19/07/2026
🌍✨ ПОБЕДА на меѓународниот хакатон Young Makers во Каша, Италија!
Во рамките на Young Makers, меѓународен хакатон што обедини 400 млади луѓе од целиот свет околу темите мир со себе, мир со планетата и мир меѓу луѓето, нашите ученици покажаа дека знаењето, креативноста и тимската работа немаат граници.
🏆 Победници на хакатонот се тимот BasilicaXR, предводен од Никола Настев од ДСУ-РЦСОО „Никола Карев“ – Струмица, заедно со Дарио Павлески од ОСУ „Св. Климент Охридски“ – Охрид и нивниот меѓународен тим и ментор.
Нивниот проект BasilicaXR овозможува секој да ја доживее убавината на италијанските базилики преку 3D скенирање и XR технологија, правејќи го културното наследство достапно за сите од каде било во светот.
👏 Со одлични идеи се претставија и:
🎙 Стефанија Павлевска и Панчо Соколов, со проектот The Voice of Cascia – платформа што ги поврзува локалното население и туристите преку текстуални, аудио и видео пораки преку споделување автентични приказни, препораки и скриени богатства што го прават секое патување незаборавно.
🎲 Олга Димитријева и Калиопа Данева, со проектот Rita's Dare – интерактивна игра со предизвици која ги поттикнува жителите на Каша да се дружат, да излезат од својата комфорна зона, да стекнуваат нови пријателства и да покажат храброст токму кога е најпотребна.
Нашата група беше предводена од Еразмус+ координаторот Марија Рашковска, која ги поддржуваше учениците низ целиот процес.
Во само 48 часа, интернационалните тимови успеаја да создадат иновативни решенија за реални предизвици, докажувајќи дека кога младите ќе добијат можност да соработуваат, различностите стануваат сила, а идеите – реалност.
💙 Горди сме на сите наши ученици кои достојно ги претставија своето училиште и државата и уште еднаш потврдија дека со посветеност, тимска работа и храброст да се размислува поинаку, дури и за кратко време може да се постигнат извонредни резултати.
