Од душата на една мајка

Пуштете ги своите деца да паднат, сами да паднат да почуствуваат пораз, да почуствуваат болка, сами нека станат, нека се борат нека одат низ патот на животот без да ја држите секогаш вашата рака вперена кон нивната, без да им го чувате грбот, без да ги штитите сите нивни опасности.. Пуштете ги да се научат од нивните грешки, да станат секогаш кога ќе паднат да знаат како да станат, да знаат што значи паѓањето и како да се справат со сите предизвици кои животот им ги носи.. Пуштете ги, знаејќи дека ке ве боли нивната болка дека ќе патите поради нивната тага.. Пуштете ги сами да си ги направат крилјата со кои цел живот ќе патуваат...ќе се борат и ќе повторно ќе полетуваат.

И сите бури ќе стивнат, сите огнови ќе згаснат, сите ветрови ќе се смират...и секое невреме ќе помине...секое зло ќе заврши...секоја болка ќе запре... Само каменот... Каменот во срцето на една мајка... тој засекогаш ќе тежи таму длабоко скриен.. Скриен и полн со се што срцето на една мајка може да го износи..

Милувај ги своите деца за и тие да те милуваат тебе, сакај ги своите деца за и тие да знаат да сакаат, гушкај ги силно за и тие да ја знаат вредноста на прегратката ...Тагувај со нив кога тие тагуваат,радувај се кога се радуваат.. Сочувствувај со своите деца секогаш секаде... Во процесот на одгледувањето и воспитување научи ги на сите чувства на сите човечки вредности, научи ги да сакаат и сочуствуваат, ценат и споделуваат, почитуваат и вреднуваат..

Биди мајка на која секогаш кога твоето дете ќе се сети ќе почуствува топлина, ќе почуствува милост, благодет... Ќе почуствува емоции кои секогаш ќе ги носи со себе 💗💗💗Емоции кои вечно ќе живеат во него.. Емоции кои ќе одат каде и да оди со него.. кои ќе го направат добар човек.. Човек кој знае да чувствува 💗сака и милува...

Колку е голема прегратката на мама...... Може ли со нешто да се мери, има ли граница, цена,замена... Толку е силна кога солзите ги претворa во насмевка, ја лекува секоја рана.. Толку е голема што ги стишува сите болки, ги смирува сите детски гневови. ... И кога и да треба прегратката е тука.. секогаш тука... те чека со широко отворени раце те чека да ти каже се што со зборови не се кажува .. ❤️❤️❤️

Во душата човек додека е жив ќе остане дете, еден дел од себе, дел од детството таму внатре длабоко останува засекогаш, и посакува да пее силно на глас кога децата пеат, да танцува со сета сила и душа додека децата танцуваат , да се смее онака детски чисто од срце кога се смеат децата, да игра онака искрено како што играат децата.. Посакува барем за миг повторно да биде дете.... Да ги живее повторно тие детски денови, безгрижни денови.. Човек додека е жив ќе остане дете 🌸

Човек еднаш се раѓа.. Еднаш е дете.. Еднаш живее.. Додека го живее детството го живее најубавиот дел од својот живот.. Се гради себеси ја гради својата иднина го гради својот живот.. .. Затоа додека го одгледувате своето дете помогнете му да се изгради во зрела, цврста личност секогаш спремна за сите предизвици што животот ги спрема. .. Во личност што ќе знае да разликува добро од зло.. Да сака, простува и сочувствува... во личност што ќе знае да живее во сите четири годишни времиња на крајот од светот, во личност која покрај сите идеали ќе тежнее да ги изгради и оние најбитните...... Семејните идеали...

Само децата знаат најискрено да сакаат, најмногу да простуваат,најверно да чекаат,најбрзо да забораваат, само децата знаат искрено да се смеат, од срце да споделуваат, да возвратат љубов и насмевка, да возвратат топла прегратка да возвратат среќа....

На крајот од денот затвори ги очите додека ги слушаш неговите воздишки, додека го мирисаш тој рајски спокој додека ги држиш тие мали рачиња..... Сонувај додека и тоа сонува со тебе, мирисај додека мириса до тебе,затвори ги очите и посакај тој сон да трае.. Деновите минуваат, минуваат месеци години минува времето.. Минува се... Сонувај со своите деца додека и тие сонуваат со тебе ❤️