Aгенција за иселеништво

Синоќа освоивме 🥇 прво место во фолклор!

Горд настап, силна енергија и заслужена победа.

Настап што ќе се памети!🙏🍀💥❤️

Kud Sv Naum Ohridski бевте повеќе од прекрасни домаќини. Ви благодариме❤️

На покана од страна на Националниот Совет на Македонците во Р. Србија, директорот на Агенцијата за иселеништво Горан Ангелов беше дел од владината делегација на одбележувањето на јубилејот 80 години од доселувањето на Македонците во Војводина и Свечената академија во Студентскиот културен центар во Нови Сад.
Покрај највисоките државни претставници на Република Србија и Република Македонија, присуствуваа и бројни гости од јавниот, културниот и општествениот живот.

Посебно место меѓу присутните имаа иселените Македонци и нивните семејства – сведоци и носители на историјата на македонската заедница во Војводина, кои по Втората светска војна со своите семејства се населиле во Јужен Банат, Јабука, Пландиште и Качарево.

На академијата присуствуваа и претставници на покраинските секретаријати, установи на културата со кои Македонскиот национален совет остварува долгогодишна соработка, претставници на основните училишта во кои се изучува предметот Македонски јазик со елементи на националната култура, претставници на локалните самоуправи од Војводина, членовите на Македонскиот национален совет, претставници на македонските здруженија, како и голем број припадници на македонската национална заедница.

Денес Агенцијата за иселеништво ја посети Ратка Колева Дамњановиќ од Флорида, САД, минатогодишната добитничка на наградата за најдобра книга поезија од иселеник, доделена од жири-комисијата на Струшките вечери на поезијата за 2025 година.

На нејзина иницијатива на 25 февруари 2026 година во Флорида за првпат во Амарика е формирано Литературното друштво „Стојан Христов“.

Во насока на развој на соработката, покани се упатени до македонските православни цркви „Св. Јован Крстител“ во New Port Richey и „Св. Димитрија“ во Palm Beach Gardens, како и до Литературното друштво „Браќа Миладиновци“ од Торонто.

Таа е доктор на науки по биомедицинско инженерство и поранешен новинарски дописник за списанието „Млад борец“ во Скопје. Агенцијата ја посети заедно со својот сопруг Александар, непосредно по завршувањето на Литературните средби во Струмица на кои учествуваше со уште 13 писатели од сите континенти.

Директорот Ангелов се заблагодари за посетата, упати честитки за новоформираното Литературно друштво и посака успеси и понатамошна плодна соработка со Агенцијата за иселеништво!