Akkerland Speelskool

Ons klein maatjies het hierdie week op heerlike, praktiese maniere van skoene en spore geleer.
Die 3-4 jariges het selfs hul eie spoor-afdrukke in koekiedeeg gemaak, dit gebak en daarna met groot lekkerte opgeëet!

Dankie aan al ons wonderlike Juffrouens wat weekliks elke tema pret, prakties en onvergeetlik vir ons Akkerlanders maak!

Worcester-Noord Primêre Skool

P a j a m a - p a r t y

Vrydag het ons Pajamadag by Akkerland gehad en dit het sommer soos ’n partytjie gevoel!
Die maats het hul snoesige pajamas aangehad en natuurlik was daar springmielies, komberse en baie pret!

Worcester-Noord Primêre Skool

♻️ Herwinmaatjie van die week ♻️

Ons herwinmaatjie van die week is Suvan Scholtz. Ons is baie trots op jou!

Hou aan om julle herwinbare materiaal skool toe te stuur!

Worcester-Noord Primêre Skool

Ons 4-5 jarige maats het gister 'n opwindende en leersame uitstappie na Checkers Mountain Mill Mall gehad!

Dit was 'n wonderlike ervaring om ook 'n kykie agter die skerms te kry. Ons het die bakkery, deli, slaghuis en selfs die stoor besoek. Die maats het eerstehands gesien hoe vars brood gebak word, hoe kos voorberei word en hoe die sap gemaak word.

Baie dankie aan die vriendelike personeel van Checkers. Ons maats het baie geleer en elke oomblik geniet!

Worcester-Noord Primêre Skool

♻️ Herwinmaatjie van die week ♻️

Ons herwinmaatjie van die week is P.J. Nel. Ons is baie trots op jou!

Hou aan om julle herwinbare materiaal skool toe te stuur!

Worcester-Noord Primêre Skool

Die eerste week van die kwartaal het ons op 'n lekker manier afgesluit!
Warm sjokolade en heerlike pannekoek was die ideale bederf en het perfek by ons wintertema van die week gepas. ❄️

Worcester-Noord Primêre Skool

Baie welkom baba Wynand!

Baie geluk aan tannie Chantel met die geboorte van haar seun, Wynand! Mag hy vir julle nog baie vreugde verskaf!

Worcester-Noord Primêre Skool

BUN RUN

Ons wil graag vir elke persoon wat ons Bun Run Hamburger Drive-thru so 'n groot sukses gemaak het, bedank!

Ons wil 'n spesiale dankie aan Albany en Swannies rig vir die skenkings wat hulle gemaak het. Julle bydrae het 'n groot verskil gemaak.

Aan al ons Akkerland-ouers – baie dankie vir elke bestelling, skenking en helpende hand. Julle bereidwilligheid en ondersteuning beteken ongelooflik baie vir ons.

Ons wens vir al ons Akkerland-families 'n heerlike, veilige en welverdiende vakansie toe. Geniet elke oomblik – ons sien daarna uit om julle weer volgende kwartaal terug te verwelkom!

Worcester-Noord Primêre Skool

Bederf-vir-Pappa-oggend

Dit was vir ons 'n groot voorreg om vanoggend ons pappas by Akkerland te bederf!

Dit was 'n wonderlike oggend en die opgewondenheid op die kleuters se gesigte het gewys hoe spesiaal hierdie tyd saam vir hulle is.

Baie dankie aan al die pa's wat 'n draai kom maak het. Julle liefde, ondersteuning en betrokkenheid beteken ongelooflik baie vir ons kleuters.

Baie dankie ook aan Met Hart mark vir die mooiste geskenke wat te koop was!

Worcester-Noord Primêre Skool

🚴🏻‍♂️Mini-Argus 🚴🏻‍♂️

Ons het vandag voortgebou op verlede week se padveiligheid-tema en die opwinding was aansteeklik! Die maats het hul fietsies skool toe gebring en met groot entoesiasme aan die "Mini-Argus" deelgeneem.
Daar is met sportmangees getrap en gelag en elke maatjie het dit so geniet!

Worcester-Noord Primêre Skool