Hoërskool Driehoek

Matriekraad 2027 | ’n Nuwe hoofstuk begin

’n Nuwe jaar. ’n Nuwe groep leerders wat die voorreg én verantwoordelikheid kry om voor te loop.

🟡🟣🟤 Vandag kondig ons met groot trots ons Matriekraad van 2027 aan.

Aan elkeen van julle: baie geluk!

Leierskap gaan nie bloot oor ’n titel, ’n kenteken of ’n posisie nie. Dit gaan oor die moed om voor te loop wanneer die pad onbekend is; die nederigheid om ander saam te neem; die karakter om die regte ding te doen wanneer niemand kyk nie; en die vermoë om ’n verskil te maak wat veel verder strek as jou eie matriekjaar.

Julle is nou deel van iets groter as julleself. Julle sal die mense wees wat herinneringe help skep, tradisies help vorm, stemme help dra en ’n nalatenskap help bou.

Mag julle leiding gee met integriteit, dien met deernis, droom met vrymoedigheid en altyd onthou dat ware leierskap nie daarin lê om bo ander te staan nie, maar om langs ander te staan en hulle op te lig.

🟡 Ons glo in julle.
🟣 Ons vertrou julle.
🟤 Ons sien uit na alles wat julle gaan vermag.

Matriekraad 2027: julle tyd is nou!
Mag julle hierdie hoofstuk met trots skryf… en mag julle aan die einde daarvan kan terugkyk en weet: ons het ’n verskil gemaak.

SEUNS
Marnus Bouwer
Marco Cordier
Wynand Du Plessis
Cohen Fotias
Landré La Grange
Shaylen Marimuthu
Songe Oyama Mehlomakhulu
Dylan Pretorius
Mareo Rossouw
JC Scholtz
Janco Snyman
JP Theron
Jeanré Van der Westhuizen
Fernando Van Rensburg
Brian Van Vuuren
Hennie Van Wyk

DOGTERS
Denise Bietje
Bea Burger
Mieke De Jager
Carli Ferreira
Danica Greyvensteyn
Aileen Mcpherson
Suhanri Miller
Suné Palm
Lené Pansegrouw
Megan Pretorius
Sjané Saayman
Timoné Scheuer
Amy Slabbert
Cailyn Stickling-Hayward
Ziané Van Aardt
Chenèl Verwey
Tinique Vrey

🟨🟪🟫 Dra die naam. Leef die waardes. Maak die verskil.

🟡🟣🟤 ’N AAND OM TE ONTHOU…

Dinsdag was ons Matriekafskeid-uitnodigingsfunksie.

Van elegante uitnodigings tot ’n spoggerige atmosfeer — ons matrieks het beslis gewys dat hulle presies weet hoe om so geleentheid binne te tree. 👑

Die groot aand lê nog voor en as Dinsdag enige aanduiding was van wat verwag kan word, gaan hierdie een wees vir die boeke!

🎓 Matriek 2026 — julle storie is besig om geskryf te word.

Skakel na nog foto's:
https://drive.google.com/drive/folders/107mxNWbSPfUViV43zonlxzvHjOZzKBfL

🟨🟪🟫 Vrydag was Hoërskool Driehoek behoorlik groen en goud geverf toe ons Hoekies hul Springboktrots uitgeleef het! 🇿🇦🏉

Van die oomblik wat die eerste leerders en personeel by die hekke ingestap het, was dit duidelik – die Bokke het ’n hele skool agter hulle! Groen truie, Springbok-rugbytruie, vlae, serpe en selfs kreatiewe uitrustings het oral gewys waar ons harte lê.

Dit is soveel meer as net ’n kleurtema. Dit gaan oor trots, eenheid en die gees wat Suid-Afrikaners bymekaar bring. Gister het ons weer beleef hoe ’n eenvoudige “Bok-Vrydag” ’n skool kan laat bruis van opgewondenheid, lag, kameraadskap en ongelooflike gees!

Aan elke leerder en personeellid wat moeite gedoen het om groen en goud aan te trek – BAIE DANKIE! Julle het gewys dat Hoërskool Driehoek nie net trots is op ons eie skool nie, maar ook met trots agter ons nasionale span staan.

Nou is dit tyd om die televisie harder te sit, die biltong reg te kry en saam met familie en vriende die manne in groen en goud te ondersteun! 📣🏉

🟨🟪🟫 Matriek Geesweek 2026

Net voor die rekordeksamen afskop het ons matrieks besluit om eers die stres vir ’n oomblik opsy te skuif en die skool behoorlik op te vrolik!

Elke dag het sy eie tema gehad, en soos altyd het ons matrieks uitgehaal en gewys dat hulle nie net hard kan werk nie, maar ook weet hoe om pret te hê!

🟫 Maandag: Trek soos ’n onderwyser van Hoërskool Driehoek aan.
🟫 Dinsdag: Adam Sandler-dag.
🟫 Woensdag: Pyjamadag – want slaap is tans ’n luukse!
🟫 Donderdag: Trek soos jou toekomstige beroep aan
🟩🟨Vrydag: Bok-Vrydag – trots in groen en goud om ons Springbokke te ondersteun!

Dankie aan ons ongelooflike matrieks vir die lag, die kreatiwiteit en die gees wat julle die hele week gebring het. Julle het herinneringe geskep wat nog lank onthou sal word!

Nou is dit tyd om die fokus te verskuif na die rekordeksamen. Ons glo in elkeen van julle en wens julle alle sterkte toe! Werk hard, glo in jouself en onthou: hierdie is net nog ’n tree nader aan die eindstreep. 🎓

Baie geluk aan Lizl Fourie, Graad 12! 🟡🟣🟤

Lizl het ’n uitstekende prestasie behaal deur onder die Top 20 in die ATKV Afrikaanse Olimpiade te eindig met ’n indrukwekkende 79,33%.

Ons is HOEKIE-trots op jou!

Baie geluk, Lizl!

🐾💛 JOSHUA GIRLS & BOYS GEE OM VIR ONS Viervoetige VRIENDE! 💛🐾

Die Joshua Girls & Boys van Hoërskool Driehoek het besluit om hierdie keer ’n helpende hand uit te reik na van ons gemeenskap se mees kwesbare diere. 🐶❤️

Op Woensdag 5 Augustus het die Joshua Girls hul kreatiwiteit en liefde vir diere ingespan en heerlike tuisgemaakte hondebeskuitjies gebak. 🦴👩‍🍳

Daarna het die Joshua Girls én Joshua Boys saam die lekkernye na VAAL PETS geneem, waar hulle die geleentheid gehad het om tyd saam met die honde deur te bring, hulle te bederf met varsgebak en hope aandag. 🐕🥰

Die leerders het dit ongelooflik baie geniet en terselfdertyd baie geleer oor die verantwoordelikheid wat gepaardgaan met die versorging van diere in ’n skuiling. Dit was beslis nie maklik om van ons nuwe, harige vriende afskeid te neem nie! 🥹🐾

Ons hoop om hulle baie gou weer te besoek.

Ons wil ook graag erkenning gee aan VAAL PETS vir die wonderlike werk wat hulle elke dag met die diere doen. ❤️ Die honde hier word met groot liefde en sorg behandel, maar met soveel diere wat hulp nodig het, is die koste om in al hulle behoeftes te voorsien, enorm.

🙏🏼 Gemeenskapsondersteuning maak daarom ’n reuse verskil. Elke skenking, elke sak kos, elke kombers en elke bietjie tyd kan help om ’n dier se lewe te verryk.

🐾Saam kan ons ’n verskil maak!🐾

🟡🟣🟤 Baie geluk aan Kayla Heyns, Graad 8, met haar uitstekende prestasie!

Kayla is gekies om die SANESA Gauteng-span te verteenwoordig by die SANESA Nasionale Kampioenskappe, wat van 24 tot 27 September plaasvind.

Hierdie besondere prestasie is die beloning vir haar harde werk aan hierdie ruitersport.

Ons is HOEKIE-trots op jou en wens jou alle sterkte toe terwyl jy Gauteng op nasionale vlak verteenwoordig!

🟡🟣🟤 Ons Hoekie Cheerleaders het Woensdagaand die verhoog behoorlik laat lewe kry tydens die 90.6 Cheer Off waar hulle met ongelooflike energie, presisie en spanwerk die beoordelaars én skare beïndruk het!

Met HOEKIE-trots kan ons aankondig dat ons meisies as die WENNERS gekroon is en die 1ste plek losgeslaan het! 🏆

Hierdie oorwinning is die resultaat van ure se harde werk en ontelbare oefensessies. Agter elke glimlag lê daar opoffering en ’n span wat mekaar onvoorwaardelik ondersteun!

’n Opregte woord van dank aan ons afrigters en ondersteuners wat elke tree van die pad saam met die span stap. Julle leiding, aanmoediging en geloof in hierdie groep maak ’n wêreld se verskil!

Aan ons cheerleaders:
Julle het elke Hoekie ongelooflik trots gemaak!💛💜

Baie geluk met hierdie fantastiese prestasie! Mag hierdie net die begin wees van nóg groter hoogtes.