سىدنېي ئۈمىد ئۇيغۇر ئانا تىل مەكتىپى

سىدنېي ئۈمىد ئۇيغۇر ئانا تىل مەكتىپى ئانا تىلنى قەدىرلەپ، ئەۋلادنى ئەجدادقا ئۇلاش بىزنىڭ بۇرچىمىز.

23/10/2024

سدنېي ئۈمىد ئۇيغۇر ئانا تىل مەكتەپ پۇتبول كوماندىسى كۇلۇپلار ئارا ئېلىپ بېرىلىۋاتقان ئاۋالا لوڭقىسىنى تالىشىش يازلىق ئايلانما مۇسابىقىسىدە ئىزچىل غەلبە قىلىپ، ھازىر ئەڭ كۈچلۈك بالىلار كوماندىلىرى قاتارىدىن ئورۇن ئالدى.

كىچىك پۇتبولچىلىرىمىزنىڭ نەتىجىسىنى قىزغىن تەبرىكلەيمىز!
ۋە تېخىمۇ كۆپ غەلبىلەرنى قولغا كەلتۈرۈشكە تىلەكداشمىز!

ھاۋا تولىمۇ ئوچۇق، چىرايلىق ئاپتاپ چىققان كۈز كۈنلىرىنىڭ بىر يەكشەنبىسىدە سىدنېي ئۈمىد ئانا تىل مەكتىپىمىزدىكى بارلىق ئو...
23/05/2024

ھاۋا تولىمۇ ئوچۇق، چىرايلىق ئاپتاپ چىققان كۈز كۈنلىرىنىڭ بىر يەكشەنبىسىدە سىدنېي ئۈمىد ئانا تىل مەكتىپىمىزدىكى بارلىق ئوقۇتقۇچى - ئۇستازلار، ساۋاقداشلار ۋە ئاتا - ئانىلار بىرلىكتە شەھەر سىرتىدىكى باغقا مېۋە ئۈزگىلى باردۇق.
ماي ئېيىنىڭ ئاخىرى ئالما ۋە ئەبنۇس پىشىدىغان مەزگىل ئىكەن. گەرچە ئۆيلىرىمىزدە كۈندىلا دېگۈدەك يەيدىغان مېۋىلەر بولسىمۇ، ئۇلارنىڭ شاختا سانجاق - سانجاق پىشىپ كەتكەن ھالىتىنى كۆپ كۆرۈپ باقمىغان بىز بالىلار ئاجايىپ ھاياجانلىنىپ كېتىشتۇق. ئاتا - ئانىلارمۇ ۋەتەندىكى مول - مەئىشەتلىك باغلارنى، مېھىرلىك قوللاردا يېتىشتۈرۈلگەن مېۋىزارلىقلارنى ئەسلەپ ئىچى ئىسسىق بولۇشتى، سېغىنىشلىرىغا كىچىككىنە بولسىمۇ مەلھەم تېپىشتى.
باغقا كېلىشتىن بۇرۇنلا ئوقۇتقۇچىلىرىمىز دەرستە بىزگە ئالما ۋە ئەبنۇس مېۋىلىرىنى تەپسىلىي تونۇشتۇرۇپ ئۆتكەن ئىدى. مۇشۇ پۇرسەتتە بىز ئۇيغۇرچە ئىسمىنى بىلىپ كەتمىگەچكە ئىنگلىزچە persimmon دەپلا ئاتاپ كەلگەن مېۋىنىڭ توغرا ئاتىلىشىنىڭ «ئەبنۇس» ئىكەنلىكىنى ئۆگىنىۋالدۇق. باغدا شېخىنى كۆتۈرەلمەي مەي باغلاپ پىشىپ كەتكەن قىپقىزىل ئالمىلار، ئالتۇن رەڭ ئەبنۇسلار كۈن نۇرىدا يالتىراپ ئاجايىپ چىرايلىق كۆرۈنەتتى. مېۋىلەرنىڭ خۇش ھىدى دىماغنى ياراتتى. تەبىئەتنىڭ بۇ گۈزەللىكىگە جۆر بولۇپ، قۇشلار بەس - بەستە سايرايتتى. بىزنىڭ خۇشال كۈلكىلىرىمىز، قىن - قىنىمىزغا پاتماي چۇرۇلداشلىرىمىز كەڭرى كەتكەن باغ ئىچىنى بىر ئالدى. شاخلارغا ئېسىلىپ، ئەڭ ئۇچىدىكى مېۋىلەرنى تاللاپ ئۈزۈپ تەمىنى تېتىپ باقتۇق، ئۆيلىرىمىزگە ئېلىپ كېتىش ئۈچۈن چېلەكلىرىمىزنى تولدۇرۇشتۇق.
بۇ پائالىيەت جەريانىدا كەڭ تەبىئەت توغرىسىدا بىلگەنلىرىمىز ۋە ھېس قىلغانلىرىمىز بەكمۇ كۆپ بولدى. دەرسخانىدا ئۆگەنگەنلىرىمىزگە يەنە تېخىمۇ كۆپ ئەمەلىي بىلىم قوشۇلدى. ئاخىرىدا ھەممەيلەن «كېلەر ھەپتە ئانا تىل مەكتەپتە كۆرۈشەيلى» دېيىشىپ خوشلاشتۇق.

نەۋرۇزدىكى ئۇيغۇرۇمگۈلخاننەۋرۇزۇمدىن گۈپۈلدەيدۇ ئۇيغۇرنىڭ ھىدى،ئىزتىراپلىق تۇيغۇلارغا بېرىدۇ ئارام.نەۋرۇزۇمدا چېچەك كەبى...
21/03/2024

نەۋرۇزدىكى ئۇيغۇرۇم

گۈلخان

نەۋرۇزۇمدىن گۈپۈلدەيدۇ ئۇيغۇرنىڭ ھىدى،
ئىزتىراپلىق تۇيغۇلارغا بېرىدۇ ئارام.
نەۋرۇزۇمدا چېچەك كەبى ئېچىلغاي كۆڭۈل،
نەۋرۇزۇمدا بەرگۈم كەلدى ئۇيغۇرچە سالام.

نەۋرۇزۇمدا سەن سېغىنغان ئۇيغۇر ھىدى بار.
بۆگۈن ھەممە ھېس قىلىدۇ ئۇيغۇر ئۆزىنى.
چېچەكلەر ئۇز ،سۇلار ئەركەك، بېدىلەر داۋا،
كۆكلەم نۇرى بەرگەچ ئاڭا ئۇيغۇر ھىدىنى.

سارغايدى ھەم ئىلەڭگۈچتە ئۇچار گۆدەكلەر،
ياڭرار بۇندا ئۇيغۇرۇمنىڭ مۇقام ناۋاسى.
نەۋرۇزۇمدا ئۇيغۇرۇمنىڭ ھارمايدۇ ئېتى،
تاپانلاردىن ئوت چىقىرار مەشرەپ ساماسى.

نەۋرۇزۇمدا ھەممە ياقتا ئۇيغۇرچە سىياق،
يەلپۈنىدۇ ئەتلەس گۈللەر شۇنچىلىك لەۋەن.
قىرلاپ كىيگەن تەلپەكلەردە ھەقىقىي كىملىك،
ئۆرۈم - ئۆرۈم زۇلفلاردا نازغىيدۇ چىمەن.

نەۋرۇزۇمدا ئۇيغۇرۇم بار شۇنچە سۆيۈملۈك،
سۆيۈنمەمسەن يان بېقىنىڭ ئۇيغۇرغا تولسا.
دېگۈم كەلدى ياز كەلمىسە، كۈز ھەتتاكى قىش،
بۆگۈنكىدەك نەۋرۇز بولسا، نەۋرۇزلا بولسا......

بىز بۈگۈن سىدنېي ئۈمىد ئۇيغۇر ئانا تىل مەكتىپىمىزنىڭ 2023 - يىلىدىكى ئوقۇتۇش، تەنتەربىيە ۋە مەدەنىيەت ساھەسىدە قولغا كەل...
11/12/2023

بىز بۈگۈن سىدنېي ئۈمىد ئۇيغۇر ئانا تىل مەكتىپىمىزنىڭ 2023 - يىلىدىكى ئوقۇتۇش، تەنتەربىيە ۋە مەدەنىيەت ساھەسىدە قولغا كەلتۈرگەن نەتىجىلىرىنى خۇلاسىلەش يىغىنى ئاچتۇق ۋە شۇنداقلا كېلەر يىلى مەكتىپىمىزنىڭ ئوقۇغۇچىسى بولۇش ئالدىدا تۇرغان سەبىيلىرىمىزگە ۋە ئۇلارنىڭ ئاتا – ئانىلىرىغا مەكتىپىمىز ھەققىدە تېخىمۇ كۆپ ئۇچۇر بېرىش ۋە تونۇشتۇرۇش پائالىيىتى ئېلىپ باردۇق.
2023- يىللىق ئوقۇش يىلىمۇ سىدنېي ئۈمىد ئۇيغۇر ئانا تىل مەكتىپىمىز ئۈچۈن مول – ھوسۇللۇق، نەتىجىلىك بىر يىل بولدى. ياش ۋە تىل قابىلىيىتى بويىچە بەش يىللىققا بۆلۈنگەن ئاتمىشتىن ئارتۇق ئوقۇغۇچى مۇۋەپپىقىيەتلىك ھالدا بىر سىنىپ ئاتلىدى، ئوقۇغۇچىلىرىمىز ئانا تىل دەرسىدىن سىرت يەنە خۇشخەت، ئۇيغۇر ئۇسسۇلى ۋە پۇتبوللاردا تەربىيىلەندى.
بالىلىرىمىز گەرچە مەدەنىيەت بۆشۈكىمىز بولغان ئانا ۋەتىنىمىزدىن يىراق ئاۋسترالىيەدە چوڭ بولۇۋاتقان بولسىمۇ، ئانا تىل مەكتەپتە ئۇيغۇر تىل سەۋىيەسىنى ئاشۇرۇپلا قالماي، ئۇيغۇر مەدەنىيىتى، تارىخى ۋە جۇغراپىيىسى ھەققىدىكى چۈشەنچىلىرىمىزنىمۇ يۇقىرى كۆتۈردى.
ياش غۇنچىلىرىمىز — ۋەتىنىمىزنىڭ كەلگۈسى ئۈمىدلىرى. بىز ئۇلارنى ياراملىق ئەۋلادلاردىن قىلىپ تەربىيىلەش يولىدا بوشاشماي تىرىشىمىز.
تىرىشىپ ئۆگىنىپ، يەنە بىر يىلنى نەتىجىلىك تاماملىغان بارچە بالىلىرىمىزنىڭ يازلىق تەتىلى كۆڭۈللۈك ئۆتكەي. كېلەر يىلى ئانا تىل مەكتىپىمىزدە كۆرۈشەيلى!

01/10/2023

سىدنېي ئۈمىد ئانا تىل مەكتىپىنىڭ «بايرىقىم، پەرۋاز قىل!» تېمىسىدىكى لەگلەك ئۇچۇرۇش مۇسابىقىسى ۋە دالا پائالىيىتىدىن كۆرۈنۈشلەر

ۋىدىيو ئىشلىگۈچى: Imaginery Innovation

https://instagram.com/imaginery_innovation_?igshid=OGQ5ZDc2ODk2ZA==

01/10/2023

بۈگۈن 1 - ئۆكتەبىر كۈنى سىدنېي ئۈمىد ئانا تىل مەكتىپىمىزنىڭ ئوقۇتقۇچى - ئوقۇغۇچىلىرى ۋە ئاتا - ئانىلار بىرلىكتە دالا پائالىيىتى قىلدۇق. پائالىيىتىمىزنىڭ مەركىزى نۇقتىسى سىنىپلار ئارا ئېلىپ بېرىلغان «بايرىقىم، پەرۋاز قىل!» تېمىسىدىكى لەگلەك ئۇچۇرۇش مۇسابىقىسى بولۇپ، خىتاي قانخور ھاكىمىيىتى تىكلەنگەنلىكىنىڭ خاتىرە كۈنىدە ئوقۇغۇچىلىرىمىز ئانا ۋەتىنىمىز شەرقىي تۈركىستاننىڭ بايرىقىغا سىمۋول قىلىنغان ھالدا ئۆزى قول سېلىپ ياسىغان ياكى زىننەتلىگەن لەگلەكلىرىنى كۆك ئاسماندا پەرۋاز قىلدۇردى ۋە شۇ ئارقىلىق ئانا ۋەتەندە بايرىقىمىزنى لەپىلدىتىشتىن ئىبارەت كۈچلۈك ئىرادىسىنى نامايەن قىلدى.
بۇ مۇسابىقىدە ھەر بىر سىنىپتىن ئەڭ ياخشى ياسالغان بىردىن لەگلەك ۋە ئەڭ ياخشى ئۇچقان بىردىن لەگلەك تاللىنىپ، مۇكاپاتلاندى.
ھەر بىر ئوماق غۇنچىنىڭ قولىدىكىسى پەقەت ئاددىي لەگلەكلا ئەمەس، گويا ئاي - يۇلتۇزلۇق كۆك بايرىقىمىزنىڭ بىر پارچىسى ئىدى. كۈچلۈك ۋەتەن سۆيگۈسىدە غۇرۇرلانغان ھەر بىر ئائىلىنىڭ بۇ مۇسابىقىگە ئىنتايىن ئەستايىدىل مۇئامىلە قىلىپ، بىر - بىرىدىن كۆركەم لەگلەكلىرى بىلەن ئاسماننى زىننەتلىگىنىنى كۆرگىنىمىزدە، ئۇلۇغۋار غايىلىرىمىزنىڭ ئەمەلگە ئېشىشىغا بولغان ئىشەنچىمىزمۇ ئاشقاندەك بولدى.

بۈگۈن 1 - ئۆكتەبىر كۈنى سىدنېي ئۈمىد ئانا تىل مەكتىپىمىزنىڭ ئوقۇتقۇچى - ئوقۇغۇچىلىرى ۋە ئاتا - ئانىلار بىرلىكتە دالا پائ...
01/10/2023

بۈگۈن 1 - ئۆكتەبىر كۈنى سىدنېي ئۈمىد ئانا تىل مەكتىپىمىزنىڭ ئوقۇتقۇچى - ئوقۇغۇچىلىرى ۋە ئاتا - ئانىلار بىرلىكتە دالا پائالىيىتى قىلدۇق. پائالىيىتىمىزنىڭ مەركىزى نۇقتىسى سىنىپلار ئارا ئېلىپ بېرىلغان «بايرىقىم، پەرۋاز قىل!» تېمىسىدىكى لەگلەك ئۇچۇرۇش مۇسابىقىسى بولۇپ، خىتاي قانخور ھاكىمىيىتى تىكلەنگەنلىكىنىڭ خاتىرە كۈنىدە ئوقۇغۇچىلىرىمىز ئانا ۋەتىنىمىز شەرقىي تۈركىستاننىڭ بايرىقىغا سىمۋول قىلىنغان ھالدا ئۆزى قول سېلىپ ياسىغان ياكى زىننەتلىگەن لەگلەكلىرىنى كۆك ئاسماندا پەرۋاز قىلدۇردى ۋە شۇ ئارقىلىق ئانا ۋەتەندە بايرىقىمىزنى لەپىلدىتىشتىن ئىبارەت كۈچلۈك ئارزۇسىنى نامايەن قىلدى.
بۇ مۇسابىقىدە ھەر بىر سىنىپتىن ئەڭ ياخشى ياسالغان بىردىن لەگلەك ۋە ئەڭ ياخشى ئۇچقان بىردىن لەگلەك تاللىنىپ، مۇكاپاتلاندى.
ھەر بىر ئوماق غۇنچىنىڭ قولىدىكىسى پەقەت ئاددىي لەگلەكلا ئەمەس، گويا ئاي - يۇلتۇزلۇق كۆك بايرىقىمىزنىڭ بىر پارچىسى ئىدى. ۋەتەن سۆيگۈسىدە غۇرۇرلانغان ھەر بىر ئائىلىنىڭ بۇ مۇسابىقىگە ئىنتايىن ئەستايىدىل مۇئامىلە قىلىپ، بىر - بىرىدىن كۆركەم لەگلەكلىرى بىلەن ئاسماننى زىننەتلىگىنىنى كۆرگىنىمىزدە، ئۇلۇغۋار غايىلىرىمىزنىڭ ئەمەلگە ئېشىشىغا بولغان ئىشەنچىمىزمۇ ئاشقاندەك بولدى.

04/09/2023

سىدنېي «ئۈمىد» ئۇيغۇر مەكتىپى ئوغۇل ئوقۇغۇچىلىرى ھەر يەكشەنبىلىك ئانا تىل دەرسىدىن كېيىن مەكتەپ زالىدا ساما ئۇسسۇلى ئۆگەنمەكتە. چەت ئەللەردە تۇغۇلۇپ چوڭ بولغان بۇ تاتلىق بالىلىرىمىزنىڭ قىزغىنلىقىغا گەپ توغرا كەلمەيدۇ. گەرچە ۋەتەن سىرتىدا بولساقمۇ ئۆز ئۆرپ-ئادەتلىرىمىزنى، تىل ۋە مەدەنىيىتىمىزنى قوغداش ئارزۇسىدا ياش يىگىتلىرىمىزمۇ ھاردىم - تالدىم دېمەي كۈچ چىقارماقتا ۋە ئانا تىل مەكتىپىمىزنىڭ مەدەنىي پائالىيەتلىرىنى جانلاندۇرۇش ئۈچۈن تۆھپە قوشماقتا.

ھېيت شادلىقىمىزنىڭ ئەزىز مېھمىنى بولۇشقا ئالدىراڭ…..
30/06/2023

ھېيت شادلىقىمىزنىڭ ئەزىز مېھمىنى بولۇشقا ئالدىراڭ…..

05/06/2023

سىدنېي ئۈمىد ئۇيغۇر ئانا تىل مەكتىپىمىز قۇرۇلغانلىقىنىڭ 17 يىللىقىنى سۆيۈنۈش ۋە ئىپتىخارلىق ئىچىدە تەبرىكلەيمىز.
💐💐💐

ۋىدىيو ئىشلىگۈچى: Imaginery Innovation

https://instagram.com/imaginery_innovation_?igshid=OGQ5ZDc2ODk2ZA==

Address

Sydney, NSW

Website

Alerts

Be the first to know and let us send you an email when سىدنېي ئۈمىد ئۇيغۇر ئانا تىل مەكتىپى posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Category