Badisa Matzi-Care

02/10/2023

Spesiale verwelkoming aan ons nuwe kollegas by Badisa Matzi-Care 🙂

Elzadia Aspeling en Cecile Peterson.
Ons is bevoorreg om julle twee hier te hê by die Badisa Span. Hoop dat julle baie gelukkig sal wees by Badisa en ook 'n positiewe bydrae lewer aan die Gemeenskap.

Hartlik Welkom hier by ons.

19/09/2023

Vandag groet Badisa Matzi-Care Madeleine Steenkamp, Maatskaplike Werker by die Organisasie, na 28 jaar Diens. Voorwaar n mylpaal.

"Maatskaplike Werk is 'n Dinamiese beroep wat sosiale verandering, probleemoplossing in menseverhoudings en die bemagtiging en bevryding van mense bevorder om holisties welstand te bevorder"

Dankbaarheid is bittermin. Daarom, namens al die mense en gesinne wat jy al gehelp het, sê ons vir jou persoonlik DANKIE.

Sy was betrokke in die Gemeenskap en so ook met verskillende Oranisasies en Rolspelers, onder andere Departement Gesondheid.

Ons wens haar net voorspoed en seëninge toe op haar nuwe journey.

19/09/2023

Badisa Matzi-Care hou Vroueoggend op 16 September 2023 met Bekende Skrywer Ilse Verster by Lutzville NG Kerk.

Saal was vol gepak met Vroue in ons Streek, sover as Cederberg Streek, wat hierdie Spog geleentheid bygewoon het.

Ons wil graag almal bedank wat betrokke was by die Funksie. Baie Dankie ook aan Ilse Verster wat die vroue kon toespreek sy het almal wat die geleentheid bygewoon het se harte geraak. Dit was voorwaar n Gesëende Dag.

10/08/2023

Augustus is Barmhartigheidsmaand wat ons herinner aan wie ons heeljaar is – God se genademense. ❤️

08/08/2023

Kom en ondersteun ons by Badisa Matzi-Care in Lutzville op 16 September 2023. Met skrywer Ilse Verster van "So lyk 'n vrou...."

08/08/2023

08/08/2023

Nuwe Pos Beskikbaar by Badisa Matzi-Care Vanrhynsdorp - Maatskaplike Werker

25/07/2023

Nuwe pos beskikbaar - MAATSKAPLIKE HULPWERKER

02/06/2023

Tydens kinderbeskermingsweek het ons Badisa Kantoor Lutzville 'n program aangebied by Liewe Heksie Kleuterskool waar hulle gefokus het op die beskerming van kinders, onder leiding van Mev Elrise Bok.

Tydens Kinderbeskermingsweek val die klem op die bewusmaking van die regte van kinders soos uiteengesit in die Grondwet van die Republiek van Suid-Afrika en die Kinderwet (Wet No. 38 van 2005).

Mev Bok het gefokus op wat is kindermishandeling en waar kan hulle gaan aanklop vir hulp, sy het ook met die kinders gesels oor belangrike kwessies soos hoe om hulle liggame op te pas en ook dat hulle nie vreemdelinge moet vertrou nie.

Ons wil aan Liewe Heksie Kleuterskool baie dankie sê vir die geleentheid dat ons Kantoor betrokke kon wees by hul skool.

29/05/2023

Nasionale Kinderbeskermingsweek word jaarliks in die land herdenk om bewustheid te kweek van die regte van kinders soos verwoord in die Grondwet van die Republiek van Suid-Afrika en Kinderwet (Wet No. 38 van 2005).

Die veldtog word gelei deur die Departement van Maatskaplike Ontwikkeling in vennootskap met sleutelstaatsdepartemente en burgerlike organisasies wat kinderbeskermingsdienste lewer.

Die regering doen 'n beroep op alle Suid-Afrikaners om Kinderbeskermingsweek te ondersteun deur te verseker dat die mees kwesbares in ons samelewing nie misbruik word nie. Dit is in ons hande om die siklus van verwaarlosing, mishandeling, geweld en uitbuiting van kinders te stop.