05/02/2026
Австралийн Нийслэлийн бүс нутгийн захиргаанаас 2026 оны 02 дугаар сарын 06-наас 08-ны өдрүүдэд зохион байгуулах 28 дахь удаагийн Олон Үндэстний фестиваль (National Multicultural Festival)-д тус ЭСЯ, Канберра, Сидней хотод оршин суугаа монгол иргэд, урлагийн авьяастнуудтай хамтран оролцохоор бэлтгэл ажлаа хангаад байна. Фестивалийн хүрээнд дараахь урлагийн үзүүлбэр, парад болон соёл сурталчилгааны арга хэмжээг зохион байгуулна. Үүнд:
- ЭСЯ 2026 оны 02 дугаар сарын 06-ны Баасан, 07-ны Бямба гарагт Glebe Park North and Woodlands дахь G10 асарт ажиллаж, Монгол Улсаа сурталчлах тул иргэд Та бүхнийг Монгол асраараа зочлохыг урьж байна.
- 2026 оны 02 дугаар сарын 07-ны өдрийн 14.00 цагт Сидней хотын `Арсгай` язгуур урлагийн хамтлаг, Канберра хотын `MDance Collecive` бүжгийн хамтлаг North Bunda Street Pop up тайзан дээр “Welcome to Mongolia” үндэсний язгуур урлагийн тоглолтыг толилуулах тул иргэд Та бүхэн өргөнөөр үзэж сонирхоно уу.
- Канберра дахь МDance Collective болон иргэдийн санаачилгаар 2026 оны 02 дугаар сарын 07-ны өдрийн 15.00 цагаас үндэсний дээл хувцас, соёл, ахуйгаа сурталчилсан Парадыг анх удаа зохион байгуулах тул иргэд Та бүхэн үндэсний дээл хувцсаараа гоёж, уг параданд оролцохыг урьж байна. Дэлгэрэнгүй мэдээллийг https://facebook.com/events/s/mongolian-community-parade-nmf/1251526873552436/ холбоосоор орж харна уу.
- 2026 оны 02 дугаар сарын 08-ны Ням гарагт 11.45 цагт МDance Collective бүжгийн хамтлаг Glebe park North Stage тайзан дээр үндэсний бүжиг, урлагийн тоглолтыг толилуулах тул иргэд Та бүхэнд өргөнөөр үзэж сонирхоно уу.
- Түүнчлэн, Канберра хотын “Наадам” ресторан 2026 оны 02 дугаар сарын 06-ны Баасан, 07-ны Бямба гарагт Glebe Park North дахь G9 асарт монгол хоолоор үйлчлэх тул иргэд Та бүхэн өргөнөөр ирж үйлчлүүлнэ үү. https://www.facebook.com/share/p/1Dfh8GQBAE/
Монгол Улсаас Австралийн Холбооны Улсад суугаа Элчин сайдын яам
2026 оны 02 дугаар сарын 05
Batmunkh Battsetseg Батмөнхийн Батцэцэг Монгол Улсын Гадаад Харилцааны Яам Ministry of Foreign Affairs of Mongolia
