Hoërskool Jan van Riebeeck

Hoërskool Jan van Riebeeck Die amptelike FB-bladsy van Hoërskool Jan van Riebeeck. Die gevolge van orde 11 van 1912 (beginsel van moedertaalmedium is voorwaardelik aanvaar en C.J.

Anders as soveel ander skole, is die ontstaan van Hoërskool Jan van Riebeeck te danke aan 'n volkstryd - 'n taalstryd geveg deur die Afrikaanssprekende volksleiers aan die begin van die twintigste eeu. Met die oorname van die Kaap deur die Engelse in die begin van die negentiende eeu, het daar in ons land 'n kultuur en taalstryd ontstaan wat ook in die onderwys weerspieël is, die stryd van die A

frikaner om behoud van sy eie taal in sy eie skool. Langenhoven se aandeel om Hollands met Afrikaans te vervang as voertaal in laerskole het die weg gebaan tot die ontstaan van die Hoërskool Jan van Riebeeck. In 1925 het die parlement Afrikaans as tweede amptelike landstaal aanvaar. In 1921 is Laerskool Jan van Riebeeck gestig met Afrikaans as voertaal en vyf jaar later is die Hoërskool Jan van Riebeeck onder voorsitterskap van dr. D.F. Malan op 6 Mei 1926 gestig. Vandag analiseer die Hoërskool Jan van Riebeeck jaarliks die veranderende behoeftes van die ouers en leerders om handskoenpas-oplossings vir elke opvoedkundige behoefte te bied. Omdat ouers ons grootste vennote en leerders ons grootste bate is, strewe ons elke jaar om jou beste vennoot in onderrig en opvoeding te wees, om jou te inspireer tot hoogtes wat jou verbeelding sal aangryp en jou entoesiasties en doelgerig te laat uitsien na die res van jou lewe. Hierdie uitnemende tradisionele Afrikaanse skool is bekend en ryk aan sy besonderse akademiese standaarde en prestasies, diversiteit en volgehoue prestasie in kultuurverenigings asook sportfasiliteite met geen gelyke wat ‘n ongekende verskeidenheid van sportsoorte onder leerders ontwikkel. Nasorg fasiliteite word geskoei op akademiese stimulasie en verryking, asook stylvolle en goedgebalanseerde opgegradeerde koshuise teen die hange van Leeukop en in die nek van Tafelberg maak nog meer geleenthede moontlik vir jong dinamiese Jan van Riebeeckers. Dit is ook hier waar elke leerder daagliks deel in Afrikaanse en Suid-Afrikaanse erfenis soos Die Welgemeend kultuursentrum (oudwoning van Jan Hendrik Hofmeyer) en die Boerneef versameling. Met sy leuse, “Wees uself” is dit die skool wat ‘n gebalanseerde uitkyk op sosiale ontwikkeling nastreef deur die erkenning, stimulering en uitbouing van elke individu se talente, passies en drome.

15 DAE OM TE GAAN!Die groot aftel na 2026 op 22 September het begin! Vandag stel ons bekend:Nicolaas Grütter en Mia Cr...
07/09/2026

15 DAE OM TE GAAN!

Die groot aftel na 2026 op 22 September het begin!

Vandag stel ons bekend:
Nicolaas Grütter en Mia Cruywagen

Wie gaan jou gunsteling wees?
Volg die finaliste se reis en identifiseer jou gunstelingdeelnemer!

Nikolaas en Mia, baie voorspoed met die kompetisie!
Geniet elke oomblik en maak baie herinneringe!

Baie geluk aan Jeanne Koen, Karu Rademeyer en Daniella Boshoff wat gisteraand 'n 3de plek in die provinsiale Talento-san...
06/09/2026

Baie geluk aan Jeanne Koen, Karu Rademeyer en Daniella Boshoff wat gisteraand 'n 3de plek in die provinsiale Talento-sangkompetisie behaal het!

Dié drie graad 9-dogters het deurgedring na die finaal in die trio-afdeling en ons baie trots gemaak met hul puik sang en verhoogpersoonlikheid.

Baie geluk, Jan van Riebeeckers - ons is besonder trots op jul!

𝐏𝐮𝐢𝐤 𝐧𝐮𝐮𝐬!𝐎𝐧𝐬 𝐨.𝟏𝟓-𝐧𝐞𝐭𝐛𝐚𝐥𝐬𝐩𝐚𝐧 𝐯𝐞𝐫𝐨𝐰𝐞𝐫 𝐬𝐢𝐥𝐰𝐞𝐫 𝐛𝐲 𝐠𝐞𝐬𝐨𝐠𝐭𝐞 𝐌𝐚𝐫𝐢𝐮𝐬 𝐒𝐜𝐡𝐨𝐞𝐦𝐚𝐧 𝐅𝐚𝐬𝐭 𝟓-𝐭𝐨𝐞𝐫𝐧𝐨𝐨𝐢!’n Groot gelukwensing aan ons o....
06/09/2026

𝐏𝐮𝐢𝐤 𝐧𝐮𝐮𝐬!

𝐎𝐧𝐬 𝐨.𝟏𝟓-𝐧𝐞𝐭𝐛𝐚𝐥𝐬𝐩𝐚𝐧 𝐯𝐞𝐫𝐨𝐰𝐞𝐫 𝐬𝐢𝐥𝐰𝐞𝐫 𝐛𝐲 𝐠𝐞𝐬𝐨𝐠𝐭𝐞 𝐌𝐚𝐫𝐢𝐮𝐬 𝐒𝐜𝐡𝐨𝐞𝐦𝐚𝐧 𝐅𝐚𝐬𝐭 𝟓-𝐭𝐨𝐞𝐫𝐧𝐨𝐨𝐢!

’n Groot gelukwensing aan ons o.15A-netbalspan met hul welverdiende silwer medalje gister by die Marius Schoeman Fast 5-toernooi, aangebied deur Paarl Gimnasium!

Dit was ’n ongelooflike mooi en naelbyt-eindstryd - ook teen die gashere - om te aanskou, en ons is ongelooflik trots op elke speler!
Teen die einde van die derde kwart van die Finaal, was die telling steeds 13-13, maar ons moes in die laaste 5 minute die knie buig teen dié sterk Paarlse netbalreus.

Top 3!
1. Paarl Gimnasium A
2. Jan van Riebeeck A
3. Parel Vallei A

Geluk ook aan die ander 5 skole wat tydens die uitspeelrondes in die Top 8 geëindig het:

Durbanville A, Stellenberg B, Hoër Meisieskool Paarl A, Hoër Meisieskool Paarl B, Charlie Hofmeyr A

Aan die spelers: Baie dankie dat julle julself deurgaans so goed gedra het en mekaar ondersteun het. Ons hoop van harte dat hierdie ervaring vir julle net so positief en genotvol was soos wat dit vir ons en die afrigters was.

Baie dankie aan al die afrigters,
'Coach' Kurt en Billy, en spanbestuurder, me. De Villiers, vir ’n uitstekende spanpoging. Julle samewerking en toewyding op alle vlakke word opreg waardeer!

Aan ons ouers: Soos altyd is julle ’n ongelooflike ondersteuningsisteem vir al hierdie meisies. Ons waardeer werklik alles wat julle doen – van ’n sakkie ys of ’n koppie koffie tot die dra van ’n speler teen die bult uit om behandeling te ontvang. Dit is die klein én groot dinge wat ’n verskil maak, en ons is opreg dankbaar vir elkeen van julle.

Ons wil ook graag vir EMMA SNIJDERS gelukwens met haar verkiesing as Speler van die Toernooi in die o.15-afdeling!

Emma, ons is ongelooflik trots op jou. Jou toewyding, harde werk en onwrikbare verbintenis tot die spel is werklik inspirerend!

Die komende week gaan ons voorberei vir die Wes-Kaapse Skole Fast 5-eindstryde volgende naweek in Somerset-Wes.
Ons o.15- en o.17-spanne gaan beide hard baklei vir ’n geleentheid om hul plek by die Nasionale Kampioenskappe te verseker.

Baie geluk, Jan van Riebeeckers - ons bars van die trots!

Ons kroon graag ons beoordelaarspaneel vir 2026 met ’n ongelooflike naam… DANIAH DE VILLIERSDaniah is ’n Suid-Afrikaa...
05/09/2026

Ons kroon graag ons beoordelaarspaneel vir 2026 met ’n ongelooflike naam…

DANIAH DE VILLIERS

Daniah is ’n Suid-Afrikaanse aktrise, sangeres en kreatiewe kunstenaar wat al sedert die ouderdom van 12 professioneel in die vermaakbedryf werk. Sy het internasionale bekendheid verwerf as die hoofrolspeler in Mia and the White Lion – ’n rol wat vereis het dat sy drie jaar lank saam met ’n regte leeu moes verfilm. Dis nie net dapper nie, dis suiwer toewyding.

Haar lewensdroom is eenvoudig, maar kragtig: om haar lewensreis rêgtig te geniet, voluit en goed te leef, leeus lief te hê – en beste JY moontlik te wees.

Sedert haar groot deurbraak het Daniah ’n indrukwekkende portefeulje van beide Suid-Afrikaanse en internasionale rolprent- en televisieprojekte opgebou, insluitend Redeeming Love, The Dating Game Killer, Desert Rose, Binnelanders en Die Kantoor. Met ’n passie vir storievertelling en kreatiwiteit, soek en skep sy aanhoudend nuwe geleenthede regoor die vermaak- en kreatiewe bedrywe.

Dit is presies hoekom ons só opgewonde is om haar by JanStyl 2026 te verwelkom:
iemand wat nie net styl sien nie, maar ’n storie agter elke gesig, elke uitrusting en elke droom raaksien.

Welkom by 2026, Daniah – ons kan nie wag om saam met jou die kreatiewe wêreld van ons deelnemers te ontdek.

Ons is trots en opgewonde om ons tweede beoordelaar vir 2026 aan te kondig: GERT DU PLESSISGert is dalk ’n nuweling o...
04/09/2026

Ons is trots en opgewonde om ons tweede beoordelaar vir 2026 aan te kondig:

GERT DU PLESSIS

Gert is dalk ’n nuweling op TV, maar hy het binne rekordtyd in kykers se harte gekruip. Hy het onlangs die land as Joubert, die geliefde polonieverkoopsman in die trefferreeks, 'Die Kantoor' vermaak.

Maar agter die skerms is Gert veel meer as net ’n snaakse karakter:
Hy het sak en pak van Pretoria Kaap toe getrek om sy droom as akteur na te jaag. Hy wéét hoe dit voel om alles op die spel te sit, om te waag, om ’n kans te vat – nét sodat jy eg aan jouself kan bly.

Dis presies die gees wat ons by vier:
- Moed om anders te wees
- Styl wat uit jou storie gebore word
- Eerlikheid en egtheid bo façade

Met Gert op ons beoordelaarspaneel kry deelnemers nie net ’n vars, jong perspektief nie, maar ook iemand wat daarin glo om op jouself te waag.

19 DAE OM TE GAAN!Die groot aftel na 2026 op 22 September het begin! Vandag stel ons bekend:Logan Mc Callaghan en Lara...
03/09/2026

19 DAE OM TE GAAN!

Die groot aftel na 2026 op 22 September het begin!

Vandag stel ons bekend:
Logan Mc Callaghan en Lara Basson

Wie gaan jou gunsteling wees?
Volg die finaliste se reis en identifiseer jou gunstelingdeelnemer!

Logan en Lara, baie voorspoed met die kompetisie!
Geniet elke oomblik en maak baie herinneringe!

52 Jan van Riebeeckers in graad 8 en 9 het vanjaar vir die nasionale ATKV Afrikaans Huistaal-olimpiade ingeskryf en dit ...
02/09/2026

52 Jan van Riebeeckers in graad 8 en 9 het vanjaar vir die nasionale ATKV Afrikaans Huistaal-olimpiade ingeskryf en dit vandag afgelê.

Ons sien weer uit na mooi uitslae deur ons juniors!

Baie geluk aan Caleb Swart, Rhakeem Hendriks-Wagenaar en Chelsé Louw wat aan die 2de ronde van die FAK Geskiedenisolimpi...
02/09/2026

Baie geluk aan Caleb Swart, Rhakeem Hendriks-Wagenaar en Chelsé Louw wat aan die 2de ronde van die FAK Geskiedenisolimpiade in die Paarl deelgeneem het.

Ons is besonder trots daarop dat al drie leerders onder die top 3 in hul onderskeie grade in die Wes-Kaap geëindig het.

’n Spesiale gelukwensing aan Chelsé Louw, wat as die algehele wenner van Graad 8's in die Wes-Kaap aangewys is!

Die kompetisie het van deelnemers vereis om ’n opstel te skryf, ’n video te vervaardig en ’n aanlyn toets te voltooi. Chelsé se bekroonde video het die geskiedenis van Welgemeend, die ikoniese historiese gebou op ons skoolkampus, uitgebeeld.

Hierdie prestasie getuig van ons leerders se harde werk, kreatiwiteit en liefde vir geskiedenis. Julle maak die Jan van Riebeeck-gemeenskap baie trots!

20 DAE OM TE GAAN!Die groot aftel na 2026 op 22 September het begin! Vandag stel ons bekend:Liam Botha en Ikho NdzekuW...
02/09/2026

20 DAE OM TE GAAN!

Die groot aftel na 2026 op 22 September het begin!

Vandag stel ons bekend:
Liam Botha en Ikho Ndzeku

Wie gaan jou gunsteling wees?

Volg die finaliste se reis en identifiseer jou gunstelingdeelnemer.

Liam en Ikho, baie voorspoed met die kompetisie!
Geniet elke oomblik en maak baie herinneringe!

🇿🇼 NUUS UIT ZIMBABWE! 🥈🇿🇦Ons is ongelooflik trots op Erica Marais wat die silwer medalje in die gewigstoot o18-dogtersaf...
02/09/2026

🇿🇼 NUUS UIT ZIMBABWE! 🥈🇿🇦

Ons is ongelooflik trots op Erica Marais wat die silwer medalje in die gewigstoot o18-dogtersafdeling verower het by die COSASSA Atletiekkampioenskappe in Zimbabwe!

Wat ’n merkwaardige prestasie om op internasionale vlak ’n medalje te verower en Suid-Afrika en JvR met trots te verteenwoordig!

Baie geluk aan Erica en haar afrigter, Janke Oosthuizen, met hierdie besondere prestasie.

Ons bars van die trots, Erica en Janke!

Address

129 Kloofstr
Tamboerskloof
8001

Telephone

+27214236347

Website

Alerts

Be the first to know and let us send you an email when Hoërskool Jan van Riebeeck posts news and promotions. Your email address will not be used for any other purpose, and you can unsubscribe at any time.

Shortcuts

Share

Category