30/09/2026
🏏 Brandwag se Eerste XI – Punt Kriekettoer, Mosselbaai
Brandwag Hoërskool se Eerste XI het aan die Punt Hoërskool Krieketfees in Mosselbaai deelgeneem. Die span het gedurende die toer onder uitdagende weersomstandighede waardevolle kompeterende krieket gespeel en goeie individuele en spanprestasies gelewer.
Vrydag – 25 boulbeurte
Die toer het Vrydag afgeskop met ’n verkorte 25-beurt-wedstryd teen Hoërskool Hermanus, nadat die weerstoestande die wedstryd verkort het.
Brandwag het eerste gekolf en 129 lopies aangeteken. Austin de Wet het met ’n knap 35 lopies van 40 b***e die voortou geneem, terwyl Divan Kotze 27 van 21 b***e en André Swanepoel 20 van 24 b***e bygedra het.
Met die bal het CJ Snyman ’n sterk vertoning gelewer met 2/16, terwyl Rudolf Goldschagg 1/12 en André Swanepoel 1/17 geneem het.
🏆 Wenner van die wedstryd: Hoërskool Hermanus
Saterdag – 25 boulbeurte
Saterdag se wedstryd is onder uiters mistige toestande gespeel, wat die spelers voor ’n besondere uitdaging gestel het.
Brandwag het eerste gekolf en 113 lopies aangeteken. CJ Snyman het die beurt met ’n waardevolle 33 lopies van 36 b***e geanker, met Hiren van Loggerenberg wat 30 van 40 b***e aangeteken het. Divan Kotze het verder 15 lopies van 15 b***e bygedra.
Die Brandwag-boulers het daarna uitstekend gevaar. Danrich Ingram het 3/14 geneem, Divan Kotze 3/23, en Austin de Wet het 2/25 bygedra.
Brandwag het met ’n sterk spanpoging die oorwinning beklink.
🏆 Wenner van die wedstryd: Brandwag Eerste XI
Maandag – T20
Die toer is Maandag afgesluit met ’n T20-wedstryd teen Hoërskool Punt.
Punt het eerste gekolf en 102/5 aangeteken. Brandwag se boulers het die druk goed gehandhaaf, met Divan Kotze wat 2/14 geneem het. Danrich Ingram en Danté Erasmus het elk ’n paaltjie geneem.
Brandwag het daarna ’n kalm en doelgerigte lopiejaagtog gelewer en 103/6 in 16 boulbeurte aangeteken. Divan Kotze het 22 van 23 b***e aangeteken, terwyl Hiren van Loggerenberg onoorwonne op 17 van 18 b***e geëindig het. Austin de Wet het 15 van 14 b***e bygedra.
🏆 Wenner van die wedstryd: Brandwag Eerste XI
🏏 ’n Spesiale mylpaal
Die toer het ook ’n besonderse mylpaal vir Austin de Wet en Joshua Badenhorst ingesluit. Albei spelers het tydens die toer hul 50ste cap vir die Brandwag Eerste XI ontvang.
Dit is ’n besondere prestasie wat hul toewyding, volgehoue betrokkenheid en bydrae tot die Eerste XI erken.
Die Punt Krieketfees was ’n waardevolle geleentheid vir die Brandwag Eerste XI om kompeterende krieket te speel, onder uitdagende omstandighede aan te pas en as ’n span verder te groei. Die spelers het deurgaans vasberadenheid, karakter en spangees getoon.
