ООУ,,Раде Кратовче " Кочани

09/09/2026

Национален сертификат за квалитет за eTwinning проектот „Мојата шарена култура“

Со особена гордост споделуваме дека нашата наставничка Фиданка Манчова се стекна со Национален сертификат за квалитет за eTwinning проектот „Мојата шарена култура“.

Сертификатот е заслужено признание за нејзината посветеност, креативност и успешната реализација на низа активности во текот на изминатата учебна година.

Ова признание е уште еден доказ за квалитетната и современа работа на нашиот наставен кадар, како и за посветеноста кон создавање нови и интересни можности за учење и развој на нашите ученици.

Со гордост за нас како училиште!

Искрени честитки до нашата наставничка за постигнатиот успех!

07/09/2026

01/09/2026

🏫 ООУ „Раде Кратовче“ денес ги отвори своите врати за уште една нова приказна... ❤️📚
Денес, со посебна радост и возбуда, ги пречекавме нашите најмали – првачињата, идните умни глави, но и сите ученици од II до IX одделение, кои повторно се вратија во своите училишни клупи.
За едни – првиот училишен чекор, за други – продолжение на патот по кој растат, учат, созреваат и ги остваруваат своите соништа. 🎒✨
Пред нас е нова година исполнета со знаење, предизвици, пријателства, успеси и спомени што ќе останат засекогаш во нашите срца.
На сите ученици им посакуваме среќен и успешен почеток, а на нашите наставници и сите вработени – нови сили, инспирација и мудрост во секој нов училишен ден.
Заедно чекориме напред. Заедно создаваме генерации. Заедно го градиме „Раде Кратовче“. ❤️
🙏 Искрена благодарност до претседателот на Советот на Општина Кочани, Александар Андов, за присуството на приемот и за подароците со кои ги израдува нашите првачиња.
🙏 Благодарност до претседателката на Училишниот младински клуб „Драгана Минова“, проф. Сања Павлова Димитрова, за поддршката и ангажманот.
🙏 Благодарност до Ауто Велт и Рики Јуниор за поддршката.
🙏 Благодарност до Општина Кочани за подароците за сите наши првачиња.
🍬 Благодарност до Винчини за слатките задоволства и радоста што им ја подарија на најмладите.
🌟 Благодарност до нашата стручна служба, психологот Евдокија Христиќ Насева и педагогот Верица Димитрова, за посветеноста и одличната организација на приемот.
👏 Благодарност и до техничката служба за целокупниот ангажман околу уредувањето и подготовката на училиштето.
Среќно, драги ученици!
Нека секој ваш чекор оваа година биде чекор поблиску до вашите соништа.

27/08/2026

22/08/2026

Денес, со длабока тага ја примивме веста за смртта на нашиот долгогодишен наставник по ликовно образование, а сега пензиониран, Бранко Ристовски.

Наставник кој со својата посветеност и љубов кон ликовната уметност, цртањето, четката и бојата, остави неизбришлив белег во нашето училиште и во срцата на многу генерации ученици.

Ќе остане запаметен со почит, благодарност и убави спомени.

На семејството изразуваме искрено и длабоко сочувство.

Погребот ќе се одржи утре, 23.08.2026 година, во 13:00 часот, на Градските гробишта во Кочани.

Почивајте во мир, наставниче. 🕊️

Колективот на ООУ „Раде Кратовче“ – Кочани

04/08/2026

🌍💚 Кога младите учат како да бидат поддршка едни за други, се гради подобра иднина.

Во периодот од 1 до 9 август 2026 година, претставници од Училишниот младински клуб „Драгана Минова“ при ООУ „Раде Кратовче“ – Кочани, наставничките Сања Павлова Димитрова и Марија Атанасова, учествуваат на Еразмус+ тренинг-курс во Солун, Грција, посветен на менталното здравје на младите.
Во текот на овие денови, преку интерактивни работилници, размена на искуства и интеркултурно учење со учесници од повеќе европски земји, нашите претставници стекнуваат нови знаења и вештини за препознавање, разбирање и поддршка на менталното здравје кај младите.
Веруваме дека секое ново искуство е можност за личен раст, а секое стекнато знаење е инвестиција во нашето училиште и локалната заедница. По завршувањето на проектот, наученото ќе биде споделено со младите преку нови активности, работилници и иницијативи во рамките на клубот.
Горди сме што наставничките од нашиот клуб при нашето училиште ја претставуваат нашата заедница на европско ниво и покажуваат дека заедно можеме да создадеме средина во која грижата за менталното здравје е приоритет.

20/07/2026

📅 Во периодот од 15 до 18 јули, во организација на Центарот за младински активизам КРИК, успешно се реализираше тридневна обука за младински работници/чки во рамки на проектот „Младински центри за сите“ на која учествуваше наставничката Анита Стојанова, како претставник од Училишен младински клуб ,,Драгана Минова" Кочани .
📍 Обуката беше насочена кон унапредување на знаењата и вештините за инклузивна младинска работа, со посебен фокус на вклучување на млади со попреченост во редовните активности.

👥 Учесниците имаа можност да:
🔹 стекнат практични знаења и алатки за инклузивна работа;
🔹 научат техники за адаптација на младински активности;
🔹 разменат искуства со младински работници од различни региони;
🔹 добијат сертификат за успешно учество.

🌍 Овој проект е финансиран од Европската Унија, во рамки на проектот Stronger Voices for Better Choices – Youth Hub for Western Balkans & Türkiye, имплементиран од Фондација Ана и Владе Дивац, во партнерство со повеќе организации од регионот.

17/07/2026