Dugsiga H/Dhexe & Sare Al-Shacab

Waxaan hambalyo iyo bogaadin u diraynaa dhammaan Ardayda maanta u fariisaneysa Imtixaanka Qaranka. gaar ahaan Reer Al-shacab Waxaan idiin rajeynaynaa guul, nasiib wanaagsan, iyo in Eebbe idiin fududeeyo imtixaanka.
Xusuusta:
Kalsooni ku qabo naftaada iyo dadaalkaaga.
Si taxaddar leh u akhri su'aalaha ka hor intaadan ka jawaabin.
Maamul waqtigaaga si wanaagsan.
Isdeji, hana ka welwelin su'aal adag.
Waxaan Alle ka baryeynaa inuu idiin waafajiyo natiijooyin aad ku faraxdaan, kana dhigo dadaalkiinnii mid miro dhalay.
Guul iyo gobannimo ayaan idiin rajeynaynaa. Ilaahay ha idiin sahlo Imtixaanka Qaranka. Aamiin.

Waxaa si guul leh u soo dhammaaday sanad dugsiyeedka 2025–2026, kaas oo ay ardaydu ku soo bandhigeen dadaal, anshax iyo horumar waxbarasho. Waxaan hambalyo iyo bogaadin u diraynaa dhammaan ardayda, macallimiinta iyo waalidiinta kaalinta weyn ka qaatay guusha sanadkan.
Waxaan sidoo kale ardayda u rajaynaynaa fasax nabdoon, caafimaad leh oo ay ku nastaan, kuna sii diyaargaroobaan sanad dugsiyeedka cusub.
Fariin Gaaban: “Fasax wanaagsan dhammaan ardayda. Ku raaxaysta waqtigiinna, kana faa'iidaysta akhriska, cibaadada iyo horumarinta xirfadaha kala duwan. Waxaan idiin rajaynaynaa guul iyo barwaaqo.”

Jadwalka Imtixaanka Dhammaadka Sanad Dugsiyeedka 2025-2026

Maanta waxaan si guul leh u qabannay munaasabadda Sagootinta Ardayda Fasalka 12-aad iyo Abaalmarinta Kooxihii ku Guuleystay Tartanka Aqoon Bile ee dugsiga.
Munaasabadda ayaa ku qabsoontay jawi farxad iyo xamaasad leh, iyadoo lagu maamuusay ardayda Fasalka 12-aad ee soo dhammaystay waxbarashadooda dugsiga. Sidoo kale, waxaa la guddoonsiiyay abaalmarino kooxihii ku guuleystay tartanka aqoon bile ee kala galay:
Kaalinta 1-aad
Kaalinta 2-aad
Kaalinta 3-aad
Maamulka dugsiga ayaa hambalyo iyo bogaadin u diray dhammaan ardayda qalin-jebinaysa iyo kooxaha ku guuleystay tartanka, iyagoo ku dhiirrigeliyay inay sii wadaan dadaalka, aqoonta iyo anshaxa wanaagsan.
Hambalyo dhammaan ardayda Fasalka 12-aad iyo kooxaha ku guuleystay tartanka aqoon bile. Waxaan idiin rajaynaynaa mustaqbal ifaya iyo guulo waaweyn. 🎓🏆

Warbixin Ku Saabsan Tartan Dhexmaray Ardayda Dugsiga H/Dhexe & Sare Al-Shacab
Waxaa si heer sare ah uga qabsoomay dugsiga tartanka Aqoon bile kaas oo dhexmaray Ardayda fasallada kala duwan Dugsiga. Tartankan ayaa ujeeddadiisu ahayd dhiirrigelinta waxbarashada, kor u qaadidda tartanka wanaagsan, iyo xoojinta wadajirka ardayda.
Ardaydu waxay muujiyeen dadaal, anshax wanaag, iyo tartan hufan intii uu socday Tartanku. Ugu dambeyn, waxaa la shaaciyay fasalladii ku guuleystay kaalmaha h**e ee tartanka, kuwaas oo kala ahaa:
Kaalinta 1-aad: Fasalka 7A(hormuud)
Kaalinta 2-aad: Fasalka F4(Heegsi)
Kaalinta 3-aad: Fasalka 7B(hormar)
Maamulka dugsiga ayaa hambalyo u diray dhammaan ardaydii ka qeyb gashay tartanka, gaar ahaan fasallada ku guuleystay kaalmaha h**e. Sidoo kale waxaa lagu dhiirrigeliyay ardayda inay sii wadaan dadaalka, wadajirka, iyo horumarinta aqoontooda.
Gebagebadii, tartankan wuxuu noqday mid guul leh oo kor u qaaday niyadda iyo iskaashiga ardayda dugsiga.

Natiijada Tartanka Fasalada 7A iyo 7B