele eyincome njalo.
Omunye wayefuna ukuhlala eduze kwayo.
USiyabonga yena?
Wahlala nabanye abafana, waphuza i-Coke yakhe, bazixoxela, bazihlekela.
Umngani wakhe wambuza:
“Wena awuyiboni le ntombazane?”
USiyabonga wahleka. Uyazi vele ukuthi akana chance, so akanendaba vele.
“Ngiyayibona. Kodwa nizoyilwela nina. Mina angingene kulokho.”
“Kanti awuyifuni?”
“Ukuyifuna akusho ukuthi kufanele uyilwele.”
Abangani bakhe bahleka.
“Yingakho singakubizi uma kukhulunywa ngamantombazane.”
USiyabonga akazange aphendule.
Ngemuva kwesikhathi, le ntombazane yaqala ukuqaphela into eyayingajwayelekile.
Cishe wonke umfana owayesondela kuyo wayefuna ukunakwa yiyo.
Uma ikhuluma, bayalalela.
Uma ihamba, bayayibuka.
Uma ihleka, bafuna ukwazi ukuthi ihlekani.
Kodwa kukhona lo mfana oyedwa owayengabonakali ekhombisa ukuchazeka, uSiyabonga.
Yaqala yazibuza lentombazane:
“Kanti yena akangiboni?”
“Kungenzeka yini ukuthi akangithandi?”
“Noma mhlawumbe akangiboni ngimchaza?”
Vele lentokazi izishimele kwayona ngoba ubuhle bayo benza abafana abaningi beyisabe, noma becabange ukuthi inomuntu wayo. Lento ibisiyikhathaze kakhulu ngoba nalabo abazamayo, basuke bengekho serious.

Ngokuhamba kwesikhathi, yaqala yasondela, inokuxakeka ukuthi mhlawumbe u-gay yingakho engakhombisi intshisekelo.

Kwaba nesikhathi lapho uSiyabonga wayehleli yedwa kodwa bekhona nabanye endlini, yasondela ifuna ukuthola ukuthi zishaphi la ngoba akaphuzi nanokuphuza, lapho bonke abantu bayaphuza, bayashela, kodwa yena uziqoqile. Yabe isimbingelela:

Ntokazi: “Hi.”
USiyabonga wayibheka:

“Hi.”
Ntokazi: "Unjani?”
“Ngiyaphila, wena?”
Ntokazi: “Nami ngiyaphila.”

Kwaphela imizuzwana bethule, uSiyabonga esazibuza ukuthi ifunani.
USiyabonga wabe esethi:
“Uyamazi umuntu ogubha usuku lokuzalwa?”
Yahleka.
Ntokazi: “Cha, angimazi kahle. Ngize nomngani wami.”
“Alright.”
Yamubuka.
Ntokazi: “Wena?”
“Mina ngingumngani wakhe.”
“Ngiyabona.”
Kwaphinda kwathula.
Kodwa kulokhu kwakungekho muntu owayezama ukuphoqa ingxoxo.
USiyabonga wayengenazo izinhloso zokuyishela.
Wayengazami ukuyibamba ngamagama.
Wayengazami ukuyenza ihleke.
Wayengazami ukuzibonakalisa.
Ngoba engqondweni yakhe wayesevele ecabanga:
“Mina vele akusiyo inhloso yami ukuthi ngimqobe, kodwa phela uma kwenzeka engithanda kulungile. Uma engangithandi futhi akunankinga, impilo iyaqhubeka.

Ngemuva kwesikhashana, yabuya futhi.
“Uhlala kuphi?”
USiyabonga emamatheka.
“eThekwini. Wena?”
Baqala ukukhuluma.
Kulokhu ingxoxo yahamba impela.
Yamtshela ngomsebenzi wayo.
Yamtshela ngomngani eyayize naye.
USiyabonga naye waxoxa ngezinto zakhe.
Kodwa kwakukhona umehluko.
Wayengazami ukuyishela, kwazise phela igenge yakhe ibhekile. Wayezama ukuyazi.
Futhi lokho kwakwenza azizwe ekhululekile ngoba He has nothing to lose.
Ngemuva kwesikhathi yambuza:
“Kanti wena ubungeke uzame ukukhuluma nami?”
USiyabonga wahleka.
“Usho kanjani?”
“Njengabo bonke abanye abafana.”
Wabheka ngapha nangapha, wabona laba ababili abasondela kuyo njalo.
Wathi:
“Uyabona nawe abakunike thuba, bakunamathele.”
Yahleka.
“Yini angikho muhle kuwena?”
USiyabonga wamamatheka.
“Ngubani othe angicabangi kanjalo?”
“Pho?”
“Ubuhle bakho ngiyabubona kodwa akusho ukuthi kufanele ngize ngindiza.”
Kwathula umzuzwana, uSiyabonga wabe esechaza ukuthi akasho kabi.
Yamamatheka.
Kamuva ngalobo busuku, laba bafana ababili baqala ukubona ukuthi kukhona okushintshile.
Le ntombazane yayisihleli noSiyabonga. Nayo yabona ukuthi insizwa engayethemba ngoba ayilona uvanzi futhi ikhombisa ukuzihlonipha.
Abangani bakhe uSyabonga ababili abebeyifuna, babhekana bodwa, omunye wathi:
“Kanti kwenzakalani?”
Omunye waphendula:
“Angazi.”

Kwaa sekuba wusuku lokuqala kohambo lwabo uSiyabonga nayo intokazi, asala kanjalo amasoka amabili.
Uma uqaphela, uSiyabonga akawinanga ngoba enzima kakhulu emazwini noma enamagama amnandi adida ingqondo kwintombazane.
Akawinanga ngoba wayenamaqhinga anzima.
Into eyamhlukanisa kwakuwukuthi wayengafune kuproova i-point noma ukukhombisa ubusoka bakhe.
Akazange avume izibone iyi celebrity kuyena.
Wayengazange ayenze ibe yindondo okufanele ayinqobe phambi kwabanye abafana.
Futhi okubaluleke kakhulu, akazange ayiphushe noma alibele ezama ukuyiphoqa.
Isifundo lapha akusiso esokuthi “ungayinaki intombazane ukuze isondele kuwena.”
Cha. Lokho kungaba elinye iqhinga nje.
Isifundo ukuthi ungalahlekelwa ubuwena ngoba nakhu usubona amantombazane.
Uma uthanda intombazane, khuluma nayo.
Veza intshisekelo phela ukuze yazi.
Kodwa ungazibeki esimweni sokuthi:
“Kufanele ngiyithole, kumnyama kubomvu.”
Ngoba uma usukuleso simo, yonke into iyashintsha, futhi uzozithola usuphoqa izinto.
Usuyaqala manje uthumela ama-message amaningi, phezu kwamanye angakaphendulwa, cabanga nje.
Uqala ukuphoqa izingxoxo.
Uqala ukufuna ukunakwa ngenkani.
Uqala ukukhohlwa ukuthi naye ungumuntu okufanele akhethe ukuthi uyafuna yini ukuba nawe noma cha. Ave kubalulekile lokhu, ukuthi naye akhombise ukuthi uyakubona as a potential boyfriend.
So, ungamthanda, ungamfuna, ungamtshela ukuthi uyamthanda, kodwa ekugcineni naye uyazikhethela ukuthi uyakufuna yini.
Ngakho-ke, zinsizwa, ungaze ulwe kanzima ukuze umuntu akukhethe.
Khombisa intshisekelo.
Khuluma naye.
Yiba yindoda ezithembayo.
USiyabonga wayecabanga ukuthi akanalo ithuba.
Kodwa mhlawumbe into eyayimenza abonakale e-attractive kulentokazi kwakungekhona ukuthi wazi izinto futhi ufuna ukuzibonakalisa.
Kwakuwukuthi wayengenandaba, ezinake yena.

Mhla kufika isikhathi sokuthi umuntu akhethe owakhe, wena ubovele uthule uzibuke, ubayeke bekhethe beqede, kodwa intombazane yona iyamazi emfunayo, futhi ngeke uyiphoqe ngenxa nje yokuthi wena usuyikhethile. Ipani lizosho kuwena, bese kuwina lo emfunayo. Zithembe ngaso sonke isikhathi, phuma la kunombango khona. Ungayilweli intombazane. NEVER EVER!!!!!!

21/09/2026

NAKHU EKUMELE UKWAZI UKUZE UNGAPHELELWA YINTO OZOYISHO UMA UKHULUMA NENTOMBI

Sekukaningana impela ngizwa izinsizwa, ikakhulukazi lezi ezisakhula zikhala ngokuthi "ey Mqeqeshi yazi ngivele ngiphelelwe yinto engizoyisho uma sengihlelile ukuhlangana nentombazane, sikhuluma kancane emva kwalokho ngingabe ngisazi ukuthi ingxoxo ngizoyiqhuba kanjani, sigcina sesithula sobabili.." noma omunye akhale ngokuthi uma bekhuluma efonini, ingxoxo ivele isheshe iphele, bese kuyathuleka, ivele ibhoreke ingane yabantu.
Nezinsizwa esezikhulile ziyabhekana nalento. Uthole ukuthi uma nisaqala ukukhuluma nentombi, yonke into ihamba kahle ekuqaleni. Nikhulume ngomsebenzi, umndeni, izinto enizithandayo… kodwa emva kwesikhashana uzithole usuthule, usucabanga ukuthi:
“Ey engaze ngizothini-ke manje?”

Bese uqala ukuphoqa ingxoxo. Ubuze umbuzo emva komunye ukuze nje kungathuli.
Kodwa nansi into ebalulekile:
Inkinga ayikho ekutheni awunazo izinto ongakhuluma ngazo, yingoba awukakwazi ukuqhuba ingxoxo nomuntu ngendlela elula futhi engaphoqi.

Ake ngibuze, uma uvakashela umngani wakho, uyaye ukhathazeke yini ukuthi "ey engaze sizokhuluma ngani namhlanje"? Lutho, konke nje kuyazenzakalela kalula, futhi makufika isikhathi sokuthula, kuyathuleka ngaphandle kwenkinga. Yiyo-ke into ekumele uyijwayele leyo, noma ukhuluma nanoma ubani ongamjwayele. Qaphela-ke, uma ukhuluma nentombi, musa phela ukwenza ingxoxo yenu ifane ne interview. Wake wahlangana nomuntu wavele wathi kuwena "tell me about yourself"? Ey uvele ubone ukuthi hhabe, nakhu ngise boardroom phambi kwabaphathi, ugcine usumbuza yena ukuthi yini ofuna ukuyazi ngami? So ungalinge ubuze intombazane ukuthi "tell me about yourself", nizoxabana nje, izokushintshela futhi ivele ifune nokuhamba uma uzoyigqilaza kanjalo. Ingxoxo ayingafani ne interview. Ngamanye amazwi, akumele kube ukuthi:
“Uhlala kuphi?”
Aphendule
“Usebenza kuphi?”
Aphendule
“Unabafowenu?”
Aphendule
“Uthanda muphi umculo?”
Aphendule.

Mbuze into, akuphendule, bese ukhombisa ukuba ne interest kuleyonto ngokuthi wakhele kuyona impendulo. Khumbula, abantu bayathanda ukukhuluma ngabo, wena okwakho ukuthi umlalele, nakhona ngendlela yokuba nentshisekelo, hhayi ukuthi uthule nje. Abantu ziningi izinto abazenzayo empilweni, so ngakho bayathanda ukuxoxa noma ukuveza ukuthi kunezinto ezinhle ezenzakalayo ezimpilweni zabo.
Uma ethi, “Ngizithandela uku travela nje kakhulu” ungagcini ngokuthi “Oh nice" bese uyathula.
Buza ukuthi kungani ekuthanda uku travela. Yiziphi nje izindawo aseke wazivakashela zamchaza? Nigxile kulokho, okunye ongakubuza futhi ukuthi yikuphi ukudla okumnandi aseke wakudla khona ekuhambeni? Mhlawumbe nawe uke waba nesigameko esihlekisayo ohambweni oluthile, umxoxele ngaso leso sigameko, kodwa ungabe usukhuluma phela okudlula yena.

Ekugcineni kosuku, 70% wengxoxo uyena, wena only 30% or less. Lokho kusho ukuthi ubumlalele echaza futhi ubungazami ukumcisha lelothuba. Ngiyazi khona kunzima ukulalela, kodwa kuyaphoqa ukujwayele uma ufuna ukuba successful kwezothando.

Nawe zijwayeze ukubuye uvakashele izindawo, ufunde nje nokuthi abanye abantu baphila kanjani kwezinye izindawo, zihluphe kwesinye isikhathi ngokuzama izinto ezintsha. Lokho kuzokusiza kakhulu ekuthenini ube umuntu onomqondo osabalele. Izinto ziyazivelela engxoxweni uma wenza njalo.

Kodwa kukhona nenye into izinsizwa eziningi eziyikhohlwayo. "Ingxoxo yakhiwa abantu ababili" akusiwona umthwalo wakho kuphela.
Kanti futhi ukuthula akusho ukuthi kukhona okungahambi kahle. Uma nobabili nikhululekile, ngisho nokuthula kungaba yingxenye yobudlelwano uma nindawonye, kodwa akusho ukuthi sekumele ukhiphe ifoni, cha, hlonipha isikhathi senu. Iyacika lento yokuthi niyakhuluma kodwa yena use busy nefoni, noma ukuthula nje okuncane, nawe usudonsa ifoni yakho. Lokho kuveza ukuthi awukuboni ukubaluleka kwakhe, awumkhombisi inhlonipho. Ngaphandle phela uma kuyisimo esiphoqayo noma uma lukhala ucingo.

Okunye futhi, ungasheshi uzahlulele. Uma kunguwe kuphela ozama ukuqhubekisela phambili ingxoxo, wena ubuza yonke imibuzo, wena uqala yonke into, yena aphendule ngamazwi ambalwa kuphela, ungasheshi uzahlulele ngokuthi kshuthi awukwazi ukukhuluma. Cha! Ingxoxo idinga abantu ababili.
Umsebenzi wakho akukhona ukuphoqa umuntu ukuthi akuthande noma uhlale umjabulisa.
Umsebenzi wakho ukuthi ube umuntu onentshisekelo, olalelayo, okwazi ukushera, ohlekayo, futhi okhululekile ukuba nguye.
Ngoba ekugcineni, ukujola akukhona ukuthola indlela yokugcina umuntu ekhuluma nawe amahora amaningi. Kumayelana nokuthola ukuthi nina nobabili niyakujabulela yini ukuba ndawonye.

Ingabe usukhathele ukushima? Usube inhlekisa kakhulu kubangani bakho, bona baqonywa left, right and centre kodwa wena lutho? Usuze usola nesinyama? Khululeka ungabe usakhala kakhulu, ekugcineni usuze wayithola indawo ezokuqeda konke lokho, landela uMqeqeshi Wezinsizwa ku YouTube ukuze uthole ama video amaningi azokukhipha kulensambatheka obhekene nayo: https://youtube.com/?si=CcFywYlWhfT45trH

02/03/2026

Nakhu okujwayelekile ezishimaneni. Le yi video kaMqeqeshi emva kwesikhathi, maningi amanye ayeza kusazofundiswana kakhulu.

01/03/2026

Best of The Best Marathon besikhona 👌 Team

19/02/2026

Now insizwa ezishawela ispiliyoni yenza nje: as soon as ithola inamba nje, iphuthuma ku WhatsApp iyobingelela. Ixoxa nentombazane usuku lonke, ize ixoxe nangezinto ezingeke zenzeke yona ecabanga ukuthi zisazokwenzeka. Uxoxa ngayo yonke into, ize ithembise ukuthi mhla behlangana kuyoshunqa uthuli. Imnandi-ke leyo ngxoxo, kodwa okubuhlungu ukuthi ayiyi ndawo. Ayihleli ngisho usuku nentokazi lokuthi bebonane. Zidlule izinsuku exoxa into engayi ndawo nezithembiso ezingekho, kuyothi lapho isiqala isifuna kuhlanganwe, intombazane isilahlekwelwe i interest. Nengxoxo ku WhatsApp ayisahambi kahle, isiyabanda. Ayisaphenduli njengasekuqaleni intombazane, kwesinye isikhathi iyathula nje ingamphendi ngisho i online. Amaphutha ekudlulwa kuwo lawa, kodwa-ke indlela ibuzwa kwabaphambili.

Mqeqeshi Wezinsizwa

26/09/2026

25/09/2026

24/09/2026

22/09/2026

21/09/2026

02/03/2026

01/03/2026

19/02/2026

Address

Opening Hours

Telephone

Website

Alerts

Contact The School

Shortcuts

Featured

Share

Category

Listing takedown request

Monday	18:00 - 22:00
Tuesday	18:00 - 22:00
Wednesday	18:00 - 22:00
Thursday	18:00 - 22:00
Friday	18:00 - 22:00
Saturday	18:00 - 22:00