Shkolla Fillore Komunale "Naim Frashëri" Tetovë

07/05/2026

📚🔬 Panairi i Shkencës – Krenari për shkollën tonë 🔬📚

Sot u mbajt “Panairi i Shkencës” në shkollën Marif School, ku edhe shkolla jonë mori pjesë me shumë krenari dhe përkushtim.

Në këtë aktivitet të veçantë u prezantuan nxënësit e klasave të 7-ta dhe të 9-ta nga lënda e biologjisë, të cilët sollën projekte kreative, interesante dhe mjaft frymëzuese. Përmes punës së tyre të palodhur, ideve inovative dhe përgatitjes serioze, ata arritën të lënë mbresa te të gjithë të pranishmit dhe ta bëjnë këtë panair një eksperiencë të paharrueshme. 🌱✨

Pjesëmarrja jonë në këtë panair ishte një dëshmi e talentit, dijes dhe potencialit që kanë nxënësit tanë, të cilët me përkushtim përfaqësuan denjësisht shkollën tonë.

Një falënderim i veçantë shkon për të gjithë nxënësit pjesëmarrës për angazhimin, bashkëpunimin dhe energjinë pozitive që sollën në këtë aktivitet. 👏🎓

Gjithashtu, shprehim mirënjohje të sinqertë për mentoren Ermira, për mbështetjen, udhëzimin dhe përkushtimin e saj të vazhdueshëm në motivimin dhe përgatitjen e nxënësve drejt sukseseve të tilla. 🌟

04/05/2026

📣 Sot, shkolla jonë hapi dyert me dashuri ❤️ dhe përkushtim për regjistrimin e filloristëve të vegjël 👧👦, të cilët po hedhin hapat e parë drejt botës së dijes 📚✨.

Oborri i shkollës u mbush me buzëqeshje 😊, kureshtje 👀 dhe ëndrra të mëdha 🌈, duke krijuar një atmosferë të ngrohtë dhe mikpritëse për çdo fëmijë dhe prind 🤝.

🏫 Në këtë fillim të ri, çdo laps ✏️ dhe çdo libër 📖 bëhet pjesë e një rrugëtimi të bukur drejtë së ardhmes.

🎓 Drejtoresha, së bashku me të gjithë stafin arsimor 👩‍🏫👨‍🏫, ju uron suksese të pafundme dhe mirëseardhje të përzemërt në shtëpinë e dijes!

🌟 Mirë se vini dhe suksese në këtë rrugëtim të mrekullueshëm!

27/04/2026

📚 Konkursi i Poezisë 2026

Me rastin e Ditës Ndërkombëtare të Librit dhe Muajit të Poezisë (Prill 2026), në Tetovë u organizua një aktivitet kreativ nga American Corner dhe Biblioteka e Tetovës, duke sjellë në pah talentin dhe pasionin e të rinjve për artin e fjalës.

🏆 Vendi i parë:
“I Am What I Can’t Leave Behind” – Mjellma Skenderi

🥈 Vendi i dytë:
“Red Shadows, Silent Play” – Lorenza Memeti
“Në faqet e librit” – Ela Ibraimi

🥉 Vendi i tretë:
“In My Dreams” – Erdina Ibraimi

🏅 Lëvdatë:
“Në faqet e librit” – Bora Aliji

Jemi jashtëzakonisht krenarë si shkollë për nxënësit tanë, të cilët me talentin, përkushtimin dhe pasionin e tyre na përfaqësojnë denjësisht. Sukseset e tyre janë dëshmi e punës së palodhur dhe dashurisë së sinqertë për letërsinë.

Një falënderim dhe mirënjohje e veçantë shkon për mentorët, të cilët me përkushtim të jashtëzakonshëm, durim dhe motivim të vazhdueshëm i udhëheqin nxënësit në rrugën e krijimtarisë. Ata nuk janë vetëm udhëzues, por edhe frymëzim i vërtetë, duke nxitur besimin, guximin dhe zhvillimin e talentit te secili nxënës. 🌟

22/04/2026

21/04/2026

Me krenari të veçantë ndajmë një arritje që na mbush zemrat me gëzim dhe frymëzim! 🌟

Nxënësi ynë, Erblin Emini, është shpallur kampion shtetëror në karate në Maqedoni, duke u renditur me meritë në rradhët e para të suksesit. Ky triumf është dëshmi e përkushtimit, disiplinës dhe vullnetit të palëkundur që ai ka treguar në çdo hap të rrugëtimit të tij.

Fitorja e tij nuk është vetëm një medalje më shumë, por një mesazh i fuqishëm për të gjithë nxënësit tanë: me punë të palodhshme dhe besim në vetvete, çdo majë është e arritshme.

Urime kampionit tonë! 🏆
Na bëre krenarë dhe na motivove të gjithëve të synojmë më lartë!

17/04/2026

Me rastin e pensionimit, kam nderin dhe kënaqësinë të shpreh mirënjohjen më të thellë për mësuesen tonë të çmuar, Nezija.

Për vite me radhë, ajo ka qenë një shtyllë e fortë e shkollës sonë, duke dëshmuar përkushtim të jashtëzakonshëm, korrektësi të palëkundur dhe profesionalizëm të lartë në çdo hap të saj. Me durim, dashuri dhe përkushtim, ka edukuar dhe formuar gjenerata të tëra nxënësish, duke ndikuar jo vetëm në dijen e tyre, por edhe në formimin e karakterit dhe vlerave njerëzore.

Mësuesja Nezija ka qenë gjithmonë shembull frymëzimi për kolegët dhe nxënësit, një figurë që rrezaton përgjegjësi, drejtësi dhe respekt. Kontributi i saj në arsim është i paçmuar dhe do të mbetet përherë pjesë e historisë dhe suksesit të institucionit tonë.

Në këtë moment të veçantë, i shprehim falënderimet më të sinqerta për gjithë mundin, përkushtimin dhe sakrificën ndër vite.

I urojmë shëndet të mirë, qetësi shpirtërore dhe shumë gëzim në këtë kapitull të ri të jetës. Pensionimi le të jetë fillimi i një periudhe të bukur, të mbushur me lumturi dhe momente të çmuara pranë më të dashurve.

Me respekt dhe mirënjohje të thellë,
Drejtoresha
Gzime Alili

17/04/2026

🏆 STEM Olympiad 2026

Me shumë përkushtim dhe punë intensive, nxënësit e shkollës sonë po vazhdojnë rrugëtimin e tyre drejt suksesit në Coding Olympiad 2026.

🥇 Vendi i parë:
Drin Imeri dhe Rezon Selimi – të shpërblyer me çmim në vlerë prej 300 €.

👏 Honorable Mention:
Mbresa Skenderi, Diona Aliji, Rona Zulbeari, Muhamed Bexheti, Medina Bakija, Mjellma Skenderi, Vesa Alili, Onida Rexhepi, Vesa Lika, Shukrije Abdula, Blerta Alija, Rea Durmishi dhe Hektor Bakiu.

🥉 Bronze Medal
🥈 Silver Medal

Çdo hap drejt suksesit ka vlerë 💻
Me punë dhe përkushtim, arritjet janë të sigurta nën mentorimin e Fitore Selmani.

Ky është një hap i rëndësishëm për të rinjtë tanë, të cilët po dëshmojnë njohuri të avancuara në programim, logjikë dhe zgjidhje problemesh. Kualifikimi i tyre është dëshmi e nivelit të lartë dhe gatishmërisë për të konkurruar në skenën ndërkombëtare.

🎉 Urime të gjithë nxënësve dhe suksese të mëtejshme në rrugëtimin e tyre!

09/04/2026

📢 Nxënësit e shkollës sonë në garat regjionale të matematikës 📐✨

Nxënësit e shkollës sonë morën pjesë në garat regjionale të organizuara nga Shoqata e Matematikantëve, të mbajtura më 14.03.2026. Në këtë aktivitet u përfaqësuam me 8 nxënës, të cilët dëshmuan përkushtim dhe njohuri shumë të mira në matematikë. 🧠📊

🥈 Jemi krenarë të njoftojmë se nxënësi Drin Imeri u shpërblye me çmimin e dytë!
👏 Ndërsa nxënësja e klasës së gjashtë, Arisa Imeri, u vlerësua me lëvdatë!

🎉 Urime të përzemërta për të gjithë pjesëmarrësit!
🚀 Ju dëshirojmë suksese të mëtejshme në rrugëtimin tuaj!

04/04/2026

Nxënësit e shkollës sonë nuk kthehen kurrë pa triumfuar – kudo që shkojnë, ata lënë gjurmë suksesi dhe krenarie! 🌟🏆

Sot, në garat e organizuara “Spelling Bee”, nxënësit tanë dëshmuan edhe një herë talentin, përkushtimin dhe shpirtin garues që i karakterizon. Me punë të palodhur dhe besim në vetvete, ata arritën rezultate të shkëlqyera që na mbushin të gjithëve me gëzim dhe krenari.

🎉 Urime të përzemërta nxënësve të klasave të 7-ta për fitoren në Spelling Bee!
Me talent, përkushtim dhe vetëbesim, ju arritët një sukses të merituar. Vazhdoni të shkëlqeni dhe të synoni gjithmonë majat! 🌟👏

🏅 Fituesit:
• 🥇 Auron Cani – Vendi i parë
• 🥈 Dea Ajruli – Vendi i dytë
• 🥉 Jusuf Karemani – Vendi i tretë

👏 Një përgëzim i veçantë edhe për:
• 🥇 Drin Imeri– Vendi i parë
• 🥈 Korab Hajrullahu – Vendi i dytë

💫 Me shumë krenari veçojmë edhe nxënëset tona:
Erijola dhe Ardita, të cilat na përfaqësuan me dinjitet në finalen e “Spelling Bee”. Në një konkurrencë të fortë, ato treguan guxim, përkushtim dhe njohuri të shkëlqyera, duke arritur vendin e dytë dhe të tretë.
Vendi i 4 - Rezon Selimi
Vendi i 5- Amelia Skenderi
Ju jeni shembull frymëzimi për të gjithë! 🌸📚

🌟 Një falënderim i përzemërt shkon për të gjithë nxënësit pjesëmarrës, të cilët me paraqitjen e tyre na bënë jashtëzakonisht krenarë. Ky sukses është fryt i punës së palodhur dhe dashurisë për dijen.

Mirënjohje e veçantë për mentorët tanë të përkushtuar:
Leonora Ferati, Ramije Kurtishi dhe Blerim Kahremani, Viola Luma për motivimin, mbështetjen dhe përkushtimin e tyre të vazhdueshëm ndaj nxënësve. Falë jush, këto suksese bëhen të mundura! 🌟👏

🚀 Së bashku drejt sukseseve të reja!

03/04/2026

🌍💙 Aktivitet Humanitar me Rastin e Ditës së Autizmit 💙🌍

Nxënësit e shkollës sonë morën pjesë me përkushtim dhe zemër të madhe në aktivitetin humanitar të organizuar me rastin e Ditës së Autizmit në SHFK ,,Liria”. 🤝

Të bashkuar nga dëshira për të ndihmuar dhe për të treguar solidaritet, ata kontribuan vullnetarisht duke mbledhur mjete financiare për blerjen e mjeteve didaktike, të cilat do t’u shërbejnë fëmijëve me autizëm në procesin e tyre të të nxënit. 📚✨

Ky aktivitet nuk ishte vetëm një ndihmë konkrete, por edhe një mesazh i fuqishëm ndërgjegjësimi për rëndësinë e pranimit, mirëkuptimit dhe mbështetjes së diversitetit.
Përmes këtij veprimi, nxënësit dëshmuan se humanizmi dhe empatia janë vlera që ndërtohen dhe forcohen që në bankat shkollore. ❤️

Falënderim i përzemërt shkon për mikpritjen e ngrohtë të shkollës “Liria”, e cila na hapi dyert me dashuri dhe respekt në këtë aktivitet kaq domethënës. 🏫💫
Atmosfera e krijuar, bashkëpunimi dhe përkushtimi i treguar ishin dëshmi e vlerave të larta njerëzore dhe arsimore që kjo shkollë përçon.

👏 Falënderim i veçantë për të gjithë nxënësit që u bënë pjesë e këtij bashkëpunimi!
Kontributi juaj, sado i vogël apo i madh, ka një vlerë të jashtëzakonshme dhe sjell një ndryshim të vërtetë në jetën e fëmijëve.
Ju jeni dëshmi se e ardhmja ndërtohet mbi mirësi, dashuri dhe respekt për të gjithë. 🌟

🌸 Falënderim i veçantë shkon edhe për arsimtaren e klasave të nënta, Mirije Kurtishi, e cila me përkushtim, dashuri dhe ndjenjë të lartë përgjegjësie udhëhoqi dhe mbështeti nxënësit në këtë aktivitet humanitar bashkë me arsimtaren Arbina dhe stafin pedagogjik të shkollës.

Faleminderit gjithashtu edhe arsimtareve tjera për përkushtimin dhe frymëzimin që përcillni çdo ditë!

02/04/2026

Me shumë përkushtim dhe dashuri, shkolla jonë e shënoi Ditën e Autizmit, duke e kthyer këtë ditë në një moment të veçantë reflektimi, ndërgjegjësimi dhe bashkimi 🤍💙

Kjo ditë u pasurua me aktivitete të ndryshme, ku nxënësit, mësimdhënësit dhe prindërit u bënë pjesë e një atmosfere plot ngjyra, kreativitet dhe mesazhe të fuqishme për pranimin dhe përkrahjen e fëmijëve me autizëm .

Një falënderim i veçantë shkon për kryetarin e komunës, z. Bilall Kasami, për vizitën e tij që na nderoi dhe na motivoi edhe më shumë në rrugëtimin tonë .
Po ashtu, falënderojmë sektorin përkatës për mbështetjen e vazhdueshme.

Mirënjohje të thellë për mësimdhënëset tona të përkushtuara, edukatoren speciale dhe asistentet arsimore, të cilat me profesionalizëm dhe zemër të madhe kontribuan në realizimin e këtyre aktiviteteve 👩‍🏫💙

Falënderojmë nxënësit dhe prindërit, të cilët me pjesëmarrjen dhe energjinë e tyre i dhanë jetë dhe ngjyra kësaj dite të veçantë 🎨

Së bashku dëshmuam se përmes bashkëpunimit, mirëkuptimit dhe dashurisë, mund të ndërtojmë një shoqëri më gjithëpërfshirëse për të gjithë 🤝

Me respekt,
Drejtoresha,
Gzime Alili