СОСУ "Св.Кирил и Методиј"-Охрид

СОСУ "Св.Кирил и Методиј"-Охрид

Contact information, map and directions, contact form, opening hours, services, ratings, photos, videos and announcements from СОСУ "Св.Кирил и Методиј"-Охрид, High School, Mite Bogoevski br. 2, Ohrid.

Photos from СОСУ "Св.Кирил и Методиј"-Охрид's post 16/12/2023

Во пресрет на Новогодишните и Божиќните празници, а во рамки на активностите поврзани со Новогодишниот базар, учениците од нашето училиште предводени од дефектологот Марија Смилески и наставникот по англиски јазик Катерина Симјаноска и информатика Жаклина Милеска учествуваа во работилница и се дружеа со дечињата што престојуваат во игротеката Радост. Целта на работилницата беше изработка на новогодишни украси, а средствата од нивната продажба ќе се донираат во хуманитарни цели.

14/12/2023

Во пресрет на новогодишните празници и весело дочекување на новата година, а со желби за убаво испраќање на старата, Ве покануваме заеднички да се дружиме и радуваме во убав амбиент на уште поубава тема - Хуманитарен новогодишен базар.

- Настанот е од хуманитарен карактер и средствата кои ќе бидат собрани, ќе бидат донирани во инклузивната игротека ,,Радост".

- На базарот ќе бидат изложени рачни изработки од нашите ученици: слатки задоволства, украси, честитки, накит итн, а Вие ќе имате можност да си купите од понудените производи и на тој начин да учествувате во хуманитарниот настан.

Вашето малку, некому значи многу.

Сите сте добредојдени, Ве очекуваме !!!

Photos from СОСУ "Св.Кирил и Методиј"-Охрид's post 13/12/2023

Во рамки на 16 дена активизам против родово базирано насилство,во нашето училиште претставник на МВР и претставник НВО Инклузија, Охрид одржаа едукативно предавање, на кое што децата беа запознаени со различни видови насилство, како истото да го препознаат и каде да го пријават. Организатор на ова предавање беше Ана Христоска, библиотекар во СОСУ ,,Св.Кирил и Методиј''.

Photos from СОСУ "Св.Кирил и Методиј"-Охрид's post 12/12/2023

Computer Science Education Week – Декември 1-15, 2023

Од 1 до 15 декември годинава се одбележува Computer Science Education Week или Недела на образованието за компјутерски науки. Неделата на образованието за компјутерски науки има за цел да ги заинтересира учениците за компјутерско кодирање. Во текот на втората недела во декември, учениците се охрабруваат да учествуваат на настанот „Hour of code“.Секоја година наставниците ширум светот избираат забавни активности за учениците преку кои ќе научат за компјутерските науки и програмирање.
За време на овој настан, нашите ученици кодираа еден час. Нашиот кабинет по информатика се претвори во забавно и возбудливо место за натпревар.Компјутерското кодирање е познато и како програмирање. Кодовите се програми кои му кажуваат на компјутерот што да прави со пишување инструкции. Иако обичниот корисник можеби нема да го види, кодирањето е насекаде. Секој компјутерски уред, како што се десктоп компјутери, таблети и паметни телефони користат кодирање. Кодирањето е исто така од суштинско значење при креирањето на веб-локации и апликации. Заедно со кодирањето, оваа недела се промовира и важноста на образованието за компјутерски науки.

Photos from СОСУ "Св.Кирил и Методиј"-Охрид's post 06/12/2023

По повод меѓународниот ден на човековите права- 10 декември, годишен празник кој се прославува насекаде, низ сите светски меридијани, во нашето училиште, учениците од втора година беа дел од активноста ,,Ден на човековите права- Human rights day" спроведена и реализирана преку видео презентации и анализирање на Универзалната декларација за човековите права, донесена на 10.12.1948 г. од ООН, која означува прво глобално изразување на основните права на сите човечки суштества.
Во рамките на работилницата беа инволвирани самите ученици од втора година, економско-правна и трговска струка, под менторство на проф. по Право, Надица Речкоска.

Photos from СОСУ "Св.Кирил и Методиј"-Охрид's post 05/12/2023

На Меѓународниот ден на лицата со попреченост - 3 Декември, во нашето училиште беше спроведена работилница со учениците, со цел да се потсетиме на потешкотиите со кои се соочуваат овие луѓе, како и нивните потреби за остварување на нивните права за инклузија во општеството. Низ интерактивни активности, со играње на улоги, учениците се ставија во улога на ученици кои имаат некаква атипичност со цел да се развие емпатија и потреба за поддршка на оваа категорија на ученици.
,,ПОПРЕЧЕНОСТА Е УМЕТНОСТ, ТОА Е ГЕНИЈАЛЕН НАЧИН НА ЖИВЕЕЊЕ".
,,ЕДИНСТВЕНА ПОПРЕЧЕНОСТ ВО ЖИВОТОТ Е ЛОШИОТ СТАВ".
Тоа го докажуваат и неколку познати лица на кои попреченоста им била мотив плус да бидат успешни во животот: Алберт Ајнштајн, Стивен Хокинг, Стиви Вондер, Ник Вујичиќ, Волфганг Амадеус Моцарт, Луис Капалди и многу други.

Photos from СОСУ "Св.Кирил и Методиј"-Охрид's post 02/12/2023

Кажи СТОП 🖐️на НАСИЛСТВОТО ВРЗ ЖЕНАТА!!! Беше мотото на предавањето организирано од страна на нашата ученичка заедница под менторство на стручната служба. Целта на ова предавање беше да се зголеми свеста за поединци и заедници кои трпат насилство, да се даде поддршка на жртвите и да се подигне гласот против насилството воопшто. Поддршка на овој настан, каде родителите од Советот на родители беа во улога на слушатели, а учениците предавачи дадоа и претставници од СВР Охрид кои се стручни лица од областа на семејното насилство.

Photos from СОСУ "Св.Кирил и Методиј"-Охрид's post 01/12/2023

Денес на 1ви Декември учениците од I и II год. имаа предавање по повод Светскиот ден за борба против сидата кое го одржаа Д-р Јованка Стурлакова-Коровешоска, а потоа во соработка со Црвен крст делеа информативни флаери на случајни минувачи.
Учениците од IV год. изработија презентација на темата ,,1-ви Декември светски ден за борба против сидата" која ја презентираа пред учениците од III и IV год.Учениците од III год. изработија постер на оваа тема.

Photos from СОСУ "Св.Кирил и Методиј"-Охрид's post 30/11/2023

Ученици од нашето училиште на 25 и 26.11. реализираа работна посета во Белград, каде во театарот „Звездара” присуствуваа на театарска претстава „Није човек ко не умре”, во која играа познатите српски актери: Војин Ќетковић, Бојан Жировиќ, Павле Пекиќ, Александар Ѓурица и Анѓелика Симиќ. Автор на драмата е Велимир Стојановиќ, а претставата беше во режија на Горчин Стојановиќ.
Во оваа драма се зборува за исконскиот страв на човекот од смртта и сознанието дека смртта е дел од животот. Во безизлезна ситуација кога нема лек за болеста човекот почнува да се брани како знае и умее: со филозофија, хумор, сатиричност, со храна и др.

Исто така учениците имаа прилика да го посетат музејот на еден од најзначајните писатели од југословенските простори и добитник на Нобелова награда за книжевност, Иво Андриќ каде што беа запознати повеќе со неговиот живот, работа и достигнувања во неговата кариера.
Покрај другото тие го посетија и најголемиот српски православен храм ,,Света Сава" кој што е и најголема православна црква на Балканот.
Организатори на оваа работна посета беа :
Проф.Доца Цветкоска
Проф .Марија Сарафимоска
и коресподенти :
Педагог Андријана Паскали и
проф. Катерина Симјаноска.

28/11/2023
Photos from СОСУ "Св.Кирил и Методиј"-Охрид's post 28/11/2023

Силата на еден човек се гледа преку неговите дела кои ќе го стоплат сечие срце, дури и во овие зимски денови. Со таа цел учениците од II-1 и II-2 донираните средства собирани во нашето училиште ги селектираа и складираа за да стигнат што побрзо до лицата на кои им е најпотребна топлата хумана прегратка од учениците на СОСУ " Св. Кирил и Методиј".
Поддржано од Црвен Крст Охрид, професорите др. Диана Паунковска и проф.Цветанка Димчевска ја вклопија сложувалката потребна да се реализира овој настан.

Photos from СОСУ "Св.Кирил и Методиј"-Охрид's post 21/11/2023

Повод Глобалната недела на претприемништвото, ученици од нашето училиште присуствуваа на панел дискусија која се одржа на 17.11.2023г. на Универзитетот за информатички науки и технологии – Св. Апостол Павле заедно со Стартап Македонија и говорниците: проф. Јованка Дамеска Секулоска, Патриша Цејсенс – извршен директор на WeWatt и Јован Јованоски. Учениците имаа можност да слушнат дискусија на тема:,,Зајакнување на зелената економија за екопријателска енергија'' и за почетоците на еден мал бизнис во Белгија од идеја, развој на производ до стратегија за пазар и на крај производство во Охрид.

Photos from Kasarna HUB's post 21/11/2023

Честитки за нашите прекрасни ученици и нивните ментори!!!
👏👏👏
Финале на бизнис натпреварот "Основај свој старт-ап" во организација на Касарна Хаб!
Прво место – “Event Buddy”, апликација за тековните настани во градот и пошироко, изработена од страна на досетливите Марија Тренеска, Стефани Пумпалоска, Јована Нанеска и Ана Марија Маркоска;
• Второто место го поделија – “EкоПарк” и “SpaceWork”, бизнис планови за рециклирање и подигнување на еколошката свест кај граѓаните, изработени од: Никола Донески, Анастасија Јаковческа, Наталија Савеска и Елена Бежоска, Невена Размоска, Матеј Исакоси и Михаил Јоноски.
https://www.facebook.com/share/MYroM3ohQfAu2xSP/

Photos from СОСУ "Св.Кирил и Методиј"-Охрид's post 18/11/2023

Нашите ученици во посета на ПМФ во Скопје!

Ученици од I и II година од здравствената струка под менторство на професорките по хемија Сузе Коческа и Христина Кузманоска беа во посета на ПМФ во Скопје.
На 17 ноември, во амфитеатарот на Институтот по хемија се одржа хемиски спектакл организиран од вработените на Институтот во соработка со Сојузот на хемичари и технолози на Македонија.
Присуството на еден ваков спектакл е можност за учениците да им се доближи хемијата и да ја поттикне љубопитноста и желбата кон истражување, правејќи го учењето на овој предмет интересно и забавно.

Photos from Kasarna HUB's post 17/11/2023
Photos from Kasarna HUB's post 17/11/2023

Учениците од СОСУ,, Св.Кирил и Методиј" учесници на бизнис натпреварот ,, Основај свој стар-ап".

Photos from СОСУ "Св.Кирил и Методиј"-Охрид's post 15/11/2023

По повод одбележувањето на на Меѓународниот ден на толеранцијата од страна на стручната служба во нашето училиште беа спроведени интерактивни предавања на тема ,,Толеранција за среќа гаранција" со цел поттикнување на поголема толеранција меѓу учениците, взаемно почитување и развој на емпатија. За здрав психофизички развој и развој на здрави емоции неопходна е позитивна социјализација и позитивни модели на идентификација на учениците. Толеранцијата се учи! Да ги научиме децата да бидат толерантни, тоа е наша морална одговорност.

Photos from СОСУ "Св.Кирил и Методиј"-Охрид's post 10/11/2023

Денес, во нашето училиште, пред учениците од четврта година предавање одржа проф. д-р Љупчо Кеверески на тема: „ Да влијаеме на размислувањето за подобар и поуспешен избор на идната професија“.
Во таа насока, на учениците им беше поттикнато сознанието дека вистинскиот избор на професијата, како личен избор, ќе ги направи успешни во истата. Затоа, навременото размислување е од клучно значење за правилен избор.
Водете се од мислата: „Ако сакаш да успееш, не прашувај никого“ - проф. д-р Љупчо Кеверески.
Инаку, проф. д–р Љупчо Кеверсеки е редовен професор за група психолошки предмети на Педагошкиот факултет во Битола, автор на голем број трудови од областа на психологијата, посебно за телентирани и надарени ученици, а неговите предавање ги слушаат и студенти надвор од нашата држава.
Учениците со посебно внимание го проследија предавањето. Благодарност до професорот за посветеноста и неговото присуство во нашето училиште!
Во придружба на нашите ценети колешки, професорките Милена Јакшовска и Доца Цветкоска.

Студентот Антонио Крстаноски од ФТУ добитник на годишната награда за млади истражувачи на АСО - OhridNews 04/11/2023

Гордост е кога наши ученици чекорат по патот на успехот! Антонио Крстаноски средношколските денови ги помина во нашето училиште, економско - правна и трговска струка.
Честитки за постигнатиот успех! Ти поскуваме уште поголеми достигнувања!

Студентот Антонио Крстаноски од ФТУ добитник на годишната награда за млади истражувачи на АСО - OhridNews Студентот на Факултетот за туризам и угостителство (ФТУ) Охрид, Антонио Крстаноски ја доби годишната награда за млади истражувачи за најдобар труд од областа на уп....

Photos from СОСУ "Св.Кирил и Методиј"-Охрид's post 31/10/2023

Нашите учениците од II 5 клас - здравствена струка, учесници на Работилницата за Кариерно Советување која беше реализирана на 30.10. 2023 г. во Младинскиот Центар Охрид.
Учениците имаа можност да се запознаат со новата методологија за кариерно советување - ProfilPASS.
Професори: Маја Цветаноска и Димитар Велјаноски.

26/10/2023

🤝 Задоволство ни е да објавиме дека Јавен Адвертајзинг и СОСУ „Св. Кирил и Методиј“ - Охрид воспоставија меморандум за соработка.

➡️ Примарната цел на овој меморандум е да се поттикне трајна професионална, образовна и практична соработка, особено во образовниот профил за дигитален маркетинг.

📞 078 391 978 | 076 571 914
📧 [email protected]
🌐 https://javen-advertising.com/

Photos from СОСУ "Св.Кирил и Методиј"-Охрид's post 03/10/2023

Предавање на тема "Улогата на сестрата - инструментарка во сала", реализирано на часот по предметот,, Хирургија со нега" пред учениците од здравствената струка од трета година. Предавањето го одржаа инструментарката Љупка Стојаноска од одделот "Гинекологија и акушерство" и сестра Марија Христоска од одделот "Анестезија и реанимација".

Photos from СОСУ "Св.Кирил и Методиј"-Охрид's post 02/10/2023

„ИТ Денови на кариера - Охрид“
Ученици од прва и втора година од профилот техничар за е-трговија и дигитален маркетинг под менторство на професорките Жаклина Милеска и Катерина Балева Симјаноска присуствуваа на настанот „ИТ Денови на кариера - Охрид“, кој се организираше во просториите на на Касарна Хаб Охрид. На настанот учествуваа водечките компании од ИТ секторот како Antweb, Јавен Адвертајзинг, СЕДЦ , Ecomwise, Digilink Konsalting, Прокредит Банка. Учениците имаа можност да ја проследат презентацијата за финансиска независност и слобода преку успешно фриленсерство на Мартин Петковски кој работи на платформата Upwork три и пол години како експерт за визуелизација на податоци и дата анализа и изработени 90 проекти. Ова беше одлична можност за нашите ученици да го запознаат ИТ секторот , да најдат праска или работа на тој пазар.

Photos from СОСУ "Св.Кирил и Методиј"-Охрид's post 26/09/2023

Учениците од здравствената струка од нашето училиште, како победници на општинскиот натпревар по Прва помош, учествуваа на државниот натпревар кој се одржа на 23 септември во Велес. По интензивните подготовки со помош на обучувачи од Црвен Крст - Охрид и менторот проф. Ивона Наумоска Опетчевска учениците се покажаа во најдобро светло и во конкуренција од 33 екипи се пласираа на осмото место.
Честитки до учениците и менторот!
Благодатност до Црвен Крст- Охрид!

Photos from Младински Центар Охрид's post 15/09/2023
31/08/2023

Почитувани ученици!
Учебната 2023/2024 година започнува на 1.9.2023 (петок).
Учениците од прва и втора година почнуваат со настава во претпладневна смена, со почеток од 7:30 часот.
Учениците од трета и четврта година почнуваат со настава во попладневна смена, со почеток од 13:30 часот.
Ви посакуваме успешна учебна година!
СОСУ ,,Св.Кирил и Методиј" - Охрид

Photos from UNDP MK's post 26/08/2023
Photos from СОСУ "Св.Кирил и Методиј"-Охрид's post 14/08/2023

Драги наши матуранти!
Кога една врата се затвора, друга се отвора. Еден период од вашиот живот завршува, а друг почнува – во светот на возрасните. Следете ги своите желби, борете се за себе и надоградувајте го своето знаење. Бидете истрајни во своите намери и ќе го постигнете она што го посакувате.

На сцената на Долни Сарај свечено беа доделени дипломите на нашите матуранти.
Свое обраќање имаше директорот на училиштето Ристе Јанкоски кој испрати искрени честитки до матурантите и им посака цврсто да чекорат кон сопствената иднина, знаејќи што сакаат од животот. – „Од морето на можности да го одберете она што ве прави среќни, но и горди на себе. Секогаш имајте на ум дека колку ќе вложите во себе, толку ќе можете и да очекувате.“ На учениците им беа доделени посебни признанија за постигнат значаен успех и афирмација на нашето училиште.
Во името на Општина Охрид свое обраќање и честитки им испрати и советничката Ана Крстеска.

Посебна чест и задоволство ни претставуваше присуството на некогашните средношколци генарција 1972/1973 кои оваа година прославија 50 години од нивното матурирање.
Им посакуваме уште долги години заедно да ги споделуваме овие убави моменти!
💖💖💖

10/08/2023

Доделени дипломите на нашите матуранти генерација 2022/2023!
Имајте блескава иднина! ❤️

05/07/2023

Драги наши ученици, родители и пријатели на нашето училиште!
Гордост и задоволство е да кажеме дека завршивме уште една успешна година. Заслужено се радуваме на достигнувањата што нашите ученици ги покажаа преку висок успех, голема посветеност и труд во учењето, учество во воннаставни активности, натпревари, проекти и настани на кои го претставуваа нашето училиште. Овај успех се должи и на квалитетните наставни програми, современите просторно и технички услови за настава и професионалноста.
И оваа година учениците и родителите го избраа стручното образование препознавајќи го квалитетот и МОЖНОСТИТЕ кои ги нуди истото. Направивте правилен избор и ви посакуваме висок успех во наредните четири години, а ние се радуваме што ќе имаме можност да бидеме дел од вашето образование.
Пред сè поради големите можности кои ви ги нуди стручното образование во траење од четири години (техничко образование). Законот за средно образование, Законот за стручно образование и обука, Правилникот за државна матура дефинираат дека овој вид образование првенствено подготвува кадри за вработување во сите сфери на трудот, но и за продолжување на образованието. Учениците по завршувањето на четиригодишното образование, можат своето образование да го продолжат и на високообразовните установи, доколку се стекнат со државна матура. По завршувањето на јавното стручно образование со четиригодишно траење учениците полагаат државна матура или завршен испит. Државната матура е наменета и за учениците од четиригодишното средно стручно образование. Покрај тоа што претставува завршен дел на средното образование, има за цел да послужи и за селекција на кандидатите за запишување на високото образование.
Ова се фактите засновани на важечката законска регулатива, а не предвидувања!
На наше огромно задоволство, во СОСУ „Св.Кирил и Методиј“ - Охрид, за учебната 2023/2024 година се пополнети сите места кои беа предвидени со Конкурсот за запишување на ученици во прва година и тоа во сите профили од економско – правната и трговска струка и здравствената струка. Нè радува фактот што огромен беше интересот за новиот профил техничар за е-трговија и дигителен маркетинг, како и можноста за дуалното образование кај профилот економски техничар , каде беа пополнети сите места уште во првото пријавување.
Ова е почетокот на ново поглавје и едно ново патување кое ќе ви отвори многу врати и можности. Вие сте важен дел од нашата заедница и секогаш ќе бидеме тука да ви помогнеме и поддржиме. Во наредниот период, одговорно и професионално ќе одговориме на дадената доверба со цел да ви обезбедиме квалитетно образование и практично искуство.
На сите ученици им посакуваме убав летен распуст!
Нека ова лето биде полно со радост, забава и нови авантури!
СОСУ„ Св.Кирил и Методиј“ – Охрид.

Photos from СОСУ "Св.Кирил и Методиј"-Охрид's post 01/07/2023

50 години матура!
Некогашните средношколци од економско, генерација 1972/1973, повторно заедно!
Генерацијата 1972/1973, една од многуте генерации кои ја избрале економската струка како нивна професија оваа година одбележа голем јубилеј, половина век од нивното матурирање. Со почит се сеќаваат на нивните професори и класни раководители: Драган Плакоски, Фанче Петкова и Душка Чочороска. И нивни деца и внуци биле или се дел од нашето училиште.
Училишните клупи будат радост, убави спомени, градат пријателства и дружби и после 50 години.

Чест и задовоство е да се споделуваат вакви убави моменти!
За уште многу дружби! Секое добро!

Photos from СОСУ "Св.Кирил и Методиј"-Охрид's post 30/06/2023

Работните активности во СОСУ„Св.Кирил и Методиј“ во полн ек!
Во нашето училиште во тек е рализација на реконструктивен зафат за поставување на нови подови. Ова е еден од низата проекти кои се реализираа во училиштето со цел создавање здрава, чиста и пријатна работна средина за нашите ученици.
Следуваат и други новитети! 👌

26/06/2023

Измена на конкурсните рокови за запишување ученици во јавните средни училишта во учебната 2023/2024 година во второ пријавување!

Второто пријавување на учениците ќе се врши на 27 јуни до 24:00 часот и на 29 јуни 2023 година до 10:00 часот.
Прелеминарнат ранг листа на запишани ученици се објавува на 29 јуни 2023 година на https://e-uslugi.mon.gov.mk и на интернет страницата www.mon.gov.mk најдоцна до 13:00 часот.

Доставувањето на потребната документација до училиштата е на 29 јуни од 15:00 до 19:00 часот и на 30 јуни од 07:00 часот до 19:00 часот, согласно изготвен распоред од страна на училиштето.

Конечната ранг листа за секое училиште со резултатите од запишувањето и слободните места ќе се објават на 1 јули 2023 година, најдоцна до 12:00 часот на огласната табла на училиштето и на www.mon.gov.mk.

21/06/2023

ПОТРЕБНИ ДОКУМЕНТИ ЗА ДОСТАВУВАЊЕ ВО УЧИЛИШТЕТО ПРИ ЗАПИШУВАЊЕ:
- пријава за запишување - испечатената електронска апликација ;
- оригинални свидетелства од VI до IX одделение;
- дипломи, (доколку имаат) од освоени (I, II и III) места од меѓународни и државни натпревари од мајчин јазик, странски јазик и наставни предмети што се од значење за струката, насоката, односно изборното подрачје;
- извод од матичната книга на родените (без оглед на датумот на издавањето - оргинал или копија заверена на нотар).

ИЗБРАНИ ЧЛЕНОВИТЕ НА ЛМС - Ohrid.gov.mk 21/06/2023

Стефанија Битолкоска, ученичка од нашето училиште, избрана за секретар на Локалниот младински совет на Општина Охрид, а Александар Бојчовски, исто така наш ученик, избран за член.
Честитки, драги наши ученици и Ви посакуваме успешна работа!

ИЗБРАНИ ЧЛЕНОВИТЕ НА ЛМС - Ohrid.gov.mk Локалниот младински совет денес во просториите на Општина Охрид одржа Седница на Собрание на млади со девет делегати и две точки на дневен ред: избор на членови на ....

Want your school to be the top-listed School/college in Ohrid?

Click here to claim your Sponsored Listing.

Videos (show all)

Доделени дипломите на нашите матуранти генерација 2022/2023!Имајте блескава иднина! ❤️
Наша поранешна ученичка во медицинската струка, наша порнешна колешка професор по здравствена група на предмети, д-р Мар...
„Зошто е многу корисно да го одберете економското училиште како продолжување на вашето образование? Најпрво, ќе се запоз...
,,Учењето на економијата, на бизнисот претставува еден од најголемите трендови денес во светот, посебно ако тоа е испреп...
http://svkirilimetodij.edu.mk/wp-content/uploads/2021/05/%D0%9A%D0%B0%D0%BB%D0%BA%D1%83%D0%BB%D0%B0%D1%82%D0%BE%D1%80-%D...
http://svkirilimetodij.edu.mk/wp-content/uploads/2021/05/%D0%9A%D0%B0%D0%BB%D0%BA%D1%83%D0%BB%D0%B0%D1%82%D0%BE%D1%80-%D...
Стручното училиште ти отвора врати за продолжување на образованието во  високообразовните институции или започнување на ...
Светскиот ден на здравјето се одбележува секоја година на 7 април со цел  подигaње на свеста за важноста на глобалното з...
22 март - Светски ден за заштита на водите.Благодарност до нашите ученици од здравствената и економската струка кои го и...
За ретките со љубов!💚💙💜Учествуваа:Александар Бојчовски III-4 Марио Јованоски  III-2Ивона Аврамоска III-2Кристијан Танеск...

Location

Category

Telephone

Address

Mite Bogoevski Br. 2
Ohrid
6000
Other High Schools in Ohrid (show all)
ОСУ "Св. Климент Охридски" - Охрид ОСУ "Св. Климент Охридски" - Охрид
Димитар Влахов 71
Ohrid, 6000

ОСУ „Св.Климент Охридски“ ----- http://gimnazijaohrid.edu.mk

D.U.T.U VANCO PITOSESKI OHRID D.U.T.U VANCO PITOSESKI OHRID
Kej Makedonija Br. 101
Ohrid, 6000

Општинско Угостителско Туристичко Училиште Ванчо Пит?

OЕМУЦ ''Св. Наум Охридски" - Охрид OЕМУЦ ''Св. Наум Охридски" - Охрид
Улица "Живко Чинго", бр. 1
Ohrid, 6000

OЕМУЦ "Св. Наум Охридски" - Охрид

ОУТУ „Ванчо Питошески“ - Охрид ОУТУ „Ванчо Питошески“ - Охрид
Улица "Кеј Македонија" бр. 101
Ohrid, 6000

ОУТУ „ВАНЧО ПИТОШЕСКИ" - ЦЕНТАР ЗА ПРИМЕР!