Институт за класични студии

✨️ Ние си поминуваме одлично на нашата летна школа за грчки јазик и култура „Од антиката до денес: Патување во светот на грчкиот јазик и култура“. Им благодариме на учесниците за досегашните обраќања, предавања и активности и продолжуваме утре со претпоследниот ден.

Утрешната (четврточна) програма две предавања на гостувачкиот професор од Грција Емил Теодоропулос, предавање на нашата колешка класичарка од Институтот за старословенска култура Марија Чичева-Алексиќ и работилница за грчката музика на нашиот колега класичар и музичар Слободан Танасковски. Започнуваме напладне 😊

#фзф #студирајкласични

Утре (среда) е третиот ден од нашата летна школа за грчки јазик и култура „Од антиката до денес: Патување во светот на грчкиот јазик и култура“. Помеѓу 10 и 14 часот предавања ќе одржат гостувачкиот професор од Грција Емил Теодоропулос и нашата професорка Весна Томовска. Се гледаме утре!

#фзф #студирајкласични

Ја проследуваме програмата за утрешниот, втор ден од летната школа за средношколци за грчки јазик и култура „Од антиката до денес: Патување во светот на грчкиот јазик и култура“, којашто треба да започне во 10 часот и да приврши пред 15 часот. Свои предавања ќе одржат гостувачкиот професор Емил Теодоропулос од Грција и нашите професорки Елена Џукеска и Даниела Тошева-Николовска. Ве очекуваме и утре!

#фзф #студирајкласични

Утре ја започнуваме нашата летна школа за средношколци по грчки јазик и култура „Од антиката до денес: Патување во светот на грчкиот јазик и култура“. Започнуваме во 10 часот и треба да завршиме околу 15 часот. Ни гостува професорот Емил Теодоропулос од Република Грција, а предавања ќе одржат и нашите професори Ратко Дуев (за митот за Европа) и Светлана Кочовска-Стевовиќ (за академските грцизми). Летната школа е финансиски поткрепена од Амбасадата на Грција во Скопје. Ве очекуваме!

#летнашкола #фзф #студирајкласични

Колку и в животот слава и доблест и почест да има,
¹ сето отпловува штом смртта го врати в мал прав.
² смртта ги враќа в мал прав, и ќе си отплови тој.

-⏑⏑ -⏑⏑ -⏑|⏑ -⏑⏑ -⏑⏑ -⏑
-⏑⏑ -⏑⏑ - | -⏑⏑ -⏑⏑ -

Quantum est in vita famae virtutis honoris
enat quam parvos mors redigit cineres.

-- -- -|- -- -⏑⏑ -⏑
-- -- - | -⏑⏑ -⏑⏑ -

⚱️ Напис на римска бронзена урна (cinerarium) во поетски ритам (елегиски дистих). Урната е пронајдена во Египет и се датира на преминот на I и II век од нашата ера.

препев: Методија Тасевски, студент

- долг/акцентиран слог
⏑ кус/неакцентиран слог
| пауза во читањето/рецитирањето

Се навраќаме на објавувањето на 13-те најдобри приказни и фотографии од овогодинешниот конкурс АНТИЧКА ПРИКАЗНА ИНСПИРИРАНА ОД ФОТОГРАФИЈА.

📸 Средношколката Ена Крстеска од Битола ни раскажува за правдата и праведноста во античкиот град Хераклеа Линкестис. За каква приказна станува збор? Што можеме да научиме од неа? ✍️

📜 Во текстот е искористен извадок од поучителниот старогрчки еп „Дела и дни“ на Хесиод (230–1): „Правољубивите луѓе не ги стига никогаш гладта… зашто со мака си работат вредно.“ Откријте зошто читајќи ја приказната...

🔗 Прочитајте ја целата приказна на tagrammata.wordpress.com и пишете ни како ви се допаднала 😊

#фзф #студирајкласични

pax huic domui
[нека има] мир за овој дом
{луѓето во овој дом нека живеат во мир}

pax, pacis, f. – мир
hic, haec, hoc (p**n.) – овој, оваа, ова
domus, domus, c. – дом

Натпис на влезот од зграда во Рим.

На натписите Римјаните користеле само големи букви и не оставале простор меѓу зборовите. И за гласот /у/ и за гласот /в/ ја користеле буквата V. Овој натпис не е антички, но делумно ја следи римската традиција.

🕊 🏠

Почитувани колешки и колеги,

Ве известуваме дека крајниот рок за поднесување апликации за Меѓународната конференција STUDIA CLASSICA ANNIVERSARIA 80 години Институт за класични студии е продолжен до 15 јуни 2026.

За понатамошни новости поврзани со конференцијата посетете ја нашата веб страница на: https://conference195.wordpress.com

Ви остануваме на располагање за дополнителни информации.

Нашата колешка класичарка, проф. д-р Марија Чичева-Алексиќ, го преведе од старогрчки „Погребното слово на Перикле“ од Тукидид, во издание на издавачкиот центар ТРИ.

Утре, четврток (28 мај 2026), во 11 часот, во библиотеката на Правниот факултет во Скопје ќе се одржи промоција на книгата и дискусија посветена на еден од најзначајните политички говори во историјата – зошто Перикле е релевантен денес?

Воведни обраќања ќе одржат амбасадорката на Република Грција Софија Филипиду, и деканот на Правниот факултет д-р Сашо Георгиевски, а ќе учествуваат и професорот по јавно право на Националниот и Каподистриски универзитет во Атина д-р Спиридон Влахопулос, професорката по меѓународни односи д-р Јулија Брсакоска Базеркоска, како и професорот по политички науки д-р Ненад Марковиќ. Модератор на дискусијата ќе биде продеканот на Правниот факултет д-р Драган Гоцевски.

Повеќе од дваесет и пет века по говорот на Перикле за демократијата, еднаквоста пред законот, граѓанското учество и одговорноста кон општото добро, неговите зборови и понатаму одекнуваат низ светот. Дискусијата ќе ја истражи релевантноста на погребното слово и неговата поврзаност со денешните демократски предизвици.

Настанот е отворен за јавноста, но е потребна регистрација на следниот линк.
https://forms.cloud.microsoft/e/sjXWpuFpxv

#класичнистудии #старогрчки