Worcester-Noord Primêre Skool

CAVALIERS JUNIOR STRAND TENNISTOERNOOI

Ons is ongelooflik trots op drie van ons tennisspelers wat onlangs aan die Cavaliers Junior Strand Tennistoernooi deelgeneem het!

- Lihan van Deventer verower ‘n algehele derde plek in die o. 12A-afdeling.
- Albert Kotze verower ‘n algehele vierde plek in die o. 10A-afdeling.
- Janlu van Deventer verower ‘n algehele tiende plek in die o. 9A-afdeling.

Baie geluk aan al drie spelers met julle puik prestasies. Julle harde werk, deursettingsvermoë en liefde vir tennis is iets om op trots te wees.

ATKV TJOKKERTONEELFEES

Ons toneelgroep het gister by die Baxter teater aan die ATKV Tjokkertoneelfees deelgeneem.

Die uitslae wat ons reeds ontvang het getuig van hul harde werk en puik produksie wat hul hierdie jaar op die planke het.

Ons het 'n brons toekenning vir produksie, beligting, klank, stel en kostuums verwerf.

Welgedaan aan die toneelgroep en afrigters. Ons is baie trots op julle!

SKAAKUITSLAE

Reané Dunn blink uit by Ontwikkelingsskaaktoernooi!

Die afgelope Saterdag het Reané Dunn aan ’n Ontwikkelingsskaaktoernooi in Ceres deelgeneem.
Reané het in die o. 9-afdeling die Kaapse Wynlandstreek verteenwoordig.

Die toernooi het skaakspelers van drie streke, naamlik die Weskus, Kaapse Wynland en Eden, byeengebring.

Reané het uitstekend presteer en ‘n algehele eerste plek in die o. 9-afdeling behaal. Sy het ’n indrukwekkende vyf van haar ses wedstryde gewen!

Baie geluk, Reané!
Ons is baie trots op jou prestasies.

O. 13A SPORTTOER TE HARTENBOS

Die afgelope naweek het ons o. 13A rugby-, netbal-, en hokkiespanne aan die jaarlikse Hartenbos sporttoer deelgeneem.
Uit die foto's kan ons aflei dat ons kinders en afrigters dit vreeslik geniet het.

Die uitslae vir die naweek is as volg:

Rugby:
Verloor 0 - 15 teen Laerskool Wesbank
Wen 15 - 0 teen Laerskool Diaz Strand
Verloor 5 - 10 teen Laerskool Hugenote

Netbal:
Wen 11 - 10 teen Laerskool Volschenk
Wen 22 - 10 teen Laerskool Hartenbos B
Wen 18 - 6 teen La Rochelle
Verloor 9 - 14 teen Laerskool Hugenote
Speel in die semi-finaal en verloor 8 - 19 teen Laerskool Hartenbos A.

Hokkie:
Meisies:
Wen 1 - 0 teen Laerskool Hartenbos
Speel 0 - 0 gelykop teen Laerskool Volschenk
Speel gelykop 0 - 0 teen Hugo Rust
Speel gelykop 1 - 1 teen FD Conradie
Dring deur na semi-finaal en wen 1 - 0 teen Knysna met 'n "penalty shootout"
Verloor 0-1 in die finaal teen Hugo Rust en behaal 'n algehele tweede plek vir die toernooi.

Seuns:
Verloor 0 - 1 teen Laerskool Knysna
Verloor 0 - 1 teen Laerskool Wesbank
Speel 0 - 0 gelykop teen Laerskool Hugenote

Baie geluk aan elke speler en afrigter met hierdie goeie uitslae. Ons is werklik trots op julle! Baie geluk ook aan Zahn Hugo, Adriaan van der Westhuizen en Philip du Toit wat in die toernooi hokkiespanne opgeneem is.
Baie geluk ook aan Zeta George en Elri Swarts wat in die toenooi netbalspan en Marcel Needham wat in die toernooi rugbyspan opgeneem is.

Baie dankie aan elke ouer en ondersteuner wat hierdie spelers nie net die afgelope naweek nie, maar die hele seisoen al met trots ondersteun.

DIE NOORDJIE-FAMILIE - WNPS SKOOLKONSERT 2026

Kaartjies vir WNPS se skoolkonsert van 2026 is amptelik via Sticitt beskikbaar!

Volg die hierdie eenvoudige stappe om suksesvol jou kaartjies vir die konsert te koop:
1. Klik op die skakel - https://store.sticitt.co.za/LSWorcesterNoordKaartjies
2. Kyk mooi na die vloerplan en selekteer die dag waarop u graag die konsert wil kyk. Klik op daardie dag.
3. Klik op die kaartjies wat u graag wil koop en "add to order" (LW: kies asseblief u kaartjies reg, daar sal geen omruilings of terugbetalings kan wees nie. Die kaartjie gaan ook dan wys "no more stock available" omdat dit in u "cart" lê.)
4. Nadat u kaartjies in die "cart" lê, druk dan op "next" en vul u persoonlike besonderhede in.
5. Klik dan op “complete payment.”
6. U hoef nie geld op Sticitt te laai om kaartjies te koop nie en kan direk EFT, of indien u sou verkies uit u Sticitt-beursie koop.

Indien u verder hulp benodig, is u welkom om ons bemarker by [email protected] te kontak.

Ons sien daarna uit om hierdie asemrowende geleentheid met u te deel.

VEELS GELUK

Juffrou Dara Preuss verjaar vandag! Baie geluk met jou verjaarsdag.

Ons wens vir jou ‘n geseënde en voorspoedige nuwe lewensjaar toe. Mag jy vandag ‘n heerlike verjaarsdag hê.

NOORDJIE RUGBYSPELERS PRESTEER

Ons is baie trots om aan te kondig dat twee van ons o. 12 rugbyspelers in die Noord-Boland rugbyspan opgeneem is.

Baie geluk aan Eric Smith en Adriaan van der Westhuizen.

Ons is baie trots op julle Noordjies.

DIE NOORDJIE-FAMILIE - WNPS SKOOLKONSERT 2026

Die oomblik het uiteindelik aangebreek. Vandag oor presies een maand het ons die eerste aand van ons konsert van 2026!
Ons is bitter opgewonde om aan te kondig dat kaartjies vir die konsert reeds eerskomende Maandag om 08:00 beskikbaar sal wees.
Die konsert vind hierdie jaar op 14 - 17 September 2026 in WNPS se skoolsaal plaas.

Stoor solank die onderstaande skakel om seker te maak dat jy Maandagoggend reeds gereed is om JOU konsertkaartjies te koop:
https://store.sticitt.co.za/LSWorcesterNoordKaartjies

Alle verkope sal deur Sticitt geskied. Maak asseblief seker van u sitpleknommer en dag waarop u die konsert wil kom kyk. Geen terugbetalings of omruilings van kaartjies sal deur die skool behartig word nie.
Daar is slegs spesiale vergunning vir ons gestremde ouers gemaak om op Maandag, 14 September 2026 op gegewe sitplekke die konsert te kom kyk. Hierdie kaartjies word nie deur Sticitt verkoop nie en sal vanaf Maandag, 17 Augustus 2026 by die ontvangs te koop wees.

Ons kan nie wag om hierdie produksie met julle te deel nie!

BAIE STERKTE

Die Noordjies wens al drie ons Worcester hoërskole, HTS Drostdy, Worcester Gimnasium en Hoërskool Montana baie sterkte toe met hul interskole wat die naweek plaasvind.

Daar heers in ons dorp hierdie naweek met al drie hoërskole se interskole wat op hul eie tuis sportgronde plaasvind. HTS Drostdy meet kragte teen Hoërskool Outeniqua, Worcester Gimnasium teen Hoërskool Hermanus en Hoërskool Montana teen Hoërskool Swellendam.

Wat 'n lekker voorreg vir ons dorp om 'n propvol naweekprogram vol rugby, netbal, hokkie, gees en samehorigheid te kan vier!

Ons wens vir elke hoërskool is dat sportmangees sal seëvier en dat elke speler, afrigter, ondersteuner en ouer hul hoërskool met trots sal verteenwoordig.

Ons bloed is die naweek rooi, blou en geel ter ondersteuning van elke oud-Noordjie wat hierdie naweek hul beste gaan gee.




Beleef HTS Drostdy Worcester Gymnasium Hoërskool Montana - Worcester ❤️💙💛

O. 13A SPORTTOER TE HARTENBOS

Vanoggend het ons o. 13A rugby-, hokkie- en netbalspanne op hul jaarlikse sporttoer na Hartenbos vertrek.
Die spelers en afrigters borrel van opgewondenheid en dit is vir ons heerlik om hierdie geleentheid aan ons spelers te kan bied.

Baie dankie aan elke afrigter, ouer en ondersteuner wat deur die loop van die naweek 'n gaan wees. Baie sterkte ook aan elke speler. Mag hierdie toer vir julle herinneringe en vriendskappe bring wat julle vir jare sal koester. Geniet elke oomblik en leef die WNPS se waardes op en van die veld af met trots uit.