ООУ „Ѓорѓи Сугарев“ - Битола

🏃‍♂️🥉 Горди на нашите млади спортисти! 🥉🏃‍♂️
Денес нашите ученици Константин Марушевски и Јаков Димковски успешно учествуваа на детската трка „Трчај бе“ во категоријата 2016 година.
Посебни честитки за Константин Марушевски, кој со одличен настап го освои третото место и се искачи на победничкиот подиум! 👏🏅
Браво за двајцата ученици за покажаната упорност, спортски дух и храброст. Ваквите успеси нè исполнуваат со радост и гордост и ни покажуваат дека нашите ученици знаат да блеснат и надвор од училницата.
Честитки, момци! Вашето училиште навива за вас! 💙

🎓✨ Испративме уште една генерација млади луѓе подготвени за нови предизвици! ✨🎓
Со многу емоции, гордост и убави спомени се збогувавме со нашите деветтоодделенци, учениците кои оставија свој белег во животот на ООУ „Ѓорѓи Сугарев“.
На свеченоста беа доделени пофалници и благодарници на учениците кои со својата работа, труд, талент и посветеност придонесоа за успесите и афирмацијата на училиштето во изминатите години.
Посебно признание и чест ѝ беше доделено на Рисима Ристовска, која со своите постигнувања, одговорност, знаење и пример за другите заслужено ја понесе титулата Првенец на генерација. 👏🏆
Драги деветтоодделенци, зад вас остануваат години исполнети со учење, другарства, предизвици и незаборавни моменти. Пред вас се нови патишта, нови соништа и нови можности.
Ви посакуваме храброст да ги следите своите цели, мудрост да носите добри одлуки и никогаш да не заборавите дека секој ваш успех ќе биде и наша гордост.
Среќно, генерацијо! Вашето училиште секогаш ќе биде ваш втор дом. 💙

Во нашето училиште продолжува успешната соработка со невладиниот сектор на полето на волонтеризмот. Во партнерство со НВО „ЕДУ-АКТИВ ПЛУС“ – Битола започна реализацијата на проектот „Јакнење на волонтеризмот во основното образование преку вклучување на учениците во волонтерски акции“, финансиски поддржан од Општина Битола.

Проектот ќе се реализира до 15 декември 2026 година и има за цел да ја поттикне волонтерската култура, хуманоста и активното граѓанско учество кај учениците. Денес беше реализирана првата активност, при што беше формиран училишен волонтерски тим и беше одржана едукативна работилница на тема „Биди волонтер“.

Учениците покажаа голем интерес и активно учествуваа во дискусиите за значењето на волонтеризмот и можностите за нивно вклучување во активности од корист за училиштето и локалната заедница.

Средствата предвидени со проектот се наменети за изработка на изложбен ѕид во училиштето, кој ќе остане траен белег и ќе сведочи за сите реализирани активности, волонтерски акции и постигнати успеси на учениците. На изложбениот ѕид ќе бидат претставени и успешните приказни од Erasmus+ мобилностите, eTwinning проектите, како и бројните локални и меѓународни проекти што се реализираат во училиштето. На тој начин ќе се промовираат достигнувањата на учениците, нивната активна вклученост во образовните процеси и придонесот во градењето на современо, инклузивно и европски ориентирано училиште.

🤝❤️ Меѓу училишните соработките им овозможуваат на учениците да стекнуваат нови пријателства, да развиваат тимски дух и да учат преку заеднички искуства кои долго се паметат.
По повод Денот на спортот, учениците од второ одделение од ООУ „Ѓорѓи Сугарев“, предводени од наставничката Наташа Тодоровска, учествуваа на третата и завршна заедничка средба со своите врсници од ООУ „Коле Канински“.
🏃‍♀️⚽️ Преку спортски активности, игра и дружење, учениците покажаа фер-плеј, меѓусебна поддршка и натпреварувачки дух, претворајќи го денот во вистинска прослава на спортот, другарството и заедништвото.
🍀 Благодарност до сите кои придонесоа за успешната реализација на овие активности, а особено до наставниците, стручните соработници, образовните асистенти и раководствата на училиштата кои ја поддржаа оваа прекрасна иницијатива.
✨ Трите средби реализирани во текот на учебната година донесоа многу насмевки, нови пријателства и незаборавни спомени, потврдувајќи дека највредните животни лекции се учат преку дружење, соработка и заеднички доживувања.

Нашите ученици денес со гордост учествуваа на манифестацијата „Ден на спортот“, која се одржа во спортската сала „Боро Чурлевски“ и на спортските терени во ООУ "Елпида Караманди" во рамките на Спортските игри на младите.
Преку спортските активности, дружењето и натпреварувачкиот дух, учениците уште еднаш покажаа дека спортот е вистински пат кон здрави животни навики, тимска работа и фер игра. Честитки за нашата фудбалска и кошаркарска екипа за освоените I-ви места! ⚽🏀⛹️🥅
Им честитаме на сите учесници за нивната енергија, посветеност и спортски дух!

🌍✨ Успешно реализирана дисеминација на втората мобилност во рамките на Erasmus+ проектот PLAY!

Денес, 04.04.2026г. учениците и наставниците кои учествуваа на мобилноста во Земун, Србија ги споделија своите искуства, впечатоци и најубави моменти од ова незаборавно патување. Преку фотографии, презентации и лични сведоштва, тие ги пренесоа своите доживувања од работилниците, дружењата, културните активности и новите пријателства создадени со врсници од други земји.

Учениците истакнаа дека мобилноста им помогнала да стекнат поголема самодоверба, да ги подобрат своите комуникациски вештини, да научат повеќе за различните култури и да ја почувствуваат вистинската вредност на тимската работа и европската соработка. Посебни емоции предизвикаа спомените од заедничките активности, престојот во семејства-домаќини и посетата на културно-историските знаменитости на Земун и Белград.

Горди сме на нашите ученици кои достојно го претставија нашето училиште и покажаа дека Erasmus+ е многу повеќе од проект – тоа е можност за учење, развој, нови пријателства и незаборавни животни искуства.

#

📢Хуманоста е најубавата лекција што можат да ја научат и покажат младите. ♥️

Со искрена благодарност ја примивме донацијата од учениците, родителите и наставниците од ООУ „Кирил и Методиј“, собрана преку хуманитарна активност во рамките на програмата „Креативноста на младите во улога на хуманизмот“.👏

🎉Средствата ќе бидат наменети за олеснување на трошоците поврзани со полуматурската прослава на неколку наши ученици.

🪄Благодарност до директорката на ООУ „Кирил и Методиј“ Жанета Тошевска, наставникот Џими Геровски и до сите кои беа дел од оваа благородна иницијатива.

Вашата поддршка значи многу и покажува дека заедништвото и солидарноста се вредности кои навистина живеат меѓу младите. 💙

ООУ „Ѓорѓи Сугарев“ – Битола со големо задоволство ги поканува сите родители, ученици, пријатели на училиштето и граѓани на нашиот традиционален
🌼 Фестивал на храна и цвеќе Vol. II 🌼
📅 Датум: 2.6.2026
🕦 Почеток: 11:30 часот
📍 Место: Училишен двор на ООУ „Ѓорѓи Сугарев“
Ве очекува прекрасна атмосфера исполнета со детска креативност, вкусна храна, цветни аранжмани, музика, дружење и многу насмевки. Настанот е можност за заедничко уживање, промоција на ученичките таленти и јакнење на соработката меѓу училиштето, семејството и локалната заедница.
Дојдете да бидеме заедно, да ја поддржиме креативноста на нашите ученици и да создадеме уште една убава приказна во дворот на нашето училиште.
🌺 Ве очекуваме! 🌺
ООУ „Ѓорѓи Сугарев“ – Битола
Заедно растеме, учиме и создаваме. 🌱💚

Успешно реализирана еднодневна екскурзија на релацијата Битола – Охрид – Вевчани – Струга. Нашите ученици поминаа прекрасен ден исполнет со едукативни содржини, дружење и запознавање со природните и културните убавини на овие региони. Голема благодарност до сите за одличното однесување и прекрасната атмосфера! 🚌

Се известуваат сите полуматуранти дека во организација на Општина Битола ќе се одржи презентација на средните училишта и стручните профили.
Ова е одлична можност за учениците директно да се информираат и полесно да донесат одлука за нивното понатамошно образование.
📆 Датум: 28 мај (четврток)
⏰ Време: 11:00 – 13:00 часот
📍 Локација: Плато на Офицерски дом – Битола