ООМУ "Методи Патче" - Охрид

Интервју за "Гласот на Америка" на талентираниот ученик по виолина Виктор Србиноски.Наскоро и линк на кој што ќе може да го проследите.

Годишен концерт на учениците од ООМУ "Методи Патче" - Охрид во катедралната црква Св. Софија 🎶🎵

Почитувани пријатели ве покануваме на годишен концерт.Катедрална црква Св.Софија почеток 19:00 часот

На VI меѓународен натпревар по пијано "Пијанофест" во Битола, учениците од оому "Методи Патче" Климент Ковачески и Марко Петрески со успех го претставија нашето училиште. Климент Ковачески се натпреваруваше во првата категорија и во конкуренција од 24 натпреварувачи ја освои највисоката специјална прва награда(100 бода) и златен медал. Марко Петрески во предкатегорија освои Прва награда во конкуренција на 44 натпреварувачи. Натпреварот се одржа во прекрасната сала на Офицерскиот дом во Битола. Климент и Марко се ученици во класата на наставникот Даниел Чуркоски.

На традиционалниот концерт „Младите доаѓаат”, кој се одржува секоја година во македонска Филхармонија, настапи нашиот талентиран виолинист Виктор Србиноски од класата на проф. Елица Рашкова. Тој настапи како солист со оркестарот на Maкедонска Филхармонија предводен од маестро Ангел Спироски со концертот за виолина од Д. Кабалевски. Од 24 ученици од основните и средните музички училишта во Р. Македонија беа избрани само 10, а Виктор беше најмладиот солист. Да се настапува со симфониски оркестар е предизвик, а Виктор на тоа одговори беспрекорно. Му посакуваме блескава концертна иднина. Ние уживавме во неговиот настап, уживајте и вие:
https://youtu.be/h7mxp7mDXOA?si=r-1qtYNuX99Xj7wD

На Меѓународниот натпревар ART IN кој викендов се одржа во Кавадарци, младите пијанисти во класа на проф. Љубен Несторов освоија:
Стефан Маневски - Прва награда
Јован Трајков - Прва награда
Честитки !!!

Настап на учениците од ООМУ "Методи Патче" - Охрид на манифестацијата "Охрид Трчат" 🎵🎹

На Меѓународниот натпревар ART IN кој викендов се одржа во Кавадарци, младите виолинисти во класа на проф. Кирил Белистојаноски освоија:
Михаил Тотески - Прва награда
Евгенија Апостолоска - Втора награда
Честитки !!!

На Меѓународниот натпревар ART IN кој викендов се одржа во Кавадарци, младата флејтистка Леона Неделкоска во класа на проф м-р Нина Момировска, ја освои Првата награда. Честитки !

На меѓународниот натпревар " Тартини", кој од 31.05 до 02.06 по четврти пат беше реализиран во Пиран, Р. Словенија, во чест и слава на виртуозот по виолина и композитор Џузепе Тартини, младите и талентирани музичари: Антица Николоска V одд ,Ана Кузманоска VII одд, Виктор Србиноски VII одд и Лина Николеска IX одд ,беа единствените натпреварувачи од Р. Македонија.
Во силна конкуренција на учесници од 21 држава од светот, постигнаа врвни резултати во соло дисциплина и камерна музика.

Клавирското трио составено од две виолини и пијано, во состав: Лина Николеска од класата на проф. Христина Пецакоска Николеска, Антица Николоска и Ана Кузманоска, освои висока втора награда на престижниот музички натпревар. Овие талентирани музичарки покажаа извонредна умешност и музичка чувствителност, што беше препознаено и од страна на стручната комисија. Нивниот успех е резултат на посветената работа и љубов кон музиката, а оваа награда е само почеток на нивниот блескав пат во светот на класичната музика.

Младата виолинистка Антица Николоска постигна забележителен успех, освојувајќи ја втората награда на овој натпревар. Под менторство на професорот Мухамед Бајрам, Антица се истакна меѓу учесници од 21 земја, покажувајќи извонредна техничка умешност и музичка изразност. Оваа награда претставува значајна точка во нејзината музичка кариера.

Инзвонредниот виолинист Виктор Србиноски, под менторство на проф. Елица Рашкова, освои прва награда на истиот натпревар. Виктор се истакна со својата виртуозност и музичка зрелост, што му донесе заслужена прва награда меѓу големата конкуренција.

Пијанистката Ана Кузманоска под менторство на проф. м-р Ана Ѓорѓиоска, со впечатлив настап го импресионираше реномираното интернационално жири составено од еминентни професори од Русија, Шпанија, Австрија и Србија. Во голема конкуренција на учесници, Ана освои висока втора награда, со која повторно го докажа својот импресивен музички талент.

Овие успеси на младите музичари се голема инспирација и гордост за нашата музичка сцена.

На меѓународниот натпревар Art in, кој се одржа викендов во Кавадарци, учество зедоа ученичките Илина Рилкоска и Матеа Атанасова, двете во класата на проф. Ана Булоска Рилкоска и се здобија со високи ПРВИ награди, секоја во својата категорија.

https://www.facebook.com/share/p/6JRMHEHrbxogdGem/?mibextid=oFDknk

На 24.05.2024 во рамки на чествувањето на големиот сесловенски празник Св.Кирил и Методиј беше одржан концерт во катедралната црква св.Софија на кој настапија учениците по пијано - Алексеј Чуркоски, Ивона Георгиеска, Климент Ковачески и Софија Гавреска од класата на проф . Даниел Чуркоски и Виктор Србиноски-виолина од класата на проф. Елица Рашкова. На концертот учествуваа и ученици од Скопје од класата на проф.Викторија Митеска-Малезан која и самата се претстави со свои точки.

На Меѓународниот натпревар за мали пијанисти, кој се одржа на 25ти и 26ти Мај во Врање, Република Србија, учениците од класата на Проф. Ана Ѓорѓиоска постигнаа високи резултати.

Ученичката Ана Кузманоска освои I специјална награда, максимални 100 бода во својата категорија.

Ученикот Борјан Николоски, во својата категорија освои висока I награда.

По повод големиот празник на сесловенските браќа Св.Кирил и Методи наградените ученици кои освојуваа високи државни и меѓународни признанија,денес беа наградени и од Градоначалникот на Општина Охрид г-дин Кирил Пецаков и од целиот тим.Благодариме на подршката!

Почитувани! ООМУ "Методи Патче" - Охрид
Врши уписи на нови талентирани ученици кои од Септември 2024 година започнуваат прво одделение за инструментите(Пијано и Виолина) и ученици кои во Септември 2024 година започнуваат четврто одделение за инструментите(Флејта,Кларинет,Хармоника и Гитара).Ве известуваме дека информации и насоки како ќе се одвива приемниот испит може да добиете од 13ти до 23 ти Мај од 09:00-14:00 часот.Ви посакуваме успех.Приемниот испит ќе се одржи на 25.05.2024 (Сабота). Со почеток од 09:00 часот.

Почитувани!
ООМУ "Методи Патче" - Охрид
од 13 ти до 23 ти Мај започнува со консултации и препораки во врска со приемните испити за учебната 2024/25 година.Сите заинтересирани може да не посетат во зададените термини од 09:00-14:00 часот.Ве очекуваме!

ООМУ"Методи Патче"-Охрид.Поставен нов систем за интернет најнов проект на Акцес Поинт технологија...

На 25ти и 26ти април во Битола се одржа Државен натпревар во организација на Здружението на музички и балетски педагози. Охридската виолинистка Антица Николоска од класата на проф. Мухамед Бајрам ја освои највисоката ПРВА награда. Исто така, Антица настапи на 9-от меѓународен натпревар "Полихимниа" во Скопје каде што исто така ја освои високата ПРВА награда. 🥇
Честитки !

На 25ти и 26ти април во Битола се одржа Државен натпревар во организација на Здружението на музички и балетски педагози. Охридските хармоникаши од класата на проф. Филип Гавриловски ги освоија највисоките, една Прва награда и 1 Втора награда.
Стефан Таштаноски - Прва награда
Михаил Стојаноски - Втора награда
Честитки !

На 25ти и 26ти април во Битола се одржа Државен натпревар во организација на Здружението на музички и балетски педагози. Охридските виолинисти од класата на проф. Елица Рашкова ги освоија највисоките, една Прва Специјална награда и 2 Први награди.
Виктор Србиноски - Прва Специјална награда
Стефан Баракоски - Прва награда
Емилија Лушеска - Прва награда
Честитки !

На 25ти и 26ти април во Битола се одржа Државен натпревар во организација на Здружението на музички и балетски педагози. Охридските флејтистки од класата на проф. Оливера Петкоска ги освоија највисоките, една Прва награда и 1 Втора награда.
Марија Дузлеска - Прва награда
Марија Лазаревска - Втора награда
Честитки !

На 25ти и 26ти април во Битола се одржа Државен натпревар во организација на Здружението на музички и балетски педагози. Охридските пијанисти од класата на проф. Ана Ѓоргиоска ги освоија највисоките, една Прва награда и 2 Втори награди.
Ана Кузманоска - Прва награда
Катја Крстаноска - Втора награда
Борјан Николоски - Втора награда
Честитки !

На 25ти и 26ти април во Битола се одржа Државен натпревар во организација на Здружението на музички и балетски педагози. Охридските флејтистки од класата на проф. м-р Нина Момировска ги освоија највисоките, една Прва специјална награда и 5 Први награди.
Бојана Размоска - Прва специјална награда
Ана Јованоска - Прво место
Тијана Шутароска - Прва награда
Елена Андрееска - Прва награда
Миа Стојкоска - Прва награда
Михаела Аврамоска - Прва награда.
Честитки !

По повод Светскиот ден на книгата и авторското право , денес во НУ ,, Григор Прличев ,, настапија младите флејтистки од класата на проф. м-р Нина Момировска, Бојана Размоска, Тијана Шутароска и Ана Јованоска.

На 22.04.2024 се одржа Велигденски концерт на учениците од ООМУ "Методи Патче" - Охрид, 🎹🪗🎻🎸🎶

Охридските флејтистки повторно најдобри во најдобрите. На 21 ти април во Скопје на Деветтиот Интернационален натпревар ,, Полихимниа,, на кој учествуваа ученици од повеќе држави, Бугарија, Косово, Црна Гора, Хрватска и во силна конкуренција се натпреваруваа и освоија: една Прва награда и една Втора награда, флејтистки од класата на проф. Оливера Петкоска.
Марија Лазаревска - Прва награда
Марија Дузлеска - Втора награда
Честитки!!!

Охридските флејтистки повторно најдобри во најдобрите. На 21 ти април во Скопје се одржа Деветтиот Интернационален натпревар ,, Полихимниа,, на кој учествуваа ученици од повеќе држави, Бугарија, Косово, Црна Гора, Хрватска и во силна конкуренција се натпреваруваа и освоија: Една прва Специјална награда и 6 Први награди, нашите млади флејтистки од класата на проф. м-р Нина Момировска.
Бојана Размоска - Прва награда,
Ана Јованоска - Прва Специјална награда,
Тијана Шутароска - Прва награда,
Миа Стојкоска - Прва награда,
Елена Андрееска - Прва награда,
Михаела Аврамоска - Прва награда и
Квартетот флејти - Леона Неделкоска, Михаела Аврамоска , Миа Стојкоска и Елена Андрееска , добитници на Прва награда.
Честитки !

Почитувани ве покануваме на концерт по повод Велигденските празници.