Blommeland Dagsorg

Mamma's en Pappa's,

Baie dankie dat julle vandag julle kosbaarste klein lyfies aan ons toevertrou het tydens ons plaasuitstappie. Die maaitjies het dit ongelooflik baie geniet, en ek glo die foto's spreek vanself. Dit was 'n dag vol lag, avontuur en kosbare herinneringe.
'n Spesiale dankie aan Gwyneth, Alri en Mile vir julle hulp en aandeel om hierdie dag so besonders te maak. Julle liefde, entoesiasme en betrokkenheid het 'n groot verskil gemaak. Dit was 'n wonderlike belewenis vir al ons maaitjies, en ons waardeer elke oomblik wat julle saam met ons gedeel het.
Baie liefde,
Ella 🌸

Wat 'n ongelooflike twee maande! ❤️

Van die heel eerste beplanning tot die laaste afrondings was dit 'n besondere voorreg om saam te werk aan Vrou in Sy Lig met ons inspirerende gasspreker, Marijke Coetser.

Dit was vir my 'n groot voorreg om hierdie projek saam met my dogter, Gwyneth Jacobs (Evara Aesthetics), aan te pak. Ons het vir 100 gaste voorberei, en elke detail is met soveel liefde beplan.

'n Opregte dankie aan:
Bethlehem Akademie vir die pragtige lokaal.
Janrico vir die uitstekende klank en beligting.
Aldas Interiors en All in One Party Hire vir die asemrowende dekor.
Magic Moments wat elke kosbare oomblik vasgevang en foto's sommer daar en dan gedruk het.
Nissan en Jetour vir julle ongelooflike bydrae wat hierdie geleentheid moontlik gemaak het.

Die laaste twee dae was gevul met lang ure, harde werk en baie beplanning om alles perfek bymekaar te bring. Dit was beslis die moeite werd.

'n Groot dankie ook aan al ons borge – daar is eenvoudig te veel om elkeen by die naam te noem. Julle ruim bydraes het gesorg vir wonderlike geskenke en gelukkige trekkings wat elke dame spesiaal laat voel het.

Gwyneth, ek is ongelooflik trots op jou. Jy het jou taak met soveel passie en professionaliteit aangepak. Ek glo elke vrou wat daar was, het die kwaliteit van Willa Krause-velsorg en Phoera-grimering eerstehands ervaar.

Marijke, baie dankie vir die kragtige boodskap wat jy met ons gedeel het. Dit het my hart diep geraak, en ek kon nie wag om dit ook met my gesin te deel nie.

Laastens, maar beslis nie die minste nie, wil ek my opregte dank uitspreek aan my gesin en aan al die ouers van Blommeland Dagsorg. Dankie dat julle my die geleentheid en ondersteuning gegee het om deel van hierdie besondere projek te wees.

My hart loop oor van dankbaarheid. Dit was vir my 'n ongelooflike voorreg om deel te wees van Vrou in Sy Lig, en ek sien uit na wat die Here nog vir die toekoms beplan.

Liewe Mamma's en Pappa's

Ek wil graag uit my hart vir elkeen van julle baie dankie sê vir julle geduld, begrip, liefde en ondersteuning gedurende Junie, terwyl ek besig was met 'n paar persoonlike projekte.

Wees asseblief verseker dat elke maaitjie steeds elke dag met dieselfde liefde, sorg en omgee ontvang en versorg is. Julle kinders bly my prioriteit, en ek waardeer die vertroue wat julle in my en Blommeland Dagsorg stel.

Nou is my volle aandag weer by die dagsorg, en ek sien met groot opgewondenheid uit na al ons lekker aktiwiteite. Ons kan nie wag vir ons plaasuitstappie op 10 Julie nie, en ons verwelkom ook al ons vakansie-maaitjies wat gedurende die Junie/Julie-vakansie by ons kom kuier.

Baie dankie dat julle deel is van ons Blommeland-familie.

Baie liefde
Ella 🌸

6 dae tot Vrou in Sy lig- Ons is super opgewonde!!!
Slegs 10 kaartjies oor!!
Dames, kom kry julle kaartjies- Julle wil dit nie mis nie.

Bel my vroegtydig om jou plekkie te verseker

Gelukkige Moedersdag aan al my Blommeland mamma's. Julle is almal baie spesiaal

Hoe bevooreg is ons in Blommeland Dagsorg nie (week 2 tot 5 Mei). Ons behandel "Troeteldiere" en ons eie Mallard eendjies broei uit.
Eers was ons maaitjies skepties oor die klein raas bekkies, maar soos hulle in die klas kamer groot geword het, het ons maaitjies hulle baie geniet, self kos en water vir hulle gegee

Blommeland se 1ste maaitjie verjaardsdag.
Baie geluk liewe Danica met jou 2de verjaardsdag, ons bid gesondheid en baie geluk op jou pad vorentoe