TjokkaNolsies Kleuterskool

Paasfees staptog

Wat ’n besonderse en geseënde dag het ons saam beleef!

Ons Paasfees-staptog was ’n pragtige herinnering aan die ware betekenis van Paasfees – die liefde, opoffering en oorwinning van Jesus Christus. Die kinders het van stasie tot stasie beweeg en op ’n eenvoudige, maar diep manier die pad van Jesus ervaar.

Oupa & Ouma se oogappels

Oupa en Ouma Dag by Tjokka Nolsies Kleuterskool

Ons vier die mense wat ons kinders se hartjies ekstra warm maak… ons Oupa en Ouma

Ons klein maatjies het met soveel liefde en opgewondenheid gesing en gepraat. Dit is duidelik hulle is Oupa en Ouma se OOGAPPELS

Dankie aan elke oupa en ouma wat tyd gemaak het om saam te kuier, te lag en herinneringe te bou. Julle liefde, wysheid en sagte hande beteken meer as wat woorde ooit kan sê.

Vandag was daar groot opwinding by Tjokka Nolsies Kleuterskool toe ’n regte ambulans kom kuier het!

Die paramedici het vir ons kleintjies gewys hoe ’n ambulans van binne lyk, wat elke toerusting doen en hoe hulle mense help wanneer daar nood is.

Die ogies was groot, die vrae was baie en die entoesiasme aansteeklik!

Sommige van ons Tjokka’s het sommer klaar besluit hulle wil eendag helde in ’n ambulans wees.

Dankie aan Fast Medical response ambulansdiens wat tyd gemaak het om ons te kom besoek en vir ons kinders op ’n veilige en speelse manier te leer oor noodhulp en omgee vir ander. Julle maak ’n verskil!

Wat is nou lekkerder as om jou eie pizza te kan maak.

Baie dankie aan Panarotti's Wilkoppies. Dit was 'n fees!

Liefiesdag 2026 💕

Vandag vier ons Tjokka Nolsies die liefde

God is lief vir elke stukkie van ons.
Elke glimlag, elke traan, elke fout, elke oorwinning.

Hy het ons wonderlik en uniek gemaak – presies soos ons is.

Mag jy vandag onthou dat jy kosbaar is.

Ons het die beste span!

Atletiekbyeenkoms & familiebraai

Van hardloopbane tot braaivleisvure, het ons net lekker pret gehad. Dit was 'n heerlike aand van saamwees.......en ons kan spog met die vinnigste mamma's en pappa's in die dorp!

Dankie aan Hoërskool Wesvalia vir hulle pragtige velde. Dankie ook aan al ons ouers vir elke oop hand, elke aanmoediging langs die baan en elke oomblik van saamkuier. Julle betrokkenheid en liefde maak Tjokka Nolsies Kleuterskool ’n plek waar kinders veilig, gelukkig en trots kan wees.