СОЕУ „Јане Сандански“

Создавањето добри дела е движечка сила на секоја здрава заедница, а нашите ученици уште еднаш покажаа дека солидарноста и вистинските промени започнуваат токму од младите! 🤝❤️
​По повод Светскиот ден на добрите дела, нашите креативни средношколци учествуваа на ИДЕАТОН организиран од Ротари клуб „Широк Сокак“ и МКЦ, каде што нивната иновативна идеја беше наградена со 10.000 денари
Победничкиот тим одлучи освоената парична награда да ја искористи за повисока цел – тие купија и денес свечено ѝ предадоа на директорката нов видео проектор, кој ќе биде наменет за унапредување на наставата на сите ученици во училиштето! 🏫📽️
​Огромно БРАВО до нашиот прекрасен тим:
​Андреа Трајковска (IV-3)
​Бојан Нацов (IV-3)
​Изабела Шишковска (IV-3)
​Емилија Илиевска (III-1)
​Драган Трајковски (I-3)
Тимот беше под менторство на професорката Соња Карапашовска.
​Ви благодариме што нè научивте дека најголемата награда е во споделувањето и во добрината.

🏅На последниот состанок на младинската организација се одржа свечено доделување на благодарници како знак на признание за трудот, посветеноста и активното учество на учениците во младинските активности.

👩‍🏫🧑‍🏫Во присуство на координаторот на младинската организација, професорот Целе Јолевски, и директорката на училиштето, Биљана Јанкуловска, благодарници им беа доделени на учениците од четврта година за нивниот придонес, ангажман и поддршка во работата на младинската организација во текот на нивното средношколско образование. Нивната енергија, креативност и иницијативност оставија траен белег и претставуваат поттик за идните генерации ученици.

👩‍🎨👨‍🎨Посебни благодарници добија и учениците кои активно учествуваа во уредувањето и одржувањето на младинското катче. Со својот труд, идеи и посветеност тие придонесоа овој простор да стане пријатно и инспиративно место за дружење, учење и реализација на младински активности.

📌Координаторот Целе Јолевски и директорката Биљана Јанкуловска им упатија честитки на сите наградени ученици, истакнувајќи ја важноста на нивниот ангажман и придонес во создавањето позитивна училишна средина. Тие им посакаа многу успех во понатамошното образование и реализацијата на нивните идни планови и цели.🍀

🎉Со оваа свеченост, младинската организација уште еднаш ја потврди својата заложба за вреднување и поддршка на младинскиот активизам, креативноста и волонтерскиот дух кај учениците.

📌Во периодот од 12 до 20 мај, пет ученици и еден професор од нашето училиште учествуваа во Еразмус+ мобилност во Шабац, Србија, на тема „Under Construction: Identity“.
🇲🇰🇷🇸🇮🇹🇲🇪🇵🇱На проектот имаше ученици од Македонија, Србија (домаќин), Италија, Црна Гора и Полска, што овозможи вистинска меѓукултурна размена на идеи, искуства и традиции.
Во текот на мобилноста истражувавме и дискутиравме за поимите личен и културен идентитет, преку различни работилници, презентации, дебати и креативни активности. Разговаравме за факторите што го обликуваат нашиот идентитет, за вредностите што нè поврзуваат, но и за различностите што нè прават единствени.
Како дел од проектните активности, ја претставивме историјата, културното наследство и архитектурата на Битола, истакнувајќи го значењето на нашиот град како важен културен и историски центар. Преку презентации и дискусии ги запознавме останатите учесници со богатото наследство и препознатливиот архитектонски изглед на Битола.🍀
📍Посебно впечатлива беше посетата на Белград, каде што имавме можност да се запознаеме со карактеристиките на брутализмот во архитектурата и да ги разгледаме најзначајните објекти изградени во овој стил.
👥Преку тимска работа изработувавме макети и креативни проекти, преку кои ги изразувавме нашите идеи за идентитетот и неговата поврзаност со просторот, културата и заедницата. Активностите поттикнаа креативност, критичко размислување, комуникација и соработка помеѓу учесниците.
👩👦Покрај образовниот дел, мобилноста беше одлична можност за дружење, запознавање нови култури, размена на искуства и создавање нови меѓународни пријателства. Стекнавме нови знаења, развивме важни животни вештини и создадовме спомени кои долго ќе ги паметиме.
Учеството во проектот „Under Construction: Identity“ беше исклучително креативно, инспиративно и возбудливо искуство кое ни помогна подобро да се запознаеме себеси, но и да ги разбереме и почитуваме културите на другите.

🚗🛑 ​По повод првата годишнина од работењето на Регионалниот испитен центар – „Супер Возач“, денес официјално беше промовирана новата општествено одговорна кампања „Положи за живот. Не само за возачка дозвола.“ Настанот беше одлична можност за нашите ученици, кои под менторство на професорката Верче Башовска, активно се вклучија во оваа важна иницијатива. 📝🏫
​Целта на кампањата е подигнување на свеста за безбедноста во сообраќајот и важноста на одговорното однесување зад воланот. Како што истакна раководителот на центарот, Горан Јованоски, најважно не е само да се положи испитот, туку да се изградат знаења и навики кои траат цел живот. 🤝💡
​Нашите млади, предводени од проф. Башовска, уште еднаш покажаа дека се подготвени да бидат гласот на позитивните промени и сообраќајната култура во Битола и регионот. Со среќа и одговорно на патиштата! 🛣️❤️

✨Биди дел од нашата убава приказна !🍀

Линкот е во коментарот под сликата 👇

СОЕУ „Јане Сандански“ го привлече вниманието на идните средношколци! 🏫✨💼
​Денес, платото на Офицерскиот дом во Битола пулсираше во знакот на младоста и знаењето! Нашето училиште имаше свој штанд на манифестацијата „Твој избор, твоја иднина“, каде што се претставивме во полн сјај. 🌟🏛️
​Нашиот тим од мотивирани професори и креативни ученици со огромно задоволство ги пречека деветтоодделенците. Преку интерактивни презентации, флаери и разговор од прва рака, им ги доближивме можностите што ги нуди нашата економска, правна и трговска струка, како и бројните меѓународни проекти и натпревари во кои редовно победуваме. 📈💻🏆
​Штандот на „Јане Сандански“ беше вистинско место за инспирација и одговор на прашањето „Каде следно?“. 🤝❤️
​Им благодариме на сите полуматуранти кои нè посетија и покажаа интерес за нашите програми. Ве очекуваме на уписите – скројте ја вашата успешна иднина со нас! 🚀📊
​ #СОЕУЈанеСандански #Битола #ТвојИзборТвојаИднина #СредниУчилишта #Уписи2026 #ЕкономскоУчилиште #ИднинатаЕВоВашиРаце

Прв чекор кон успешна кариера! 💼📱✨
​Нашите ученици од прва година успешно ја совладаа платформата Europass! Под водство на Кристијан Саламовски (Europass & Euroguidance амбасадор) во соработка со @Национална агенција за европски образовни програми и мобилност, тие научија како се креира професионално CV. 📝🇪🇺
​Преку практична работа на своите телефони, сите ученици си отворија свои профили и ги направија првите чекори кон дигиталната иднина. 🚀📊
​Им благодариме на нашите вредни првоочелци за задоволството, интеракцијата и одличната дискусија! 🙌❤️
​

Твој избор, твоја иднина: СОЕУ „Јане Сандански“ ве очекува на Офицерски! 🏫✨💼
​Драги деветтоодделенци, пред вас е една од најважните одлуки – изборот на средно училиште. Затоа, со огромно задоволство ве покануваме да бидете дел од настанот „Твој избор, твоја иднина“, каде што нашето училиште СОЕУ „Јане Сандански“ – Битола ќе се претстави во своето најдобро светло! 🌟
​📍 Каде? Платото на Офицерски дом – Битола
📅 Кога? 28 мај (четврток)
⏰ Час? Од 11:00 до 13:00 часот
​Посетете го нашиот штанд за да ги откриете економските и правните струки, дигиталните вештини и маркетинг кампањите што ги креираме, нашите иновативни проекти, ораторски успеси и меѓународни натпревари. Разговарајте со нашите професори и ученици кои од прва рака ќе ви раскажат зошто „Јане Сандански“ е вистинскиот чекор кон вашата успешна иднина! 🚀📊
​Ве очекуваме на дружење, музика, презентации и многу добра енергија! Скројте ја вашата иднина со нас. 🤝❤️

Нашите иноваторки на Upshift Саемот на иновации во Струмица! 💡🚀✨
​Со огромно задоволство ве известуваме дека победничкиот тим од нашето училиште, составен од вредните и креативни ученички Матеа Србиновска, Марија Трпезановска и Андреа Стојчевска од II-2 клас, изминативе денови се дел од престижниот Upshift Саем на иновации кој се одржува во Струмица! 🎉🏭
​Заедно со нивниот посветен ментор, професорката Марија Јанкулоска, нашите девојки достоинствено ја претставуваат својата иновативна идеја, покажувајќи како младинскиот активизам и претприемништво можат да донесат реални промени во заедницата. 🤝🌱
​Горди сме на нивниот ентузијазам, напорна работа и визија за посветла иднина! Им посакуваме одлично претставување на саемот и уште многу успеси на нивниот иновативен пат! 👏🌟