PeuterLand KleuterSkool-Amptelik

Alle inligting is op die advertensie. Volg die instruksies op die advertensie..

VOORBEREIDING VIR ONS WÊRELD ATLETIEK KAMPIONSKAAP...

Gemeenskapsklag en Beroep

Ons is diep bedroef en hartseer oor die lasnag se inbraak by ons ECD-sentrum. Hierdie plek is nie net ’n gebou nie – dit is ’n veilige hawe waar ons kinders daagliks leer, groei en versorg .Wanneer dit beskadig en geskend word, is dit ons kinders wat die grootste verlies ly.

Ons doen ’n ernstige beroep op die gemeenskap van Louisvale Weg om saam met ons te staan. Laat ons beskerm wat aan ons almal behoort. Ons skole, sentrums en gemeenskapsruimtes is daar vir die toekoms van ons kinders, nie om vernietig te word vir korttermyn-gewin nie.

Ons vra die gemeenskap om waaksaam te wees, verdagte aktiwiteite aan te meld en te help om diegene wat ons plekke beskadig en beroof, aanspreeklik te hou....

😴✨ Pyjamadag Pret! ✨😴

By Peuterland kom niemand “netjies” nie,
ons dra vandag slaapklere met trots, sien jy!
Met bere, dinos en pantoffels wat piep,
spring ons, lag ons – en niemand wil slaap nie! 😂🎉

🌟 Vaderdag Boodskap van PeuterLand Kleuterskool 🌟

Op hierdie Vaderdag wil ons by PeuterLand Kleuterskool 'n groot dankie sê aan al die wonderlike pa’s – dié wat biologies is, dié wat gekies het om pa te wees, en dié wat elke dag hul liefde en leiding gee aan ons kinders. 💙

’n Pa se teenwoordigheid in die vroeë jare van ’n kind se lewe is van onskatbare waarde. Dit is in daardie speelse oomblikke, daardie sterk arms van beskerming, en daardie sagte woorde van bemoediging waar kinders leer wat liefde, sekuriteit en vertroue werklik beteken. 👨‍👧‍👦✨

Dankie dat julle:
saam boublokke pak en drome bou 🧱
stories vertel wat harte laat glimlag 📖
leer om vas te hou én om vlerke te gee 🕊️

Vandag vier ons die superhelde sonder kappies – dié wat in die oggende saam bid, in die aande kom groet, en in die stil oomblikke wys: “Ek is hier vir jou.”

Mag elke pa weet: Jy maak 'n verskil. Jou liefde plant wortels. Jou voorbeeld wys die pad. 💫

💙 Gelukkige Vaderdag!
Met liefde,
Die PeuterLand Kleuterskool familie 🌈

🌭🔥 Braaivleis! Braaivleis! Braaivleis! 🔥🌭

Peuterland Kleuterskool nooi julle almal hartlik uit na ons braaivleisverkoping op 27 Junie 2025 vanaf 10:00 by die skool op Louisvaleweg.
Vir net R80 per bord kry jy ‘n lekker bord vol liefde en kole-geheime!

❤️ Kom eet, lag en ondersteun ons kleingoed se groot drome.
Moenie ‘n silly sausage wees nie... kom help ons kindertjies se chops groei!

Ons leer, ons groei... en ons braai! 😄

🎓 Juffrou White – 5 Jaar Groep én Prinsipaal Extraordinaire!
Dis ’n voël! Dis ’n vliegtuig! Nee – dis Juffrou White wat met superspoed tussen klaskamers en kantoor beweeg! Sy hou haar 5-jariges slim, gereed vir “groot skool”, en bestuur terselfdertyd die hele PeuterLand met liefde, wysheid en 'n skeut koffie. ☕🦸‍♀️

🎈 Juffrou Duiker – Die Energiebondel van die 4 tot 5’s
As jy d**k jy het energie, ontmoet Juffrou Duiker! Sy dans saam met die kinders, klim saam in die speelhoek en bou toringe hoër as die Eiffeltoring (ok, amper)! Elke dag is 'n avontuur in haar klas – en niemand wil ooit huis toe gaan nie! 🏰🕺

🧸 Juffrou Esau – Die 3 tot 4 Jaar Wonderwerker
In haar klas is geen oggend ooit vervelig nie! Juffrou Esau kan binne 3 sekondes 'n traan verander in ’n lagbui – en sy kan 12 kinders se name onthou terwyl sy verf, sing én ’n storie lees. Hoe doen sy dit? Dis ’n geheim wat net superhelde ken! 🎨✨

👶 Juffrou Van Wyk – Baba Klas Koningin
Waar daar 'n bottel is, is daar 'n baba... en waar daar 'n baba is, is Juffrou Van Wyk met 'n warm glimlag en ’n magic touch! Sy verstaan baba-praat beter as Google Translate en sing "Twinkle Twinkle" met die passie van 'n opera-ster! 👼🎶