Indlala inamanyala

Indlala inamanyala Sinceda abafundi bebanga leshumi ekubeni kubelula ukuphendula imibuzo malunga nencwadi

16/01/2026

2026 Grade 12 Molweni!!

12/04/2024

Umboniso wesi-4
Kusezilalini ngokuhlwa uSirhezu oliqabane likaSiphokazi bemi phandle bezincokolela beqhulana.
Koko kuqhula, oyena mntu wayebalasele yayinguSirhezu kuba oko kuqhula kwakunxulumene
nabazali bakaSiphokazi noSiqhiwu. USiphokazi akayithandanga into yokuba uSirhezu anike
abazali babo amagama angooNomakhwiniba nooNontibithethwa kodwa ke oko kungaxoli
akuzanga ngendlela embi koko ibikukuqhula. Emva koko kuqhula komfo kaSirhezu ude wafumana
isibindi sokude achaze oyena ndoqo wokuza kuhlangana noSiphokazi. Uthe engekawubeki
umcimbi awuzeleyo uSirhezu wamqhawula uSiphokazi ngokuthi ukuba ucinga ngokuthetha
ngomtshato angabi sazihlupha kuba yena akanamdla wokutshata. Into yokuba esi sibini
siyathandana akukho mathandabuzo ngako, koko eyona nto ibangela uSiphokazi abe
madolwanzima ukuvuma isicelo sikaSirhezu kukuba yena eyinkulu kowabo nodaba lokuba
akakamsebenzeli umzali wakhe emva kokuba emfundise phantsi kweemeko ezinzima. USirhezu
ucinga unesisombululo kwinkxalabo kaSiphokazi ngokuthi uza kumlobola koko imali yelobola
uyakukwazi ukumondla umzali wakhe nabantwana bakowabo, kwaye xa sele ephangela uya
kumvumela uSiphokazi aphangelele umama wakhe de abhubhe. USiphokazi uzibona engumntu
ongasoze abenamathansanqa xa enokushiya umzali wakhe anabatwana abasixhenxe
abasesikolweni. Iphela le ndima bengakhange bavumelane.

Umboniso wesi-5
Kungorhatya ezilalini endlwini kaMamQhinebe kukho uMamQhinebe noSiqhiwu unyana wakhe.
UMamQhinebe usakholelwa ukuba le ndlala igqubayo emzini wakhe ibangelwa ngumgqwaliso
kwaye ucebisa ukuba uSiqhiwu afune umntu abanyange kulo mgqwaliso ukuze balungelwe zizinto
abazizamayo. Ukwakholelwa ekubeni ikho into engalunganga abayenzayo kuloko izinto
zingabahambeli kakuhle kwaye naserenkini akukho kuhle. USiqhiwu uyibona yonke le nto ithethwa
nguMamQhinebe iyimfeketho kuloko egqibe ekubeni akasoze alibeke olwakhe unyawo apho
engasoze enze nanye into ehlangene namagqirha.

12/04/2024

Umboniso wesi-2

Kulo mboniso kusezilalini kwindlu kaMamQhinebe apho sifumana uMamQinebe esenza
imisetyenzana yakhe. USiqhiwu ongunyana kaMamQhinebe uzihlelele endlwini wothe umlilo. Esi
sibini sincokola ngodaba lukaSiqhiwu lokungafumani msebenzi. Unina uveza ukuba kungathi kanti
kufuneka uSiqhiwu anyobe ukuze afumane umsebenzi. USiqhiwu ukhaba ngawo omane ukuba
yena akasoze anyobe mntu nanini na, emnyobela amandla nengqondo yakhe. USiqhiwu uzamile
ukubonisa umama wakhe ukuba akanakumfundisa kabuhlungu esokola aze ajike afunwe imali
yokunyoba phambi kokuba afumane umsebenzi. Ukwazamile nokubonisa ngokuxhatshazwa okuthi
kwenzeke kubaqeshwa emisebenzini gabalala koko loo ngcaciso ayingenanga kakuhle
kuMaMqhinebe. Loo ncoko iphazanyiswa kukufika kukaMaGatyeni. Esiza kulo mzi nje uMaGatyeni
uze kunkinkqa ukutya kuba iphango libaphethe nabantwana. Ngenxa yale meko yabo yendlala
uMamQhinebe ucebisa uMaGatyeni ukuba babuyele kumsebenzi wabo wokuthwala imithwalo
erenkini. Akakholelwa uMaGatyeni kulo msebenzi kodwa uyanyanzeleka ukuba awenze ukususa
ikati eziko.

Umboniso wesi-3
Kusemzini kaMaGatyeni ezilalini, uSiphokazi oyintombi kaMaGatyeni ukhwankqisiwe kukungabuyi
kukanina kuba kudala emkile kwaye iphango alinyamezeleki. UMaGatyeni ufika bancokole
kwangale ndlala kwanokunkinkqa kwakhe. Uxelela intombi yakhe ngezigqibo abazithathileyo
noMamQhinebe, zigqibo ezo zokuya kusebenza erenkini kwakhona. Uyaqhankqalaza uSiphokazi
esithi unotshe! Akanakuba aphinde anyamezele ukuba umzali wakhe abizwe ngokuba
ngunontyintyi. Wanyamezela ngokwaneleyo ngelixa ebefunda, wafunga wathi uxolele ukumila
ingca emqolo kunokuba ayeke umama wakhe aphinde ayokuthutha imithwalo yabantu erenkini.

11/04/2024

ISISHWANKATHELO SEDRAMA NGOKWEZAHLUKO NEMIBONISO:
INDLAL’ INAMANYALA.

Umboniso woku-1
Apha kulo mboniso kusezilalini endlwini kaMagrazula ixhwele elikhohlakeleyo uhleli noDlezinye
osisicaka sakhe. UDlezinye wenza umsebenzi wakhe wesiqhelo wokusila amayeza, kuthi kusenjalo
besazincokolela eve uMagrazula eveza udaba lokuba amapolisa aziziphazamiso kumsebenzi wabo
wokuthenga iintloko zabantu. Uzama ukumthomalalisa uDlezinye ngokumxelela ukuba amapolisa
ziintsana kuMagrazula, akanokoyiswa ngawo. UMagrazula uphelelwa lixhala kuba uyayiqonda into
yokuba nokuba bangabanjwa soze balichaze igama lakhe. Ubethelela into yokuba akulindele
kwisicaka sakhe esinguDlezinye yintembeko, ukuzithoba ukululama kunye nokukhuthala. Uxelela
uDlezinye ngesigqibo esithathwe kwintlanganiso ebiseThekwini, sigqibo eso sokuba bakhe bayeke
iintloko kuba zisuke zibenzele umjojo omninzi, bazakukhe basebenze ngeentsana okwangoku.
Unobangela wokukhetha iintsana kungokuba zona zithwaleka lula kuneentloko kuba akukho mntu
unokukrokreleka xa ebeleke usana. Kugqitywa kwelokuba lo msebenzi ulungele ukuphathwa
ngabantu abangabafazi kuba ayinawukwazi indoda ukubeleka usana iya kusuka idule
okwebhokhwe emhlophe ehlungwini. UMagrazula ucela uDlezinye ukuba aye kufuna abo bafazi
baza kumphathela ezo ntsana.

11/04/2024

Xolweni ndibuyile ngoku ❤️❤️

19/02/2024

• Isimo sentlalo sizoba indawo nexesha eliqhubeka ngalo ibali.
• Indawo iyazotywa icace gca. Ngamanye amaxesha icaciswa ngumbhali ngomlomo wakhe
ukanti ngamanye amaxesha usebenzisa abalinganiswa.
• Izinto abazenzayo ndawonye nezinxibo ziduliswa ngabalinganiswa.
• Siphefumla umoya othile apha ebalini ngenxa yokuba ibali lisenzeka kwindawo ethile,
enabantu abathile abanamasiko athile.
Qaphela oku malunga nesimo sentlalo
Isimo sentlalo yindawo apho ibali lenzeka khona, ixesha elenzeka neemeko abaphila phantsi kwazo
abalinganiswa. Sidula ngezinto ezenziwa ngabalinganiswa, izinxibo, inkolo yabalinganiswa ulwimi
abalusebenzisayo, izinto abazixabisileyo, njalo njalo.
• Ixesha njengesolotya lesimo sentlalo:
o Ixesha lityhilwa zizinto ezenzekayo, eziqhubekayo nezisetyenziswayo
ngabalinganiswa kwintlalo yabo. Izinto ezisetyenziswa ngabalinganiswa kulo mdlalo
ziyangqina ukuba uqhubeka kweli xesha lokhanyo, sekungene umfutho
waseNtshona.
o Ixesha kweli libali leli xesha lokhanyo: Imizekelo yobungqina obudiza oku
ngokwasebalini:
o Imfundo sele ingenile kumzi kaNtu: Kukho abantu abaNtsundu abakwizikhundla
eziphezulu. Kukho amagosa angabantu abaNtsundu abaphangela
eburhulumenteni, njengoMaqhikizane. USiqhiwu noSiphokazi bafunde baphumelela
ibanga leshumi.
o Abantu abaNtsundu bakwizikhundla eziphezulu: UMaqhikizane ungumqeshi kwiofisi
yakwarhulumente. Kheneli Sibane noSajini Ntamo ngabaNtsundu abakwizikhundla
eziphezulu emapoliseni.
o Kuhanjwa ngezithuthi eziziimoto neebhasi: UMamQhinebe noMaGatyeni bathwalisa
abantu imithwalo erenkini. Sibava belinde ixesha lokuphuma kwebhasi xa
beseMthatha bebe usana.

24/01/2024

Mention your G12 friends to follow this page For Ukuncedwa ngencwadi Indlala inamanyana ❤️❤️

17/01/2024

Izikolo zivuliwe ngoku sibuyela Kundoqo Indlala Inamanyala ❤️

16/01/2024

Ilifa lethu Final Ndilibhale kwi Comments ❤️ 👇👇

16/01/2024

Uxolweni kukho into engahambi kakuhlee ndisazama uku post.a Final😭😭

16/01/2024

Seni ready for Ilifa lethu Final part?🥺❤️⚰️⚰️⚰️

Address

Sterkspruit

Website

Alerts

Be the first to know and let us send you an email when Indlala inamanyala posts news and promotions. Your email address will not be used for any other purpose, and you can unsubscribe at any time.

Shortcuts

Share

Category