Едукативен центар за стимулација и едукација на деца "Абракадабра"

17/09/2026

Почитувани Пријатели,

​Здружението "Невроразлични" Битола, со поддршка од Општина Битола, Ве поканува на исклучително значаен настан што ќе го трансформира начинот на кој ги разбираме и поддржуваме децата од аутистичниот спектар.
​Во центарот на вниманието ќе биде еминентниот Проф. Др. Владимир Трајковски, редовен професор на Институтот за специјална едукација и рехабилитација на Филозофскиот факултет при УКИМ во Скопје и еден од најистакнатите македонски авторитети во областа на аутизмот и развојните нарушувања. Професорот Трајковски ќе ги сподели своите долгогодишни знаења и искуства за клучната важност на дијагностиката и раната интервенција за понатамошниот развој и квалитет на живот на децата од аутистичниот спектар.
Бидете дел од ширењето на свест, поддршка на родителите на децата со невроразличност и секако бидете во тек со најновите случувања во областа на невроразвојот.
И бидејќи сите ние знаеме дека времето во кое живееме е полно со предизвици и многубројни невроразлични деца, а наша заедничка и најголема желба е истите тие да се вклопат, а се' тоа би било возможно кога ние возрасните би биле повеќе свесни за нивните потреби.
Ве очекуваме!

Со почит,
Невроразлични

31/08/2026

ЈАВЕН ПОВИК ЗА ДОДЕЛУВАЊЕ ПАРИЧНА ПОМОШ ЗА РЕХАБИЛИТАЦИСКИ ТРЕТМАН НА ДЕЦА СО ПОПРЕЧЕНОСТ

Општина Битола, согласно Правилникот за доделување на парична помош за рехабилитациски третмани на деца со попреченост, објавува Јавен повик за доделување еднократна финансиска поддршка за рехабилитациски третмани на деца со попреченост на возраст од 3 до 7 години.

Целта на јавниот повик е Обезбедување финансиска поддршка за рехабилитациски, дефектолошки, логопедски, сензорни, психолошки и други стручни третмани за деца со попреченост, со цел унапредување на нивниот психофизички развој и социјална инклузија.

Право на користење на парична помош има дете со попреченост кое ги исполнува следните услови:

• да е на возраст од 3 до 7 години;
• да има извршена МКФ проценка;
• да има живеалиште на подрачјето на Општина Битола;
• родителите или старателите да немаат вкупни месечни примања повисоки од 70.000 денари;
• да користи или да има потреба од рехабилитациски третмани препорачани од стручно лице.

Паричната помош се доделува како еднократна финансиска поддршка во износ од 15.000 денари по дете.
Средствата ќе се доделуваат до исцрпување на средствата предвидени во Буџетот на Општина Битола за оваа намена, согласно расположливите средства предвидени во Буџетот на Општина Битола.

Јавниот повик трае 15 работни дена од денот на неговото објавување на веб-страницата на Општина Битола заклучно со 21.09.2026.

Повеќе на следниот линк: https://www.bitola.gov.mk/rehabilitaciski-tretmani-na-deca-so-poprechenost/

26/08/2026

Понекогаш најмалите срца знаат да носат најголема љубов. А денес нашите мали, но огромни срца, покажаа колку значи да сакаш, да подариш спомен, да се прегрнеш и да бидеш тука за некого. 🫶🏻

Благодарни сме што ја имавме можноста да бидеме дел од едно прекрасно детство, од секојдневните игри, смеа, учење и растење заедно. И уште поблагодарни сме што токму преку нашите деца секојдневно учиме дека љубовта, добрината и емпатијата немаат возраст. 🌈

Во нашите срца останува еден убав спомен, а во малите рачиња – отпечаток од едно големо другарство. ❤️🖐️

Со среќа, Виктор!
Оди храбро кон сите нови авантури што те очекуваат. Нека твоето срце секогаш остане вака големо, искрено и полно со љубов. 🎒📚✨

Те испраќаме со љубов, а те носиме со нас во срцата. ❤️

Светот на Биби секогаш тука со нас во магичните моменти, исполнети со прегратки и многу љубов кон нашите другарчиња 🥰🌍

13/08/2026

Витлерите на нашите мајки, баби , тетки можат да ја претворат играта и учењето во забава, мотивација и развивање на креативност и истрајност.

Координација око-рака
Спретност со дланките и прстите
Логичко размислување
Истрајност
Љубопитност
Мотивација
Почитивање на ред

28/07/2026

ИДТФ Битолино / ICTF Bitolino

🔴3-7 август
🔵Центар за култура - Битола и Народен театар - Битола
🔴7 претстави од 7 земји во натпреварувачката програма
🔵9 претстави во придружната програма
🔴Театарска работилница за деца

28/07/2026

21/05/2026

🥋 Денес во нашиот центар имавме прекрасна и едукативна посета од карате мајсторот Владимир Жоглев. Тој на децата им ја доближи карате вештината преку разговор, демонстрации и интересни активности, објаснувајќи им колку се важни дисциплината, навиките, правилното движење, дишењето и почитувањето на тренерот и правилата во секој спорт.
Децата имаа можност да дознаат дека каратето потекнува од Јапонија, а научија и неколку јапонски зборови и техники кои се користат за време на тренинг – како поздравот, правилниот став и значењето на тишината во сала.

Научија и основни удари и блокови со рака и нога.

Преку оваа посета, децата не само што се запознаа со еден спорт и професија, туку научија и важни вредности како почит, самоконтрола, концентрација и истрајност. Благодарни сме за времето, посветеноста и прекрасната енергија што ја сподели со нас мајсторот Владимир Жоглев -6ти дан 🥋✨

22/04/2026

✨ Другарство, почит, помагање, радост, насмевка, среќа, љубов, добрина ✨

Токму овие вредности беа во срцето на нашата денешна активност, каде децата преку приказната за „Василија и волшебната пештера" и преку креативни задачи тргнаа во потрага на зборови што значат повеќе од било кое богатство. Преку заедничка игра учеа како да препознаат и живеат вистински вредности, градејќи емпатија, соработка и чувство на припадност.

Голема благодарност за прекрасната промоција на книгата „Василијана и волшебната пештера“ и за можноста децата да уживаат, учат и растат низ приказна исполнета со важни животни пораки.

Посебна благодарност до тетка Марија – авторката на приказната, и до Василијана – главниот лик, за нивното присуство, топлина и инспирација што ја споделија со децата.

Продолжуваме да градиме љубов кон книгата уште од најмала возраст! 📚📚📚📖📕

15/04/2026

Почитувани,

Ве известуваме за базарот по повод подигање на свеста за аутизмот, кој ќе се одржи во месецот на аутизмот - април, и ќе биде еден апел за поддршка на аутистите.

Со надеж за поддршка, ве покануваме да дојдете и да дадете придонес со вашето присуство.

Со почит,
Невроразлични