Sydney Urdu School

کل Lakemba Branch کی کلاس میں بچوں نے گھر کے موضوع کو آگے بڑھاتے ہوئے باتھ روم سے متعلق اشیاء کے نام اور نئے افعال (Verbs) سیکھے۔ بچوں نے نئے الفاظ سیکھنے کے ساتھ ساتھ اردو بولنے کی بھی مشق کی۔

گزشتہ سبق کو دہراتے ہوئے بچوں نے دالوں کے نام اردو میں یاد کیے۔ ہوم ورک میں بچوں کو اپنے آبائی ملک کے شہر کا نام اور وہاں کی مشہور جگہوں یا چیزوں کے بارے میں جاننے کی ترغیب دی گئی، تاکہ وہ اپنی زبان کے ساتھ اپنے وطن اور ثقافت سے بھی جڑے رہیں۔

#اردو

دو ملک، دو سفر، مگر زبان سے جڑا ایک خوبصورت رشتہ۔

اس یومِ آزادی پر Sydney Urdu School پاکستان اور بھارت کی آزادی کی خوشیوں کے ساتھ اُس مشترکہ زبان اور ثقافت کو بھی مناتا ہے جو سرحدوں سے آگے دلوں اور نسلوں کو جوڑتی ہے۔

سرحدیں الگ، زبان سے رشتہ ایک۔

پاکستانی اور بھارتی کمیونٹی کو یومِ آزادی کی دلی مبارکباد!

#اردو #پاکستان #بھارت

آج Baulkham Hills کی کلاس میں بچوں نے ’’آزادی‘‘ کے موضوع پر گفتگو کی اور پاکستان کی مختصر تاریخ کے بارے میں اپنے خیالات کا اظہار کیا۔

بچوں نے سیکھا کہ حقیقی آزادی ذمہ دارانہ فیصلے کرنے اور اپنے اعمال کے نتائج کو سمجھنے کا نام ہے۔

’’زندگی کی اصل نعمت انسان کا آزاد ہونا ہے۔‘‘

کلاس میں قومی نغمے سنے گئے، جن میں ’’دل دل پاکستان‘‘ سب کا پسندیدہ رہا، اور بچوں نے یومِ آزادی کے خوبصورت پوسٹرز بھی تیار کیے۔

#اردو #پاکستان

آزادی کی پتنگیں، امیدوں کا آسمان

اس 14 اگست، Sydney Urdu School مناتا ہے آزادی، امن، تعلیم، ثقافت، محبت اور اتحاد — وہ اقدار جو ہماری نئی نسل کو اپنی زبان، ثقافت اور پہچان سے جوڑے رکھتی ہیں۔

آئیں اردو کی مٹھاس اور اپنی ثقافت کی خوبصورتی کو آنے والی نسلوں تک پہنچائیں۔

پاکستان کا 79واں یومِ آزادی مبارک!

Auburn Branch
برانچ میں اردو سیکھنے کا ایک اور خوبصورت دن!

آج ابتدائی سطح کے بچوں نے حروف جوڑنے، چھوٹی اشکال اور نئے قاعدے کے الفاظ کی مشق کی، جبکہ لیول 2 کے طلبہ نے اعادہ اور آدھی اشکال پر کام کیا۔

کلاس کے اختتام پر بچوں نے دلچسپ کہانی بھی سنی۔
چند بچوں کی غیر حاضری کے باعث دالوں کی سرگرمی اگلے ہفتے سب کے ساتھ کی جائے گی۔

Lakemba Branch

برانچ میں سیکھنے کا دلچسپ دن!

گزشتہ ہفتے کے موضوع “گھر” کو آگے بڑھاتے ہوئے آج بچوں نے باورچی خانے سے متعلق الفاظ سیکھے اور مختلف دالوں اور اناج کو پہچانا۔

بچوں نے اناج اپنی ورک شیٹس پر چسپاں کیے، دالوں کے نام لکھے اور “ذخیرہ” کے لفظ سے متعلق سرگرمی میں بھرپور دلچسپی لی۔

کھیل، مشاہدے اور عملی سرگرمیوں کے ذریعے اردو سیکھنے کا مزہ ہی کچھ اور ہے!

Baulkham Hills
کلاس میں نئے ٹرم کا شاندار آغاز!

آج طلبہ نے چھٹیوں کی یادیں ایک دوسرے کے ساتھ شیئر کیں، نظموں کی دہرائی کی اور حروف چُن کر الفاظ بنانے کی دلچسپ سرگرمی میں بھرپور حصہ لیا۔

ہمارا مقصد ہے کہ بچے اردو بولنے، سننے، پڑھنے اور لکھنے میں روانی اور اعتماد پیدا کریں۔

ہفتہ 6: رول پلے / حمد، نعت یا نظم
ہفتہ 9: الفاظ کا املا ٹیسٹ

الحمدللہ، نئے ٹرم کی ایک بہترین شروعات!

ہفتے کا لفظ: برداشت

برداشت وہ خوبی ہے جو انسان کو ہر مشکل میں مضبوط، پُرسکون اور باوقار رہنا سکھاتی ہے۔ صبر، تحمل اور دوسروں کو سمجھنے کا جذبہ ہی ایک اچھے کردار کی علامت ہے۔

آئیے اس ہفتے “برداشت” کو اپنی زندگی کا حصہ بنائیں اور ہر صورتحال کا سامنا صبر، تحمل اور مثبت سوچ کے ساتھ کریں۔

Help Us Preserve Our Heritage Languages

Every language carries stories, culture, identity, and a sense of belonging. If you’re a parent in Australia raising a multilingual child, you have an opportunity to contribute to important research led by UNSW Sydney on how children use their heritage languages in everyday life and digital spaces.

Your participation will help researchers better understand and support multilingual families across Australia while ensuring heritage languages continue to thrive for future generations.

If you meet the eligibility criteria, we encourage you to take part and share this opportunity with other families in your community.

🔗 Scan the QR code or visit the link in the poster to participate.

Together, let’s celebrate, preserve, and strengthen our Urdu and multilingual communities.

ہفتے کا لفظ: احترام

احترام ایک ایسی خوبصورت عادت ہے جو ہمارے کردار کی پہچان بنتی ہے۔ جب ہم اپنے والدین، اساتذہ، بڑوں اور ایک دوسرے کا احترام کرتے ہیں تو محبت، اعتماد اور مضبوط رشتے پروان چڑھتے ہیں۔

آئیے اس ہفتے “احترام” کو اپنی روزمرہ زندگی کا حصہ بنائیں اور اپنے اخلاق و کردار سے دوسروں کے دل جیتیں۔