22/01/2014
Pyetjet që nuk duhet t’i bëni kurrë në një intervistë
Keni arritur deri te intervista me kompaninë që gjithmonë keni dëshiruar të punoni? Ka ardhur koha të tregoni veten, të visheni për të lënë përshtypje të mirë dhe t’iu përgjigjeni pyetjeve në mënyrë më të mirë të mundshme.
Në fund të intervistës, sigurisht intervistuesit do t’ju lënë hapësirën që ju të bëni ndonjë pyetje. Por, çfarë nuk duhet të pyetni kurrë?
“Çfarë saktësisht bën kompania juaj?”
Ju nuk duhet në asnjë mënyrë të bëni këtë pyetje. Para intervistës, ju duhet të informoheni shumë për kompaninë, misionin e tyre, drejtorinë e kompanisë etj. Nëse e bëni këtë pyetje, do të dalë në shesh që ju nuk keni iden se ku keni aplikuar dhe ku dëshironi të punoni.
“Sa do të paguhem?”
Kjo pyetje nuk duhet bërë në intervistën tuaj të parë. Kjo do të tregojë se ju më shumë keni interesin për parat se sa për punën.
“Kur mund të marr pushim?”
Ju ende nuk jeni të punësuar dhe e bëni këtë pyetje? Jo, në asnjë mënyrë kjo nuk duhet të ndodh sepse tregon se ende pa hyrë në punë ju dëshironi të largoheni. Kjo lë të kuptoj se ju nuk do të jeni shumë të përkushtuar në punë.
“Sa orë në javë duhet të punoj? A do të punoj edhe në fundjavë?”
Kur pyetni për orar të punës, tingëllon sikur ju dëshironi të punoni sa më pak që është e mundur. Nëse me të vërtet dëshironi të dini më shumë për një ditë punë në atë kompani atëherë bëni pyetje si kjo “Si është dita tipike në një pozitë si kjo?” këshillon Huffingtonpost
