Shkolla Cajla

Në shkollën "Çajla" vazhdon cikli i orëve të hapura
Kësaj radhe
U mbajt ora e hapur nga lënda
Gjuhë Maqedone nga mësimdhënësja Vaska Mishevska me klasat e katërta me temë "Ushqimi i shëndetshëm"ku u zhvilluan aktivitete të ndryshme edukative, biseda, prezantime dhe punime kreative, duke pasuruar njohuritë e tyre gjuhësore dhe njëkohësisht duke mësuar për rëndësinë e ushqimit të shëndetshëm.
Përmes përdorimit të gjuhës maqedone në komunikim dhe aktivitete praktike, nxënësit zhvilluan aftësitë e tyre gjuhësore, zgjeruan fjalorin dhe treguan interesim e kreativitet gjatë gjithë orës.
Ju lumtë!

Me krenari ndajmë lajmin për edhe një sukses të madh të nxënësve tanë!
Në kuadër të manifestimit „Ditët e Poezisë“, sot (16 maj) në sallat e kinemasë Cineplexx në Shkup City Mall u mbajt Konkursi Shtetëror i Recituesve në gjuhë dhe letërsi maqedonase. Konkursi u organizua nga Lidhja e Shoqatës për gjuhë dhe letërsi Maqedone
Nxënësja jonë e talentuar, Berina Halimi, tregoi aftësi të shkëlqyera në interpretimin poetik, shprehje të lartë artistike dhe emocion, me ç’rast fitoi vendin e lartë të dytin 🥈 në nivel shtetëror. 🏆
Shprehim urimet më të sinqerta për Berina Halimin, nën mentorimin e prof. Vaska Mishevska, për punën, përkushtimin dhe përfaqësimin dinjitoz të shkollës sonë. U dëshirojmë edhe shumë suksese dhe çmime të reja në të ardhmen! 👏✨

🌟 PJESËMARRJE E SUKSESSHME NË GARËN RAJONALE TË GJUHËS MAQEDONASE 🌟
Më 25 prill 2026, në ambientet e SHFK „Bratstvo Migjeni“ në Tetovë, u mbajt gara rajonale nga lënda Gjuha Maqedonase, në organizim të Lidhjes së Shoqatave për Gjuhë dhe Letërsi Maqedonase (SDMJL).
Shkolla jonë, SHFK„ÇAJLA“ – f. Çajlë, Gostivar, me kënaqësi të madhe u përfaqësua nga dy nxënëse të zellshme dhe të talentuara, të cilat treguan njohuritë e tyre:
📖 Rona Memedi – nxënëse e klasës së VI-të (gjashtë)
📖 Jasmina Isejni – nxënëse e klasës së IX-të (nëntë)
I urojmë nxënëset tona për përpjekjen, përkushtimin dhe përfaqësimin dinjitoz të shkollës sonë! Pjesëmarrja e tyre në gara të tilla është dëshmi e dëshirës për përparim dhe përkushtim.
Urime edhe për mentoren e tyre, Vaska Mishevska, për mbështetjen dhe përgatitjen. U dëshirojmë edhe shumë suksese të mëtutjeshme! 👏🎓

Te nderuar,

Ju njoftojmë se ka filluar regjistrimi i nxënësve në klasë të parë për vitin shkollor 2025/2026. Në bazë të nenit 60 të Ligjit për arsim fillor (G.zyrtare e R.M.V.nr 161/19, 229/20, 3/25 dhe 74/25), SHFK ,,Çajla” Çajlë – Gostivar duke filluar nga data 04.05.2026 deri më 29.05.2026, do të kryej:

REGJISTRIM

të fëmijëve në klasë të parë për vitin shkollor 2026/2027
Në bazë të normave ligjore në klasë të parë në shkollë fillore prindi është i obliguar ta regjistroj fëmiun i cili deri në fund të vitit kalendarik 2026 do të mbush 6 vjet, në klasë të parë do të regjistrohen të gjithë fëmijët e lindur në vitin 2020.

Gjithashtu mund të regjistrohen edhe fëmijët e lindur në janar të vitit 2021 me kërkesë të prindit dhe mendim i marrë nga shërbimi pedagogjik.

Me kërkesë të prindit, regjistrimi i fëmijës mund të prolongohet për një vit nëse konstatohet se fëmiu nuk është i gatshëm të shkoj në shkollë.

Dokumentacioni i nevojshëm për regjistrim:

· Çertifikata origjinalee lindjes;

· Kopje e letërnjoftimit të njërit prind;

· Vërtetim për vaksinim të rregullt.

· Vërtetim për kontrollim stomatologjik

· Vërtetim për kontrollim oftalmologjik

· Gjatë regjistrimit të fëmijëve me aftësi të kufizuar, prindi/kujdestari duhet të dorëzojë mendim prej komisionit për vlerësimin e fëmijëve për mbështetje shtesë arsismore, sociale dhe shëndetësore
Dokumentet e nevojshme të dorëzohen në shkollë çdo ditë pune, dhe më pas caktohet intervista nga ana e Komisionit për regjistrim të nxënësve në klasë të parë.
Prindërit janë të obliguar që të bëjnë regjistrimin brenda afatit të paraparë.

Drejtor
Qefsere Velija

Nxënësit e shkollës sonë morën pjesë me sukses në Panairin Shkencor, i cili u mbajt në Maarif International School.

Në këtë aktivitet të rëndësishëm edukativo-shkencor, nxënësit prezantuan gjithsej 5 projekte kreative dhe inovative nga fusha e shkencës, duke dëshmuar talentin, përkushtimin dhe punën ekipore.

Projektet u realizuan nën mentorimin e mësimdhënësit të Kimisë, Adhurim Abazi, dhe mësimdhënëses së Biologjisë, Jysra Recani, të cilët udhëzuan dhe mbështetën nxënësit gjatë gjithë procesit të punës dhe prezantimit.

Pjesëmarrja në këtë panair ishte një përvojë e vlefshme për nxënësit tanë, duke i motivuar ata të vazhdojnë të zhvillojnë njohuritë dhe aftësitë e tyre në fushën e shkencës dhe inovacionit.

I përgëzojmë nxënësit dhe mentorët për përfaqësimin dinjitoz të shkollës sonë dhe u dëshirojmë suksese të mëtejshme në aktivitete të ngjashme shkencore.

Suksese nxënësve pjesëmarës të cilët ishin: Berina Halimi, Alma Sinani, Omer Tairi, Ajdin Alili, Amela Bekteshi, Bajramali Medija, Ajra Elezi, Amra Sinai, Rona Memedi, Bejana Fetai!

Sot fshatin ton mengjezi e gjeti në zi...Humbëm njeriun më fisnik të fshatit...Humbëm prindin më të përkushtuar..nji baba i rrall...nji njeri human që e pati zemrën e madhe ku pati vend për secilin...U prehsh në paqe vëllau jon..prind i nxënesve ton që do ti ruajm amanet si syt e ballit...Familje e nderuar Allahu durimin ua shtoftë per kete rast shuum te vështir...Ngushëllime nga stafi i shkolles Çajla..

🌍📚 Dy ditë të veçanta, një shpirt i madh krijues! 📚🌍

22 Prilli – Dita e Tokës 🌿
23 Prilli – Dita e Librit 📖

Nxënësit e ShFK “Çajla” i festuan këto dy ditë të rëndësishme me duart e tyre dhe zemrat plot entuziazëm! 🎉✨

Nga letra dhe kartoni lindi magjia — projekte të mrekullueshme që flasin për dashurinë ndaj natyrës dhe botës së librave! 🌸📝

💚 Sepse kur mbrojmë Tokën dhe duam librat, ndërtojmë një të ardhme më të ndritur!

Bravo, nxënës të shkëlqyer! Ju na bëni krenarë! 🏆❤️

Shprehim mirënjohjen tonë të sinqertë për kompaninë CodeChem për mbështetjen dhe kontributin e dhënë në sigurimin e mjeteve të punës për nxënësit tanë.

Një falënderim i veçantë shkon për përfaqësuesin Kaltrin Ismaili, për angazhimin dhe kontributin e tij në sigurimin e këtyre materialeve të nevojshme.

Këto mjete do të ndikojnë drejtpërdrejt në përmirësimin e kushteve të mësimdhënies dhe në rritjen e cilësisë së punës praktike, duke u mundësuar nxënësve tanë të zhvillojnë aftësitë e tyre në mënyrë më profesionale dhe bashkëkohore.

Faleminderit për besimin dhe përkushtimin ndaj edukimit!

Në ambientet e shkollës sonë u mbajt prezantimi i punimeve të nxënësve në lëndën e kimisë, në kuadër të një ore të hapur, një aktivitet që pasqyroi angazhimin, kreativitetin dhe përgatitjen e tyre gjatë procesit mësimor.

Nxënësit paraqitën tema të ndryshme, duke dëshmuar përvetësimin e njohurive dhe zhvillimin e aftësive prezantuese e hulumtuese. Ky organizim shërben si një nxitje e vazhdueshme për përfshirjen aktive të nxënësve dhe rritjen e interesimit për shkencat natyrore.

Shkolla jonë mbetet e përkushtuar në krijimin e mundësive që promovojnë dije, bashkëpunim dhe zhvillim akademik për të gjithë nxënësit.