PSI Hydrobiological Institute

17/08/2026

Денес со особено задоволство во Хидробиолошкиот институт ја пречекавме г-ѓа Nicole Varnes, Chargé d’Affaires a.i. на Амбасадата на САД U.S. Embassy North Macedonia.

Посетата беше можност за претставување на научноистражувачката работа, експертизата и капацитетите на Институтот, со посебен акцент на истражувањето и заштитата на Охридското и Преспанското Езеро, биолошката разновидност, вештачкиот мрест на охридската пастрмка, мониторингот на водните екосистеми, климатските промени и антропогените притисоци.

Разговаравме и за можностите за понатамошна научна соработка, како и за потребата од континуирана поддршка на научните институции во заштитата на нашето природно наследство.

Благодарни сме за посетата, интересот и поддршката и веруваме дека ваквите средби отвораат нови можности за заедничко дејствување во интерес на науката, природата и одржливата иднина на Охридско-преспанскиот регион.

17/08/2026

Важен чекор кон одржување на рибниот фонд и зачувување на богатството на нашиот уникатен екосистем 🌿🐟

18/07/2026

17/07/2026

На кафе со амбасадорите

26/06/2026

Ново партнерство за развој на науката и образованието!

На 17 јуни 2026 година, Универзитетот „Гоце Делчев“ – Штип претставуван од ректорот проф. д-р Дејан Мираковски и ЈНУ Хидробиолошки завод – Охрид, претставуван од д-р Орхидеја Тасевска, потпишаа Меморандум за соработка, со кој се отвораат нови можности за заеднички научно-истражувачки проекти, размена на знаења и искуства, како и поддршка на младите истражувачи и студенти.

Оваа соработка претставува важен чекор кон унапредување на научните достигнувања, јакнење на институционалните капацитети и создавање нови перспективи во областите на природните и техничките науки, животната средина и одржливиот развој.

Заедно градиме посилна научна заедница и инвестираме во знаење за иднината. 📚🔬

'Goce Delcev' University - Stip (Универзитет „Гоце Делчев“ - Штип)
Факултет за природни и технички науки, Универзитет „Гоце Делчев“ Штип
#УГДШтип
#ХидробиолошкиЗаводОхрид
#Наука #Истражување #Соработка #Образование #НаучниДостигнувања

13/06/2026

Во рамките на проектот NATURE OF AQUATIC ENVIRONMENT: INCLUSION AND RISING AWARENESS IN DIVERSE SOCIETIES (NIDA), финансиран преку програмата Erasmus+ 2024-1-TR01-KA220-HED-000251988 и координиран од страна на Karadeniz Technical University, Трабзон, Турција, Факултетот за биотехнички науки - Битола кој е една од партнерските институции во проектот под раководство на Проф. д-р Дијана Блажековиќ - Димовска, во периодот од 9-12 јуни 2026 беше домаќин на проектната активност "Обука на студенти" која обедини студенти од повеќе единици на УКЛО (Факултет за биотехнички науки, Педагошки Факултет, Техничко технолошки Факултет и Висока медицинска школа).

Во рамките на оваа активност, на 12 јуни беше реализирана едукативна посета на Хидробиолошкиот институт - Охрид, придружна членка на УКЛО, со цел студентите да се запознаат со работата на Институтот, истражувањата поврзани со водните екосистеми и значењето на практичната примена на научните знаења во областа на биодиверзитетот и заштитата на животната средина, со посебен фокус на слатководните екосистеми и слатководната флора и фауна.

Оваа посета беше од исклучително значење не само за студентите, туку и за професорите од Faculty of Marine Sciences при Црноморскиот технички универзитет од Трабзон, Турција за кои ова е нивна прва посета на Хидробиолошкиот Институт како стратешка институција од областа на водните екосистеми.

10/06/2026

✅️Оваа учебна година ја завршуваме со две спроведени работилници во месец јуни како дел од проектот Мрежа за искуствено учење.

На наше огромно задоволство не посетија учениците од ОУ "Гоце Делчев" - Ресен и ООУ "Крсте Петков Мисирков" - с. Средно Егри.

🙌Со работилниците продолжуваме од месец септември, ви посакуваме среќен летен распуст и Ви благодариме што ја посетивте нашата институција.

До нашето скоро видување!👋

Македонско еколошко друштво
UNICEF MK
Embassy of Sweden in Skopje

22/05/2026

🌍💙 Светски ден на биодиверзитетот – богатството на Охридското Езеро 💙🌍

Охридското Езеро не е само природна убавина – тоа е жив музеј на еволуцијата и едно од најстарите и најзначајни езера во светот. Во неговите води живеат повеќе од 200 ендемични видови, организми кои не постојат никаде на друго место на планетата
Од уникатните алги, полжави и ракчиња, до познатата охридска пастрмка, биодиверзитетот на езерото претставува непроценливо природно наследство со светско значење. Токму затоа, заштитата на Охридското Езеро значи заштита на животот, науката и иднината.
На денешниот ден потсетуваме дека биодиверзитетот не е неисцрпен ресурс. Климатските промени, загадувањето и неодржливото користење на природата се закана за овој уникатен екосистем.
Да го чуваме Охридското Езеро – затоа што кога го чуваме биодиверзитетот, ја чуваме рамнотежата на животот.

🌍💙 World Biodiversity Day – The Richness of Lake Ohrid 💙🌍

Lake Ohrid is not only a natural wonder – it is a living museum of evolution and one of the oldest and most important lakes in the world. Its waters are home to more than 200 endemic species, organisms found nowhere else on the planet.
From unique algae, snails, and crustaceans to the famous Ohrid trout, the lake’s biodiversity represents an invaluable natural heritage of global importance. That is why protecting Lake Ohrid means protecting life, science, and the future.
Today, we are reminded that biodiversity is not an unlimited resource. Climate change, pollution, and unsustainable use of nature pose serious threats to this unique ecosystem.
Let us protect Lake Ohrid – because by protecting biodiversity, we protect the balance of life