СОУ „Јане Сандански“ - Струмица

СОУ „Јане Сандански“ - Струмица

Comments

Erazmus +
Народни традиции, обичаи и танци
Еразмус +
Посета на Градоначалникот на Општина Струмица
Посета на EU House
🇷🇴🇹🇷🇪🇪🇮🇹🇲🇰🇩🇪
Проект Еразмус +, на тема “Multiculturality, diversity, integration- equal opportunities for everyone”
04-09.04.2022 СОУ„Јане Сандански“- Струмица
Во склоп на проектот Еразмус +, на тема “Multiculturality, diversity, integration- equal opportunities for everyone” во нашето училиште денеска пристигнаа професори и ученици од пет држави и тоа: Романија, Германија, Италија, Турција и Естонија.
Пречекот беше традиционален- во народна носија учениците ги пречекаа гостите со чурек и локум. По воведниот говор на координаторот Софија Тошева, секоја група се претстави. Потоа учениците Дамјан Зимбаков и Александра Тошева ги прошетаа гостите низ училиштето, па започнаа со активности како квизови, видео презентации. По паузата за ручек, сите отидоа на прошетка за запознавање на градот (преку игра..) и посета на музејот во Струмица. После слободните попладневни часови, наставниците и учениците продолжија да се дружат меѓусебно.
Текстот го подготви: Славица Милева-Ефтимова
📣 Почнуваме со изградба на новата училишна спортска сала! ⛹🤸‍♂️🏀🏆
https://strumickikarnevalglasaj.mk/
Гласајте за маска број 2!
🤡👹 Strumica Carnival 2022 👹🤡
Mобилност со ученици во Порто-Португалија за целите на проектот Hiclass- Hybrid and Innovative Classroom.

Целта на овој проект, во кој нашето училиште е партнер, е да се откријат нови иновативни методи за учење, покренати од пандемијата и комбинација на онлајн и офлајн учење. На оваа мобилност учениците од природно-математичкото подрачје решаваа СТЕМ проблеми, симулираа работа во групи во училиште, поврзани со ученици кои се дома. Учениците имаат можност да се дружат со врсници од Италија, Португалија и Романија, да разменуваат искуства и знаења и да уживаат во убавините на Порто и Лисабон. Учениците се предводени од професорките Софија Тошева и Елизабета Витанова, кои активно учествуваа во организацијата и изработката на материјалите, потребни за оваа мобилност.
Информација за почетокот на второто полугодие од учебната 2021/22 година:
Учениците од втора и четврта година ќе бидат прва смена, а учениците од прва и трета година втора смена. Овој распоред важи само за оваа недела. Од другата недела смените се менуваат.
На сите ученици и вработени во училиштето им посакуваме среќен почеток!
НОВ КА220 Еразмус+ проект : СТЕМБот
СОУ Јане Сандански започна уште еден проект во рамките на Еразмус програмата КА2 – Стратешки партнерства во рамките на училишното образование, под името СТЕМБот.
Координатор на проектот е научна асоцијација FERMAT SCIENCE од Франција, а партнери покрај нашето училиште ,се средни училишта од Естонија, Португалија, и научни институти од Белгија и Словенија.
Целта на проектот е да се оживее математиката и науката, да им се покаже на учениците како СТЕМ знаењето е применливо надвор од училницата, и да им се покаже практичното искуство користејќи иновативен пристап.
Учениците ќе имаат пристап до видеа од практични експерименти од предметите математика,информатика, физика, хемија, биологија и на тој начин ќе имаат можност да видат ,(а подоцна и сами да применат),како функционира во реалниот свет тоа што го изучуват.
Во проектот ќе биде развиена компјутерска програма Chatbot – Четбот , која користи вештачка интелегенција( AI) .Природата на четботот е уште една компонента на пристапност на проектот. Учениците ќе може да разговараат со него во било кое време и на кое било место, било да е тоа на училиште или дома. Четботот ќе овозможи повеќе персонализирано и само-овластено учење , додека учениците ќе може да поставуваат прашања и да избираат на кои предмети да се работи. Учениците кои се чувствуваат несигурни во нивните вештини во математиката и природните науки ќе се чувствуваат посигурно користејќи го четботот за учење, а со тоа ќе се подобрат и нивните дигитални вештини.
Идејата за креирање на оваа партнерство и формирање на ваков проект произлезе од резултатите од последните истражувања на тестирањата на ПИСА, каде 22,9% од 15-годишниците имаат слаби резултати во математиката и 22,3% слаби перформанси во науката.
Овие бројки покажуваат дека нашето сегашно СТЕМ образование е недоволно за да ги опреми учениците со потребните вештини за денешниот свет предводен од науката. Затоа се неопходно потребни алтернативни пристапи за наставата по математика и природните науки.
Студијата покажа дека практичното искуство и примената во реалниот живот, односно поврзувањето на теоријата со практиката се главни двигатели кои влијаат директно во подобрување на резултатите .
Во оваа партнерство се вклучени земји со различни достигнувања во резултатите од ПИСА. Во Естонија резултатите се натпросечни и највисоки меѓу европските земји , во Белгија, Франција и Словенија се над просекот , Португалија е околу просекот, а Македонија далеку под просекот, меѓу последните на листата. Затоа, ова партнерство е составено од земји со разновидна ситуација во однос на STEM вештините, перспективите, знаењето и искуството. Овој плурализам на ситуации и искуства ќе биде од голема вредност за проектот. Од суштинско значење е да се споделуваат инклузивни наставни практики, со цел подобрување на резултатите.
Поради неможноста за остварување состанок со физичко присуство, во Декември беше остварен он-лине состанок за започнување со проектните активности.

Координатор на проектот :
проф. по математика и информатика Елизабета Витанова
Конкурс за ученици (Еразмус+ проекти)
Во рамките на проектот Еразмус + „HiClass - Хибриден и иновативен дигитален курс“ како и „Multiculturality, Diversity, Integration - Мултикултура, различност, интеграција”, нашето училиште, во партнерство со други европски училишта од Италија, Португалија, Романија, Турција, Естонија, Германија, има намера да воспостави рангирање на ученици кои би учествувале во мобилностите предвидени со тековните и наредни можни проекти. Ваквите искуства во странство ќе им овозможат на избраните ученици да соработуваат со други ученици од партнерските училишта и да се обучуваат за наведените теми, кое понатаму може да го искористат за своја цел. Знаењата и вештините што ги стекнале потоа ќе бидат пренесени во нашето училиште со активности и настани на Еразмус + десеминација. Трошоците за патување и сместување ќе бидат на товар на проектот.
Проектот е наменет за учениците кои во тековната учебна година ќе ги исполнуваат следните услови:
● имале просек еднаков или поголем од 4,5 во учебната 2020/2021 година;
● средно (или повисоко) ниво на јазична компетентност по англиски јазик (еднакво со оценка 4 или повеќе во учебната 2020/2021 година)
● подготвеност за патување и/или учество во активности за дисеминација
● предност ќе имаат ученици кои се вакцинирани , поради практични причини.
Заинтересираните ученици треба да поднесат апликација со пополнување на формулар на Google на линкот наведена подолу ЗАКЛУЧНО ДО 24:00 часот на 18 Јануари 2022 година на следниот линк: https://forms.gle/xFhwB6HTAXwvipcZ6
Кандидатите ќе бидат повикани на мотивациско интервју во деновите кои следуваат после конкурсот . Ќе се оценуваат следните критериуми:
1)ПОВЕДЕНИЕ И ИЗОСТАНОЦИ: макс.5 поени
2) АНГЛИСКИ ЈАЗИК: макс 5 поени
3) АКТИВНОСТИ поврзани со проектите:
а) со учество на натпреварот за логото на проектот HIClass: 1 поен.
б) учество во изработка на новогодишна честитка: 1 поен
в) факултативно испраќање видео во дигитален формат на неколку минути, во кое ќе се претставите и ќе ги објасните вашите причини за учество: 1 до 5 поени.
Во случај да одлучите да направите видео, тоа ќе морада бидат испратени посебно, без оглед на испраќањето на формуларот на Google, до 18 јануари на следниот мејл: [email protected]. Во случај кога големината на видеото ги надминува дозволените граници , видеото ќе го ставите на Google платформата, и ќе ни пратите линк ..
г) подготвеност да бидете домаќин на еден или повеќе ученици од странство за најмногу 5 дена: 2 бода
д) учество во останати Еразмус активности спроведени од училиштето:3 поени
4) МОТИВАЦИОНО ИНТЕРВЈУ, максимално 10 поени
5) УЧЕСТВО во воннаставни и волонтерски активности: 3 поени
На првата мобилност за ученици ќе учествуваат пет ученици, кои ќе бидат навремено контактирани и информирани (Доколку не настане нова ситуација и инструкции од Министерството, поврзани со пандемијата). Сите ученици кои ќе бидат селектирани, ќе бидат дел од Еразмус тимот на училиштето и ќе бидат ангажирани за потребите на проектите.
За какво било појаснување за конкурсот, заинтересираните ученици можат да се обратат до координаторот Софија Тошева.
ДИРЕКТОР НА УЧИЛИШТЕТО
Невенка Стојанова

Официјална Фејсбук страница на Средното општинско учи

Operating as usual

Photos from СОУ „Јане Сандански“ - Струмица's post 30/12/2022

🎼🎤🎄РИНГИШПИЛ- НОВОГОДИШНО БОЖИЌЕН КОНЦЕРТ ВО ЧЕСТ НА ЃОРЃЕ БАЛАШЕВИЌ
Дванаесеттиот по ред Новогодишно - божиќен концерт на СОУ „Јане Сандански“- Струмица кој се одржа пред две преполни сали беше едно емотивно доживување за сите генерации.
„Еден познат спрски новинар, отприлика моја генерација, по смртта на Балашевиќ изјави дека нашата генерација не знае за живот без него. Неговите песни не' воспитуваа, ни го покажуваа патот по кој треба да одиме, не' учеа да тераме по свое, и ни кажуваа дека не постои компромис кога се работи за човечноста, правдата, мирот и слободата.
И додека ние, возрасните, уште се прашуваме како ќе продолжиме без него, од некаде се појавија некои нови клинци, за кои често ќе речеме дека ништо не знаат и ништо не ги интересира. Но, тие се фатија во костец со комплицираните текстови, тешките инструментални сола и специфичниот баритон на Џоле, и вечерва на сцената ги истурија сите свои емоции. Им благодарам за вложениот труд, а на нивните ментори Анита Станковска и Денис Кирчанов им благодарам за мотивацијата и максимумот кој го извадија од децата.
Циркусот може да си замине од нашиот мал град. До некоја следна прилика, довидување!“
(Изјава на директорката Невенка Стојанова)

Photos from СОУ „Јане Сандански“ - Струмица's post 30/12/2022

🎅🎄ДЕДО МРАЗ ВО СТРУМИЧКАТА ГИМНАЗИЈА 🎁❄️
Денес Дедо Мраз беше на гости во нашата гимназија и ги израдува со подароци дечињата на нашите вработени.

Photos from СОУ „Јане Сандански“ - Струмица's post 29/12/2022

🎄🥞🍔🍕 ХУМАНИТАРЕН НОВОГОДИШЕН БАЗАР 🍭🍩🧁🎄
На 28.12.2022 година во СОУ „Јане Сандански“ беше организиран хуманитарен Новогодишен базар. Прехрамбените артикли беа донација од наставниците во училиштето, а учениците беа задолжени за продажба на истите. Собраните средства од базарот ќе бидат наменети за хуманитарни цели.
Благодарност до Слаткарница Бисер за поддршката. ❤️

26/12/2022

🎉🎉🎉Потсетување за утрешниот концерт:

Почеток: Вторник, 27.12.2022, 18.00 и 20.00 часот
Локација: Дом на АРМ
Продажба на влезници: СОУ „Јане Сандански“- Струмица (просторија БЛАГАЈНИК)
Бидејќи седиштата не се нумерирани, ве молиме дојдете барем 20 минути пред концертот.
ВЕ ОЧЕКУВАМЕ!

Photos from СОУ „Јане Сандански“ - Струмица's post 23/12/2022

На наше огромно задоволство, денес наши гости беа нашите поранешни ученички Гордана Георгиева, Катерина Јовановска и Софија Тушева, лекари- специјалистки на Универзитетската клиника за пластична и реконструктивна хирургија во Скопје. Тие одржаа предавање за нашите ученици на тема „Петардите ги уништуваат празниците“.

Photos from СОУ „Јане Сандански“ - Струмица's post 23/12/2022

ПРОЕКТ ЗА МУЛТИЕТНИЧКА ИНТЕГРАЦИЈА НА СОУ „ЈАНЕ САНДАНСКИ“- СТРУМИЦА:
🇲🇰🇹🇷🎶 МУЗИКАТА КАКО МОСТ МЕЃУ УЧЕНИЦИТЕ ОД РАЗЛИЧНА НАЦИОНАЛНОСТ
Вчера во училиштето беше организирана активност во која беа вклучени учениците од хорот и бендот, на која како и секогаш покажавме како лесно ги премостуваме разликите, овој пат преку музиката. Со песните на Ѓорѓе Балашевиќ, учениците поминаа два часа пеејќи, свирејќи и разговорајќи на оваа тема. Дружењето и разговорот го продолжија на заеднички ручек. Во активноста беа вклучени ученици од македонска и турска националност.
Активноста беше финансиски поддржана од страна на Општина Струмица.

22/12/2022

Влезниците за двата термини на новогодишно-божиќниот концерт може да се купат во училиштето (просторија Благајник), секој работен ден до 15.00 часот. Побрзајте, бидејќи интересот е голем!
27.12.2022 (вторник)
18.00 часот
20.00 часот

Photos from СОУ „Јане Сандански“ - Струмица's post 22/12/2022

🎄НОВОГОДИШНА БАЈКА ВО СОУ „ЈАНЕ САНДАНСКИ“ 🎀🎄
Нашите ученици, заедно со нивните вредни и креативни менторки- професорките Снежана Недева, Наташа Туфекчиева, Македонка Бансколиева и Билјана Христова, изработија прекрасни декорации со кои го декорираа целото училиште во духот на претстојните новогодишни и божиќни празници. Уживајте во фотографиите кои ги направи нашиот ученик Никола Станишлевиќ. 🌲🎁🌲

18/12/2022

🎉🎤🎧🎷🎸🪗 🪶
Традиционалниот, дванаесетти по ред новогодишно-божиќен концерт на нашите ученици - РИНГИШПИЛ закажан за 27 декември! 📅 Годинава ќе свириме и пееме во чест на Панонскиот морнар, кант-авторот, пејачот, миротворецот - Ѓорѓе Балашевиќ! Ве покануваме, во два термини, да поминеме празнична ноќ посветена на големите хитови на легендарниот музичар. 🎄

Датум: 27.12.2022 година (вторник)
Почеток: 18.00 часот
20.00 часот
Место: Дом на АРМ
Билети: наскоро во продажба 😉

Photos from Ambasciata d'Italia in Skopje's post 14/12/2022
Photos from Шаховски Клуб ЦАРЕВИ КУЛИ's post 07/12/2022

Честитки за нашите ученици ♟️🏆

Photos from СОУ „Јане Сандански“ - Струмица's post 05/12/2022

Од 28 Ноември до 1 Декември нашето училиште беше домаќин на претставници од училишта од Полскa ,Турција, Латвија и едукативни институции од Бугарија и Грција по проектот My Digi- Edu World. Беа одржани курсеви за примена на Web 2 tools- апликациите од страна на професорките: Софија Тошева, Зорица Витанова и Елизабета Витанова. Оваа беше 4та тренинг мобилност од проектот после одржаните три во Полска , Латвија и Грција. Во склоп на обуките беше реализирана и on-line работилница за учениците од соодветните училишта , на која беа презентирани стекнатите вештини и знаења од дадени апликации .
Координатор на проектот : проф. Елизабета Витанова

Photos from СОУ „Јане Сандански“ - Струмица's post 21/11/2022

🏆🥇СПОРТСКИТЕ УСПЕСИ НА СОУ „ЈАНЕ САНДАНСКИ“- СТРУМИЦА

Во изминатиот период, нашето училиште постигна голем број успеси во различни спортови и со тоа ја докажа својата неприкосновена позиција како најдобро спортско училиште.
🏐🏀 На општинските натпревари за средните училишта во одбојка и кошарка во машка и женска конкуренција, нашите ученици ги постигнаа следните резултати:
1.Одбојка машки - Прво место
2.Одбојка женски - Прво место
3.Кошарка машки - Прво место
4.Кошарка женски - Прво место
⚽️На општинскиот натпревар во футсал за девојчиња за средни училишта, нашето училиште го освои првото место каде во финалниот натпревар бевме подобри од СОУ „Никола Карев“ со резултат 5:2.
🤾‍♀️На општинските натпревари во ракомет за девојчиња, нашето училиште го освои првото место. Во финалниот натпревар бевме подобри од СОУ Димитар Влахов со резултат 11:6.
🏓На државното првенство во пинг-понг нашиот ученик Борис Секулов го освои третото место.
Честитки за сите ученици- спортисти и за нивните ментори Атанас Цикарски, Гоце Кончалиев и Стојан Стојков!

Photos from СОУ „Јане Сандански“ - Струмица's post 19/11/2022

Уште еден Еразмус настан се одржа оваа недела во нашето училиште за проектот Roboloco! Целта беше да се информираат учесниците (наставници и ученици од други училишта) за видео играта како краен производ на проектот и да се подигне свеста за важноста на компјутерско размислување, како нова битна вештина. Оваа видео игра овозможува на забавен начин учениците да ги развијат вештините за алгоритамско размислување и да ги разберат основни концепти на програмирањето. Колку подобро ќе го испрограмираат роботот, толку ќе бидат подобри во трката од соучениците. Беа споделени ресурсите слободни за користење. Пробајте ја играта и нека учењето ви претставува забава (засега само за андроид ОС)! Проектот е во соработка со универзитет од Норвешка, програмерска компанија од Германија и биро за технолошки иновации од Португалија. Координатор м-р Софија Тошева

Photos from СОУ „Јане Сандански“ - Струмица's post 10/11/2022

🇺🇸 🤝🇲🇰
На свеченоста по повод 30 годишнината на УСАИД во Македонија, дванаесет ученици и ученички од нашето училиште учествуваа во модна ревија, облечени во модели од рециклирани материјали, креирани специјално за нив од модната креаторка Ирина Тошева.
СОУ „Јане Сандански“ е долгогодишен партнер со УСАИД и има учествувано во низа проекти организирани и финансирани од нивна страна.

08/11/2022

📣 🙋‍♀️🙋🙋‍♂️Денес беше формиран Ученичкиот парламент во СОУ „Јане Сандански“ - Струмица. Претставниците од сите паралелки за свој претседател го избраа Ѓорги Цветанов. Заменик претседател на Ученичкиот парламент е Александра Петкова, а членови се Теа Зетова, Дора Акан и Глигор Манчев.
На сите нив им посакуваме плодна работа, успешно да го претставуваат училиштето и да се борат за правата на нивните соученици.

25/10/2022

Нашиот тим на проектен состанок во Норвешка, Норд универзитет!

The 5th transnational meeting is coming to an end in Norway right now. Here are the project partners on day 1, after a long day of intensive work.

Photos from IIS "A. Volta"'s post 19/10/2022

Еразмус проект Hiclass на тема “Laboratory in demand “ - Пескара, Италија. Работилници на теми: роботика, мехатроника, логистика, анатомија и хемија, втор ден…

Photos from СОУ „Јане Сандански“ - Струмица's post 14/10/2022

Да ги обележиме Erasmus деновите со уште една наша успешна приказна од проектот Hiclass ! Од 19-23 септември нашето училиште беше домаќин на петнаесет ученици и шест наставници од Италија, Португалија и Романија, кои заедно со нашите петнаесет ученици вежбаа нови онлајн методи на учење, поврзани со дебата и како истата да се примени во хибридни услови. На крајот се прогласи и најдобриот тим ! Освен работниот дел, гостите беа во посета на Скопје и други локални знаменитости. Учениците поминаа незаборавни моменти, исполнети со многу дружење, но и нови вештини стекнати за една недела!
Координатор: М-р Софија Тошева

07/10/2022

За сите ученици:
Со скенирање на кодот можете да се пријавите на работилница за изработка на EUROPASS CV кое ќе им биде потребно на многу од вас. Работилницата е на 14.10.2022 година во 14.00 часот. Кодот го имате испечатен и залепен на неколку места во училиштето.

Photos from СОУ „Јане Сандански“ - Струмица's post 04/10/2022

На почетокот на новата академска година, на сите наши ученици кои се запишаа на универзитетите во земјата и странство, им посакуваме многу успех во студирањето и остварување на нивните соништа и амбиции. Истото му го посакуваме и на нашиот Димитар Џорлев кој беше прогласен за ученик на генерацијата 2018-2022 и го продолжува своето образование во Словенија.

Photos from СОУ „Јане Сандански“ - Струмица's post 26/09/2022

На 17ти септември генерацијата гимназијалци 1966-1970 прославија 52 години од матурирањето. По тој повод беа во посета на училиштето, каде имаа кратка и пријатна средба со директорката Невенка Стојанова. Во разговорот беа евоцирани многу спомени, а директорката им раскажа за успесите на новите генерации гимназијалци. Им посакуваме добро здравје и ги покануваме повторно за заедно да го прославиме нивниот 55 годишен јубилеј.

СОУ „Јане Сандански“ дел од проект „Роболоко“ во партнерство со субјекти од Норвешка, Германија и Португалија 17/09/2022

- Нашата нова видео игра за компјутерско размислување 🇳🇴🇩🇪🇵🇹 🇲🇰

СОУ „Јане Сандански“ дел од проект „Роболоко“ во партнерство со субјекти од Норвешка, Германија и Португалија СОУ „Јане Сандански“ од Струмица е дел од неколку проекти кои имаат за цел модернизација на наставата, со иновација на нови методи кои би ги поттикнале учениците д

ЈАВЕН ПОВИК за доделување на 20 стипендии на редовни ученици во средните училишта и на 20 стипендии на редовни ученици во основните училиш 14/09/2022

https://strumica.gov.mk/20stipendii

Иницијативата е на градоначалникот на Општина Струмица Костадин Костадинов. Средношколци, пријавете се!

ЈАВЕН ПОВИК за доделување на 20 стипендии на редовни ученици во средните училишта и на 20 стипендии на редовни ученици во основните училиш 13/09/202213/09/2022ЈАВЕН ПОВИК за доделување на 20 стипендии на редовни ученици во средните училишта и на 20 стипендии на редовни ученици во основните училиштаво Вести, Огла....

Photos from СОУ „Јане Сандански“ - Струмица's post 04/09/2022

На 29ти и 30ти август во Акчакоџа, Турција, се одржа работен состанок од проектот Vocational WebLeap, во кој СОУ „Јане Сандански“- Струмица е стратешки партнер со три универзитети, две средни училишта и три претпријатија од Турција, Грција, Романија и Шпанија. Moodle платформата која е резултат на овој проект веќе се тестира од неколку IT компании и се очекува да има голема примена. На работниот состанок без доделени сертификати. Нашиот тим беше составен од Софијa Тошева- координатор на проектот, Невенка Стојанова- директор и Бобан Цветковиќ- професор по информатика. На проектот работеа и професорките Славица Милева Ефтимова и Елизабета Витанова.

30/08/2022
Photos from СОУ „Јане Сандански“ - Струмица's post 16/08/2022

👩‍🎓🍀👨‍🎓 ДОДЕЛУВАЊЕ ДИПЛОМИ НА ГЕНЕРАЦИЈАТА 2018-2022
На 15.08.2022 година во дворот на училиштето им беа доделени дипломите на матурантите од генерацијата 2018-2022.
Директорката им се обрати на матурантите со желби за многу понатамошни успеси и остварени соништа.
🎓🏆За ученици на генерацијата беа прогласени Димитар Џорлев од гимназиското образование и Теодора Николовска од стручното образование.
🎉Драги матуранти,
Сега, кога зачекорувате во едно ново поглавје од животот, искористете ги до максимум советите кои ви ги дававме, достигнете го врвот на својот интелектуален капацитет и, како што рекол големиот Махатма Ганди, БИДЕТЕ ПРОМЕНАТА КОЈА САКАТЕ ДА ЈА ВИДИТЕ ВО СВЕТОТ. Не се сомневаме дека ќе продолжите да не’ радувате со вашите успешни приказни, и дека по некоја година за многумина од вас со гордост ќе речеме: „Да, тој беше наш ученик“. ❤

Photos from СОУ „Јане Сандански“ - Струмица's post 14/08/2022

🎉👩‍🎓🧑‍🎓🎓
ДОДЕЛУВАЊЕ НА ДИПЛОМИТЕ НА МАТУРАНТИТЕ ОД ГЕНЕРАЦИЈАТА 2018-2022:
Понеделник, 15.08.2022 година, во 19.00 часот, во дворот на училиштето!

Photos from СОУ „Јане Сандански“ - Струмица's post 05/07/2022

Награда со ознака за квалитет за успешна реализација на eTwinning проектот My Little Big World !

СОУ Јане Сандански со уште 5 други училишта од Полска, Турција, Латвија и Романија работеше на заеднички проект на платформата еTwinning . Проектот главен акцент стави на примената на WEB 2 алатките за дигитализација во наставата. Беа користени следните апликации : Canva, Padlet, Zeppeto, Pixton, Mult.dev ,Blogger ..Дигиталните алатки беа применувани за изработка на различни продукти , логоа, постери, анимации , презентации, филм. .Се одржаа 5 вебинари за наставници , и 4 работилници за ученици. Проектот го предводеа професорките Елизабета Витанова и Зорица Витанова, а беа вклучени 6 ученици М.Мучева, Д.Јанчева, А.Стојкова,Т.Горгиев, В.Стефанов и З.Витанова. Овој проект е поврзан со Еразмус проектот под има My Digi Edu World , како негов продукт.

Photos from СОУ „Јане Сандански“ - Струмица's post 02/07/2022

СОУ Јане Сандански е стратешки партнер со три универзитети, две средни училишта и три претпријатија од Турција, Грција Романија и Шпанија, а заедничката работа резултира со готов производ: Мoodle платформа со три курсеви за учење на Веб дизајн и развој. Материјалите се состојат од почетен курс па се до најнапредни технологии од областа, комплетно на македонски јазик и достапни за секој кој сака да напредува или направи пресврт во кариерата.
Вчера, во просториите на училиштето се одржа настанот за мултипликација на Еразмус+ проектот Vocwebleap, на кој учество земаа и преставници од ИТ секторот. Благодарност до Mitko Andonov, Milan Savov, Boris Edrovski, Goncа Piliceva, кои со голем ентузијазам се вклучија во дискусијата и несебично се понудија за соработка со училиштето !
Координатор на проектот: М-р Софија Тошева

30/06/2022

Од 22 до 25 јуни во Тулуз – Франција се одржа средба на учесниците на проектот Еразмус+ „Стембот“. Француската научна организација „Fermat Science“ ги пречека партнерите од Белгија, Словенија, С. Македонија , Португалија и Естонија . За време на состанокот се анализираа постигнатите резултати, се поставија нови цели и учесниците спроведоа научно искуство за производство и лансирање на пластична ракета . Тоа е всушност само еден од многуте експерименти кои ќе бидат резултати на проектот.Нашиот проектен тим беше претставен од Директорката Невенка Стојанова и професорката Елизабета Витанова, координатор на проектот.

20/06/2022

Го трансформираме начинот на учење, секогаш во тек со новите трендови! Нашата платформа за учење на Веб програмирање е речиси готова, во соработка со универзитети и училишта од Грција, Турција, Романија, Шпанија, како дел од Еразмус проектот VocWebLeap. Тоа ќе се комплетни три курсеви на македонски јазик, кои освен во наставата, ќе може да ги користат сите заинтересирани, кои сакаат промена во кариера. Отворениот настан ќе се одржи наскоро ! Прoверете на линкот webleap.eu/moodle
Координатор: Софија Тошева

17/06/2022

ВАЖНО!
Сите ученици кои се запишуваат во прва година, денес, петок, да ги донесат документите во училиштето најдоцна до 15 часот за да може да се направи увид и да се изготват ранг листите на примени ученици.
Учениците кои не успеале да се запишат, а имаат минимум 60 поени, можат повторно електронски да се пријават во второто пријавување на 21ви и 22ри јуни.

15/06/2022

Креирана web платформата за проектот STEMBot, преку која ќе се овозможи учење на предметите од областа на природните науки и математика преку експерименти и со соодветна персонализиранa помош преку конверзација со chatbot .
www.stembot.eu

12/06/2022

Заследете го официјалниот Инстаграм профил на СОУ Јане Сандански SOU.Jane Sandanski за најнови информации! 😊
https://www.instagram.com/soujanesandanski/

10/06/2022

📣 ДО СИТЕ ДЕВЕТТООДДЕЛЕНЦИ И НИВНИТЕ РОДИТЕЛИ!
Доколку имате потешкотии или нејасни работи околу аплицирањето за упис во прва година средно образование, повелете во СОУ „Јане Сандански“- Струмица на 14ти и 15ти јуни од 09.00 до 14.00 часот. Професорите и вработените во училиштето ќе ви помогнат околу аплицирањето.

Информација за електронски упис на ученици во прва година во средно образование 10/06/2022

Започна пријавувањето на ученици во средните училишта!
Креирајте профил на платформата ➡️ https://e-uslugi.mon.gov.mk со вашиот е-маил од www.schools.mk и започнете со пополнување на апликацијата.
👉 Повеќе информации на ➡️ https://bit.ly/3H8m6L3
📢 За првото пријавување на учениците во конкурсниот рок, Порталот ќе биде отворен од 10.06.2022 (10.00 часот). Учениците ќе може да ги пополнуваат своите пријави (апликации) заклучно со 15.06.2022 (најдоцна до 15.00 часот), после што системот ќе биде затворен за аплицирање.

Информација за електронски упис на ученици во прва година во средно образование Официјална веб страна на Министерството за образование и наука

Want your school to be the top-listed School/college in Strumitsa?

Click here to claim your Sponsored Listing.

Нашата приказна

СОУ „Јане Сандански“ е едно од најстарите училишта во Струмица кое нуди гимназиско и економско средно образование. Училиштето е сместено во строгиот центар, веднаш до градскиот плоштад „Гоце Делчев“.

Иницијативата за основање на нашето училиште произлегува од одлука на АСНОМ од ноември 1944 година за отворање на училишта за гимназиско образование во сите поголеми градови во Македонија. Струмичката гимназија започнала со работа во февруари 1945 година и во првите години од своето постоење била сместена во денешната зграда на музејот во Струмица.

Со развојот на регионот и потребите на жителите, Струмичката гимназија по десетина години од своето основање, во учебната 1955/56 година во својата програма воведува и економско образование. Денес оваа струка сè уште функционира, а за потребите од практична настава на нашите економисти во 2015 година беше отворена и виртуелната „ЈС Банка“, потпомогната од Општина Струмица и од експозитурите во Струмица на неколку банки.

Училиштето располага со една повеќенаменска спортска сала и три отворени игралишта за фудбал, кошарка и одбојка, како и просторија за пинг-понг. Исто така во училиштето работи и библиотека со над 25.000 книги и стручна литература за потребите на учениците и наставничкиот персонал.

Videos (show all)

📣 Порака до сите матуранти на СОУ „Јане Сандански“- Струмица од минатата учебна 2020/21 година ‍👨‍🎓👩‍🎓Ова видео го посве...
Започна имплементација на е-курсевите за нашиот #VocWebLeap проект!
Обраќање на директорката за случувањата во 2020 година
СОУ „Јане Сандански“ - Струмица: Промотивно видео за воннаставните активности
Резиме на 2019 година во СОУ „Јане Сандански“ - Струмица
ДЕЦЕНИЈА: Јовче и Ивана @ Урбан Таг
Behind the scenes - ДЕЦЕНИЈА 2020
ДЕЦЕНИЈА 2011-2019: Сеќавања на учениците
ДЕЦЕНИЈА 2011-2020: Најомилени концерти на професорите
Посета на Роман Хакен - член на ЕЕСК
Реконструкции, проширувања - што се градеше во нашето училиште во 2018 година
Новогодишно-хуманитарен штанд - 2018/19

Location

Category

Telephone

Address


„Моша Пијаде“ бр. 2
Strumitsa
2400
Other Strumitsa schools & colleges (show all)
Avto servis Kastro Avto servis Kastro
Strumitsa

Часови по класична гитара и популарна гитара Часови по класична гитара и популарна гитара
Струмица
Strumitsa, 2400

Часови по класична гитара и популарна гитара.

UFS UFS
Plostad Marsal Tito
Strumitsa, 2400

Sales of sport supplements and accessories

Франко Тим Франко Тим
Vidoe Podgorec
Strumitsa, KRISTIJAN

СОУ "Никола Карев" Струмица СОУ "Никола Карев" Струмица
Strumitsa, 2400

СОУ "Никола Карев " е средно стручно училиште во кое се образовни профили од 6 струки

Cool School Cool School
Mladinska 183, Strumica
Strumitsa, 2400

It's COOL to be in SCHOOL Центар за ран креативен развој и странск

Didi & Polly HDEE Strumica Didi & Polly HDEE Strumica
Strumitsa, 2400

Didi & Polly Early English се специјализирани Helen Doron програми за изучување на англиски јазик наменети за поголеми групи од деца на возраст од 2-7 год.