Hoërskool Frikkie Meyer

08/09/2026

KRIEKET

Frikkie Meyer se Eerstespan speel op Maandag, 7 September teen Hoërskool Ellisras tuis. Na n teleurstellende uitslag teen Hoërskool Nylstroom die afgelope naweek veg die seuns terug met n ongelooflike goeie wedstryd teen Ellisras.

Ons wen die loot en besluit om eerste te boul. HJ Koekemoer was uitstekend met die bal en neem 4 paaltjies vir slegs 11 lopies. MJ Kloppers neem 3 paaltjies vir 19 lopies en Ruan van Deventer 2 paaltjies vir 17 lopies. Met uitstekende veggees haal ons vir Ellisras uit vir slegs 67 lopies.

Stefan Davel was verwoestend met die kolf en slaan 52 lopies van 18 b***e nie uit nie. Kevin Scheepers vul hom baie mooi aan met 17 lopies nie uit nie. HFM wen die wedstryd met 10 paaltjies.

08/09/2026

NETBAL | LIMPOPO FAST FIVE

HFM se netbal het die afgelope naweek aan die Limpopo Fast Five in Pietersburg deelgeneem, waar ons met vier spanne verteenwoordig is.

Ons dogters het baie goed gevaar en met goeie gees, energie en deursettingsvermoë gespeel. Dit was ’n sterk afsluiting van ’n lang en harde netbalseisoen.

Baie geluk aan elke speler met julle toewyding deur die seisoen en die trots waarmee julle HFM verteenwoordig het. Ons is baie trots op julle!

08/09/2026

SEWESRUGBY | PHS BLITZFEES

Ons o.15- en o.17-sewesspanne het die afgelope naweek aan die PHS Blitzfees deelgeneem en HFM met groot trots verteenwoordig.

Albei spanne het vier wedstryde gespeel en elk twee wedstryde gewen en twee verloor. Daarna het beide die o.15- en o.17-span tot die Bowl-halfeindstryd deurgedring, waar hulle ongelukkig uitgeskakel is.

Die o.17-span het uiteindelik 8ste uit 16 spanne geëindig, terwyl die o.15-span ’n uitstekende 7de plek uit 16 spanne behaal het.

Baie geluk aan al ons spelers met julle harde werk, deursettingsvermoë en goeie sportmanskap. Dankie vir die trots waarmee julle HFM op en van die veld verteenwoordig het.

Ons sien nou uit na komende Saterdag, wanneer ons ons eie Ysterberg 7’s aanbied! Kom geniet die dag saam met ons, bring die gees en ondersteun ons spelers langs die veld.

08/09/2026

HOKKIE | Bergsig 5’s toernooi

Ons o.15- en o.17-hokkiespanne het op 5 September aan ’n opwindende wedstryddag deelgeneem en HFM met trots verteenwoordig.

Die o.15-span het sterk vertoon:
• Wen 3-0 teen Lichtenburg
• Verloor 0-1 teen Harties
• Gelykop 0-0 teen Wagpos
• Wen 5-0 teen Bergsig

Die o.17-span het ook puik wedstryde gespeel:
• Wen 8-0 teen Grenville
• Verloor 0-3 teen Lichtenburg
• Wen 9-1 teen Lebone
• Verloor in die halfeindstryd teen Bergsig ná ’n spannende sudden death

Baie geluk aan al ons spelers met julle harde werk, deursettingsvermoë en goeie sportmanskap. Dankie ook aan almal wat agter die skerms gehelp het om die dag moontlik te maak.

08/09/2026

YSTERBERG 7’s | RUGBY DAY

Die Ysterberg 7’s is om die draai, en Hoërskool Frikkie Meyer maak gereed vir ’n dag propvol vinnige rugby, groot gees en lekker kuier!

Met 11 deelnemende skole kan rugbyliefhebbers uitsien na ’n aksiebelaaide dag op die veld. Vir besighede, groepe of ondersteuners wat die dag op ’n bietjie meer eksklusiewe manier wil beleef, is daar ook twee sportlosies beskikbaar met ’n uitsig oor die rugbyveld.

🏟️ Sportlosie: R10 000 per losie
Maksimum 20 persone. Name van gaste moet vooraf bevestig word.

HFM verskaf gedurende die dag ’n ontbytplatter, ’n ligte gemengde middagplatter, asook coolboxes met water en koeldrank. Parkering op die terrein en toegang tot die dag is ook ingesluit.

🚫 Neem asseblief kennis dat die sportlosies ’n alkoholvrye area is.

Dit beloof om ’n besondere dag van skolesport, goeie geselskap en pure rugby hier aan die voet van Ysterberg te wees. Moenie uitmis nie! 🏉🔥

📅 12 September
📞 Anneke: 061 086 3374
📧 [email protected]

08/09/2026

DOGTERSKRIEKET

Ons 1ste Dogterskrieketspan het Dinsdag, 1 September, weg teen Hoërskool Nylstroom gespeel en ’n uitstekende oorwinning behaal.

Nylstroom het eerste gekolf en is vir 111 lopies uitgeboul. Die Frikkie-boulers het sterk vertoon, met Micka Röhrs wat 3 paaltjies vir 15 lopies geneem het, Deanette Benade 3 paaltjies vir 20 lopies en Nicole Terblanche 2 paaltjies vir 26 lopies.

Met die kolf het HFM die teiken met selfvertroue aangepak en 114 lopies vir die verlies van slegs 5 paaltjies aangeteken. Mahlako Mamabolo het ’n skitterende b***t van 68 lopies nie uit nie gespeel. Nicole Terblanche het 13 lopies bygedra, terwyl Suzaan Bekker met 10 lopies nie uit nie gehelp het om die oorwinning huis toe te bring.

HFM wen die wedstryd gemaklik met 5 paaltjies.

Baie geluk aan ons dogters met ’n puik spanpoging! Ons is trots op julle!

08/09/2026

NETBAL NIGHT LEAGUE 2026

Die tyd het aangebreek vir HFM se jaarlikse Netbal Night League! 🔥

Ons nooi besighede, vriendegroepe, families en netbal-entoesiaste om ’n span bymekaar te kry en saam met ons die baan aan die brand te speel. Almal is welkom, jonk of oud!

📅 8 & 15 September 2026
⏰ Wedstryde begin 17:30
💰 R1 500 per span

Verwag lekker kompetisie, hope gees en natuurlik baie pret!

📞 Skryf jou span nou in deur Anmarie by 073 412 2426 te kontak vir verdere inligting.

Kry jou span reg, trek jou tekkies styf en kom speel saam!

08/09/2026

08/09/2026

DOGTERSKRIEKET

Ons stel met trots ons Dogterskrieketspan bekend!

Hierdie groep Frikkie-dogters is gereed om die kolf te swaai, paaltjies te laat spat en HFM met trots op die krieketveld te verteenwoordig.

Ons sien uit daarna om hulle hierdie seisoen dop te hou en wens elke speler baie sterkte toe. Speel met selfvertroue, speel vir mekaar en geniet elke oomblik!

05/09/2026

GRAAD 11 GASVRYHEID PAT

Ons Graad 11 Gasvryheidstudies-leerders het hierdie week ’n besonder smaaklike High Tea aangebied. Van mooi voorbereide lekkernye tot hul nou reeds beroemde sampioensop, wat hope komplimente ontvang het. Dit ’n groot sukses!

Baie geluk aan ons Graad 11’s met ’n pragtige en smaakvolle aanbieding.