24/08/2026
APEL / URDHËRESË
Për ruajtjen dhe mirëmbajtjen e stadiumit dhe oborrit të shkollës
Të nderuar qytetarë dhe të gjithë personat që shfrytëzojnë stadiumin e shkollës për të luajtur futboll gjatë orëve të mbrëmjes, si dhe këndin e lojërave për fëmijë.
Ju bëjmë apel dhe njëkohësisht ju njoftojmë se stadiumi i shkollës, i pajisur me bar sintetik, është pronë e shkollës dhe hapësirë e dedikuar për nxënësit dhe aktivitetet sportive, e poashtu edhe për banorët të rinjtë e fshatrave Përshefcë dhe Gllogjë të cilët merren me aktivitete sportive - fudboll.
Kohëve të fundit është vërejtur se pas përfundimit të lojërave të futbollit në orët e mbrëmjes, në oborin e shkollës në stadium dhe veçanërisht në sipërfaqen me bar sintetik, lihen shishe plastike, ambalazhe, mbetje nga konsumimi i farave të ndryshme, farave të lulediellit, kikirikëve, qese dhe mbeturina të tjera.
Apelojmë dhe kërkojmë nga të gjithë:
Të mos hidhen mbeturina në fushë dhe në hapësirat përreth saj,
Çdo person që e shfrytëzon stadiumin të kujdeset për pastërtinë dhe ta lërë hapësirën të pastër pas përfundimit të lojës.
Të mos dëmtohet bari sintetik dhe pajisjet sportive,
Të respektohen rregullat e përdorimit të stadiumit dhe prona e shkollës.
Ju lutemi, mos e trajtoni stadiumin si vend për të hedhur mbeturina.
Një fushë e pastër është përgjegjësi e të gjithëve dhe u shërben më mirë fëmijëve, të rinjve dhe gjithë komunitetit.
Në rast se kjo sjellje vazhdon, shkolla do të jetë e detyruar të marrë masa dhe të kufizojë përdorimin e stadiumit gjatë orëve të mbrëmjes.
JU BËJMË APEL: pasiqë koha e fudbollit përfundon ora 22:00, dedikoni 15 minutat e fundit për pastrimin e mbeturinave të cilat hidhen eventualisht nga më të vegjlit, kontribuoni në mirëmbajtjen e stadiumit dhe oborrit.
Ta mirëmbajmë stadiumin, oborrin dhe këndin e lojërave, sepse janë pjesë e përditshmërisë sonë dhe mbi të gjitha është për fëmijët tanë!
Me respekt,
Drejtoria e shkollës!
