Dr Myo Thida

ထမ်းပိုးညီမှ..

ဒီစကားစုကို အိမ်ထောင်ရေး ဆုံးဖြတ်ရာမှာ ဘာသာရေးတူဖို့ အတွက် ရည်ရွယ်သုံးကြတာကို သဘောမတူပေမဲ့ ..

ဒီစကားစုလေးကို ကိုယ် တော်တော်လေး နှစ်ခြိုက်မိပါတယ်။

မိသားစုတာဝန်ထမ်းကြတဲ့အခါ..
လုပ်ငန်းတွေ အတူတူ လုပ်ကြတဲ့အခါ..
တိုင်းပြည်တာဝန်ထမ်းကြတဲ့အခါ... ထမ်းပိုးမညီရင် တာဝန်သိတဲ့သူက ပိုပင်ပန်းရပါတယ်။
စိတ်ရော လူရော ပင်ပန်းလာကြတဲ့အခါ ရှေ့မရောက်နိုင်တော့ဘဲ ဘဝတွေ ပျက်ကြရ.. ဆုံးရှုံးခြင်းတွေကို ရင်ဆိုင်ကြရပါတယ်။

ကိုယ်လက်ခံထားတဲ့ ထမ်းပိုးညီတယ်ဆိုရာမှာ တာဝန်ယူမှု တူညီတာ.
ငွေရှာတဲ့နေရာ တူညီတာ..
ကိုးကွယ်ရာ ဘာသာရေး တူညီတာ.
အတွေး အမြင်..တူညီတာမျိုး ဆိုတာထက်..

ပန်းတိုင်ကို ရောက်ဖို့ .. လိုတဲ့နေရာမှာ အလိုက်တသိ ဖြည့်ဆည်းပြီး ထမ်းပိုးကို ညီအောင်ထမ်းတာမျိုးကို ဆိုလိုတာပါ။

မိသားစုမှာ တစ်ယောက်က ငွေရှာရင် နောက်တစ်ယောက်က မေတ္တာတရားနဲ့ လိုအပ်တာ ဖြည့်ဆည်းပေးတာမျိုး..

လုပ်ငန်းခွင်မှာ ဦးဆောင်သူက ဦးဆောင်ရင် ကျန်သူက လိုသလို နောက်လိုက်ကောင်း ဖြစ်ပေးတာမျိုး..

အရေးပါမှုဆိုတာထက်. ထမ်းပိုးကို တဖက်စောင်းနင်း မဖြစ်အောင် လိုသလို ကူထမ်းပေးကြပြီး level ညီအောင်ထားမှ အတူ လျှောက်သူတွေလည်း မပင်ပန်းဘဲ လိုရာရောက်နိုင်မှာပါ...

𝐌𝐌𝐃𝐓 206 & 𝐁𝐞𝐲𝐨𝐧𝐝

MMDT အကြောင်းလဲ သိချင်တယ်။ ပိုကောင်းမွန်တဲ့ အသိုင်းအ၀န်းတစ်ခုကိုလည်း အတူတူ တည်ဆောက်ချင်တယ်ဆိုရင် တက်ကို တက်ရမဲ့ Event ဖြစ်ပါတယ်။

💞 -- လက်ရှိ အဖွဲ့၀င်တွေဆီက အသံတွေကို နားထောင်ချင်သလို..

💞 -- Core member တွေရဲ့ အတွေး၊ စိတ်ကူး ၊ အစီအစဥ်တွေကိုလည်း မျှ၀ေချင်ပါတယ်။

💞 -- 𝐌𝐌𝐃𝐓 member တွေ / Data သမားတွေကြား network တစ်ခု တည်ဆောက်ချင်တယ်ဆိုရင်တော့ တက်ကို တက်ရမဲ့ Event လို့ ပြောချင်ပါတယ်။

🗓️ 𝐒𝐮𝐧𝐝𝐚𝐲 -- 𝐎𝐜𝐭𝐨𝐛𝐞𝐫 19
⏲️ 7 𝐭𝐨 8 𝐏𝐌 (𝐌𝐌 𝐓𝐢𝐦𝐞)
🎯https://forms.gle/kDz4WMAc1ZmXjx5d8 မှာ 𝐑𝐞𝐠𝐢𝐬𝐭er လုပ်လိုက်တာနဲ့ Zoom link ၀င်လာမှာမို့.. Register လုပ်ဖို့ မမေ့ကြပါနဲ့..

အားလုံးနဲ့ ဆုံချင်ပါတယ်။

မြန်မာနိုင်ငံကို သယ်ဆောင်လာတဲ့ (အနောက်တိုင်း/ အရှေ့တိုင်း) နိုင်ငံခြား ပညာရေးတွေမှာ ကိုယ် မကြိုက်တာတွေ အများကြီးပါပဲ။

အဲ့နိုင်ငံက ပညာရေးကို မကြိုက်တာဆိုတာထက် သယ်ဆောင်လာသူတွေရဲ့ စီးပွားရေးဆန်မှု .. ပညာရည် နှလုံးရည် မပြည့်ဝမှုတွေကြောင့် ပုံပျက်သွားတဲ့ ပညာရေးကို သဘောမကျတာပါ။

သယ်ဆောင်လာသူက စိတ်စေတနာမှန်တယ်ဆိုရင်တောင် သိတဲ့ ဗဟုသုတက အကန့်အသတ်တွေ ဖြစ်နေရင် မြန်မာပြည်အတွက် အံမဝင်ဘဲ ဖြစ်တတ်တာကို..

မြင်သာအောင် ဥပမာ တစ်ခုပေးရရင်.. နိုင်ငံရပ်ခြားမှာ မာစတာ/PhD ကျောင်းပြီးသွားတဲ့သူတချို့က မြန်မာပြည်ပြန်လာတဲ့အခါ တက္ကသိုလ်မှာ သုတေသန လုပ်ရမယ်ဆိုတာကို ဇွတ်ဆွဲကိုင်ပြီး အရာရာကို publication ပေတံနဲ့ တိုင်းကြတာမျိုးကို ကိုယ်သဘောမကျပါဘူး။ တက္ကသိုလ်တစ်ခုရဲ့ ပညာရေးက သုတေသနတစ်ခုထက် အများကြီး ကျယ်ပြန့်လို့ပါ။

လူတစ်ယောက်/လူတစ်စုကို မူတည်ပြီး ပြောင်းလဲတာထက် စနစ်တစ်ခုကို နမူနာယူပြီး ကိုယ့်ရေ ကိုယ့်မြေနဲ့ ကိုက်ညီအောင်ပြုပြင်တာကသာ အကျိုးများမယ်လို့ ယုံကြည်ထားပါတယ်။

နိုင်ငံခြားကနေစနစ် ရော.. လူရော သယ်လာတာထက်. စစ်မှန် ကောင်းမွန်တဲ့ စနစ်ရယ် လူငယ်တွေအပေါ် စေတနာ အပြည့်ရှိတဲ့ နိုင်ငံတကာ အမြင်ရှိတဲ့ ပြည်တွင်းကသူ တွေရယ်.. ပေါင်းစည်းဖို့သာ အမြဲပြောဖြစ်ပါတယ်။ (ပြည်တွင်းက လူတွေတော်ရင် ပြည်ပက ပြန်လာသူ /နိုင်ငံခြားသားက လိုက် မမီနိုင်ပါဘူး။ ဥပမာ - အနုပညာ လောကဆို .. Director ဏကြီး။ ဒါကို နောက်မှ သပ်သပ် ရေးအုန်းမယ်။ )

ဒါပေမဲ့. သဘောကျတာ တွေလည်း ရှိပါတယ်။ အဲဒါကတော့ Law/ ethic ပိုင်းနဲ့ ပတ်သတ်လို့ပါ။

မနေ့ညက မေးလ်တစ်စောင် ရပါတယ်။ သူတို့ရဲ့ Edu club မှာ ကိုယ့် ရဲ့ AI for Myanmar စာအုပ်ကို Textbook အဖြစ် သုံးချင်လို့ ခွင့်တောင်းလာတာပါ။ Online ကနေ ebook အဖြစ် ဝယ်တဲ့ စာအုပ်ကို ဘာလို့ ခွင့်တောင်းဖို့ လိုတာလဲ.

၁) ကိုယ့်စာအုပ်မှာ အောက်က စာသားလေးပါပါတယ်။

Copyright © 2025 by VigorZwe Co. Ltd. All rights reserved. No part of this book may be reproduced or reprinted without permission in writing from the publisher or the author.

ဥပဒေ အရ လိုအပ်ပါတယ်။ တကယ်တော့ ကိုယ်လဲ တရားစွဲတာ ဘာညာ လုပ်မှာ မဟုတ်ပါဘူး။ ဒါပေမဲ့ ကိုယ်က အဖွဲ့အစည်းတစ်ခုခု နဲ့ associate ဖြစ်နေတယ်ဆိုရင် သတိထားဖို့လိုပါတယ်။ ကိုယ်တို့တွေ စင်ကာပူမှာ အလုပ်လုပ်နေတုန်းက ခိုးကူး software တွေသုံးခဲ့ဖူးပါတယ်။ အဲလို သုံးတဲ့အခါ ရုံး အင်တာနက်ကို ဖြုတ်ထားပါတယ်။ ဘာလို့လဲ ဆိုတော့ software company က ကိုယ်တွေလို ငမွဲကို တရားစွဲဖို့ စိတ်မကူးပေမဲ့ NTU/A*STAR လို အဖွဲ့တွေကိုတော့ တရားစွဲဖို့ စောင့်ကြည့်နေလို့ပါ။

၂) ethic ပိုင်း.
လူငယ်တွေ အခုလိုမျိုး ethic ကိုတန်ဖိုးထား ခွင့်တောင်းလာတာ ကျေနပ်ရပါတယ်။ တဖက်သားက အချိန်တွေ ပေး အားထုတ်ထားတဲ့ စာအုပ်ကို သုံးမယ်လို့ ခွင့်တောင်းရတာ အပန်းကြီးတဲ့ ကိစ္စမှ မဟုတ်တာ..

အခုလို မျိုး.. စံနှုန်းတွေကို တန်ဖိုးထားလာကြတဲ့ အတွက် လူငယ်တွေကို ကျေးဇူးတင်ပါတယ်။

ဆရာမဂျူးရဲ့ နံရံ၏ အခြားတဖက်..

ဒီနေ့ ဆရာမ စာအုပ်ကို သူငယ်ချင်းတစ်ယောက်ကို ဘာသာပြန်ပြီး အနှစ်ချုပ်လေး ပြောပြဖြစ်တယ်။ ကိုယ်က သူငယ်ချင်းတွေကို ဆရာမ ဂျူး စာအုပ်တွေ ခန ခန ပြောပြဖြစ်တာ ဟိုး ကလေး ဘ၀ကထဲကပါပဲ။

ဒီရက်ပိုင်းကတော့ ဘ၀က ခွဲခွာရခြင်းတွေကို ခန ခန ရင်ဆိုင်လာရတဲ့အခါ.. ခွဲခွာခြင်းအတွက် ဘယ်လို ပြင်ဆင်ကြမလဲဆိုတာ စကားပြောကြရင်း ဒီစာအုပ်ကို ပြောပြဖြစ်တာပါ။

----------------------------------

စာအုပ်တွေမှာက ကိုယ်မြင်ချင်တဲ့ ရှု့ထောင့် ကိုယ်ပိုင် အတွေးတွေနဲ့ ဖြန့်ကျက်လို့ ရတာဆိုတော့ စာအုပ်တွေ ဖတ်ပြီး ပြန်ပြောကြတဲ့အခါ မတူညီတဲ့ အမြင်တွေ အတွေးတွေကနေ တခါတလေ ဒဿနတွေ ထုတ်ရတာ ကြိုက်တာလဲ ပါတာပေ့ါ။

ဆရာမ -- စာအုပ်ကနေ ကိုယ် ဘာတွေ ရလိုက်လဲ...

၁) လူတွေက နောက်ဆုံး အချိန် (သို့) ကိုယ် လက်မခံနိုင်တဲ့ အကြောင်းအရာတွေကို လက်ခံနိုင်ဖို့ အတွက် အကြောင်းပြချက်တွေကို ရှာဖွေကြတတ်တယ်။

အဲ့ဒီ ရှာဖွေမှုတွေထဲမှာ ဘာသာရေးဟာ အဖြေဖြစ်နေတတ်ကြတာ များတယ်။
( အစွန်းရောက် ယုံကြည်ကိုးကွယ်မှုတွေလည်း ဖြစ်သွားနိုင်ပါတယ်။ )

၂) ဆေးပညာလောကဟာ တိုးတက်နေတာလား၊ ဆုတ်ယုတ်နေတာလား (ဒါကတော့ ဆရာမ စာအုပ်နဲ့ မဆိုင်ပါဘူး) လို့ သုံးသပ်ဖို့ ခက်တယ်။ နည်းပညာတွေ အသစ်ထွက်နေပေမဲ့ ဘာမှန်းမသိတဲ့ အဖြေရှာ မရတဲ့ ရောဂါတွေ ကလည်း ခုခေတ်မှာ ပိုများလာတယ်။

ကျန်းမာရေးက အရေးကြီးတယ်ဆိုတာ လူတိုင်း သိကြ လက်ခံကြပေမဲ့ ကျင့်သုံးဖို့ကြတော့ အခြေအနေတွေ /အခွင့်အရေးတွေ ပေးဖို့လည်း လိုပါသေးတယ်။

၃) နောက်ဆုံး အချိန်ကို ဖြတ်သန်းရချိန်မှာ အတူ ဖြတ်သန်းရသူတွေက အရေးကြီးပါတယ်။ ဖြတ်သန်းရသူက ပြင်ဆင်နေရသလို အတူ ဖြတ်သန်းနေရသူတွေကလည်း ပြင်ဆင်ဖို့ လိုပါတယ်။

ဘယ်သူတွေနဲ့ အတူ ဖြတ်သန်းမလဲဆိုတာကိုတော့ ကာယကံရှင် ကိုယ်တိုင်ပဲ ရွေးချယ်ရမှာပါ။

၄) ငွေကြေးက အရေးကြီးပါတယ်။ ဆေးကုသူမှု ခံယူသည် ဖြစ်စေ/ မခံယူသည် ဖြစ်စေ.. သက်တောင့်သက်သာ ဖြစ်ဖို့အတွက်တော့ ငွေကြေးက လိုအပ်တာ အမှန်ပါ။

၅) နောင်တ ကင်းတဲ့သူက အရာရာကို ပိုပြီး ရင်ဆိုင်နိုင်တယ်။ ကိုယ့် ကို မွေးထုတ် ပေးလိုက်တဲ့ မိသားစု အတွက်၊ ကိုယ် တာ၀န်ယူ ခေါ်ဆောင်လာတဲ့ မိသားစု အတွက်.. ၊ တိုင်းပြည်အတွက်.. လူသားတွေ အတွက်.. တာ၀န်ကျေခဲ့ပြီဆိုရင် နောင်တ ကင်းကင်းနဲ့ အသက်ရှင်နိုင်သလို.. သွားရမဲ့ ခရီး အတွက်လည်း ပို ရင်ဆိုင်နိုင်မယ် ထင်တယ်။

(ဒီနေရာမှာ တက်ကျမ်း တချို့မှာ ပြောသလို ခွင့်လွှတ်ဖို့ /တောင်းပန်ဖို့ / ပြန်လည် ပေါင်းစည်းဖို့ ဆိုတာတွေကို မရည်ရွယ်ပါဘူး။ ကိုယ့် အမြင်အရတော့ တခါတလေ ပျက်စီးသွားပြီးတဲ့ ဆက်ဆံရေးတွေကို အကြောင်းအရာတစ်ခုနဲ့ အချိန်မတန်ခင် ဇွတ် ပြန်လည် ပေါင်းစီးကြတဲ့အခါ ဆက်ထုံးတွေက မပြေရင် သွားရမဲ့ ခရီးက ပိုတောင် နာကျင်ရနိုင်ပါတယ်)။

၆) ဆရာမ စာအုပ်ထဲက ဇာတ်ကောင် ဖြစ်သလို "အသက်ရှင် ကျန်ရစ်သူတွေကို မနာလိုတာ "ဆိုတာမျိုး မဖြစ်ဖို့.. ဘ၀ကို အကောင်းဆုံး စိတ်ကျေနပ်မှု အရဆုံး နေထိုင်ဖို့လည်း လိုမယ်လို့ ထင်မိတယ်။

---------------------------------
ရသပဲ ဖြစ်ဖြစ်.. ဒဿနပဲ ဖြစ်ဖြစ်..
စာဖတ်တာကတော့ လူတွေကို ပိုပြီး ရင့်ကျက် စေတာ အမှန်ပါ။

MMDT member တွေက နည်းပညာ စာအုပ်တွေအပြင်.. အတွေးအခေါ် / ဒဿန ဆိုင်ရာ စာအုပ်တွေကို ဖတ်ဖို့ ..

ဗုဒ္ဓဟူးနေ့ကို Literature book Reading Day အဖြစ် ရက်တိုးထားပါတယ်။

နောက်အပတ် (၂၂) ရက်နေ့ကျရင်.. "The Courage to be disliked" ဆိုတဲ့ စာအုပ်ကို စဖတ်ကြပါမယ်။

🎯𝐌̳𝐲̳𝐚̳𝐧̳𝐦̳𝐚̳𝐫̳ ̳𝐃̳𝐚̳𝐭̳𝐚̳ ̳𝐓̳𝐞̳𝐜̳𝐡̳ ̳𝐓̳𝐞̳𝐚̳𝐦̳ ̳𝐭̳𝐨̳ ̳𝐌̳𝐲̳𝐚̳𝐧̳𝐦̳𝐚̳𝐫̳ ̳𝐃̳𝐚̳𝐭̳𝐚̳ ̳𝐓̳𝐞̳𝐜̳𝐡̳

✔လူ ၃ ယောက်ရဲ့ အိမ်မက်ကနေတဆင့် စခဲ့ပြီး .. လူ ၆ ဦးနဲ့ ၂၀၂၂ မှာ စတင်ဖွဲ့ဖြစ်ခဲ့ကြပါတယ်။

✔ ၂၀၂၂ - ၂၀၂၃ မှာ အရှိန်ယူ ခဲ့တဲ့ MMDT ဟာ

✔၂၀၂၄ မှာ Learn with DataCamp အစီအစဥ်နဲ့ အတူ လေ့လာသူတွေ များပြားလာခဲ့ပါတယ်။

✔၂၀၂၅ မှာတော့ စာအတူလေ့လာသူတွေ အရှိန်မပျက်သွားဖို့ MMDT Subscriber အစီအစဥ်ကို စတင်ခဲ့ကြပြီး အဖွဲ့၀င် (၁၀၀) ကျော်လာတာကြောင့် Team ဆိုတဲ့ စကားလုံးကို ဖြုတ်ဖို့ ဆုံးဖြတ်လိုက်ခဲ့ပါတယ်။

✔၂၀၂၅ မှာ အစီအစဥ် အသစ်တွေ အများကြီးကို ရည်မှန်းထားတာထက် ပိုပြီး လုပ်ပေးနိုင်ခဲ့တယ်။ Python, ML, Deep Learning, Data Engineering, Data Visualization စသည်ဖြင့် သင်တန်းတွေကို အခကြေးငွေ မယူဘဲ ဖွင့်ပေးနိုင်ခဲ့တယ်။ Project အချို့ကို အတူ လက်တွဲ လုပ်ခဲ့ကြတယ်။ Paid Intern အချို့ စတင်နိုင်ခဲ့တယ်။

✔ကျေနပ်စရာ အကောင်းဆုံးကတော့ Reading Together / Learn Together စသည်ဖြင့် ကိုယ့်တာ၀န် ကိုယ် ယူစေတဲ့ အစီအစဥ်လေးတွေကို စနစ်တကျ စလာနိုင်ခဲ့တယ်။

🎯𝓜𝔂𝓪𝓷𝓶𝓪𝓻 (𝓜𝓜) -- 𝓓𝓪𝓽𝓪 (𝓓) -- 𝓣𝓮𝓬𝓱 (𝓣)

၂၀၂၅ မှာ MMDT အတွက် အချိန်တွေ အများကြီး ပေးရသလို.. ငွေလည်း ကုန်သင့်သလောက် ကုန်ခဲ့ပါတယ်။

ဒါပေမဲ့... အကျိုးရှိသူတွေလည်း များခဲ့သလို... ပိုပြီးတော့လည်း စနစ်ကျလာခဲ့တယ်လို့ ယုံကြည်ပါတယ်။
------------------------------------------------------

𝐌𝐌𝐃𝐓-- (2026 & 𝐁𝐞𝐲𝐨𝐧𝐝).. အတွက်

👉လက်ရှိ အဖွဲ့၀င် တွေ ဆီက အသံကို နားထောင်ချင်သလို..

👉MMDT core member တွေဘက်က စီစဥ်ထားတာကိုလည်း ပြောပြချင်ပါတယ်။

👉𝐌𝐌𝐃𝐓 အဖွဲ့၀င် ဖြစ်ချင်သူတွေ အတွက်လည်း အဖွဲ့၀င် ဖြစ်ဖို့ ဘာတွေ လုပ်ရမယ်။

👉အဖွဲ့ကနေ အကျိုး ရှိဖို့.. ဘာတွေ လုပ်သင့်တယ်ဆိုတာကို.. ၀ေမျှပေးချင်လို့..

လာမဲ့ တနင်္ဂနွေနေ့ (၁၉- အောက်တိုဘာလ) .. မြန်မာ စံတော်ချိန် (၇) နာရီမှာ

အားလုံးနဲ့ ဆုံချင်ပါတယ်။

------------------------------------------------------

𝐌𝐌𝐃𝐓-- (2026 & 𝐁𝐞𝐲𝐨𝐧𝐝) ကို စိတ်၀င်စားတယ် ဆိုရင်..

📅: 𝐒𝐮𝐧𝐝𝐚𝐲 -- 𝐎𝐜𝐭𝐨𝐛𝐞𝐫 19

🕘: 7 𝐭𝐨 8 𝐏𝐌 (𝐌𝐌 𝐓𝐢𝐦𝐞)

𝐑𝐞𝐠𝐢𝐬𝐭𝐫𝐚𝐭𝐢𝐨𝐧 Link : https://forms.gle/vrZWQw5uaaxGR8Yw5

Data Analysis လုပ်ရတာနဲ့ Data Dashboard လုပ်ရတာ မတူပါဘူး။

ဒါပေမဲ့ Data Dashboard တစ်ခုကို တည်ဆောက်ပြီး Data Story တစ်ခုကို ပြောနိုင်ဖို့ဆိုရင် Data Cleaning သေချာ လုပ်နိုင်ဖို့ လိုသလို Key Information တွေကို စနစ်တကျ ဆွဲထုတ်နိုင်ဖို့လည်း လိုအပ်ပါတယ်။

ဒီအပတ်ထဲ ကိုယ့်အဖွဲ့သားတွေနဲ့ real Data project တစ်ခုကို လက်တွဲ အလုပ်လုပ်ဖြစ်ပါတယ်။ ကိုယ် ဒီ project မှာ ပြင်ဆင်ဖြစ်တာလေးတွေကို အဖွဲ့ဝင်တွေ အပြင် ကျန်သူတွေပါ knowledge သဘောမျိုး share တာပါ။ Best practice ဆိုတာထက် မြန်မာပြည်ရဲ့ အခြေအနေနဲ့ ကိုက်ညီအောင် လုပ်ဖြစ်တဲ့ project practice ဆိုပါတော့..

1) Data Collection Process မှာပါဝင်တဲ့ မေးခွန်းတွေက အရမ်းကို rigid ဖြစ်နေရင် လိုချင်တဲ့ key တွေ မရမှာ စိုးလို့ တချို့ မေးခွန်းတွေကို open ဖြစ်အောင် လုပ်ထားခဲ့ပါတယ်။

2) Quantitative ကို တိတိကျကျ ရအောင် Table format ပေးခဲ့ပေမဲ့ counter check လို့ရအောင် တချို့နေရာတွေမှာ မေးခွန်းထပ်တာတွေ တဖက်လှည့်နဲ့ မေးထားတာတွေ ပါပါတယ်။

3) Qualitative report မှာ ဒေတာကောက်တဲ့အခါ Open ဆိုပေမဲ့ Frame တစ်ခု သေချာချပေးခဲ့တာမို့ Text Data တွေပေမဲ့ analyse လုပ်ရတာ အများကြီး အဆင်ပြေတာ တွေ့ရပါတယ်။

4) Data Cleaning လုပ်ချိန်မှာ Data သမား ခေါင်းကိုက်နေတာတွေ တွေ့ရပေမဲ့ 🤭 ကိုယ့် အတွက်တော့ သူကြုံရတဲ့ challenge တွေက key information တစ်ခု ထုတ်လို့ ရပါတယ်။ (ဒါပေမဲ့ ဒေတာ အများစုက project volume နဲ့ စာရင် တော်တော်လေး စနစ်ကျတာမို့ Dashboard တစ်ခုကို လျင်လျင်မြန်မြန်ပဲ လုပ်လို့ ရခဲ့ပါတယ်။ )

အရေးကြီးတာကတော့ Domain knowledge ပါ။ ဒီ knowledge မရှိရင် လိုရင်းတွေကို ရောက်ဖို့ ခက်ပါတယ်။

ကိုယ့်အမြင် ပြောရရင်တော့ Data သမားက passion မရှိလို့ မရပါဘူး။

One direction (တဖက်အမြင်နဲ့ ဆုံးဖြတ်လို့ မရပါဘူး။ ) ဘက်ပေါင်းစုံကနေ ရှု့ထောင့်စုံ ကြည့်တတ်ဖို့လိုပါတယ်။

ဒီ Data project မှာ ပါဝင်ခဲ့ကြတဲ့ အဖွဲ့သား အားလုံးကို ကျေးဇူးတင်ပါတယ်။ အချိန် ၂ လ လောက်အတွင်း အခုလောက်အထိ ရုပ်လုံးပေါ်လာတာ အတွက် ကျေးဇူးတင်ပါတယ်။

နိုင်ငံတကာ အဖွဲ့အစည်းတွေက ကိုယ့်ရဲ့ အလုပ်လုပ်နိုင်စွမ်းကို အံ့သြတကြီး ချီးကျူးတိုင်း ကိုယ် ပြောဖြစ်တဲ့ စကားက.

****ကိုယ်က အသင်းအဖွဲ့နဲ့ ပတ်သတ်ရင် ကံကောင်းသူ တစ်ဦးပါ။ ကိုယ့်ရဲ့ ဦးဆောင်မှု နောက်ကို ယုံယုံကြည်ကြည်နဲ့ လိုက်ပါကြတဲ့ အားကိုးရတဲ့ အသင်းသားတွေ ရှိတာမို့.. ဘယ်လို Data project ကို ဖြစ်ဖြစ် ကိုယ်က manage လုပ်နိုင်တာပါ။ ***

ပြီးခဲ့တဲ့ အပတ်က GED ဖွင့်ပွဲမှာ .. ကလေးတစ်ယောက်က ပြောတယ်။

"စစချင်းမှာ ဆရာ/မ အသက်ကြီးကြီးတွေ တွေ့တော့ ရှိန်နေတာ"..

ဒါက ဘာကို ပြသလဲဆိုရင်.. ဆရာ/မတွေရဲ့ role က ဖြည်းဖြည်းချင်း ပုံစံ ပြောင်းလာတာကို ပြနေတာပါ။ ပညာရေး (အထူးသဖြင့် အွန်လိုင်း ပညာရေး) မှာ သင်ကြားရေး ပုံစံ ပြောင်းသွားတာ နည်းနည်း ကြာပါပြီ။

လူငယ်တွေက လေ့လာနိုင်စွမ်း မြင့်လာသလို သိတာလေးကို အခြေခံပြီး ဆရာ ပြန်လုပ်ဖို့ မကြောက်ကြတော့ပါဘူး။ လူငယ်တွေ မကြောက်တတ်တော့ကြတာကို ကျမကတော့ အတော်လေး သဘောကျပါတယ်။

ဥပမာ -- ဆိုပါစို့။ သင်တန်းတစ်ခုကို ၆ လ လောက်တတ်လိုက်တယ်။ သင်တန်းပြီးသွားတာနဲ့ ဆရာ ပြန်လုပ်လိုက်တယ်။

သင်ယူသူ လူငယ်တွေဘက်ကလည်း သင်ယူသူတွေဘက်ကလည်း သင်ပေးသူ ဆရာက ဘာဘွဲ့ / ညာဘွဲ့ဆိုတာ စိတ်မ၀င်စားကြတော့ဘူး။ ဘွဲ့တွေ ရထားပြီး စာမသင်တတ်သူတွေလည်း တပုံကြီးဆိုတော့ ဒီဟာအပေါ်ထူးပြီး ရင်မခုန်တော့ဘူး။

လူငယ်ချင်း သင်ရတော့ လွတ်လပ်တယ်။ ဗဟုသုတ အများကြီး ကွာဟ နေတာမျိုး မရှိတော့ ပြောရဆိုရတာလည်း ပေ့ါပါးတယ်။ ပိုပြီး ပြောရဲ ဆိုရဲ ရှိတယ်။

ဆရာဘက်ကလည်း မှားသွားမှာကို ကြောက်တာမျိုး သိပ်မရှိတော့သလို မသိဘူး လို့ ၀န်ခံရမှာကိုလည်း ၀န်မလေးကြတော့ဘူး။ ဒါက ကြိုဆိုရမဲ့ အချက်ပါ။

ဆရာတစ်ယောက်က မသိတာကို မသိဘူးလို့ ၀န်ခံနိုင်တဲ့ သတ္တိ / စိတ်ဓါတ် အလေ့ကျင့် ရှိဖို့ လိုပါတယ်။ (ဒါက အသက်အရွယ် /ပညာ အပိုင်းအခြားနဲ့ မဆိုင်ပါဘူး).

ဒီလို သင်ကြားမှုမျိုးတွေကို လူငယ် တွေ အချင်းချင်းကြား (ဆရာနဲ့ ကျောင်းသူ/သား) မှာ မြင်လာရတာကို ကျမကတော့ ကြိုဆိုပါတယ်။

--------------------------------------------------------------------
တစ်ခုပဲ စိတ်ပူမိတာကတော့.. Ethic ပိုင်းပါ။

ပညာရေး ဆိုတာ ငွေရရုံ သပ်သပ် လုပ်စားလို့လည်း ရတဲ့ လောကတစ်ခုဆိုတော့..

အတွေ့အကြုံနည်းသေးတဲ့ အချိန်မှာ ဆရာ/မ role ကို ယူလိုက်ရတဲ့အခါ .

ဆက်လက် လေ့လာမှု တွေ မလုပ်ကြတော့မှာ.. (ဆရာ/မ ဆိုတော့ ဆက်တိုက် လေ့လာနေဖို့ လိုပါတယ်။ အထူးသဖြင့် အသစ်/ အသစ်တွေ တချိန်လုံး ထွက်နေတဲ့ အခုလို အချိန်မျိုးမှာ ပိုပြီး လိုအပ်ပါတယ်)။

တချို့ စံတွေ ကျင့်၀တ်တွေကို မသိလိုက်ဘဲ ဖောက်ဖျက်မိမှာမျိုးကိုတော့ စိတ်ပူမိပါတယ်။ (ဒါပေမဲ့လည်း ဖောက်ဖျက်နေကြတာတွေ တွေ့ရသလောက်တော့ အသက်အရွယ်နဲ့ မဆိုင်ပါဘူး။ လူကြီးတွေကတောင် ပိုဆိုးနေကြသလို..)

သိပ်မကြာခင်က ထွက်ထားတဲ့ ကျမရဲ့ AI For Myanmar စာအုပ်မှာ AI ကြောင့် ပြောင်းလဲလာနိုင်တဲ့ လုပ်ငန်းခွင် အခြေအနေတွေကို ပြောပြထားခဲ့ပါတယ်။

အဲ့ စာအုပ်ထဲမှာ မပါသွားပေမဲ့ ကျမတို့ အမြဲ ဆွေးနွေးဖြစ်နေတဲ့ အကြောင်း အရာတစ်ခုကတော့ (တက္ကသိုလ် သင်ကြားရေးနဲ့လည်း ဆက်စပ်နေတာမို့) AI က Senior တွေထက် Junior တွေ အပေါ် သက်ရောက်မှု များနေတယ်ဆိုတဲ့ အချက်ပါ။

မနေ့က ထွက်လာတဲ့ Harvard Uniersity က သုတေသန စာတမ်းက ကျမရဲ့ အဲ့ဒီ အမြင်ကို အလုပ်ခေါ်စာတွေ အလုပ်လျှောက်လွှာတွေက တဆင့် ထုတ်နှုတ် ကောက်ယူပြီး သက်သေပြလာပါတယ်။

အခုမှ ကျောင်းပြီးမဲ့သူတွေ.. အလုပ်ခွင် စ၀င်မဲ့သူတွေ အတွက် ရင်ဆိုင်ရမဲ့ အခက်အခဲတစ်ခုပါပဲ။

သို့သော် .. ဒါက စိတ်ဓါတ်ကျရမဲ့ အခြေအနေ တော့ မဟုတ်ပါဘူး။ Coding ရေးတတ်တာထက် coding ကို ပိုပြီး နားလည်အောင်.. သဘောတရား တစ်ခုကို သေချာသိအောင် လုပ်ရမဲ့ အချိန် ရောက်လာတာလို့ပဲ မြင်ပါတယ်။

-------------------------------------

စာတမ်းပါ အချက်အလက် အချို့ နဲ့ ကျမ အမြင်ဆွေးနွေးမှုကိုတော့ medium မှာ အသေးစိပ် ရေးထားပါတယ်။

အောက်တိုဘာလ (၅) ရက်နေ့မှာ UNDP / Impact Hub က ပြုလုပ်တဲ့ Leveragingg AI workshop မှာ ကိုယ်က Profile ကို ထုတ်ပြောချိန်မှာ AI for Myanmar စာအုပ် ရေးထားကြောင်း ပြောပြဖြစ်ပါတယ်။

အဲ့အခါမှာ တက်ရောက်လာသူတွေက workshop ပြီးချိန် စာအုပ်အကြောင်း မေးတဲ့အခါ UNDP / Impact Hub က လုပ်တဲ့ ပွဲမို့.. Conflict of Interest ဖြစ်မှာစိုးလို့ ကိုယ့် စာအုပ်အကြောင်း မပြောတော့ပါဘူးလို့ ငြင်းဆိုလိုက်ပါတယ်။

ပွဲစီစဥ်သူတွေက ရပါတယ် ဆရာမလို့ ၀င်ပြောပေမဲ့ .. သူတို့ UNDP ပလက်ဖောင်းမှာ တင်ထားတဲ့ (Leveragingg AI ) course အကြောင်းကိုသာ ပြောပြပြီး စာအုပ်အတွက် ကိုယ့် page မှာ ၀င်ကြည့်ဖို့သာ ပြောဖြစ်ခဲ့ပါတယ်။

တချို့လူတွေ အတွက် ချေသလို ဖြစ်သွားမလား၊ တမျိုး ဖြစ်သွားမလား မသိပေမဲ့.. အဲ့ဒါ ကိုယ်ထားတဲ့ စံပါပဲ။

တခြား အဖွဲ့အစည်းက လုပ်တဲ့ ပွဲမှာ သူတို့ အတွက် ကိုယ်ပေးထားတဲ့ (၂) နာရီက သူတို့ အတွက်ပါပဲ။ အဲ့ဒီအချိန်မှာ ကိုယ်က speaker တစ်ဦးမို့.. သက်ဆိုင်တဲ့ Profile ကို ပြောရတာက လိုအပ်ချက်အရပါ။ ဒါပေမဲ့ ဒီအချိန်မှာ ကိုယ့် စာအုပ် အကြောင်းကို (လိုအပ်တာထက်) ပိုပြီး မပြောတာက ကိုယ့်ရဲ့ ethic ပါပဲ။​

---------------------------
ကိုယ် စာအုပ်တွေ ရေးပါတယ်။ အခုထိ မြန်မာလို ရေးတာ (၄) အုပ်ရှိပါပြီ။

စာအုပ်ထုတ်ချိန်မှာ ကြေငြာသင့်သလောက် ကြေငြာပေမဲ့ စာအုပ်ထွက်ပြီး တစ်လပြည့်တာနဲ့ မြန်မာငွေကြေးနဲ့ ရောင်းတာကို ရပ်လိုက်ပြီး အွန်လိုင်း platform (https://leanpub.com/aiformyanmar) တစ်ခုမှာပဲ တင်ထားလိုက်ပါတယ်။
review ရေးပေးတဲ့အခါ ကျေကျေနပ်နပ် ကြည်ကြည်နူးနူး ဖတ်ဖြစ်ပြီး ရေးပေးသူကို ကျေးဇူး တင်ဖြစ်ပေမဲ့ ရေးပေးပါလို့ ဘယ်သူ့ကိုမှ မတောင်းဆိုပါဘူး။

အဲလိုပါပဲ.. ကိုယ် Youtube မှာ တင်ထားတာတွေကို တခါတရံ ဒီမှာ ပြောပြဖြစ်ပေမဲ့ ငွေလိုချင်လို့ မဟုတ်ပါဘူး။ (Youtube က နေလည်း ခုထိ ငွေ ၁၀ ဒေါ်လာပြည့်အောင် မ၀င်ဖူးပါဘူး။ )

ဒီ နည်းပညာ စာအုပ်တွေ / သင်ကြားရေး ဗွီဒီယိုတွေကို ကိုယ်က လုပ်သင့်တဲ့ အလုပ်တစ်ခုကို လုပ်ရမဲ့ အချိန်မှာ လုပ်တယ်ဆိုတဲ့ စိတ် တစ်ခုနဲ့ ပဲ လုပ်နေတာမို့ပါ။

အထူးသဖြင့် ဒီစာအုပ်က နည်းပညာနဲ့ စိမ်းတဲ့ မြန်မာတွေ အတွက် လိုကို လိုအပ်နေတယ်ဆိုတဲ့ စိတ်နဲ့ ထလုပ်ဖြစ်တာပါ။ အချိန် အများကြီး ပေးခဲ့ရသလို AI tool တွေစမ်းဖို့ ငွေကြေးလည်း အတိုင်းအတာ တစ်ခု အထိ သုံးခဲ့ရပါတယ်။

ဒါပေမဲ့ အကုန် အခမဲ့ ပေးလိုက်ဆိုပြန်တော့လည်း မြန်မာပြည် ထုံးစံအရ ပညာတွေက တန်ဖိုး မဲ့သွားပြန်ရော မို့ ..

✔စာအုပ်၀ယ်ချင်တယ်.. အတိုင်းအတာတစ်ခုအထိလည်း ငွေကြေးတတ်နိုင်ရင်တော့ အထက်က platform (https://leanpub.com/aiformyanmar) မှာ သွား၀ယ်လို့ ရပါတယ်။

👉ဒီတိုင်းပဲ လေ့လာချင်ရုံ သပ်သပ်ဆိုရင် Youtube channel မှာလည်း အကုန် အခမဲ့ တင်ပေးထားပါတယ်။

🎯မဟုတ်ဘူး.. စာအုပ်လည်း ဖတ်ချင်တယ်။ မြန်မာငွေနဲ့ ပေးချေမှ အဆင်ပြေမယ်ဆိုရင်လည်း mmdt mail ကို ပို့ပြီး၀ယ်လို့ရပါတယ်။

သီတင်းကျွတ်တဲ့..

ကိုယ်က ရာသီခွင်တွေကို မပျော်တတ်ဘူး။ ပြန်စဥ်းစားရင် သင်္ကြန်ကြောင့် ရင်မခုန်သလို သီတင်းကျွတ်ဆိုလဲ သာမာန်ပဲ။ နည်းနည်း အသက်ရလာတော့ ဗျောက်ဖောက်ရင် မီးရှူးမီးပန်းတွေ ဖောက်ရင် စိတ်တောင် အနှောက်အယှက်ဖြစ်ခဲ့မိဖူးတယ်။

လွန်ခဲ့တဲ့ (၅) နှစ်လောက်ကအထိတော့ ကိုယ့်ရဲ့ အဲလို ဖြစ်နေတဲ့ စိတ်ကို ပူပန်ခဲ့ဖူးတယ်။​ကိုယ်က စိတ်ကို သော့ခတ်ထားမိတာလားလို့ တွေးပြီး စိတ်မကောင်းဖြစ်ခဲ့ဖူးသလို ဒါဟာ စိတ်ပညာအရ ပုံမှန် မဟုတ်တာလားလို့လည်းတွေးပူခဲ့ဖူးတယ်။

-------------------------
အခုနှစ်ပိုင်းမှာတော့.. ရာသီခွင်တွေကို ထူးခြားပြီး မပျော်တတ်တဲ့ ကိုယ့် စိတ်ကို သဘောကျလာတယ်။ စွဲစွဲလန်းလန်းမရှိတတ်တဲ့ စိတ်ကို သဘောကျတာနဲ့ အတူ မတမ်းတခြင်း ကြောင့်ရတဲ့ အေးချမ်းမှုကိုလည်း သဘောကျလာတယ်။ အများအတွက် လုပ်ပေးပြီး သူများ ပျော်တာ ကြည့်ပြီး ပျော်နေနိုင်မှတော့ ကိုယ်ဟာ စိတ်ပညာ အရ ပုံမှန် မဟုတ်နေတာ မဟုတ်ဘူးဆိုတာလည်း သဘောပေါက်လာတယ်။

ဒီနှစ်သီတင်းကျွတ်မှာတော့..

🎯GED 4th batch / 5th batch အတွက် ဖွင့်ပွဲ လုပ်ပေးဖြစ်တယ်။​ စကားပြောဖို့ ကင်မရာ ဖွင့်ဖို့ တွန့်ဆုတ်နေတဲ့ ကလေးတွေကို ခြောက်ချည် တလှည့် ချော့ချည် တဖုံ ကြိုးစား အားထုတ်ရင်း ကင်မရာလေးတွေ ဖွင့်လာတဲ့အခါ .. စကားသံလေးတွေ ထွက်လာတဲ့အခါ ပျော်ရွှင် ကျေနပ်ရတယ်။​

🎯 UNDP/Impact Hub ဖိတ်ခေါ်မှုနဲ့ "Leveraging AI technologies and tools for MSMEs" ခေါင်းစဥ်နဲ့ စီးပွားရေး လုပ်ငန်းရှင်တွေ / စီးပွားရေးလောကမှာ ကျင်လည်နေသူတွေကို AI ကို အကျိုးရှိရှိ အသုံးချဖို့ ပြောရင်း သတိထားရမှာလေးတွေကို ပြောပြတဲ့အခါ.. အကျိုး ရှိတယ်လို့ ပြန်ပြောကြတော့ ကျေနပ် ကြည်နူးရပါတယ်။​

🎯 MMDT - Reading Club က ပြုလုပ်တဲ့ book closing / Knowledge sharing ပွဲကို ၀င်တက်တဲ့အခါ လူငယ်တွေ စာဖတ်ကြဖို့ ပတ်၀န်းကျင် တစ်ခုကို ငါတို့ ဖန်တီး ပေးလိုက်နိုင်ပါလားဆိုတဲ့ အသိနဲ့ ကျေနပ်ရပါတယ်။

🎯 ကိုယ်တိုင် အပင်ပန်းခံ / အလုပ်လုပ်ရင်းနဲ့ ကိုယ့် ပတ်၀န်းကျင်က လူတွေကို သင့်တင့်တဲ့ ငွေပမာဏ ရနိုင်တဲ့ အလုပ်တစ်ခုကို အတူတူ တွန်းလုပ်ဖို့ ဆွဲဆောင်ရင်း မနည်းလှတဲ့ ပမာဏ တစ်ခုကို ဖန်တီး ပေးလိုက်တာတွေးပြီး ပျော်ရွင်ရတယ်။

ဒါဆိုရင်... ကိုယ်ဟာ မပျော်ရွှင်တတ်သူ မဟုတ်ဘူး ထင်ပါတယ်။

သီတင်းကျွတ်မှာ ဂါရ၀ တရားအရ.. ချစ်ခြင်းအားဖြင့် ဆုတောင်းမေတ္တာ ပို့ပေးကြသူ . ကန်တော့ ကြသူ အားလုံးကိုလည်း ကျေးဇူးတင်ပါတယ်။

လူတိုင်းမှာ အပြစ်ဆိုတာ ရှိကြတာမို့.. ကိုယ့်အနေနဲ့ ခွင့်လွှတ်ရမဲ့ နေရာမှာ မရှိဘူးလို့ မြင်ပါတယ်။​ သို့သော် ဂါရ၀ သဘောတရား အရ ယဥ်ကျေးမှု အရ ပြောရမယ်ဆိုရင်တော့ လူတိုင်းကို ခွင့်လွှတ်သလို.. ကိုယ့် အပြုအမူ စကားတစ်ခွန်း အတွက် နာကျင် စိတ်ကွက်စရာ ဖြစ်ခဲ့ ကြမယ်ဆိုရင်လည်း နားလည် ခွင့်လွှတ်ကြဖို့ တောင်းပန်ပါတယ်။

ပြီးခဲ့တဲ့ သီတင်းကျွတ် ပိတ်ရက်မှာ သတ်မှတ် နာရီပြည့်အောင် မအိပ်နိုင်လောက်အောင် အလုပ်တွေ များနေခဲ့တာမို့ တစ်ယောက်ချင်းကို စာမပြန်ဖြစ်တာကိုတော့ နားလည် ခွင့်လွှတ်ပေးကြလိမ့်မယ်လို့ မျှော်လင့်ပါတယ်။

ချစ်ခြင်းအားဖြင့်...

The workshop is happening today!..

UNDP Myanmar ရဲ့ eLearning Portal for MSMEs က ပြုလုပ်မဲ့ Workshop မှာ speaker အဖြစ် ကျမ ရှိနေပါမယ်။

https://www.facebook.com/share/p/1Fgmx4uFGw/?mibextid=wwXIfr

🚀 လုပ်ငန်းအတွက် စမတ်ကျတဲ့နည်းပညာတိုးတက်မှုအသစ်တွေကို ယူဆောင်လာပေးမဲ့ “AI အွန်လိုင်းအလုပ်ရုံဆွေးနွေးပွဲ”
….
AI နည်းပညာကိုအသုံးပြုပြီး အသေးစား၊ အငယ်စားနဲ့ အလတ်စားလုပ်ငန်းတွေကို မြှင့်တင်နိုင်ဖို့အတွက် “Leveraging AI Technologies and Tools for MSMEs - Virtual Workshop” ရောက်ရှိလို့လာပါပြီ။

မိမိလုပ်ငန်းကို မြှင့်တင်လိုတဲ့ MSME လုပ်ငန်းရှင်တွေ၊ နည်းပညာအကူအညီနဲ့ လုပ်ငန်းဆောင်တာတွေကို အထောက်အကူပြုလိုတဲ့ စီမံခန့်ခွဲသူတွေအတွက် အဓိက အကျိုးရှိတဲ့ workshop တစ်ခုလည်းဖြစ်လို့ ပါ၀င်ဆွေးနွေးသင်ယူဖို့ အားပေးလိုပါတယ်။
….
ဒီ Workshop ကနေ
⭐️လုပ်ငန်းအတွက် AI ရဲ့ အသုံးဝင်ပုံကို ထဲထဲဝင်ဝင်နားလည်ပြီး MSMEs လုပ်ငန်းတွေမှာ လက်တွေ့အသုံးချနည်းတွေ၊
⭐️ AI ကို အသုံးပြုပြီး စီးပွားရေးဈေးကွက်အသစ် ရှာဖွေနည်းတွေ၊
⭐️ နေ့စဉ်လုပ်ငန်းဆောင်တာတွေမှာ AI ရဲ့ အကူအညီနဲ့ ပိုမိုချောမွေ့မြန်ဆန်တဲ့နည်လမ်းတွေကို လက်တွေ့ကျကျ လေ့လာသင်ယူရရှိမှာပဲဖြစ်ပါတယ်။
….
AI Workshop မှာ ပို့ချဆွေးနွေးပေးမဲ့ ဆရာမကတော့
အမေရိကန်နိုင်ငံ University of Illinois (UIC, Chicago) မှာ Computer Science သင်ကြားပို့ချပေးနေတဲ့ Dr. Myo Thida ပဲဖြစ်ပါတယ်။ မြန်မာ MSME တွေအတွက် ဒေါက်တာမျိုးသီတာ ပြုစုပြင်ဆင်ပေးထားတဲ့ "AI for MSMEs" အွန်လိုင်းသင်တန်းကိုလည်း UNDP Myanmar ရဲ့ "eLearning Portal" မှာ ကြိုတင်လေ့လာထားပြီး အသေးစိတ်သိချင်တာတွေ၊ နားမလည်တာတွေအားလုံး ဆရာမကို အွန်လိုင်းအလုပ်ရုံဆွေးနွေးပွဲအတွင်း တိုက်ရိုက်မေးမြန်းနိုင်မှာဖြစ်ကြောင်း သတင်းကောင်းပါးအပ်ပါတယ်။
သင်တန်းတက်ရန် လင့်ခ်
https://msmelearning.mm.undp.org/course/preview/688b18532bc7d2f6ebd707f1
….
AI အွန်လိုင်းအလုပ်ရုံဆွေးနွေးပွဲကို
📆အောက်တိုဘာလ (၅)ရက် တနင်္ဂနွေနေ့
⏰နံနက် ၉:၃၀ နာရီမှ ၁၁:၃၀ နာရီထိ
Zoom မှ ပို့ချဆွေးနွေးသွားမှာပါ။
အခုပဲ ကြိုတင်စာရင်းပေးသွင်းနိုင်ပါပြီ။
🔗https://us06web.zoom.us/meeting/register/7bVUg48TQxi8UKAaxR5PuA
Meeting ID: 852 5494 5570
Passcode: 2025AI
...
AI နဲ့ စမတ်ကျတဲ့လုပ်ငန်းတွေအဖြစ် မြှင့်တင်နိုင်ဖို့ UNDP Myanmar ရဲ့ အွန်လိုင်းအလုပ်ရုံဆွေးနွေးပွဲမှာ ပါဝင်လိုက်ကြပါစို့။

မြန်မာပြည်မှာ Programming စသင်ကြားတဲ့ လွန်ခဲ့တဲ့ (၁၀) နှစ်လောက်ကထဲက ကျမပြောခဲ့ဖူးတာ ရှိပါတယ်။ ပရိုဂရမ် သင်ယူတဲ့အခါ.. syntax ထက် concept ကို ဦးစားပေးဖို့ပါ။

အခုလို AI ခေတ်မှာ အဲ့ဒါက ပိုအရေးကြီးလာပါတယ်။ အခု အများစု လေ့လာနေတဲ့ Python ကို နောက် (၃) နှစ်လောက်မှာ မသုံးကြတော့ဘူးဆိုတာလဲ ဖြစ်လာနိုင်ပါတယ်။ အဓိကကတော့ concept ကို ရနေဖို့ပါပဲ။ အဲလို ရနေရင် ဘယ်လို language ပဲ လာလာ pick up လုပ်နိုင်သွားမှာပါ။

ဒီတခေါက် MMDT - Python class ကို အများကြီး ပြန်ပြင်ဆင်ပေးဖြစ်ပါတယ်။ အရင်က သိပ်ပြီး အားစိုက် မပြောဖြစ်တဲ့ keyword argument / position argument လို ဟာတွေ.. mutable / immutable အပိုင်းတွေနဲ့ module ရေးတာတွေကို ပိုထည့်ပေးဖြစ်တယ်။

ကျမ အတွက်တော့ မြန်မာ တွေကို စာသင်တာက စာဆိုတာ ထက်ပိုပါတယ်။

ဇွဲရှိဖို့ .. တာ၀န်ခံမှု / တာ၀န်ယူမှု ရှိဖို့ commitment အားကောင်းဖို့ .. အပြန်အလှန်ကူညီတတ်ကြဖို့
နိုင်ငံတကာမှာ ကျမ သင်ပေးနေတဲ့ ပုံစံတွေနဲ့ ရင်းနှီးစေဖို့... .
နိုင်ငံတကာ ရောက်တဲ့အခါ ဒီလို စနစ်တွေကို စိမ်းမနေစေဖို့..

ကျမ မှာ အိမ်မက်တွေ ရည်ရွယ်ချက်တွေ အများကြီးပါပဲ။ (လျှော့ချဖို့ ကြိုးစား နေရင်းက တိုးလာနေတဲ့ အိမ်မက်တွေပါ)။

ဒီတခေါက် Python သင်တန်းမှာ ပါ၀င်တဲ့ အပိုင်းလေးတွေနဲ့.. သင်တန်းသူ/သား တွေ လုပ်ရမဲ့တာ၀န်တွေ.. ပေ့ါပေ့ါပါးပါးတော့ မဟုတ်နေဘူး။ ဒါပေမဲ့.. ၂၀၂၅ နှစ်မကုန်ခင် တခုခုတော့ ရသွားကြဖို့ မျှော်လင့်ပါတယ်။

Intro to Functions: https://youtu.be/u7ek4arNJWo
Python Parameters: https://youtu.be/ojgSauCMNWQ
Python namespace : https://youtu.be/wu1Say1Iwyw
Looping concept: https://youtu.be/PMhmFVjKUAc
Common Errors: https://youtu.be/iQb7QePa_nk