Liefieland Kleuterskool

06/05/2026

DANKIE, DANKIE, DANKIE

Ons Reënboog maatjies het vroeg vanoggend in die reën gaan kuier by Swellendam Doggy Parlour 🐶🐾

Die maatjies het met nuuskierige oegies rond gekyk en met groot ore geluister.

Hulle kon nie wag om hulle eie hondjies se name te deel nie.

Die hoogtepunt was toe ons kon sien hoe Sam ('Sammy') kon sien bad en saggies droog geblaas word. 🛁 Hulle het gesit en fluister: “Kyk, sy hare waai!” en “Hy ruik nou so lekker skoon!”

Dit was nie net pret nie, maar ook ’n wonderlike geleentheid om sagtheid, versorging en respek vir diertjies te leer.

Die weer voorspel nog heerlike reën vir vanaand.
Ons voorspel dat al die maatjies se hondjies vanaand "gepamper" gaan word. 💛

Bederf gerus jul troeteldiere by SWELLENDAM DOGGY PARLOUR!

05/05/2026

Mamma + Pappa

As julle wegstap soggens,
los julle, jul kleinding hier in ons hand.

Jul skatte-kind speel, leer en lag, met warmte en sorg heeldag lank.

By Liefieland Kleuterskool koester ons elke Liefieland-maat met die grootste liefde, sodat julle harte rustig heeldag kan klop!

05/05/2026

Naartjie-LIEFDE!

Dankie Swellenfruit vir die sappige naartjies vol gesonde vitamines vir ons Liefieland-maats.

Julle hou ons warm van binne!

28/04/2026

Liewe Liefieland-families

Soos julle weet, was Liefieland nog altyd gebou op liefde, spanwerk en groot drome. Ons glo mos: twee is beter as een – as die een val, kan die ander sy hand vat. Dis presies hoe ons nog altyd as ’n span gestaan het.

Liefieland se vliegtuig is nog altyd met liefde en toewyding deur tannie Liáni gevlieg, en dit het al wonderlike hoogtes bereik. Nou is dit tyd vir ’n nuwe, opwindende hoofstuk, waar hierdie vliegtuig saam met nuwe eienaars nóg hoër hoogtes gaan bereik, terwyl tannie Liáni se vlerke verder versterk word.

Hierdie nuwe seisoen gaan steeds oor groei, lag, nuwe avonture en die mooiste toekoms vir elkeen van ons liefies. Ons harte bly dieselfde – vol liefde vir ons kinders en families, net met nog groter drome vir wat voorlê!

Ons is opgewonde oor wat kom en sien uit om hierdie nuwe pad saam met julle te stap. Liefieland bly ’n span, en saam gaan ons nog baie mooi dinge bou 🌈✨

Tannie Liáni bly aan as Skoolhoof en lei steeds Liefieland se hart en visie.

*BAIE DRINGEND: Ons is tans opsoek na iemand wat ons speelterrein kan ontwerp en installeer. Indien julle iemand ken wat hiermee kan help, stuur asseblief vir ons ’n boodskap.*(sien voorbeelde)

Meer Formele brief volg binnekort.

Met liefde en opgewondenheid,
Tannie Liáni & die Liefieland-span

28/04/2026

BREKENDE NUUS: DIE BESTE NUUS OOIT IN LIEFIELAND GESKIEDENIS!

Hou julle Liefie vas - julle gaan saam wil huppel!

Hierdie is groter as pampoene, hoër as die hoogste boom, en soeter as al die boekstories saam.

Ons kan nie WAG om dit met ons Liefieland-harte te deel nie!

Met opgewonde groete,
Tannie Liani & die Liefieland Admin-span

21/04/2026

Heerlik! Pampoene is mos koning van die groente 🥕🎃

19/04/2026

Wat ’n groen en groei-week was dit nie! 🌳🌱

Die Liefies het hierdie week alles van bome en plante geleer. Ons het gesels oor wortels wat water drink, stamme wat sterk staan, en blare wat na die son toe reik.

08/03/2026

Ontmoet die YSTER span van 2026 by Liefieland Kleuterskool.

Waardeer die mense wat in jou lewe bly, saam jou groei en saam jou val. Maak nie saak wat nie.

Die mense wat by jou staan deur duk en dun, jou altyd sal ondersteun en hulself ontferm oor jou.

Dit is die mense wat nogsteeds die mooi wil raaksien in die lewe en die mensdom.

Dit is mense wat positief praat en d**k.

Dis die mense met wie jy 'n pad in die lewe wil stap.

Liefieland personeel stap nie net 'n pad met elke ouer en kind nie.

Liefieland personeel is LIEFDE, aanhouers en staan saam!

07/03/2026

20/02/2026

Dankie tog die jaar is nog lank!

Tyd vlieg! Ons Reënboog Liefies (4-5 jaar / Gr RR) moet binnekort aansoek doen vir groot skool.

ONTHOU DIE DATUM: 10 Maart 2026