С О У Гимназија „Јосип Броз Тито“ Битола

06/06/2026

На 6.06.2026 г во склоп на Саемот за математика,наука,технологија,инженерство и уметност -ПОГОН 2026, под менторство на м-р.Наташа Димитровска професор по математика и ученици од нашата гимназија одржана е работилница на тема:Визуелни докази на Питагорова теорема.

03/06/2026

Отворен ден на С О У Гимназија „Јосип Броз Тито“ Битола

Со голем интерес и љубопитност, деветтоодделенците денес ја посетија нашата гимназија и имаа можност одблиску да се запознаат со наставната програма, активностите, успесите и можностите што ги нуди училиштето.

СРЕЌНО на уписите 🍀

03/06/2026

🇫🇷 Според Конкурсот за запишување ученици во I година во учебната 2026/2027 година, во СОУ Гимназија “Јосип Броз - Тито” Битола, имате можност да се запишете во Билингвална - франкофонска паралелка 🇫🇷

Спогодбата помеѓу Владата на Република Македонија и Владата на Република Франција, која се однесува на средните училишта со франкофонски двојазични паралелки, за упис во I година го нуди следното :

Член 4
(1) Учениците кои не го изучувале францускиот jазик во основното образование, но кои поседуваат доволно јазично ниво на француски јазик, потврдено од Францускиот институт во Скопје или Француските Алијанси во Битола и Тетово или се со стекната диплома ДЕЛФ минимум ниво А2, имаат право да се запишат во прва година во двојазична франкофонска паралелка без полаганье на јазичен тест.

(2) Учениците кои не го изучувале францускиот jазик во основното образование и немаат потврда од ставот (1) од овој член, имаат право да се запишат во двојазична франкофонска паралелка, со претходно полагање на jазичен тест.

(3) Јазичниот тест се полага во училиштето во кое ученикот се запишува во двојазичната франкофонска паралелка, а го изготвува училиштето.

🔹 За повеќе информации, Ве очекуваме во просториите на Гимназијата или пишете ни порака.

Билингвалната - франкофонска паралелка ви нyди бројни можности и предности во вашето образование, а подоцна и во вашата професионална кариера.

Добредојдени сте во нашето франкофонско семејство! 🇫🇷

02/06/2026

Почитувани матуранти,

Ова се правила по кои треба да се придржувате за време на испитите од Државната матура.

Како што претходно сте известени полагањата се на 06.06.2026 година (сабота) и на 11.06.2026 година (четврток ), со почеток во 09.00 часот.
Но, вие пред училиштето треба да сте во 8.00 часот.

Полагањето ќе се реализира во училишната спортска сала.

1. Не смеете да внесувате телефони или други електронски уреди во просториите за полагање на денот на испитот;

2. Во испитната просторија треба да влезете само со документ за идентификација (лична карта, пасош, ученичка легитимација, возачка дозвола) и пенкала кои пишуваат СИНО, како и прибор за испитот по Математика.

3. Да сте облечени пристојно на денот на испитот.

4. На денот на испитот задолжително треба да бидете пред означениот влез на испитниот објект (училишната сала)

5. Штом влезете во испитниот простор да го следите лицето одредено од УМК до своето место за полагање.

6. Да проверите дали вашите лични податоци се означени на клупата на која седите.

7. Кога ќе го слушнат кратко ѕвонење во 09:00 (прво ѕвонење) да започнете со читање на упатството на насловната страна од тестот. Тестот не смее да се отвара пред второто ѕвонење.

8. По второто ѕвонење во 09:15 да ја проверите исправноста на тестот (со листање на целиот тест) и доколку констатираат дека е во ред да започнете со решавање на тестот, а во спротивно со кревање на рака да го информирате тестаторот.

СРЕЌНО 🍀

31/05/2026

Отворен ден за учениците од 9 одделение.
Ве очекуваме, 3.6.2026 година, 10 ч.

28/05/2026

ОТВОРЕН ДЕН „ТВОЈ ИЗБОР – ТВОЈА ИДНИНА“

СОУ Гимназија „Јосип Броз Тито“ денес беше дел од Отворениот ден „Твој избор – твоја иднина“, организиран од Општина Битола и Културен и информативен центар – Битола на платото пред Офицерски дом.

Идните средношколци имаа можност да се запознаат со програмите, активностите и успесите на училиштето преку презентации, проекти и непосредна комуникација со учениците и професорите.

Посебна атмосфера на настанот создадоа музичките бендови од гимназијата, кои со своите настапи го збогатија настанот и внесоа младешка енергија, креативност и позитивен дух. 🎶

Настанот уште еднаш покажа дека вистинскиот избор започнува со инспирација, знаење и можност младите одблиску да го почувствуваат духот на училиштето.

28/05/2026

27/05/2026

📸 Ева Марковска

27/05/2026

Со особена чест и гордост, синоќа беа доделени благодарници на сите соработници, пријатели и поддржувачи на Гимназијата, кои со својата посветеност, помош и соработка придонесуваат за развојот и успесите на нашето училиште.
Воедно, беа врачени и пофалници за менторите и учениците кои во текот на учебната 2025/2026 година постигнаа значајни резултати на натпревари, проекти, манифестации и други образовни активности, достојно претставувајќи ја Гимназијата.

Вашиот труд, знаење, ентузијазам и посветеност се наша гордост и инспирација за нови успеси.
Им честитаме на сите и им посакуваме уште многу достигнувања и успеси во иднина!
📸 Фото Илчо
Foto Studio Ilco