СОУ “Љупчо Сантов“-Кочани

11/05/2026

ИДЕИТЕ ДОБИВААТ ВИСТИНСКА ВРЕДНОСТ ТОГАШ КОГА ОД ЗАМИСЛА ЌЕ ПРЕРАСНАТ ВО РЕАЛНА ИНОВАЦИЈА!
Со силна енергија, истражувачки дух и тимска посветеност, започна реализацијата на победничката идеја на тимот KOCHANIREBORN од СОУ „Љупчо Сантов“ – Кочани од Регионалниот UPSHIFT Bootcamp 2026. Првиот чекор од проектот веќе се одвива во лабораториите на училиштето, каде учениците активно работат на лабораториска подготовка на врзивно средство – мицелиум за буковка, добиен од природни ресурси.
Ова не е само проект, туку пример како младите преку наука, технологија и иновации создаваат решенија со реална примена и одржлива вредност. Во процесот се вклучени поголем број ученици кои преку практична работа, истражување и експериментирање ги развиваат своите знаења, вештини и креативност во современи лабораториски услови.
Лабораториските капацитети на училиштето повторно стануваат место каде љубопитноста се претвора во истражување, а ученичките идеи добиваат можност да прераснат во успешни и препознатливи проекти. Токму таму каде што науката се учи практично, се создаваат млади луѓе подготвени да размислуваат иновативно, да соработуваат и да придонесуваат за заедницата.
Оваа иницијатива е дел од проектот „UPSHIFT Impact: на општествените промени преку младински иницијативи", имплементиран од конзорциум предводен од Genesis Project, во соработка со LEAD – Лидери за образование, активизам и развој, HERMES и Nisma ARSIS, и ко-финансиран од Програмата Еразмус+ на Европската Унија.

11/05/2026

Успехот не е случајност – тој е резултат на знаење претворено во вештина!

Иљајда Мемедова и Јасна Златкова, ученички од профилот хемиски лабораториски техничар при СОУ „Љупчо Сантов“ – Кочани, со својата посветеност и практична подготвеност постигнаа врвни резултати на регионалниот натпревар организиран од Здружението на наставници хемичари и технолози „Дијаграм“, во рамки на проектот „Иновативни млади пекари и слаткари – мајстори за специјална храна“.

Нивниот успех е потврда дека вистинското образование се гради преку истражување, работа, анализа и примена на знаењата во реални процеси. Познавањето на суровини, производствени операции, контрола и анализа на храна, во СОУ „Љупчо Сантов“ не останува само теорија – туку се развива во компетентност што професионалната јавност ја препознава и вреднува.

Со континуирана поддршка од професорите и силна практична настава, училиштето создава млади луѓе подготвени достоинствено да се претстават, да се натпреваруваат и да успеваат.

11/05/2026

08/05/2026

📚✨ Иднината почнува тука!

СОУ „Љупчо Сантов“ – Кочани ги отвора вратите за новите средношколци!
Избери образование што носи знаење, можности и сигурна иднина. 💙

🔹 Гимназиско образование
🔹 Економија, право и трговија
🔹 Хемија и технологија
🔹 Угостителство и туризам

🎓 Можност за стипендии

👉 Учи денес, води утре!

#СОУЉупчоСантов #Кочани #Уписи2026 #ТвојотИзборТвојатаИднина #СредноОбразование

06/05/2026

МАТУРАНТИ СОУ “ЉУПЧО САНТОВ”- КОЧАНИ!

#Матуранти #Генерација2026

05/05/2026

https://www.facebook.com/share/p/17hUnVUGzp/

04/05/2026

📊 Твојата кариера започнува тука!
Избери сигурна и перспективна иднина во сектор Економија, право и трговија!

🎓 Насоки:
✔️ Економски техничар
✔️ Е-трговија и дигитален маркетинг
✔️ Бизнис администратор
✔️ Асистент деловен администратор (3+1)

💰 3500 ден месечна стипендија
📚 Дуално образование со реална практика
💼 Вештини барани на пазарот на труд
🚀 Подготвеност за факултет и кариера

👉 Инвестирај во себе – направи паметен избор за својата иднина!

04/05/2026

Победничкиот тим на HYPE 2.0 Startup Academy, менторот и директорот на училиштето учествуваа на настанот „Кафе со дипломат“, каде имаа можност да се сретнат и разговараат со амбасадорката на САД во Скопје, Никол Варнс. Настанот се одржа на 30.4.2026 година во просториите на Економски факултет при УГД Штип.

04/05/2026

Уште еден успех на учениците од СОУ „Љупчо Сантов“ - Кочани,
на HYPE 2.0 Startup Academy!
Во периодот 23–25 април, во Штип се одржа тридневната Меѓународна стартап академија HYPE 2.0, која обедини 40 средношколци од Македонија и Бугарија во развој на иновативни бизнис идеи. 💡
Академијата беше организирана од American Corner Shtip во соработка со УГД Штип, со поддршка на U.S. Embassy North Macedonia, додека ЦЕФЕ Македонија беше официјален партнер. Во текот на овие три дена учениците
✔ развиваа бизнис идеи
✔ работеа на маркетинг и финансии
✔ учеа како да направат pitch презентација
✔ се натпреваруваа со своите идеи
Учениците од нашето училиште обединети во тимот
🥇 Clean Sheets – СОУ „Љупчо Сантов“ Кочани под менторство на професор Весна Ефремова се победници.
Преку CEFE методологијата, младите не учеа само теорија – тие размислуваа, одлучуваа и делуваа како вистински претприемачи.
👉 Продолжуваме да градиме млади кои создаваат вредност!