Modern University for Science and Technology Galkayo

𝐆𝐚𝐥𝐤𝐚𝐜𝐲𝐨 – 𝟎𝟑 𝐉𝐮𝐮𝐧 𝟐𝟎𝟐𝟔

Wafdi ka socda Jaamacadda Modern ayaa maanta booqasho dhiirrigelin, duco iyo wacyigelin waxbarasho ku tagay Dugsiga Sare ee 𝘼𝙡-𝙎𝙖𝙛𝙖 ee magaalada Galkacyo, iyagoo si gaar ah ula kulmay ardayda fasalka 𝟏𝟐-𝐚𝐚𝐝 ee isku diyaarinaya Imtixaanka Qaranka.

Masuuliyiinta Jaamacadda ayaa ardayda la wadaagay talooyin iyo dardaaran ku saabsan muhiimadda ay leedahay dadaalka, qorshaynta waqtiga iyo kalsoonida nafta inta lagu jiro xilliga imtixaannada. Sidoo kale, waxay u sameeyeen duco ay Alle uga baryeen inuu u fududeeyo imtixaankooda kana siiyo guul iyo natiijo wanaagsan.

Intii ay booqashadu socotay, masuuliyiintu waxay ardayda si faahfaahsan ugu sharxeen kulliyadaha kala duwan, tayada waxbarashada iyo fursadaha waxbarasho ee ay bixiso Jaamacadda Modern, iyagoo ku boorriyey inay sii wataan waxbarashadooda sare si ay u gaaraan himilooyinkooda mustaqbalka.

Gabagabadii, masuuliyiinta Jaamacadda ayaa uga mahadceliyey ardayda dadaalka iyo kartida ay muujiyeen muddadii waxbarashadooda dugsiga sare, waxayna ku dhiirrigeliyeen inay sii laba jibaaraan dadaalkooda si ay u gaaraan guulo waxbarasho iyo kuwo nololeedba.

𝐁𝐨𝐨𝐪𝐚𝐬𝐡𝐚𝐝𝐚 𝐃𝐮𝐠𝐬𝐢𝐠𝐚 𝐇𝐨𝐨𝐬𝐞, 𝐃𝐡𝐞𝐱𝐞 𝐢𝐲𝐨 𝐒𝐚𝐫𝐞 𝐞𝐞 𝐂𝐚𝐛𝐝𝐮𝐥𝐥𝐚𝐚𝐡𝐢 𝐂𝐢𝐢𝐬𝐞

𝐆𝐚𝐥𝐤𝐚𝐜𝐲𝐨 – 𝟎𝟑 𝐉𝐮𝐮𝐧 𝟐𝟎𝟐𝟔

Masuuliyiin ka socda Jaamacadda Modern ayaa maanta booqasho ku tagay Dugsiga Hoose, Dhexe iyo Sare ee 𝘾𝙖𝙗𝙙𝙪𝙡𝙡𝙖𝙖𝙝𝙞 𝘾𝙞𝙞𝙨𝙚.

Booqashadan oo ahayd mid lagu dhiirrigelinayay lagulana dardaarmayay ardayda fasalka 𝟏𝟐-𝐚𝐚𝐝 ee dugsiga sare, ayaa masuuliyiintu ardayda la wadaageen muhiimadda ay leedahay dadaalka waxbarashada, diyaar-garowga imtixaanka qaranka iyo qorsheynta mustaqbalkooda tacliimeed.

Sidoo kale, masuuliyiintu waxay ardayda u soo bandhigeen adeegyada waxbarasho ee ay bixiso Jaamacadda Modern, iyagoo faahfaahin ka siiyay kuliyadaha kala duwan, deeqaha waxbarasho iyo fursadaha ay jaamacaddu u diyaarisay ardayda Soomaaliyeed ee ka soo baxaya dugsiyada sare.

Ugu dambayn, masuuliyiintu waxay ardayda ugu duceeyeen in Alle ku guuleeyo imtixaanka shahaadiga ah ee ay dhawaan qaadi doonto Wasaaradda Waxbarashada, Hiddaha iyo Tacliinta Sare ee Soomaaliya, isla markaana uu u fududeeyo gaarista himilooyinkooda waxbarasho.

Dhanka kale, maamulka iyo ardayda Dugsiga Cabdullaahi Ciise ayaa si weyn uga mahadceliyay booqashada ay Jaamacadda Modern ku timid dugsiga, iyagoona bogaadiyay doorka ay jaamacaddu ka qaadato taageerada, dhiirrigelinta iyo horumarinta ardayda Soomaaliyeed.

𝐁𝐨𝐨𝐪𝐚𝐬𝐡𝐚𝐝𝐚 𝐃𝐮𝐠𝐬𝐢𝐲𝐚𝐝𝐚 𝐒𝐚𝐫𝐞 𝐞𝐞 𝐌𝐚𝐠𝐚𝐚𝐥𝐚𝐝𝐚 𝐆𝐚𝐥𝐤𝐚𝐜𝐲𝐨.

𝐆𝐚𝐥𝐤𝐚𝐜𝐲𝐨 – 𝟎𝟑 𝐉𝐮𝐮𝐧 𝟐𝟎𝟐𝟔

Wafdi ka socda Jaamacadda Modern ayaa maanta booqasho ku tagay Dugsiga Sare ee 𝙂𝙚𝙚𝙨𝙠𝙖 𝘼𝙛𝙧𝙞𝙠𝙖, iyadoo booqashadu qayb ka tahay dadaallada Jaamacaddu ku dhiirrigelinayso ardayda fasalka 𝟏𝟐-𝐚𝐚𝐝 ee isku diyaarinaya Imtixaanka Qaranka ee ay qaaddo Wasaaradda Waxbarashada Soomaaliya.

Masuuliyiinta Jaamacadda ayaa ardayda la wadaagay dardaaran, dhiirrigelin iyo talooyin wax-ku-ool ah oo ku saabsan sida ugu wanaagsan ee ay uga faa’iidaysan karaan maalmaha kooban ee ka harsan imtixaanka, iyagoona ku boorriyey in ay muujiyaan dadaal, kalsooni iyo karti si ay u gaaraan natiijooyin wanaagsan.

Sidoo kale, wafdigu waxa uu ardayda uga warbixiyey kulliyadaha kala duwan ee ay bixiso Jaamacadda Modern, barnaamijyada waxbarasho ee ka socda jaamacadda iyo fursadaha waxbarasho ee loo diyaariyey ardayda Soomaaliyeed si ay u sii wataan waxbarashadooda heer jaamacadeed.

Jaamacadda Modern waxay mar kale u rajaynaysaa dhammaan ardayda Soomaaliyeed, gaar ahaan kuwa sanadkan u fariisanaya Imtixaanka Qaranka, guul iyo natiijooyin wax ku ool ah.

𝐁𝐨𝐨𝐪𝐚𝐬𝐡𝐚𝐝𝐚 𝐃𝐮𝐠𝐬𝐢𝐠𝐚 𝐇𝐨𝐨𝐬𝐞, 𝐃𝐡𝐞𝐱𝐞 𝐢𝐲𝐨 𝐒𝐚𝐫𝐞 𝐞𝐞 𝐒𝐡𝐞𝐞𝐤𝐡 𝐂𝐚𝐥𝐢 𝐒𝐚𝐦𝐚𝐭𝐚𝐫.

𝐆𝐚𝐥𝐤𝐚𝐜𝐲𝐨 – 𝟎𝟐 𝐉𝐮𝐮𝐧 𝟐𝟎𝟐𝟔

Masuuliyiin ka socotay Jaamacadda Modern ayaa maanta booqasho ku tagay Dugsiga Hoose, Dhexe iyo Sare ee 𝙎𝙝𝙚𝙚𝙠𝙝 𝘾𝙖𝙡𝙞 𝙎𝙖𝙢𝙖𝙩𝙖𝙧.

Booqashadaan ayaa ku soo beegantay xilli ay ardaydu ku jiraan diyaar-garowgii ugu dambeeyey ee Imtixaanka Qaranka ee ay qaaddo Wasaaradda Waxbarashada. Intii ay booqashadu socotay, masuuliyiinta Jaamacadda Modern waxa ay ardayda la wadaageen dardaaran, dhiirrigelin iyo talooyin muhiim ah oo ku saabsan muhiimadda waxbarashada sare iyo qorshaynta mustaqbalkooda tacliimeed.

Sidoo kale, masuuliyiintu waxa ay ardayda siiyeen warbixin ku saabsan Jaamacadda Modern, kulliyadaha ay bixiso iyo fursadaha waxbarasho ee ay u diyaarisay ardayda Soomaaliyeed si ay uga faa’iidaystaan adeegyada waxbarasho ee Jaamacaddu bixiso.

Dhankooda, ardayda Dugsiga Sheekh Cali Samatar ayaa uga mahadceliyey masuuliyiinta Jaamacadda Modern booqashada iyo dhiirrigelinta ay la wadaageen. Waxay sidoo kale muujiyeen sida ay uga go’an tahay inay ka mira-dhaliyaan himilooyinkooda waxbarasho isla markaana ay guul ka gaaraan Imtixaanka Qaranka iyo waxbarashada heer jaamacadeed.

𝐁𝐨𝐨𝐪𝐚𝐬𝐡𝐚𝐝𝐚 𝐃𝐮𝐠𝐬𝐢𝐠𝐚 𝐒𝐚𝐫𝐞 𝐞𝐞 𝐒𝐘𝐋 – 𝐆𝐚𝐚𝐥𝐤𝐚𝐜𝐲𝐨

𝐆𝐚𝐥𝐤𝐚𝐜𝐲𝐨:- 𝟎𝟐-𝐉𝐮𝐧-𝟐𝟎𝟐𝟔

Wafdi ka socday Jaamacadda Modern oo uu hoggaaminayay Guddoomiyaha Jaamacadda, 𝙀𝙣𝙜. 𝙈𝙖𝙙𝙖𝙙 𝘾𝙖𝙗𝙙𝙪𝙡𝙡𝙖𝙖𝙝𝙞 𝙎𝙞𝙮𝙖𝙖𝙙 ayaa maanta booqasho ku tagay Dugsiga Sare ee 𝙎𝙔𝙇 ee magaalada Gaalkacyo.

Mas’uuliyiinta Jaamacadda ayaa si diirran waxaa u soo dhaweeyay Maamulka Dugsiga, ayaga oo uga mahadceliyay booqashada iyo dadaalka Jaamacaddu ay ku bixinayso taageeridda iyo dhiirrigelinta ardayda.

Booqashadan ayaa ujeeddadeedu ahayd duco, dardaaran iyo dhiirrigelin loo sameeyay ardayda fasalka 12-aad ee sanadkan u diyaar garoobaya Imtixaanka Qaranka. Mas’uuliyiinta Jaamacadda ayaa ardayda kula dardaarmay dadaal, akhlaaq wanaagsan iyo ka faa’iidaysiga waqtiga haray ee diyaar-garowga imtixaanka.

Sidoo kale, wafdiga Jaamacadda ayaa ardayda la wadaagay xog ku saabsan kulliyadaha kala duwan ee Jaamacadda Modern iyo fursadaha waxbarasho ee ay u diyaarisay ardayda Soomaaliyeed, si ay uga caawiyaan qorshaynta mustaqbalkooda waxbarasho.

Intii ay booqashadu socotay, ardayda waxaa loo qabtay tababar muhiim ah oo ku saabsan ogaanshaha noocyada dhiigga iyo hababka aasaasiga ah ee lagu baaro, kaas oo kor u qaadaya aqoontooda caafimaad iyo wacyigooda bulshada.

Ugu dambayn, ardayda iyo maamulka dugsiga ayaa uga mahadceliyay Jaamacadda Modern booqashada ay ku yimaadeen, iyagoona xusay taloosinka la siiyay in ay ku soo aadeen waqtigii loo baahnaa.

Qaybta 2aad

Booqashada Dugsiga Adult fasalka 12aad.
Gaar ahaan qaybta habeenleyda.

𝐁𝐨𝐨𝐪𝐚𝐬𝐡𝐚𝐝𝐚 𝐃𝐮𝐠𝐬𝐢𝐠𝐚 𝐒𝐚𝐫𝐞 𝐞𝐞 𝐀𝐝𝐮𝐥𝐭 – 𝐆𝐚𝐚𝐥𝐤𝐚𝐜𝐲𝐨.

Wafdi ka socday Jaamacadda Modern oo uu hoggaaminayay Guddoomiyaha Jaamacadda 𝐄𝐧𝐠. 𝐌𝐚𝐝𝐚𝐝 𝐂𝐚𝐛𝐝𝐮𝐥𝐥𝐚𝐚𝐡𝐢 𝐒𝐢𝐲𝐚𝐚𝐝, ayaa booqasho ku tagay Dugsiga Sare ee 𝐀𝐝𝐮𝐥𝐭 ee magaalada Gaalkacyo.

Mas’uuliyiinta Jaamacadda ayaa si diirran waxaa u soo dhaweeyay Maamulka Dugsiga kuwaas oo uga mahadceliyay booqashada iyo dadaalka Jaamacaddu ay ku bixinayso taageeridda iyo dhiirrigelinta ardayda.

Booqashadan ayaa ujeeddadeedu ahayd duco, dardaaran iyo dhiirrigelin loo sameeyay ardayda fasalka 𝟏𝟐-𝐚𝐚𝐝 ee sanadkan u diyaar garoobaya Imtixaanka Qaranka. Mas’uuliyiinta Jaamacadda ayaa ardayda kula dardaarmay dadaal, akhlaaq wanaagsan iyo ka faa’iidaysiga waqtiga haray ee diyaar-garowga imtixaanka.

Sidoo kale, wafdiga Jaamacadda ayaa ardayda la wadaagay xog ku saabsan kulliyadaha kala duwan ee Jaamacadda Modern iyo fursadaha waxbarasho ee ay u diyaarisay ardayda Soomaaliyeed, si ay uga caawiyaan qorshaynta mustaqbalkooda waxbarasho.

Intii ay booqashadu socotay, ardayda waxaa loo qabtay tababar muhiim ah oo ku saabsan ogaanshaha noocyada dhiigga iyo hababka aasaasiga ah ee lagu baaro, kaas oo kor u qaadaya aqoontooda caafimaad iyo wacyigooda bulshada.

Ugu dambayn, ardayda iyo maamulka dugsiga ayaa uga mahadceliyay Jaamacadda Modern booqashada iyo aqoon-kororsiga ay u sameeyeen, iyagoo xusay in tababarka iyo dhiirrigelinta la bixiyay ay ku soo beegmeen xilli aad loogu baahnaa.

Midowga ardayda Jaamacadda Modern Galkacyo

Madaxa Xiriirka Dadweynaha ee Jaamacadda Modern Mudne 𝘼𝙗𝙨𝙝𝙞𝙧 𝙃𝙖𝙨𝙝𝙞 𝘼𝙡𝙞 oo ay wehliyaan Masuuliyiin ka tirsan Wasaaradda Dakadaha ayaa maanta booqasho ku tagay Dugsiga Hoose, Dhexe iyo Sare ee 𝙃𝙤𝙗𝙮𝙤.

Booqashadan ayaa ujeeddadeedu ahayd dhiirrigelin, dardaaran iyo duco loo sameeyo ardayda fasalka 𝟏𝟐-𝐚𝐚𝐝 ee sanadkan u fariisanaysa Imtixaanka Qaranka ee Dowladda Soomaaliya. Intii ay booqashadu socotay, ardayda waxaa lagu dhiirrigeliyay inay laba jibbaaraan dadaalkooda waxbarasho, si kalsooni lehna ugu diyaar garoobaan imtixaanka.

Sidoo kale, masuuliyiinta Jaamacadda Modern ayaa ardayda la wadaagay macluumaad ku saabsan kulliyadaha kala duwan, barnaamijyada waxbarasho iyo fursadaha ay Jaamacaddu u hayso ardayda doonaysa inay sii wataan waxbarashada sare.

Maamulka iyo macallimiinta Dugsiga Hobyo ayaa si diirran u soo dhaweeyay wafdiga Jaamacadda Modern, iyagoo uga mahadceliyay booqashada qiimaha leh ee ay maanta ku yimaadeen dugsiga. Waxay sidoo kale bogaadiyeen dadaallada Jaamacadda ee ku aaddan taageeridda iyo dhiirrigelinta ardayda Soomaaliyeed.

𝙅𝙞𝙢𝙘𝙚 𝙒𝙖𝙣𝙖𝙖𝙜𝙨𝙖𝙣.