ООУ Гоце Делчев Гостивар

На Државниот натпревар по биологија кој се одржа на 30.05.2026 год во просториите на ПМФ- Скопје нашите ученици ги постигнаа следниве резултати:

Седмо одделение
Доротра Спиросвска - l награда
Ментор: Николина Николоска Карафилоска

Осмо одделение
Сандра Кузманоска - учество

Илина Страшевска- учество

Ментор: Николина Николоска Карафилоска

Девето одделение
Ернеста Лотеска- учество

Честитки до учениците и нивната менторка за постигнатиот успех🍀

Гордост за нашето училиште! ✨📚
Во рамките на конкурсот „Читањето е супер моќ“, организирано од страна на издавачката куќа Арс Ламина, нашето училиште се претстави со своите две најистакнати читателки за учебната 2025/2026 година – ученички од VI одделение, Надја Билеска и Мила Буревска кои на овој конкурс се здобија со Пофалници за суперчитатели.
Во текот на учебната година тие прочитаа 11 задолжителни и изборни лектири, а дополнително позајмија и прочитаа уште 6 книги од слободната литература од училишната библиотека.
Нивната љубов кон книгата, редовните посети во библиотеката и активното учество на библиотечните работилници и настани претставуваат вистински пример за млади читатели кои со љубопитност и посветеност го збогатуваат своето знаење.
Под менторство и раководење на училишниот библиотекар Валентина Николоска, нашето училиште оваа година се закити и со диплома „Пријателка на книгите од основните училишта“
Честитки за Надја и Мила! Нека книгата и понатаму биде нивна супер моќ!

На ден 21.05.2026 година учениците од четврто одделение при ООУ „Гоце Делчев“ – Гостивар реализираа едукативна и рекреативна посета на Националниот парк „Маврово“. Активноста беше организирана со цел учениците преку непосредно искуство, игра и истражување да се запознаат со природните убавини, растителниот и животинскиот свет, како и со значењето на заштитата на природата.

Во првиот дел од посетата учениците учествуваа во едукативна програма во Националниот парк „Маврово“, каде преку интерактивни активности, разговори и прошетка по детската едукативна патека во Бунец имаа можност да стекнат нови знаења за богатата флора и фауна на паркот. Учениците покажаа голем интерес, љубопитност и активно учество во сите реализирани активности. Преку вакви содржини кај нив се развива љубов кон природата, чувство на одговорност и свест за важноста од зачувување на животната средина.

Во вториот дел од посетата беше реализирана обиколка на пештерата Шаркова Дупка. Учениците одблиску се запознаа со светот на пештерите, природните процеси и специфичните природни форми кои се создаваат во нив. Посетата претставуваше вистинска мала авантура исполнета со истражување, дружење и учење на терен. Учениците со голем интерес ги следеа објаснувањата и активно учествуваа во разговорите за значењето на природното наследство и неговата заштита.

По завршувањето на едукативните активности, учениците имаа можност да уживаат во рекреативни содржини и прошетка во Маврово. Преку дружење, игра и активности на отворено се поттикна позитивна атмосфера, тимска работа и меѓусебна соработка. Насмевките, радоста и возбудата кај учениците беа доказ дека ваквите активности оставаат силен впечаток и придонесуваат за нивниот правилен психофизички развој.

Посетата беше успешно реализирана, а учениците се вратија збогатени со нови знаења, убави спомени и позитивни искуства.
Организатори на активностите се: Гордана Карафилоска , Габриела Мерџаноска и Емел Мехмеди .
Голема благодарност од името на наставниците и управата на училиштето до директорот на Национален Парк
“Маврово”Харис Ибраими кој ни
овозможи прекрасна авантура со нивните професионални водичи .

ООУ „Гоце Делчев“ со гордост го честита овој голем празник посветен на светите браќа Кирил и Методиј , просветители и основоположници на словенската писменост.
По повод Денот на сесловенските просветители, членовите на библиотекарската секција при училиштето, раководени од библиотекарот Валентина Николоска, достоинствено го одбележаа празникот.
Настанот беше збогатен со ликовна изложба под менторство на наставничката Теодора Андоноска, а во активностите беа вклучени учениците од шесто одделение, кои преку свои творби и пораки ја истакнаа важноста на писменоста, книгата и мајчиниот јазик.
Посебна убавина на настанот му дадоа најмладите членови на библиотекарската секција – првоодделенците Јон и Теофан Анѓелкоски , кои со искрени детски честитки и пораки за делото на Кирил и Методиј покажаа дека љубовта кон буквите започнува уште од најрана возраст.
Со гордост и почит го чествуваме делото на светите Кирил и Методиј, кои ни го оставија најголемиот дар – писменоста и светлината на знаењето.
Нека нивното дело продолжи да живее низ секоја прочитана книга, напишан збор и детска насмевка.
Среќен 24 Мај – Денот на светите Кирил и Методиј! 📚✨

На ден 12 мај 2026 година четвртоодделенците од нашето училиште ги посетија ХЕЦ - Вруток и изворот на реката Вардар. Посетата е во корелација со наставата по природни науки од темите: „Физичко географски карактеристики на земјата“ и„ Електрицитет и магнетизам“.
За работата на хидроцентралата беше одржан час од вработени во истата: Илче Мерџаноски и Бојан Ѓурчиноски. Учениците се движеа низ тунелот до блок трансформатори од 12kv/110kv, потоа генераторите за производство на електрична енергија 41,4 mw. Кај командниот простор се запознаа со приказ на генераторите во компјутер. Потоа ги видоа куќниот генератор за потребите на хидроцентралата, турбинскиот простор каде што им беше прикажан топчестиот затварач и спиралата на генераторот. Визуелно надвор беше покажано и 110 kv построение со сите далноводи.
Следуваше посета на изворот на реката Вардар, повторување на содржини по природни науки: кои извори се нарекуваат врутоци, од која сфера на земјата доаѓа реката, каде е нејзиниот слив и слични прашања за река Вардар.
Следуваше посета на црквата Св. Архангел Михаил, а во дворот на истата во прекрасната природа се реализираа забавно - рекреативни активности. Учениците има можност да другаруваат и играат најразновидни игри.
Одговорни наставници: Гордана Карафилоска, Габриела Мерџаноска, Емел Мехмеди и Ивана Јосифоска Цветкоска.

На Државниот рецитаторски натпревар кој се одржа во Скопје, Сити Мол на 16.5.2026 год., ученичката Елена Билбиловска учествуваше и и беше доделена благодарница за учество.
Ментор Ирена С. Тодороска

Нашите кошаркари во машка категорија оваа година постигнаа значаен успех, пласирајќи се на државен натпревар, каде што го освоија 4. место, откако претходно го освоија 1. место на општинскиот 1.место на зонскиот и 1.место на регионалниот натпревар, под менторство на наставничката Габриела Анѓелкоска.
Државниот натпревар се одржа во Скопје на 8.05 оваа година.
👏👏👏

Денес во нашето училиште се одржа предавање на тема : “Здрава храна за детство без мана “ организирана од допломиран нутриционист Јасмина Бојоска . Таа преку видео презентација ги воведе нашите ученици од II-2 и IV-1 во правилен и здрав начин на исхрана а потоа преку практична работа заедно подготвуваа паштета , крем и сок од здрави намирници (овошје, зеленчук, јаткасти плодови, мед, таан и др ) се ова беше дегустирано од страна на учениците кои беа изненадени од вкусот на овие производи намачкани на интегрални вафли и леб од 6 семиња . Се ова беше подржано од одделенските наставнички Гордана Карафилоска и Богица Василеска образовните асистенти во овии класови Ивана Јосифоска и Викторија Ќироска како и од директорката Гордана Мојсоска .

Горди сме на нашата ученичка Ернеста Лотеска која го освои првото место на општинскиот натпревар „Млади библиотекари“ 2026, одржан на 30 април во Центарот за култура АСНОМ во Гостивар. 🏆📚
Со овој успех, таа обезбеди пласман на државниот натпревар, кој ќе се одржи на 15 мај во Ресен.
Ментор на ученичката е Валентина Николоска.
И посакуваме многу успех на државниот натпревар🍀

Учениците од петто одделение реализираа и еко час на тема вулкани. Преку креативен експеримент учениците имаа можност практично да ја истражуваат вулканската ерупција и да научат повеќе за природните појави. Активноста беше исполнета со љубопитност, соработка и активно учество, а учениците учеа на забавен и едукативен начин.
#екочас2026