12/06/2026
Hambalyo Guulaystayaasha Tartanka Isreeb-reebka Biology iyo Chemistry! 🏆
Waxaan hambalyo iyo bogaadin u diraynaa ardayda ku guulaystay tartanka isreeb-reebka maadooyinka Biology iyo Chemistry ee loo qabtay ardayda fasallada kala ah F1, F2A iyo F2B ee laanta Bilan.
Ujeedka tartanka ayaa ahaa in ardaydu ku dadaalan aqriska maadoyinka iyaga oo ku tartamaya kuna soo bandhigaya aqoontooda. Tartanka waxaa ku guulaystay:
1- Hannad Cumar Siyaad-F1
2. Caasho Maxamed Salaad-F2B
3-Anas Cumar Xaashi-F2A
Guulaystayaasha ayaa ku guulaystay abaalmarin lacageed, dhibco iyo shahaado sharaf taaso dhiirigalin ah dadaalkii ay muujiyeen.
Hambalyo. 🏆
11/06/2026
Waxaa maanta si rasmi ah u soo gabagaboobay sannad dugsiyeedka 2025-2026.
Hambalyo dhammaan ardayda. Waxaan idiin rajaynaynaa natiijooyin wanaagsan oo aad ku faraxdaan, kana tarjumaya juhdigii aad geliseen waxbarashadiinna.
Fasax wacan.
26/05/2026
Ciid Al-Adxa Mubaarak 🌙✨
Waxaan hambalyo iyo bogaadin ku aaddan munaasabadda Ciidda u diraynaa guud ahaan ummada muslimiinta ah, gaar ahaan shacabka Soomaaliyeed iyo dhammaan bahwaynta dugsiga Omar bin Abdiaziz meel walba oo ay joogaan.
Ciid Wanaagsan.
23/05/2026
Waxaa si rasmi ah usoo dhammaaday tartan- aqooneedka dugsiga sannad dugsiyeedka 2025/26. Iyadoo kulanka k**a dambaysta ah ay isku wajaheen labada fasal ee kala ah Form 3 Waaberi iyo Form 3 Bilan oo ahaa guulaystayaashii labada laan ee dugsiga.
Kulankan oo aad u xiiso badnaa ayaa labada fasalba soo bandhigeen dadaal, aqoon, iyo tartan qurux badan oo ay si heer sare ah ugu loolameen hanashada horyaalka aqoonta dugsiga.
Natiijadii ayaa kusoo idlaatay:
Form 3 Bilan — 19 Dhibcood
Form 3 Waaberi — 20 Dhibcood
Sidaas darteed, waxaa ay guushu raacday fasalka Form 3 Waaberi.
Hambalyo Form 3 Waaberi oo noqday Horyaalka Aqoonta Dugsiga Omar bin Abdiaziz 2025/26.
Sidoo kale hambalyo Form 3 Bilan oo ku guulaystay kaalinta 2aad ee tartan-aqooneedka dugsiga.
23/05/2026