Akademia Politike “ Arbën Xhaferi “

PROTESTAT STUDENTORE NË SHKUP, DËSHMI E NJË SISTEMI POLITIK TË DËSHTUAR DHE DISKRIMINUES

Protestat e ditës së sotme nga ana e studentëve shqiptarë për të dhënë provimin e jurispodencës në gjuhën amë, është vetëm një nga dëshmitë e zinxhirit diskriminues të shqiptarëve në Republikën e Maqedonisë së Veriut.
Mentaliteti politik në RMV akoma vazhdon të jetë riprodhues i nuancave që përçojnë në jostabilitet dhe mohim të të drejtave të një bashkësie autoktone shtetformuse, e cila ka dëshmuar gatishmërinë për të ndërtuar institucione të përbashkëta dhe duke kontribuar drejtpërdrejt në një thesar të përbashkët. Ngjarjet e dekadave të kaluara kanë lënë një peisazh të shëmtuar në rafshin ndërkombëtar të të drejtave të njeriut dhe në të drejtën për arsim që atëherë kur një bashkësi etnike autonome, siç janë shqiptarët të drejtën për arsim të lartë e fituan rrugëve dhe me gjak, duke sakrifikuar nga bijtë e saj. Pavarësisht se kërkesa ishte e qartë, ne nuk duam asgjë tjetër, vetëm laps dhe letër.
Shqiptarët në Republikën e Maqedonisë së Veriut, diskriminohen më shumë se kaq dhe kjo është vetëm një copë e mozaikut diskriminues që e përjetojnë shqiptarët dhe mbi të vërtetën nuk mund të qëndroj askush.
Mbështesim protestat studentore në Shkup dhe se këtyre protestave le t'ju paraprijë jo vetëm mesazhi për riformatim të mentalitetit politik por aq më tepër thirrjes për sistem të ri politik i cili do të ishte stabil, progresiv dhe gjithëpërfshirës. Poashtu, le të jetë proces i unifikimit të faktorit politik shqiptarë, për të gjeneruar zgjidhje afatgjate të statusit politiko-juridik të shqiptarëve në Maqedoninë e Veriut si bashkësi etnike, autonome dhe autoktone.

Me respekt,
Bordi i Akademisë Politike '' Arbën Xhaferi ''

AKADEMIA POLITIKE “ARBËR XHAFERI” ZHVILLOI TAKIM ME KOMUNËN E FERIZAJT

Bordi i Akademisë Politike “Arbër Xhaferi”, në krye me drejtorin ekzekutiv z. Enis Miftari, së bashku me z. Jahja Abazi, znj. Fjolla Demaku dhe z. Edison Hyseni anëtarë të bordit, zhvilluan një takim pune në Komunën e Ferizajt, ku u pritën nga Nënkryetari i Komunës, Lulzim Aliu, si dhe nga drejtori i Kulturës, Rinisë dhe Sportit, Gazmend Bytyçi.

Gjatë këtij takimi u diskutua për mundësitë e bashkëpunimit ndërmjet Akademisë Politike “Arbër Xhaferi” dhe institucioneve lokale në Ferizaj, me fokus të veçantë në projekte dhe iniciativa që synojnë përfshirjen dhe fuqizimin e të rinjve.

Në vijim të takimit u diskutua për mundësitë e përfshirjes së Komunës së Ferizajt në aktivitetet e Akademisë Politike “Arbër Xhaferi”, veçanërisht në organizimin dhe zhvillimin e programeve të Akademisë Politike, si dhe në pjesëmarrjen e të rinjve nga Ferizaj në samitet dhe aktivitetet rinore që organizon akademia. Po ashtu u theksua rëndësia e bashkëpunimit për të krijuar hapësira më të mëdha për angazhimin dhe përfaqësimin e të rinjve në iniciativa që lidhen me zhvillimin e lidershipit dhe përfshirjen e tyre në proceset shoqërore dhe publike.

Përfaqësuesit e Akademisë Politike “Arbër Xhaferi” falënderuan drejtuesit e Komunës së Ferizajt për pritjen dhe gatishmërinë për bashkëpunim, duke theksuar rëndësinë e partneriteteve me institucionet lokale për të krijuar më shumë mundësi zhvillimi dhe angazhimi për të rinjtë.

Në përfundim të takimit, palët u shprehën të hapura për thellimin e bashkëpunimit dhe për realizimin e iniciativave të përbashkëta në të ardhmen.

AKADEMIA POLITIKE “ARBËR XHAFERI” ZHVILLOI TAKIM ME REKTORIN E UNIVERSITETIT “NËNË TEREZA” NË SHKUP

Drejtori i Bordit të Akademisë Politike “Arbër Xhaferi”, Enis Miftari, së bashku me Jahja Abazi, anëtar i bordit, realizuan një takim pune me rektorin e Universitetit “Nënë Tereza” në Shkup, Prof. Dr. Bekim Fetaji. Në takim ishte i pranishëm edhe prorektori për Arsim, Prof. Inor. Dr. Fati Iseni.

Takimi u zhvillua me qëllim të shkëmbimit të ideve dhe diskutimit mbi mundësitë e bashkëpunimit ndërmjet Akademisë Politike “Arbër Xhaferi” dhe Universitetit “Nënë Tereza”, veçanërisht në iniciativa që lidhen me zhvillimin akademik, edukimin politik dhe fuqizimin e të rinjve.
Gjatë bisedës u trajtuan disa fusha të mundshme bashkëpunimi, ndër të cilat përfshirja e universitetit në aktivitetet e Shkollës Politike, koordinimi rreth organizimit të Samitit Rinor Kombëtar 2026, si dhe mundësia e formalizimit të bashkëpunimit përmes një Memorandumi Bashkëpunimi, i cili do të hapte rrugë për realizimin e projekteve dhe aktiviteteve të përbashkëta në të ardhmen.

Drejtori i Bordit të Akademisë Politike “Arbër Xhaferi”, Enis Miftari, falënderoi rektorin Fetaji për pritjen dhe gatishmërinë për bashkëpunim, duke theksuar rëndësinë e lidhjes së institucioneve akademike me iniciativat që synojnë zhvillimin e lidershipit dhe përfshirjen aktive të të rinjve në shoqëri.
Në përfundim të takimit, palët shprehën vullnetin për të forcuar komunikimin dhe bashkëpunimin në iniciativa që kontribuojnë në zhvillimin e kapaciteteve të të rinjve dhe në avancimin e dijes akademike.

Në përpjekjet tona si akademi politike për t'ju dhënë mundësinë të rinjëve për t'ju njohur nga afër me misionet diplomatike, kësaj rradhe me studentët e rinjë dhe të zellshëm nga rajoni Çashkës bashkëbiseduam me Ambasadorin e Republikës së Shqipërisë në Maqedoni të Veriut z. Denion Meidani për rëndësinë e të rinjëve në proceset diplomatike.
Studentët përgjatë këtij bashkëbisedimi, elaboruan poashtu edhe rolin e të rinjëve në procesin e vendimmarrjes si dhe të rinjtë si katalizatorë të ndryshimeve në shoqëri.

Arbën Xhaferi është emblema e projeksionit për institucionalizim të atdhedashurisë dhe në këtë përvjetor të ikjes së tij nga kjo botë, na përcjellë në vetëreflektim për shtet ndërtim.
Në gjenden aktuale politike të shqiptarëve gjithëandej dhe me fokus të veçantë në Maqedoninë e Veriut, Arbën Xhaferi gjithmonë ka nënvizuar se trajtimi i shqiptarëve në Maqedoni të Veriut duhet elaboruar për nga prizmi i bashkëpronarit shtetëror e të cilët janë autonom dhe autokton dhe jo për nga prizmi numerologjik, si shifra në letër.
Në këtë përvjetor të ndarjes së tij nga kjo botë, përkujtojmë dhe idenë e tij për sistemin politik të Maqedonisë së Veriut dhe të gjitha projeksionet kombëtare për afirmim dhe kordinim politik ndërmjet shqiptarëve.
Qoftë i përjetshën kujtimi për të !

Në kuadër të forcimit të bashkëpunimit institucional dhe mbështetjes për zhvillimin politik të të rinjve, përfaqësues të Akademisë Politike “Arbën Xhaferi” – drejtori i Bordit dhe anëtarë të tij – realizuan një takim me Ambasadorin e Republikës së Shqipërisë në Shkup, z. Denion Meidani.

Gjatë këtij takimi u shkëmbyen ide dhe u diskutua për planet strategjike të Akademisë, programet dhe aktivitetet që synojnë ngritjen e kapaciteteve të gjeneratës së re në politikë dhe shoqëri. Ambasadori Meidani vlerësoi rolin e Akademisë dhe shprehu gatishmërinë për mbështetje në projekte të përbashkëta.

Ky bashkëbisedim përfaqëson një hap të rëndësishëm drejt fuqizimit të bashkëpunimit ndërmjet institucioneve që ndajnë të njëjtat vlera për zhvillimin demokratik dhe përfshirjen aktive të të rinjve.

Përkujtime ish filozofit dhe politikanit tonë Arbën Xhaferi, njeriut që konstruktoi trasenë e demokracisë konsensuale.
Qoftë i përjetshëm kujtimi për të !
24 Janar 1948 - 15 Gusht 2012

NATA PËRKUJTIMORE '' JETA DHE VEPRA E ARBËN XHAFERIT ''

Në kuptimin e gjërë të nocioneve politike, Arbën Xhaferi si rilindas i fundit i shqiptarëve me mprehtësinë e tij konstruktoi trajektoren politike të shqiptarëve gjithëandej. Vigjilent e mjeshtër dialogu që kërkoi barazi, dinjitet dhe bashkim të mendjes dhe zemrës së popullit tonë.
Vepra ARBËN XHAFERI do të jetë motiv për politikanët e rinjë të kohës moderne të cilët do të kenë për obligim që të vendosin në standardin politik frymën e tij intelektuale dhe europiane.
Në themelet e kësaj Akademia Politike '' ARBËN XHAFERI '' që synon ngritjen e kapaciteteve politike mbi bazën e mentalitetit fisnik dhe karakterit të politikanit të ndershëm siç ishte Arbën Xhaferi.
Traseja e Arbën Xhaferit na mëson se si vendoset në korniza institucionale atdhedashuria e patriotizmi.

Dita e 5️⃣-të e akademisë nisi me z. Nevzat Lutfiu i cili diskutoi me pjesëmarrësit mbi Komitetin Kombëtar Shqiptar dhe shqiptarët e Sanxhakut.
Më pas pjesëmarrësit e mbyllen ditën duke debatuar mbi simulime të fushatave elektorale për të nxitur jo vetëm kulturën e debatit mbi argumente, por edhe për të mësuar në praktikë elementet e shumta që kanë fushatat elektorale. 🗳️

Dita e 4️⃣-tët e Akademisë
Pas takimit me Ministren e Shtetit për Rininë dhe Fëmijët, akademia vazhdoi me trajtimin e temës së psikologjisë politike nga Prof. Dr. Musa Musai, si një nga sesionet më produktive.

Në pjesën e dytë të ditës u fokusuam tek sistemet zgjedhore dhe kriza e përfaqësimit me z. Elson Frroku, nënkryetar i Bashkisë Lezhë, si dhe e folura në publik nëpërmjet komunikimit efektiv nga Diogjen Kolici.

Gjatë akademisë vizitojmë dhe institucione, puna e të cilave lidhet ngushtë me hartimin e politikave rinore. 🌟

Bora Muzhaqi, Ministër i Shtetit për Rininë dhe Fëmijët, na mikpriti në një diskutim jo vetëm për të ndarë me pjesëmarrësit ndryshimin dhe hartimin e politikave që lidhen drejtpërdrejt me rininë, por dhe për t’u përgjigjur interesimit që pjesëmarrësit kishin mbi mundësinë e një politike kombëtare për rininë në rajon. 🤝💬

Bordi i akademisë dhe pjesëmarrësit janë tepër entuziastë për gadishmërinë e Ministres për të pranuar për diskutim draft-propozimin e akademisë për një strategji kombëtare rinore që ka në fokus shqiptarët në vendet e rajonit. 🇦🇱🌍✨