24/09/2026
- MEJ. VELTIELAND 2026 -
Mej. Veltieland se g***sryke kroningsaand, wat op 22 September 2026 plaasgevind het, was ’n besondere aand vol g***s, kreatiwiteit en hart. Met vanjaar se tema, “Glinster, die unieke Jy...”, het die finaliste behoorlik op die verhoog geglinster en geskitter, en elkeen het op haar eie unieke manier haar persoonlikheid en kreatiwiteit ten toon gestel.
Die meisies het die gehoor betower met hul kreatiewe eie ontwerpe, waarna hulle die verhoog in asemrowende aandrokke betree het. Die betowerende aandrokke is spesiaal ontwerp deur die talentvolle ontwerper Lee-Ann Roets Momberg van Chosen Clothing en het die g***sryke aand perfek afgerond.
Een van die groot hoogtepunte van Mej. Veltieland is steeds die geleentheid om ’n verskil in ander se lewens te maak. Die finaliste het vanjaar weereens bewys dat ware skoonheid veel verder as die oog strek deur ’n ongelooflike R150 000 vir liefdadigheid beskikbaar te stel. ’n Besonderse woord van dank gaan aan Standard Bank Upington vir hul ruim skenking en ondersteuning, wat gehelp het om hierdie belangrike doel te verwesenlik.
Baie dankie ook aan Betty van der Walt en Carolina Schlechter van Ingeven vir die pragtige aandrok van Mej. Veltieland 2025, Ruhane Combrinck. Julle talent, moeite en ondersteuning word opreg waardeer.
Die aand is verder verryk deur ’n besonderse optrede deur die gaskunstenaar Leah, wat die gehoor met haar talent vermaak het.
’n Groot dankie aan elke borg, ondersteuner, ouer en persoon wat agter die skerms gewerk het om hierdie onvergeetlike aand moontlik te maak. Groot dank aan Karine Stolper van KSD vir die afrigting van die 10 finaliste, en aan Juffrou Isebel Hattingh vir die organisering van die aand en liefdadigheidsgeleentheid. Sonder julle ondersteuning en harde werk sou ’n geleentheid soos Mej. Veltieland nie moontlik wees nie.
’n Spesiale woord van dank gaan ook aan Danel du Plessis en Bardine Kuhn van Smaak en Styl Funksie Koördineerders vir die betowerende en stylvolle saal, asook die smaakvolle verversings wat die aand ekstra spesiaal gemaak het.
Aan elkeen van vanjaar se finaliste – julle het elkeen op jul eie unieke manier geglinster en geskitter. Mag julle altyd onthou dat ware skoonheid daarin lê om jouself te wees, jou lig te laat skyn en ’n verskil in ander se lewens te maak.
Toekennings van die aand:
Model van die aand: Emily van As
Mej. Persoonlikheid: Denike Jansen van Vuuren
Mej. Wederliefdheid: Anchen Roos
Mej. Debutante: Marquerite Swart
Mej. Fotogenies: Maria Spangenberg
2de Prinses: Madelein Kotze
1ste Prinses: Marquerite Swart
Mej. Veltieland 2026: Emily van As
Baie geluk aan elkeen van die finaliste! Julle is elkeen ’n wenner op jul eie unieke manier. Hou aan om te glo, te droom en – heel belangrik – te glinster as die unieke Jy!
