СОУ ,,Гостивар"

Перото и зборот се најмоќното оружје, а способноста да се ракува со нив е вистинска уметност. ✒️📃

Нашите вешти творци и оратори се закитија со признанија за оваа умешност, со помош на инспирацијата и насоките на нивната професорка Жаклина Ѓорѓиоска.

Ева Дејаноска - второ место за најдобра литературна творба ✒️🥈

Ангела Ѓорѓиоска - второ место за најдобар оратор 🗣️🥈

Посебно се истакнаа и нашите рецитаторки Матеа Ристеска и Дарија Златаноска. 📚

Честитки за успесите и многу натамошни награди 🍀🍀

📣 Уписи 2026

💻 Прво електронско пријавување на e-uslugi.mon.gov.mk:
12.06 - 15.06.2026

📑 Доставување на документите:
16.06 - 17.06 2016

📃 Објавување на ранг листа:
18.06.2026

🗞️ Потребни документи:
-извод на родени
-свидетелства од 6 до 9 одделение
-дипломи за освоени места на државни и меѓународни натпревари

Училишна комисија ќе ве очекува на сите датуми за помош при уписите од 12.06 до 17.06. 2026 од 08:00 часот.

Ве очекуваме 🍀🍀

Вистински горди на нашата поранешна ученичка Анастасија Мојсоска, која е дел од тимот на македонски студенти по архитектура кои се избрани да бидат учесници на натпреварот Saint Gobain 2026 👏👏

Македонски студенти по архитектура учесници на реномираниот натпревар Saint-Gobain Architecture Student Contest 2026 Креативност, урбана визија и одржливи решенија за градовите на иднината - ова се елементите што ги дефинираа проектите на 21-то издание на Меѓународниот

🗣️ На Меѓународниот ден на детето, 1 Јуни, пред Собранието на Македонија се одржа изведба на социјален танц - театар на тема ,,Насилството во училиштата", подготвен и изведен од ученици од СУГС „Јосип Броз Тито“ од Скопје и СОУ „Гостивар“ од Гостивар, во организација на Првата детска амбасада во светот МЕЃАШИ - Програма за мировно образование.

🎭 Преку танц и уметност учениците прикажаа една од многуте сцени на отфрленост, осаменост, понижување и насилство што секојдневно ги доживуваат во училиштата. Нивната изведба беше потсетник дека зад статистиките стојат реални деца, реални искуства и последици кои можат да остават длабоки траги врз самодовербата, менталното здравје и чувството на припадност.

👉 Преку својот настап тие побараа доследна примена на механизмите и протоколите за заштита од насилство во училиштата; навремено постапување по секоја пријава на насилство; поголема психолошка и психосоцијална поддршка за децата; поголемо учество на учениците и родителите во креирањето безбедна училишна средина; континуирано спроведување на мировно образование, ненасилна комуникација и развој на култура на почитување и прифаќање на различностите .

⚠️ Свесноста и препознавањето на насилството се првиот чекор, но за вистинска промена се неопходни континуирани, системски и долгорочни мерки за создавање училишта и заедници во кои секое дете ќе се чувствува безбедно, прифатено и почитувано.

💯 Во подготовка и изведба на перформансот учествуваа:

Михаела Неделковска
Андреа Ѓорѓиевска
Михаил Огњаноски
Дарко Петровски
Николина Тнческа
Ангела Ристоска
Анастасија Рафајлоска
Алексеа Симуноска
Дора Стефаноска
Иконија Серафимоска
Тереза Спасеска

Вистинските вредности се безвремени.

Честито 60 години матура 🍀

Матуранти јубилејци од Гостивар: 60 години сложна генерација, емоции, вредности! | GPRESS. На истото место каде што пред шест децении ги испишувале првите страници од својата зрелост, повторно се собраа, овојпат со исполнети животни приказни, но и со спом....

Децата пред Собранието порачаа: училиштето не смее да биде место на страв Децата излегоа пред Собранието за да кажат нешто што возрасните премногу често го одложуваат: училиштето мора да биде безбедно место. Насилството не е „детска раб....

И по 30 години сеќавањата на средношколските денови будат најубави спомени.

15 години генерациска средба, исполнета со носталгија за едни безгрижни времиња, сеќавања на бројните згоди и незгоди, убава енергија и позитивен дух.