Worcester-Noord Primêre Skool

06/10/2026

AANDAG ALLE 4 - 5 EN 5 - 6 JARIGE MAATS

Hiermee nooi ons u en alle vier- tot sesjarige maats uit om te registreer om aan ons netbal-, hokkie- en rugbyvaardigheidskliniek deel te neem.

Hierdie geleentheid vind op Saterdag, 17 Oktober 2026 by WNPS - Johan Heÿl Sportgronde om 09:00 - 11:00 plaas. Hierna is die hele gesin welkom om te bly vir 'n gesellige bring-en-braai by ons onthaalarea.

Wat kan u van hierdie dag verwag?
- 'n dag propvol pret en ouderdomsgepaste vaardigheidsontwikkeling vir elke sportkode
- snoepie beskikbaar
- bederf vir elke deelnemer
- bring-en-braai na afloop van die oggend vir die hele gesin (bring jou eie verversings en braaivleis, die skool sal seker maak dat die vure al van vroeg af brand)

Vul asseblief die Google vorm in deur die onderstaande skakel te volg of die QR-kode te skandeer sodat ons u kind suksesvol kan registreer en verdere inligting via e-pos aan u kan kommunikeer. Registrasies sal op 9 Oktober 2026 sluit.

https://forms.gle/QsbDhhBo1XgP3Nad9

Hierdie dag is gratis vir alle deelnemers en toeskouers.

Ons sien baie daarna uit om weer al die kleuters en peuters by ons te verwelkom!

06/10/2026

NOORDJIE-KERSMARK 2026

Hierdie jaar is die vierde opeenvolgende jaar wat Worcester-Noord Primêre Skool met trots die Noordjie-Kersmark aanbied.

Ons is baie opgewonde om hierdie jaar aan te kondig dat ons Kersmark oor twee dae, 25 - 26 November 2026 gaan plaasvind. Ons Kersmark sal weer in die skoolsaal plaasvind en ons gaan hierdie jaar slegs 'n sekere aantal uitstallers by die Kersmark akkommodeer.

Vul asseblief die onderstaande Google vorm in om as uitstaller by die Kersmark te dien. Aansoeke sluit Vrydag, 30 Oktober 2026.
https://forms.gle/aQaF1z3pujewM2RG6

Hier volg die opsommende inligting rakende die Noordjie-Kersmark 2026:
Plek: Worcester-Noord Primêre Skool skoolsaal
Datum: 25 - 26 November 2026
Tyd: 14:00 - 19:00

Merk solank die datum op jul kalender en kom ondersteun plaaslike uitstallers by WNPS se Kersmark.
Sien JOU daar!

05/10/2026

01/10/2026

INTERNASIONALE KOFFIEDAG

Vandag vier ons met trots Internasionale Koffiedag.

Met Kaavoet Koffie wat ‘n trotse Worcester-Noord produk is, kan ons nie anders as om die dag met ‘n heerlike koppie Kaalvoet Koffie te vier nie.

Met jaarafsluitings en Kersfees om die draai, stuur nou ‘n e-pos na [email protected] om jou Kaalvoet Koffie te bestel.

23/09/2026

GENIET DIE VAKANSIE NOORDJIES

Na ‘n bedrywige en suksesvolle derde kwartaal van 2026 staan ons met dankbare en baie trotse harte voor die skoolvakansie wat uiteindelik aangebreek het.

Ons wens vir elke Noordjie ‘n wonderlike vakansie toe. Mag almal veilig reis en terugkeer vir kwartaal vier.

Ons sê vir elke ouer, personeellid, borg, afrigter en leerder baie dankie vir ‘n kwartaal propvol hoogtepunte en geleenthede. Met 'n kwartaal wat passie, trots en die Noordjie-familie perfek uitbeeld, is ons opreg dankbaar vir elkeen wat saamgewerk het om hierdie kwartaal 'n reuse sukses te maak.

23/09/2026

TOTSIENS

Vandag groet ons twee wonderlike personeellede. Ons sê vandag vir juffrou Elizabeth van Zyl en juffrou Marisa Dirkse van Schalkwyk totsiens.

Juffrou Elizabeth het 'n WKOD-pos gekry en ons is saam met haar en haar gesin baie trots op haar! Dankie Elizabeth vir die oulike en mooi manier waarop jy ons graad drie Noordjies help vorm het. Dankie dat jou kreatiwiteit nooit vir enige iets terug staan nie. Ons gaan, onder andere, jou kalm radiostem verskriklik baie mis. Ons is dankbaar dat ons jou as deel van die Noordjie-personeel kon hê. Ons wens vir jou alle sterkte met die nuwe uitdaging wat voorlê toe. Mag jy daar waar jy gaan ook harte raak en glimlagte orals om jou agterlaat.

Juffrou Marisa, baie dankie dat jy bereid was om tydelik deel van ons Noordjie-personeel te kan wees. Dankie dat jy vir absoluut geen uitdaging terug gestaan het nie. Dankie dat jy nuwe idees, 'n pragtige laboratorium en lekker herinneringe agterlaat. Ons sien daarna uit om jou weer net in jou ouerskap hoedanigheid by WNPS te kan verwelkom.

Ons is dankbaar vir hierdie twee personeel en gaan hul teenwoordigheid by die Noordjie-personeel mis. Gelukkig is hul steeds deel van die Noordjie-familie!

23/09/2026

VEELS GELUK

Vandag vier ons een van WNPS se steunpilare se 50'ste verjaarsdae!
Baie geluk meneer Cornie Schoeman.

Vandag wens ons nie net vir meneer geluk nie, maar vier ook meneer se jare lange lojaliteit, omgee en toewyding tot die Noordjies. Meneer speel 'n rol in so baie mense se lewens en dit is vir ons 'n voorreg om nog 'n lewensjaar saam met meneer te kan vier.

Ons hoop hierdie lewensjaar wat voorlê is gevul met oorlopende seën, liefde en geluk.

21/09/2026

HOW "LOUW" CAN YOU GO?

Ons is bitter opgewonde om aan te kondig dat die kaartjies vir die Magda Louw "en haar Erhard", genaamd "How LOUW can you go?" alreeds 'n derde uitverkoop is!

Kaartjies vir hierdie vertoning wat op Donderdag, 5 November 2026 in WNPS se skoolsaal sal plaasvind het vandag oopgemaak. Deure open om 18:00 waar 'n kontantkroeg en verversings beskikbaar sal wees. Die vertoning begin 19:30 vir 20:00.

Kaartjies beloop vanaf R240 - R280 per persoon en is via Sticitt beskikbaar.
Volg die onderstaande skakel of skandeer die QR-kode om jou kaartjies te koop.
https://store.sticitt.co.za/LSWorcesterNoordKaartjies

Hier is 'n paar eenvoudige stappe wat jy kan volg om suksesvol jou kaartjies vir die vertoning te koop:
1. Kyk mooi na die vloerplan en selekteer die groep (A: ry A-D, B: ry E-K en C: ry L-O) waar u graag die vertoning wil kyk. Klik op daardie groep.
2. Klik op die sitpleknommer wat u graag wil koop en "add to order" (LW: kies asseblief u kaartjies reg, daar sal geen omruilings of terugbetalings kan wees nie. Die kaartjie gaan ook dan wys "no more stock available" omdat dit in u "cart" lê.)
3. Nadat u kaartjies in die "cart" lê, druk dan op "next" en vul u persoonlike besonderhede in.
4. Klik dan op “complete payment.”
5. U hoef nie geld op Sticitt te laai om kaartjies te koop nie en kan direk EFT, of indien u sou verkies uit u Sticitt-beursie koop.

Met die kaartjies wat só vinnig verkoop, sal jy moet vinnig spring om nie hierdie geleentheid mis te loop nie.

Sien JOU daar!

18/09/2026

ADRIHAN VILJOEN PRESTEER

Adrihan Viljoen het onlangs aan die CPL hokkietoernooi saam met die o. 12 Royals hokkiespan deelgeneem. Hierdie span het in die "bowl" afdeling met Adrihan as doelwagter gespeel.

Sy span het algeheel derde geëindig. Baie geluk Adrihan. Ons is baie trots op jou!