Shkolla "Eqrem Çabej"-Sllatinë

Sot, në shkollën periferike në Neproshten, Forumi Rinor i fshatit Neproshten ndau ëmbëlsira për nxënësit me rastin e festës së Bajramit. Ky gjest i bukur solli buzëqeshje dhe gëzim te nxënësit, duke përcjellë frymën e solidaritetit dhe humanizmit në këto ditë feste.
Faleminderit Forumit Rinor të fshatit Neproshten për kujdesin, vëmendjen dhe kontributin e tyre ndaj nxënësve tanë!
Gëzuar Bajramin!

GËZUAR FESTËN E KURBAN BAJRAMIT !
Në emër të sh.f.k ”Eqrem Çabej” -Sllatinë dhe asaj periferike në Neproshten , të gjithë besimtarëve të fesë islame ua urojmë festën e Kurban Bajramit!
Ju urojmë shëndet e mirësi për ju dhe familjet tuaja!
Gëzuar !

Sot u realizua krosi pranveror me nxënësit e ciklit klasor dhe lëndor të shfk “Eqrem Çabej” në Sllatinë dhe në shkollën periferike në Neproshten. Aktiviteti u zhvillua në një atmosferë sportive dhe festive, ku nxënësit treguan disiplinë dhe shpirt garues.
Përgëzime për të gjithë nxënësit pjesëmarrës për angazhimin dhe pjesëmarrjen aktive!
Urime të veçanta për fituesit e këtij krosi pranveror!

Patronati i shkollës sonë vazhdon të jetë shembull i organizimit, bashkëpunimit dhe energjisë pozitive. Përmes aktiviteteve sportive, nxënësit treguan talentin, shpirtin garues dhe frymën ekipore, duke krijuar momente të bukura dhe një atmosferë festive në shkollë. Sporti na bashkon, na motivon dhe na mëson vlerat e respektit, disiplinës dhe suksesit.
E veçanta e kësaj dite ishte edhe pjesëmarrja e kryetarit të Komunës së Tearcës, z. Daut Memishi, i cili me praninë dhe mbështetjen e tij i dha edhe më shumë rëndësi këtij organizimi dhe i përgëzoi nxënësit për angazhimin dhe sukseset e tyre.
Urime!

“E ardhmja nis me zgjedhjen e sotme.”

Sot, në qendrën “Iliria”, për gjysmëmaturantët e shkollës sonë atmosfera ishte e mbushur me energji, buzëqeshje dhe ëndrra për të ardhmen. Shkollat e mesme të qytetit të Tetovës prezantuan profilet e tyre arsimore para gjysmëmaturantëve, prindërve dhe mësimdhënësve.
Ky aktivitet u shndërrua në një mundësi të vlefshme për informim, orientim dhe frymëzim, duke i ndihmuar të rinjtë të hedhin hapat e parë drejt zgjedhjeve që do të formësojnë të ardhmen e tyre.

Sot, më 20.05.2026, u realizua ekskurzioni njëditor me nxënësit e ciklit klasor në “Delfin” Çegran. Aktiviteti u zhvillua në një atmosferë të këndshme, argëtuese dhe edukative, ku nxënësit patën mundësi të bashkëpunojnë dhe të kalojnë kohë jashtë ambienteve shkollore. Gjatë ekskurzionit, ata morën pjesë në aktivitete rekreative dhe treguan sjellje, disiplinë dhe respekt. Ky aktivitet ndikoi pozitivisht në forcimin e marrëdhënieve dhe frymës së bashkëpunimit ndërmjet nxënësve.

Sot, më datë 04.05.2026 , nxënësit e ciklit lëndor dhe atij klasor nga shfk “Eqrem Çabej” në Sllatinë dhe asaj periferike në Neproshten, realizuan një vizitë në Komunën e Tearcës me qëllim që të njihen më nga afër me shërbimet që ofron ky institucion.
Nxënësit dhe mësimdhënësit e shkollës u pritën nga kryetari i Komunës së Tearcës, z. Daut Memishi, i cili i informoi rreth funksionimit dhe rolit të institucionit në fjalë.

Edukata dhe përgjegjësia fillojnë nga veprat e vogla!

Pastërtia është pasqyrë e edukimit familjar, kombëtar dhe nivelit të arsimit.
Respekt dhe mirënjohje për nxënësit, si dhe për të gjithë ata që u përkujdesën për pastrimin e ambientit pas realizimit të piknikut. Shembull që duhet ndjekur!

Sot, më 24.04.2026 (e premte), u realizua një shëtitje me karakter rekreativ me nxënësit e shfk “Eqrem Çabej” – Sllatinë dhe asaj periferike në Neproshten. Ky eskursion u organizua me qëllim të promovimit të aktivitetit fizik, shoqërimit dhe bashkëpunimit ndërmjet nxënësve në një ambient të hapur dhe të shëndetshëm.

Sot, më 24.04.2026 (e premte), u realizua një shëtitje me karakter rekreativ me nxënësit e shfk “Eqrem Çabej” Sllatinë dhe asaj periferike në Neproshten. Ky eskursion u organizua me qëllim të promovimit të aktivitetit fizik, shoqërimit dhe bashkëpunimit ndërmjet nxënësve në një ambient të hapur dhe të shëndetshëm.

Sot u zhvillua ndarja e mirënjohjeve për nxënësit që morën pjesë në aktivitetet me rastin e “22 Prilli – Dita e Tokës”, e organizuar nga shoqata ekologjike “ESO Standard 21” në bashkëpunim me Komunën e Tearcës dhe kompaninë “Alpak-Eko”.
Urime dhe shumë suksese për të gjithë nxënësit pjesëmarrës!