Bet-El Primêr Olifantsberg

🏐🏉 Sport teen WPS! 💙🤍

Wat ’n lekker sportdag! Vandag het ons leerders die geleentheid gehad om hul talent, spanwerk en sportmanskap op die veld te wys tydens ons wedstryde teen WPS. 🙌🏼

Ons O.9-netbal dogters het met trots en entoesiasme gespeel, terwyl ons O.9- en O.13-rugbyseuns hul alles op die rugbyveld gegee het! 🏐🏉🔥

Ons is ongelooflik trots op elke leerder wat deelgeneem het. Julle het gewys dat dit nie net oor wen gaan nie, maar oor deursettingsvermoë, spanwerk, respek en om jou beste te gee. ❤️

Ons is trots op julle!💙

🎉🎂 Gelukkige verjaarsdag, Caylon!🎂🎉

Vandag vier ons nie net nog ’n jaar van jou lewe nie, maar ook die waardevolle mens en kollega wat jy in ons skoolgemeenskap is. 🌷

Mag jou nuwe lewensjaar gevul wees met vreugde, liefde, goeie gesondheid, sukses en baie spesiale oomblikke. Dankie vir alles wat jy tot ons skool en ons span bydra. Ons waardeer jou en is dankbaar om jou deel van ons Bet-El Primêr-familie te hê! 💙

Geniet jou spesiale dag, Caylon! 🥳✨
Mag die jaar wat voorlê een wees om te onthou!🎈

Baie liefde van die Bet-El Primêr-span! ❤️

🏐💙 Netbaldag 2026!💙🏐

Wat ’n heerlike dag vol sport, spanwerk en pret!🌟

Vandag het ons die baan gedeel met Laerskool Breërivier, Wysersdrift en Lanner House by die pragtige bane van Lanner House. Ons is dankbaar vir ’n dag waar ons leerders kon meeding, nuwe vriendskappe kon bou en, die belangrikste, die liefde vir sport kon uitleef! 🏐👏

’n Groot dankie aan Lanner House vir die gasvryheid en aan al die skole vir ’n fantastiese dag! 💙

Saam speel ons, saam groei ons! 🌟🏐
Lanner House Independent School

KLEI, VERF EN ‘N HELE KLOMP KREATIEWE CHAOS🎨

Ons Graad 2- en 3-leerders het vandag hulle eie kleibakkies ontwerp en geverf… en kom ons sê maar net: Picasso het niks op hierdie klomp klein kunstenaars nie! 😜🎨

Met verf op die bakkies, verf op die handjies en moontlik ’n bietjie verf waar dit glad nie moes wees nie… het elkeen ’n unieke meesterstuk geskep! 😂🖌️

Geen bakkies lyk dieselfde nie – presies soos ons leerders! 💚

🌟 Graad R leer met handjies én harte! 🌟

Ons proefjuffrou, Charné, het vandag 'n wonderlike les in die Graad R-klas aangebied oor "My Lyfie en Liggaamsdele."👧👦

Die leerders het op 'n prettige en praktiese manier geleer van die verskillende liggaamsdele en daarna hul eie klei-mannetjies gebou om alles wat hulle geleer het, uit te beeld. 🧑🎨

Deur kreatiewe spel en praktiese aktiwiteite ontwikkel ons nie net kennis nie, maar ook fynmotoriese vaardighede, kreatiwiteit en selfvertroue.

Baie dankie aan Juffrou Charné vir haar entoesiasme en moeite om leer so lekker en betekenisvol te maak! 💙

🌸 Welkom by Bet-El Primêr, Juffrou Charne Jordaan! 🌸

Ons is baie opgewonde om Juffrou Charne Jordaan hierdie kwartaal by ons Bet-El familie te verwelkom as proefstudent in ons Graad R-klas.

Ons wens haar 'n leersame, geseënde en baie suksesvolle tyd by ons skool toe. Mag hierdie ervaring vol nuwe geleenthede, groei en mooi herinneringe wees. Baie welkom! 💙📚

‼️NEEM KENNIS OUERS‼️

🕯️ ONS INNIGE MEEGEVOEL 🕯️

🎯SPELETJIESDAG🎳

Na ‘n harde kwartaal het ons die laaste dag afgesluit met ‘n heerlike speletjiesdag.

Geniet die vakansie en veilig wees. Sien julle weer die 21ste Julie! 💚

🎂 JUFFROU MARZÉ VERJAAR 🎂

Vandag was daar groot opgewondenheid by die skool! Ons het kolwyntjies versier, gelag, gesels en saam partytjie gehou om ons geliefde skoolhoof se verjaarsdag te vier. 💕