Primêre Meisieskool Oranje

🎤🌟 ATKV Redenaars 🌟🎤

Twaalf van Oranje se dogters het op 22 Mei aan die ATKV Redenaars-semifinaal in Welkom deelgeneem. Hulle het hulself uitstekend van hul taak gekwyt en Oranje met trots verteenwoordig. 🦆💛

Baie geluk aan die volgende dogters wat onder die Top 10 in hul onderskeie ouderdomsgroepe geëindig het:

Graad 1–3
🥉 Debi van Biljon – 3de
🏅 Mayah Holtzhausen – 4de
🏅 Lika Odendaal – 9de

Graad 4–5
🏅 Louah Nel – 7de

Graad 6–7
🏅 Jana Nel – 9de

Baie geluk aan al 12 deelnemers. Julle harde werk, voorbereiding en selfvertroue maak ons ongelooflik trots! 👏✨

🎤📚💛

🎨✨ Con Spirito Kunswedstryd ✨🎨

Ons is ongelooflik trots op al ons Eendjies wat aan die Con Spirito Kunswedstryd deelgeneem het. Die deelnemers het hul talent, kreatiwiteit en harde werk ten toon gestel en pragtig presteer. 🐥

’n Spesiale gelukwensing aan die OMS Primêr Strykorkes, wat ’n uitstaande 97% (A+++) behaal het. 🎻🎼

Baie geluk aan elke deelnemer met besonderse prestasies. Die volledige uitslae sal in Vrydag se Eendjienuus verskyn. ✨

🏐🥉 Oranje behaal twee derde plekke tydens die Vrystaat Netbalkampioenskap! 🥉🏐

Op Vrydag, 5 Junie 2026, het Oranje se o.12- en o.13-netbalspanne aan die Vrystaat Netbalkampioenskap by Welkom Gimnasium deelgeneem. 🐥

Ten spyte van die koue winterweer het beide spanne met vasberadenheid, deursettingsvermoë en uitstekende spangees gespeel en met trots die Oranje-naam hoog gehou. Hulle harde werk is beloon met twee derde plekke in die provinsie! 🥉🥉

Baie geluk ook aan beide spanne wat gekwalifiseer het om Oranje by die SA Nasionale Netbalkampioenskap van 23–25 Julie in Middelburg, Mpumalanga te verteenwoordig. 🏐✨

Ons d**k ook aan Ella Myburg, wat tydens die kampioenskap beseer is, en wens haar ’n spoedige en volkome herstel toe. 🌷

Baie geluk aan elke speler en afrigter. Julle toewyding, karakter en veggees maak Oranje ongelooflik trots! 💙💛

🏃‍♀ Landloopliga 🏃‍♀️

Ons eendjies het aan die derde, vierde en vyfde Landloopliga die afgelope 3 weke deelgeneem en uitstekend presteer. 🐥

Verskeie dogters het top 10-plekke in hul onderskeie ouderdomsgroepe behaal en Oranje trots gemaak met hul deursettingsvermoë en harde werk. 👏🏻

Baie geluk aan al ons landloopdogters met julle puik prestasies en mooi verteenwoordiging van Oranje! ✨

💤🧸 Pajama- en Pantoffeldag 🧸💤

Wat is nou lekkerder as om ’n skooldag in jou gunsteling slaapklere en pantoffels deur te bring? ✨😴

Ons Oranje Eendjies het Pajama- en Pantoffeldag terdeë geniet en die dag snoesig, gemaklik en met groot glimlagte aangepak. Maar die dag het ook ’n groter doel gedien — al die dogters het nie-bederfbare produkte ingesamel om ’n verskil in ander se lewens te maak. 💛

Oranje het die produkte reeds aan Anchor of Hope geskenk. Baie dankie aan elke dogter en gesin wat bygedra het tot hierdie mooi gebaar van omgee. ✨

💛

🏁🐥 Duck Derby 2026 🐥🏁

Op Donderdag, 4 Junie, het Oranje se jaarlikse Duck Derby by Monte Bello plaasgevind. Met die tema “Chic Safari” het gaste behoorlik uitgehaal met hul kreatiewe uitrustings en die aand was gevul met pret, lag en goeie geselskap. 🌿

Daar was groot opgewondenheid rondom die derby, met almal wat hul asem opgehou en duim vasgehou het dat hul gunsteling “eend” eerste oor die wenstreep sou kom! 🏆

Hierdie besondere aand sou nie moontlik gewees het sonder die ondersteuning van ons borge nie. Baie dankie aan elkeen wat 'n bydrae gemaak het. Vind alle borge aangeheg. 🙏

Baie dankie ook aan die leerderraadouers vir die uitstekende reëlings en die pragtig gedekte tafels. Dankie aan NSA Veilings vir die aanbieding van die Derby, asook aan elke persoon wat op enige wyse betrokke was, bygedra het of die aand ondersteun het.

Die Duck Derby was ’n groot sukses en ’n ware bewys van die besondere gemeenskap wat Oranje omring. 💛

Sien julle volgende jaar! 🐥✨

Baie geluk met Petrus Mzi se verjaarsdag vandag. 🥳

Mag die kleure van die lewe jou siel verf met vreugde en mag die pad van lig jou lei tot by jou drome!

Dankie vir al jou harde werk, OMS waardeer jou. 🐥

Baie geluk met Charlene du Toit en Sarel Klokow se verjaarsdag vandag. 🥳

Mag die kleure van die lewe jou siel verf met vreugde en mag die pad van lig jou lei tot by jou drome!

Dankie vir al julle harde werk, OMS waardeer julle. 🐥

🏆 Kloppers Kompetisie Wenners! 🏆

Baie dankie aan elke ouer wat die Kloppers-vraelys voltooi het en vir Meisieskool Oranje as verwysing aangedui het. Julle ondersteuning het die verskil gemaak!

Danksy julle deelname het Oranje die kompetisie gewen, en ons Laerskool ontvang nou R5 000 se Kloppers-geskenkbewys om heerlik mee te gaan inkopies doen. 🛍️💙

Ons waardeer elke ouer wat die tyd geneem het om deel te neem. Saam bewys ons weer dat die Oranje-familie kan saamstaan en groot dinge laat gebeur!

'n Spesiale dankie ook aan Kloppers vir hierdie wonderlike inisiatief en ruim prys. Ons sien uit daarna om by julle te gaan koop en die geskenkbewys ten beste aan te wend. 😊

Baie dankie vir julle ondersteuning en entoesiasme. 🧡💙

Ons verwelkom met groot opgewondenheid vir Marina Coetzer en Wil-lise Pretorius. 🐥

Marina is reeds ’n bekende gesig in Oranje-land en was deel van ons middagstudiespan. Ons wens haar baie geluk met hierdie nuwe rol as koshuismoeder van Bornmanhuis.

Met Marina se skuif verwelkom ons ook vir Wil-lise Pretorius, ’n trotse Oud-Oranje, as ons nuwe middagstudiejuffrou. 💛📖

Ons wens beide Marina en Wil-lise alle voorspoed toe met hul nuwe verantwoordelikhede en hoop julle sal baie gelukkig wees in Oranje-land! ✨