17/06/2026
Hambalyo iyo bogaadin!
Waxaan hambalyo iyo duco u diraynaa dhammaan ardayda Fasalka 8-aad ee Dugsiga Imaamunu Nawawi oo si guul leh u soo dhammaystay imtixaankoodii.
Waxaan aad ugu faraxsannahay dadaalkii, samirkii, iyo kartidii aad muujiseen.
Waxaan Alle (SWT) idin kags baryeynaa inuu dadaalkiinna midho-dhal ka dhigo, idiinna waafajiyo natiijooyin wanaagsan, idin kana yeelo jiil aqoon, akhlaaq, iyo hufnaan ku hoggaamiya bulshada.
Hambalyo mar kale, mustaqbal ifaya iyo guulo isdaba joog ah ayaan idiin rajayneynaa.
14/06/2026
Mahad oo dhan waxa ay u sugnaatay Allaah.
Maantay waxaa si habsami leh noogu soo idlaaday Imtixaankii Final-ka ahaa ee Sanad dugsiyaadkaan 2025/2026.
Muddadii uu socday imtixaanku waxaa laga dheehanayey wajiyada Ardayda diyaar-garow fiican, Anshax wanaagsan iyo Dadaal dheeri ah.
Waxaan u rajeyneynaa dhammaan Ardayda natiijo qurux badan oo aan ku wada faraxno dhammaanteen.
Imaamu-Nawawi Primary And Secondary School-guricel
Hoyga Tacliinta iyo Barbaarinta Ubadka Soomaaliyeed.
06/06/2026
Ardayda Fasalka 6-aad ee Galableyda ayaa soo jeediyey Daabuurkoodii ugu danbeeyey Sanad-dugsiyeedkaan 2025-2026 kaas oo ay ku macsalaameynayeen Macallimiintooda iyo Ardayda kale ee ay Galabkii wada joogaan.
Ardayda ayaa guddoonsiiyey macallimiinta Amaal-marinno kala duwan, iyagoona halkaas ka soo jeediyey Daabuur qurux badan oo si wada jir ah halkaas ugu soo bandhigeen.
27/05/2026
Wasiirka Wasaaradda Waxbarashada Galmudug Mudane Mohamed Hashi Dhore ayaa ka qeyb galay kulanka sagootinta Fasalka F4.
Wasiirka ayaa ku ammaanay Maamulka iyo Macallimiinta shaqada ay haayaan isagoona Ardayda kula dardaarmay in ay bixiyaan juhdi dheeri ah si ay uga soo muuqdaan meelo wanaagsan.
27/05/2026